إلى متى أخية ؟؟

**تايويا** · #1 10-31-2011, 07:05 PM

السلام عليكم ورحمة الله وبركاته

اتمنى من كل قلبي انك تقرينه الى النهآآآآيه

صدقيني انا مآآآآآآآآآرسلته الا لاني أحبكــ واتمنى للكــ كل خيرر زي مآآآأتمنى لنفسي ......

بنآت .. لآ يفوتكم ..

أسلوبهآ مررره بسيط بس مررره حلو ومقنع ..
الله يسعد من تكرمت ونشرته بدنيآهآ وآخرتهآ ..

---- ---- ---- ---- ---- ----

ماراح اتكلم بأسلوب وشسمه بأتكلم بأٍسلوبنـآ كـ بنـآت..

بنـآت..

مره رحت لمسجد صلاه القيام .. شفت بنات كثير بأعمارنا من 16 الى العشرينات واكبر ..

بنات لبسو عبايات كتف وبناطيل و و و لكن ايش..

تركو السوق والتلفزيون والاغاني وجو للمسجد ..

وش معنى هذا..!

مو معنى المسجد

يمكن صليتي في بيتك ورفعتي يدك ودعيتي من قلبك..

وبـ ذلك بكيتي والشيخ يدعي..

تسمعين الشيخ يقول ..{ يارب ندعوك دعاء المسكين من كثرت ذنوبه وقلت حسناته }

وتسمعين { سبحان من ستر القبيح واظهر الجميل },,

تسمعين يقول { سبحانك تطاع فـ تغفر وتعصى فـ تغفر }..

تبكين من قلبك او يعورك قلبك ..

تحسين انك صح كذا تحسين فجأه انك ولا شيl

يعني وش سوينا نحس ان حنا مغترين بأنفسنا..

تدرون في احاديث للرسول واقوال للصحابه
ان في زمن ان الرجل يصلي ستين سنه وماتقبل له سجده وحده k..

معقوووووول.!

ايه ولا سجده يعني تركعين وتقومين

وتسلمين ماتدرين كم صليتي وترقعينها بالسهو ..

بنات الى متى انا وانتو كذا..

قسم بالله مهيب حاله يعني يجيني حاله اقول ودي اني بعهد الصحابه l..

الى متى وحنا بغفلتنا,,

نصلي ونبكي و و..

يجي العيد وبعد العيد ونرجع لخنبقتنا وننسى ..

طيب انا وانتي خلينا نفكر بـ شي من الحين دام الهمه فيني وفيك الحين..

مثلا نسوي صندوق بالبيت او بغرفتك كل يوم حطي ريال ..

بدل هالشيبس اللي كل يوم نجيب 4 للشله..

نتبرع بريال للصندوق ...

وريال على الريال تصير 10..

تدرين ليه ريال عشان ماتثقل عليك واللي لها قدره الله يجزاها خير..

وعطيها مثلا هاللي ينظفون بالاسواق ولا سواقكم ولا شغالتكم ..

تراهم ماجو هنا الا للحاجه..

واذا كانت تتعنفق ولا تنافخ ..

خلي قلبك اكبر واكسبيها باجر ربي وماجوووووووووره,,

ولسانك ..

اللعن ..

زي العاده ..

شفتو ابله فلانه الله ..... تستهبل هي وواجباتها..

ولا الدكتور/هـ ودي اذبحها الله .........

ولا اخوي الحمـ.... فصل النت .الله .......

عودي نفسك تتركين العاده ..

اذا لعنتي فجأه عاقبي نفسك واستغفري 40 مره مثلا =)..

واحسني خلقك مع أي احد..

تدرين الابتسامه لها اجر..

تمر وحده من جنبك .. لاتمدين الكشره متر ..

لا ابتسمي..

انا مره رحت مكان ماعرف احد فيه وفيه بنت ابتسمت لي تمنيت اني هي..

الابتسامه لها دوووووووووووووووووور..

عبايتك ..

انتي عارفه خطأك اكيد بس خليني اقولك عن شي..

مره كانت فاطمه بنت النبي تبكي من قلب وتصييييييييييييييييييح..

جتها عائشه رضي الله عنهم جميع..

تقولها مابالك .!

اعلمك وش قالت ..؟!

قالت بمجمل كلامها .. الحين إذا انا مت وشالوني الرجال بييبن جسمي وبيبان خصري

يعني شكل جسمي بيبان..

اذا فاااااااااااااااطمه بنت الرسول كذا تفكيرها

وهي الحين ميته..

وحنا العبايه واسعه لكن مع الشنطه وشد العبايه مع الخصر يبان كل شي

بنات تكفون خلونا نتغير ..

وربي ماراح ينفعنا شي..

تدرون بس ان النار سوداء وكل شي مانشوف<~ توها سامعه المعلومـه..

واللي ابتليت بجوال مع الشباب ولا الماسن..

تأكدي هالشخص اذا انحطيتي بقبرك وجاءك ربي يقولك وسألك ليه سويتي كذا.ّ

وش ردك عليه..!

بنات والله ماينفعك..

تدرين ليه اقول كذا .. لاني اعرف كثير وعارفه هالشي صعب..

لكن احببببببببببببببببك
لاني احس انو شي صعب بس من ترك شي لله عوضه الله خير منـه..

