صعيدي كان معاه ربع جنيه..

ففكر يعمل بيه إيه..

يشرب عصير قصب و لا يركب الأتوبيس فقال :

أنا لو ركبت الأتوبيس يبقي في حل من اثنين:

إما حقف أو حقعد

لو وقفت مش راح يبقي في أي مشكلة

لكن لو قعدت راح يبقي في حل من اثنين:

إما حيقعد جنبي راجل أو حتقعد جنبي ست

أما لو قعدت جنب راجل مفيش مشكلة

لكن لو قعدت جنب ست يبقي في حل من اثنين :

إما حنعجب ببعض يإما مش حنعجب ببعض

لو من عجبناش ببعض مفيش مشكلة

لكن لو انعجبنا ببعض يبقي في حل من اثنين:

يإما حنتجوز يأما مش حنتجوز

لو ما إتجوزناش مفيش مشكلة

لكن لو إتجوزنا يبقي في حل من اثنين:

ياإما حنخلف يا إما مش حنخلف

لو مخلفناش مفيش مشكلة

لكن لو خلّفنا يبقي في حل من اثنين :

يإما حنخلف ولد أو بنت

لو خلفنا بنت مفيش مشكلة

لكن لو خلفنا ولد يبقي في حل من اثنين:

يإما حيستقيم أو حينحرف

لو إستقام مفيش مشكلة

لكن لو انحرف يبقي في حل من اثنين:

ياإما حيدمن أو مش حيدمن

لو مدمنش مفيش مشكلة

لكن لو أدمن يبقي في حل من اثنين:

ياإما حيبقي معاه فلوس أو مامعهوش

لو كان معاه فلوس مفيش مشكلة

لكن لو كان عايز فلوس يبقي في حل من اثنين:

يا إما هيسرقني أو هيقتلني

لو سرقني مفيش مشكلة لكن لو قتلني ..

... يقتلني ؟؟!!!!!!!!!

لا ياعم أنا أشرب عصير القصب أحسن