سبحان الله وبحمده عدد خلقه ورضا نفسه وزنة عرشه ومداد كلماته

العودة   ملتقى مونمس ® > القسم الإسلامي > المنتدى الإسلامي العام

المنتدى الإسلامي العام يحوي قصص وروايات ومواضيع دينية نصية

!~ آخـر 10 مواضيع ~!
إضغط على شارك اصدقائك او شارك اصدقائك لمشاركة اصدقائك!

إضافة رد
 
LinkBack أدوات الموضوع
من 5 عدد المصوتين: 0
انواع عرض الموضوع
  #1  
قديم 07-09-2011, 01:11 PM
الصورة الرمزية فرسان الإسلام
عضو متألق
 
شكراً: 0
تم شكره 394 مرة في 171 مشاركة

فرسان الإسلام عضوية ستكون لها صيت عما قريب









Oo5o.com (15) مش كان نفسك تبقى معاه

 


قصتنا النهاردة فى مدينة الكوفة هناك فى العراق بعد وفاة النبى صلى الله عليه وسلم بسنوات

الصحابى الجليل حذيفة بن اليمان قاعد مع فتية من أهل الكوفة

فواحد منهم قال : لقد رأيتم رسول الله وصحبتموه ؟

فقال حذيفة : نعم يابنى .

قال : فكيف كنتم تصنعون ؟


فقال : والله لقد كنا نجهد

كنا فى مشقة شديدة

فقال :

والله لو أدركناه ما تركناه يمشى على الأرض ولجعلناه على أعناقنا .


بيقولوا ده إحنا لو كنا معاه صلى الله عليه وسلم مش هنسيبه يمشى على الأرض , هنشيله من على الأرض شيل

فذكر له حذيفة رضوان الله عليه موقفا لهم مع رسول الله صلى الله عليه وسلم علشان يوضح له إن الحكاية مش سهلة زى ماهو فاهم

ياترى ايه الموقف ده ؟

حكى له حكايته يوم غزوة الخندق

يوم الحرب النفسية التى كانت بين المسلمين فى المدينة وجيوش الشرك تحاصرهم وبيستعدوا للقضاء عليهم وتصفيتهم

المسلمون محاصرون فى برد شديد وجوع شديد وخوف شديد

خوف ؟!! خوف ليه ؟!!

خوف بسبب الخيانة , خيانة المنافقين وانشقاق الصف الداخلى وخيانة يهود بنى قريظة داخل المدينة

خوف بسبب إنهم مش عارفين الجيوش الضخمة المتجمعة من كل القبائل واللى ناويين يقضوا عليهم ويزيلوا الإسلام من الوجود , مش عارفينهم ناويين على ايه ولا بيفكروا إزاى

وفى لحظات الرعب دى النبى صلى الله عليه قائم بين يدى ربه يناجيه ويدعوه ويتضرع إليه أن يرفع عنهم الكرب

والصحابة دافنين نفسهم فى الرمل من البرد

النبى صلى الله عليه وسلم يخلص ثم ينادى فيهم : من يأتينى بخبر القوم وهو رفيقى فى الجنة .

ومش بس كده ده النبى صلى الله عليه وسلم اشترط له الرجعة يعنى بيطمنه أنه هيرجع هيرجع

لكن الإمتحان صعب

أى نعم المكافاة مرافقة النبى فى الجنة

لكن برده الإمتحان صعب

فالنبى صلى الله عليه وسلم يرجع يصلى وبعدين يرجع لهم تانى

" من يأتينى بخبر القوم وهو رفيقى فى الجنة "

وبرده مفيش حد عايز يقوم

إلى أن قال النبى صلى الله عليه وسلم : " قم يا حذيفة "

يقول حذيفة : فما وجدت من أمر رسول الله بد

لطالما أمر يبقى لازم يطاع مفيش بُد مفيش مهرب مفيش مفر مفيش حجج وأعذار كاذبة

النبى صلى الله عليه وسلم أخبره ألا يحدث فيهم شيئا يعنى يدخل بينهم من غير ما يحسوا بوجوده وضرب على صدره فانطلق كانما يمشى فى حـمّام

خلاص معادش حاسس بالبرد

وصل هناك ودخل متخفى فى ظلام الليل وأبوسفيان قائد جيش الشرك ( قبل ما يسلم ) حس إن فيه حد غريب بينهم

فأمرهم إن كل واحد يشوف مين اللى جنبه

فبسرعة وبذكاء سيدنا حذيفة راح سأل الراجل اللى جنبه : من أنت ؟ فقال الرجل : فلان .