اتركيه هالشخص

شي احسن من لاشي ..

صح علي..

حاولي و حاولي وحاولي..

وادعي لربك قولي يارب لاتعلق قلبي بأحد واهدني واني احذف اللي عندي وعطني قوه وعزيمـه..

بنات..

تكفون .. =)..

عدلي لو شي واحد وادعي ربك لنفسك دائم..

صح ولا انسى الاغاني والافلام الامريكي والكوري<~ يارب صبرنا وأعنا..

اذا انحطيتي بقبرك ماراح يٍسألو عنك ..

بتنحطين بقماش وذنوبك معك..

حاولي انك دايم تذكرين صحباتك بالجنه والاشياء ..

تخيلو اليوم سمعت عن قصه ..

في اثنين أصحاب ..

كانو قاعدين بمكان <~ اجل وين..

المهم..

قامو يتكلمون عن الجنه والنار والخ.!

واحد دمعت عينه بذكر النار خاف منها..

بعدها بمده توفى صاحبنا ..

وجاء لخويه بالحلم ..

قاله صاحبه يافلان وش اخبارك..!

قال اخباري..

انا بالفردوس الاعلى اعلى شي بالجنه..

قاله صديقه ليه..؟

قال تذكر يوم نقعد نسولف انا وانت وذكرنا النار ودمعت عيني..

هذا اللي دخلني الجنه..

شفتي ربي قد ايش كريم..

وربي ربي شي كبيييييييييييييييييييييييير..

بنات..

طولت عليكم..

بس وربي ضايق صدري ع حالنا هالبايخ..

تكفون خلينا نتحمس سواء ونتعدل مع بعض..

الله يخليكم..

لي طلب اخيرا..

اذا اعجبك الموضوع وعارفه اسلوبي مدري وش يبي...

بس ارسليه لاقرب شخص لك ..

اللي تحبينها وتخافين عليها..

من نار جهنم..

لا يقولك هالسخيف<~ تقصد ابليس

لاترسلين مشوار وشذا الموضوع

كلامه المعروف..

لا خذي اجر لو سمحتي..

واذا بغيتي تحطينه بمنتدى بتصيرين بطله...
يعني انقليه لمنتدى تاني محد يدري يمكن بنات يتوبون ع ادينا

واخيراً..<~ ياكثر الاخيرا

لاتنسووني من دعاءكم ..

بنآآآآآآآآآآآت ارتقوآآ بأأفكآآآآركم شووي كبروو عقوولكم لآتهمكم المظآآآآهر وأستعينوآآ بآآلله

منققوووول

-:مواضيع أخرى تفيدك:-

صور لـ ( لوفي و أخية أيس )
اهلا انا عضو جديد فهل من مجيب

التوقيع :

التعديل الأخير تم بواسطة تايويا ; 10-31-2011 الساعة 07:08 PM

**توكي** · 10-31-2011, 07:10 PM

يسلمو
كتير

**آمو تشان** · 10-31-2011, 07:17 PM

وعليكم السلام

يعطيكي العافيه غاليتني تيويا من جد كلام رااااااائع وفعلاً
كلامك صحيح يعطيك العافيه ونصائح جداً راااائعه تقبلي مروري وتقييمي لك
وراح أن شالله أنشرها بمنتدياتي الأخرى وربي يحفظك لأهلك

**ابتسامة** · 10-31-2011, 09:52 PM

جزاك الله خير اختي تاتويا على هذا الموضوع القيم
والكلام الرائع فعلا معك حق إلى متى واحنا بهذي الغفلة
الله يهدينا ويهدي بنات المسلمين
جزاك الله خير وجعله في ميزان حسناتك

**تالين توتو** · 10-31-2011, 10:10 PM

عليكم السلام ورحمة الله وبركاته
جزاك الله خير عالموضوع
الرااااائع والقيم بالفعل
الى متى االله يهدينا الى طريق الحق
ويهدي اخوننا واخواتنا وجميع المسلمين والمسلمات
بأذن الله تعالى
تسلمين والله وبارك الله فيك تاتويا
دمتي بأمان الله
........

**تايويا** · 11-01-2011, 02:20 PM

شكرا لكن اخواتي الغاليات
وجمعنا الله في جنته يااارب
حفظكن الله

**بيانكي** · 11-01-2011, 02:34 PM

صدقتي والله ياتايويا
فعلا إلى متى .....ولكن لا حياة لمن تنادي
يارب إهدينا إلى ماتحب وترضا تم التقيم والشكر
في أمان الله

**MISAKI CHAN** · 11-01-2011, 03:19 PM

السلام عليكم

مشكوووووووووووره اختي الغاليه تايويا ع الموضوع الررااائع
جزاكي الله خييييييييييييييررا

**تايويا** · 11-02-2011, 03:52 PM

تسلمين حياتي على مرورك

**ساكورا هارونو..** · 11-02-2011, 07:28 PM

حبيبتي تايويا والله الموضوع
يجنن

وان شأالله اقابلك وتقابليني في
الفردوس
الاعلى ويكون السبب نشر الموضوع
يارب ياحي ياقيوم انك تجمعنا احنا
واسرة
مونمس في فردوسك الاعلى