سبحان الله وبحمده عدد خلقه ورضا نفسه وزنة عرشه ومداد كلماته

العودة   ملتقى مونمس ® > الأقــســـام الــعـــامــة > روايات وقصص - روايات طويلة وقصيرة

روايات وقصص - روايات طويلة وقصيرة روايات وجديد الـ رويات الطويلة و روايات قصيرة قصص رائعة, روايات كتابية, قصص مؤثرة, قصص محزنة, روايات

!~ آخـر 10 مواضيع ~!
إضغط على شارك اصدقائك او شارك اصدقائك لمشاركة اصدقائك!

إضافة رد
 
LinkBack أدوات الموضوع
5.00 من 5 عدد المصوتين: 2
انواع عرض الموضوع
  #1  
قديم 10-02-2011, 06:05 PM
الصورة الرمزية kurapica
مشرف سابق
 
شكراً: 226
تم شكره 371 مرة في 118 مشاركة

kurapica عضوية لديها صيت بسيطkurapica عضوية لديها صيت بسيط









افتراضي الرجل المستحيل - أدهم صبرى - سر اختطاف محسن الجزء الثانى

 

مقدمة
أدهم صبرى ضابط مخابرات مصرى جامد، داخل ع الستين من عمره، يرمز له بالرمز

ب-516 ، حرف الباء يعنى أنه من بولاق، أما الرقم 516 فده رقم الأتوبيس اللى بيركبه عشان يوصل محطة البحوث ومنها يوصل لرمسيس يغير المترو عشان ينزل محطة القبة بتاعة المخابرات.هذا لأن أدهم رجل من نوع خاص حيث أنه يجيد قيادة كل أنواع المواصلات من الطائرات والغواصات والسوبرجيت حتى التوك توك،ويجيد استخدام جميع أنواع الأسلحة من المسدس وبمب العيد حتى القنابل النووية والهيدروجينية، ويجيد 66 لغة بالصلا ع النبى وفيه لغتين اتعلمهم وهوه نايم،ويجيد جميع أنواع التنكر، وجميع أنواع القتال والألعاب من التايكوندو وحتى عريس وعروسة


لقد أجمع الكل ومنهم أنا أنه من المستحيل وربنا أن يجيد رجل واحد فى عمر جدى كل هذه المهارات ولذلك استحق هذا اللقب .. رجل المستحيل


********************************
المغامرة رقم 65469


سر اختطاف محسن الجزء الثانى
الجزء الأول : من هنا

اخذ ادهم صبرى وهو محاصر فى بيت الحاج بيومى بالمنصورة يتذكر ويفكر كل هذه الاحداث التى اودتبه الى هذا الموقف .....

*لمزيد من التفاصيل راجع الجزء التاسع رقم 6854272 فى السلسلة*

لماذا حاصره الحاج بيومى هكذا فى بيته لمجرد انه طلب بعض الماء

* الماء سائل عديم اللون والطعم والرائحة يستخدم فى الشرب والاستحمام*

يتذكر السبب فى ذلك سونيا جراهام بعد هربه بقدرى فى المنصورة من المخزن اللى كان فيه
ملحوظة (ربنا يكون فى عونك يا ادهم كل شوية تنقذه وفى الغالب بتشيله مرة ولا اتنين)
وأخذ يقول لنفسه بعد تفكير عميق :- من هو محسن هذا ؟ اهو الواد صبى الجزار ام بتاع الفول اللى على ناصية شارعنا؟
وفجأة ....



خبط مطرقة برأسه وقال :- تذكرت .انه الواد بتاع الشاى فى مبنى المخابرات العامة


وبدأ فيض الذكريات يتدفق اليه عن هذا الواد ولكن قاطعه الحاج بيومى بصرخة هادرة :- انتم ليه قاطعيين الميه ياولاد

الكلب؟

الكلب

الكلب


-----------------------

وحاصرهم بعض الفتيه المحملين ببعضالاسلحة الثقيلة وبعض الاسلحة البيضاء (*)

* الاسلحة البيضاء : البلغ بتاعة الرجل*

هنا صاح جدو ادهم :- اجرى يا عم . هو انت جاى مخوفنا بشوية عيال دا انا لسه العدد اللى فات مظبط بتاع 500 واحد قبل مايكتروا عليا ويضربونى .

هناشعر الحاج بيومى بحرج موقفه




من الاخر كش من الموضوع


************************************

وردت انباء اختطاف محسن الى الدكتور احمد صبرى شقيق ادهم

*واضح من الاسم طبعا*

وكان فى مستشفاه الصغير فى استكهولم عاصمة السويد بيعد الفلوس بتاعه اخر يوم




واخذ يتذكر توسله الى اخيه كى يعمل محسن عندهم فى المخابرات العامة بعدما قبل يديه وقدميه الاثنين