وبعدين سمع أبو سفيان بيأمرهم بالرحيل وفك الحصار بعد ما تعبوا من غير فايدة , وكان سيدنا حذيفة على وشك أنه يقتل أبوسفيان لأن كان على مقربة منه لكنه حفظ وصية رسول الله صلى الله عليه وسلم بألا يحدث فيهم شيئا

فانطلق إلى رسول الله صلى الله عليه وسلم وبمجرد ما دخل أحس بالبرد فأخبر النبى صلى الله عليه وسلم فأعطاءه عباءته فنام فيها

الشاهد من القصة قول الفتى الكوفى لسيدنا حذيفة رضى الله عنه : والله لو أدركناه ما تركناه يمشى على الأرض ولجعلناه على أعناقنا .



طب لو أنت كنت معاه كنت هتعمل ايه ؟!!




أنت مش كان نفسك تبقى معاه ؟!!


مش كان نفسك تبقى أنت سيدنا أبوبكر وتبقى رفيق النبى فى الهجرة وتفديه بنفسك ومالك ؟!!

ومش كان نفسك تبقى أنت طلحة بن عبيد الله وتحمل النبى صلى الله عليه وسلم والمشركين بيطاردوه فى غزوة أحد ؟!!

وأنتى مش كان نفسك تبقى أم عمارة وتدافعى عن النبى صلى الله عليه وسلم يوم أحد فيقولك : من يطيق ما تطيقين يا أم عمارة ؟ ويقولك : تمنى يا أم عمارة . فتقولى له : نتمنى رفقتك فى الجنة يا رسول الله ؟!!

كان نفسنا كلنا لكن للأسف إحنا......












مننفعش

أيوه مننفعش

ربنا اختار الصحابة للنبى صلى الله عليه وسلم لأن قلوبهم أطهر قلوب زى ما سيدنا عبدالله بن مسعود قال : إن الله نظر في قلوب العباد فوجد قلب محمد خير قلوب العباد فاختاره لرسالته ثم نظر في قلوب العباد فوجد قلوب أصحابه خير قلوب العباد فاختارهم لصحبته


عرفت متنفعش ليه تبقى صحابى لأنك مكنتش هتقدر تتحمل الجهد والمشقة اللى بذلها هذا الجيل الفريد , الجيل اللى مهدوا طريق الإسلام بدمائهم ورفعوا راية مجده على جماجمهم

أنت بأه عملت ايه لحبيبك صلى الله عليه وسلم ؟

قدمت ايه لدينه ؟ بذلت ايه لنصرته ؟

بيستهزئوا بيه وبيعملوا مسابقات علشان يسخروا منه وإحنا مضيعين سنته ومش ملتزمين بدينه

لو وقفت قدام قبره هتقدر ترفع راسك ؟!

عارف تنام وحبيبك يهان ويستباح عرضه ونحن نخوض ونلعب ؟!

مش مطلوب منك تبقى صحابى

لكن مطلوب منك الأخف من كده

النبى صلى الله عليه وسلم وأصحابه بذلوا وضحوا وتعبوا علشانك

علشان أنت تطلع مسلم تقول لا إله إلا الله محمد رسول الله

المطلوب منك إنك متنساش القضية وتبيع تعبهم وتضحى بسنة النبى وهديه علشان شهواتك وأهوائك

يا اللى كان نفسك تبقى صحابى مش مطلوب منك إلا إنك تكون مسلم على حق وتلتزم بدينك وتشهد للإسلام شهادة عملية على أرض الواقع

هتحمل أمانة الدين وهتبقى راجل زيهم ولا هتفرط ؟!!

ياترى هتبقى قدها ؟

\
/
\
/
\
/
\
/



-:مواضيع أخرى تفيدك:-

Share

التوقيع :



أُحِبُ الصالحين ولستُ منهم *** لعليَّ أن أنال بهم شفاعة
وأكره من تجارتهم معاصي *** ولو كنَّا سواءً في البضاعة

رد مع اقتباس
قديم 07-10-2011, 08:17 PM   رقم المشاركة : 2
فرسان الإسلام
عضو متألق






 

الحالة
فرسان الإسلام غير متواجد حالياً

 
فرسان الإسلام عضوية ستكون لها صيت عما قريب

وسام العضو المشارك وسام العضو المشارك عضو متميز 

شكراً: 0
تم شكره 394 مرة في 171 مشاركة

 
افتراضي رد: مش كان نفسك تبقى معاه

مش كان نفسك تبقى معاه برده ...؟؟؟؟؟؟؟؟

رد مع اقتباس
قديم 07-13-2011, 05:47 AM   رقم المشاركة : 3
&ورد الجوري&
عضو متألق






 

الحالة
&ورد الجوري& غير متواجد حالياً

 
&ورد الجوري& عضوية تخطو طريقها

شكراً: 70
تم شكره 233 مرة في 78 مشاركة

 
افتراضي رد: مش كان نفسك تبقى معاه

يسلمو

رد مع اقتباس
قديم 07-13-2011, 05:54 AM   رقم المشاركة : 4
شبح باين
عضو متألق






 

