حضر زفاف حبيبته فكتب لها هذا الكلمات المؤثرة

**بنوتة مجنونة** · #1 04-14-2012, 03:39 PM

أبد .. ما جيت ابارك ولكن جيـت باوصّيـك
على اللي ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
قسم بالله ما تدخل عليهـا لـو علـى رْقبْتـي
ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

كذا شاءت بنا الأقدارتحرمني لجـل تعطيـك
كذا لازم عشان تفوز إنت .. أخسر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا. .تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شـوي حتـى تشتهـي طاريـك
وشاغبها إلين تقـول لـك بطّـل مشاغبْتـي
واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لك بفـن الضـرب موهبْتـي
صحيح انك بتملكها ومعـك الصـك بالتمليـك
وانا عارف حدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواها.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني ما تفكّـر فـي محاسبْتـي

كفاك اني تركت الليله اشغالي عشـان اجيـك
دخلت القاعه برجلي ولاادري ويش عاقبْتـي

وانا ما جيت اخرّب عرسك الليلـه ولا أذّيـك
أناجيتك عشان اخاطبـك واسمـع مخاطبْتـي

توصّى..وانتبه..واحرص عليهـاوالله يهنّيـك
ترى كل الكلام اللي طلَع من ضيقـيَ وكبْتـي

ولكن ماقدرت انّي أقوله وانـت مـا يخفيـك
أخاف انّـي إذا قلتـه تقـوم وتقطـع رْقبْتـي
تحياتي اتمنى عجبكوا ررغم انه حزين

-:مواضيع أخرى تفيدك:-

زفاف قردين..بعد قصة حب!

التوقيع :

فِلَ تِعلمِ انيِ :

اآحبَبتُـ كَ اآكثَـرَ مِمآ يَمبَغيُ وَ آآحبَبتَنيَ اآٌقَلَ مِمآ اأآستَحقُ؟!
فَِلَوِ كَأـآنِتُ ـآلحِيـآهَ تُقِاـَآسُ بِلسَعِـآدهـِ لَكِتبواـآَ عَ قَبـِريِ مـآتَ قَبِلَ ـآنِ يَولدِ

التعديل الأخير تم بواسطة بنوتة مجنونة ; 04-14-2012 الساعة 04:44 PM

**شذى الحور** · 04-14-2012, 04:29 PM

كلااام رااائع .. ههههههه شكله متعذب حيييييييييل ..

مشكوووره خيتو ربي يسعدك ..

**بنوتة مجنونة** · 04-14-2012, 04:44 PM

منور قلبي الموضوع

**نبراس..** · 04-14-2012, 05:13 PM

هههههههه
شكله احبها اوي
شكرا

**شموخ بنت شيوخ** · 04-14-2012, 05:47 PM

مشكوووورة خيتووووو
كلمات حلوه وحزينه رغم قوتها لو قالها للمعرس اظن بينحفر قبره وقبرها ههههههههاي
تسلمي خيتووووو

**رغودهـ** · 04-14-2012, 06:05 PM

كلمات مؤثره باين يموت بيها

مشكورة

**تورنـَـًـًـَادو** · 04-25-2012, 06:24 PM

جميل

**::Cinderella::** · 04-25-2012, 06:36 PM

ماهذا الكلام الرائع...~

حلو الكلام مرآ اختي بس ان شاءالله العريس ما تقفل معاة><

ولا فعلا قصيدة روعة وكلماتها يعني ............~ تجنن مايحتاج

وتسلمي ياقمورة على الموضوع فرحت بقراءتة الله يعطيكي العافية يارب...~

وواصلي على طرحك الرائع ولاتحرمينا...~^^

سلاااااااااااااااااااااام