الحالة
شبح باين غير متواجد حالياً

 
شبح باين عضوية تخطو طريقها

شكراً: 0
تم شكره 32 مرة في 25 مشاركة

 
افتراضي رد: مش كان نفسك تبقى معاه

يسلمووووووووووووو على موضوووعــــــــــــــ الله يعطيكـــــــــــــ الف الف عافيه

رد مع اقتباس
قديم 07-13-2011, 06:13 AM   رقم المشاركة : 5
miranda cosgrove
عضوية ذهبية






 

الحالة
miranda cosgrove غير متواجد حالياً

 
miranda cosgrove عضوية مشهورة نوعاً ماmiranda cosgrove عضوية مشهورة نوعاً ماmiranda cosgrove عضوية مشهورة نوعاً ما

التميز في قسم الأسرة العام تنسيقي ولا أروع مشاركتي عنواني وسام العضو المشارك 

شكراً: 188
تم شكره 774 مرة في 431 مشاركة

 
افتراضي رد: مش كان نفسك تبقى معاه

جزيت خيرا

رد مع اقتباس
قديم 07-13-2011, 04:38 PM   رقم المشاركة : 6
فارس الظلام
عضو مبتدئ






 

الحالة
فارس الظلام غير متواجد حالياً

 
فارس الظلام عضوية تخطو طريقها

شكراً: 0
تم شكره 7 مرة في 4 مشاركة

 
افتراضي رد: مش كان نفسك تبقى معاه

يسلمو على الموضوع ~
في ميزان حسناتك ~

رد مع اقتباس
قديم 07-13-2011, 04:41 PM   رقم المشاركة : 7
gogeta
عضو خارق





 

الحالة
gogeta غير متواجد حالياً

 
gogeta عضوية ستكون لها صيت عما قريبgogeta عضوية ستكون لها صيت عما قريب

وسام العضو المشارك 

شكراً: 528
تم شكره 277 مرة في 102 مشاركة

 
افتراضي رد: مش كان نفسك تبقى معاه

جزاك الله الف خير
ارق تحياتى

رد مع اقتباس
قديم 07-28-2011, 05:37 PM   رقم المشاركة : 8
فرسان الإسلام
عضو متألق






 

الحالة
فرسان الإسلام غير متواجد حالياً

 
فرسان الإسلام عضوية ستكون لها صيت عما قريب

وسام العضو المشارك وسام العضو المشارك عضو متميز 

شكراً: 0
تم شكره 394 مرة في 171 مشاركة

 
افتراضي رد: مش كان نفسك تبقى معاه

جزاكم الله كل خير على المرور الطيب

أسأل الله أن ينفعكم بما قأتم

اللهم آآآمين

بوركتم

رد مع اقتباس
قديم 07-29-2011, 08:31 AM   رقم المشاركة : 9






 

الحالة
ʕۣʔيعہّذبنٌي,غہہلاٌآآكـٌ غير متواجد حالياً

 
ʕۣʔيعہّذبنٌي,غہہلاٌآآكـٌ عضوية ستكون لها صيت عما قريبʕۣʔيعہّذبنٌي,غہہلاٌآآكـٌ عضوية ستكون لها صيت عما قريب

التميز في قسم الأسرة العام الوسام الفضي 

شكراً: 290
تم شكره 433 مرة في 180 مشاركة

 
افتراضي رد: مش كان نفسك تبقى معاه

يسلموووووووووووووووووووووووووو

رد مع اقتباس
قديم 07-29-2011, 01:50 PM   رقم المشاركة : 10
sakora ha
مشرفة سابقة






 

الحالة
sakora ha غير متواجد حالياً

 
sakora ha عضوية مميزة فعلاًsakora ha عضوية مميزة فعلاًsakora ha عضوية مميزة فعلاًsakora ha عضوية مميزة فعلاًsakora ha عضوية مميزة فعلاً

وسام الإخلاص مسابقة فرق مونمس الكبرى تنسيقي ولا أروع مشاركتي عنواني 

شكراً: 1,769
تم شكره 950 مرة في 573 مشاركة

 
افتراضي رد: مش كان نفسك تبقى معاه

يعطيكي العاااافية
تسلمي على طرحك

تحياتي ~

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:33 PM


Powered by vBulletin® Copyright ©2000 - 2019, Jelsoft Enterprises Ltd
جميع الحقوق محفوظة لموقع مونمس / " يمنع منعاً باتا المواضيع السيئة المخالفة للشريعة الإسلامية" التعليقات المنشورة لا تعبر عن رأي المنتدى وإنما رأي الكاتب نفسه
Search Engine Friendly URLs by vBSEO 3.6.0