وأخذ يقول :- لماذا خطفوا محسن ؟

*للعلم بالشىء احمد صبرى برضه رجل المستحيل بس فى الطب زى اخوه يعنى

اصلها عيلة المستحيل*

احمد اخذ يتذكر كيف اكتشف موهبته وسرعته فى عالم جرحة المخ والاعصاب بعدما انقذ منى من 24 رصاصة
اخترقت المخ و واحدة اخترقت ذراعها لكنه اتخذ قراره بسرعة البرق (*)
*سرعة البرق 300 الف كيلومتر فى الثانية*
واستخرج ال 24 رصاصة قبل ان تحدث تلفا فى خلايا المخ ولكنه نسى فى غمرة التعب الرصاصة اللى فى دراعها جابت ليها شلل يا عينى لكن على مين
انقذها برضه




بس بعد ما استريح كده بتاع 10 دقايق


******************************

من هو محسن


الحقيقة التى لا يعلمها احد ان محسن فور تعيينه بتاع الشاى فى المبنى جنده مدير المخابرات لمراقبة الموظفين وفى سبيل ذلك اخذ محسن دورتين تدربيتين مده كل منهما ساعتين والاهم من ده كله

ان المراقبه كانت لسبب مهم المدير كان هايتجنن عاوز يعرف الورق الابيض الخام بيروح فين وكل شوية يشتروا اكترمن 3 رزم ورق وبرضه مش عارف بيتسرقوا ازاى
*ودى من المؤلف للقراء علشان تعرفوامعزتكم عندى*


****************************************

صاح الصبية اللى مع الحاج بيومى فى صرخة غضب:-

انت هاتسيب الراجل اللى قد جدى ويا دوب ماشى على الارض يقول انه ممكن يكسر عضمنا ؟


احنا قليلين فى البلد ولا ايه؟

ده ولاد ابو اسماعيل ممكن يسدوا عين الشمس


وهجموا...

وفى هذه اللحظة بالذات كان ادهم يستعد لربط حذائه عندما لمح احد الشباب يهوى بالشومة على ام رأسه الا انه اتخذ جانبا واكمل ربط حذائه *لانه لا يتحرك الا بدون خطة بديلة*

المهم انه بعد ربط حذائه واخد الواجب بتاعه وريح شوية

*نسيت اقول انه صاحبنا سريع للغاية فى كل حاجة حتى وقت راحتة*

وهنا فقط طاح جدو ادهم بقبضتيه وارجله الاثنين ورأسه ايضا *وهذه واحدةمن معجزات ادهم صبرى الشهيرة انه
يستطيع القتال بأطرافه الاربعة دون نقطة ارتكاز على اض لما يقرب من 35 ساعة*


ولكنه تذكر بعدما ضرب حوالى 120 من الشباب انهم مصريين مثله
واخذ بهم الرفق فاكتفى بافقادهم الوعى فقط فحسب الا انهم لم يتورعوا عن ايذاءه ..
***************************


اخذ ادهم يفكر مع منى بعد هروبه

*وهذه واحده اخرى من معجزاته انه يستطيع الهرب من اشد المواقف اظلاما بدون ان يعرف القارىء
ولو حد عرف يقولى*

وهذه المرة فكر بجدية فى التنكر الذى لايستطيع احد كشفه به
فتنكر فى شكل بنوته عندها 18 سنه وطالبة فى هندسة
وما ان نزل فى الشارع عند الكلية وجد بنوتة اخرى لها نفس المواصفات الخاصة به وطالبة فى نفس الكلية
تشرب من زجاجة مياه وهو كان عطشان موز على الاخر ياعينى فما كان منه الا ان صاح : برررررررر


زى ما بنقول للغنم فما كان من البنوتة الا انها طلعت ميه من كل حته فى وشها من الضحك ورمت الزجاجة على الارض ولقطها بسرعة ادهم وشرب منها

ملحوظة الحرب خدعة

وهنا نظرت منى بغل وغيظ وحقد وغيرة

" ياساتر كل ده من ست واحدة بس "

انت مش ها تحترم نفسك بقى ولا ايه ياادهم المرة اللى فاتت خطفتك سونيا بنت عم دافيد جراهام منى ودلوقت بتبص لواحدة قد حفيدتك انا هاوريك


**************************************

عاد ادهم المتنكر فى شكل فتاه يمشى فى الشارع ولم يعرفه احد بسبب تنكره المذهل ولكنه نسى وكشف نفسه عندما سألته منى عن وقت الحرب وقال : الوقت صعب


- تانى حرفى الالف والصاد

انت مشبتزهق ولا ايه ..


لكن المرة دى كان مستعد ومخبى فى جيبه
عدد 2 دبابة
عدد 11 قاذفة لهب
عدد 32 مدفعرشاش
لزوم العدد بتاع العصابة وربنا يستر

لكن العصابة كانت ناصحة


******************

البقية العدد القادم





- هل يسطتيع ادهم تجرير محسن ولا يسيبه يولع بجاز
- هل سيعرف ادهم من المسئول عن قطع المياه عن الناس
ولا يشربوا من البحر احسن لهم
- هل يتكرم ادهم بانجاز المغامرة بعد كده فى روايه واحدة ولا لازم نقعد مستنين الاعداد على 7 سنين
- سيب اللى ف إيدك .. وقاتل بإيدك ورجلك وكبدك مع رجل المستحيل
--
المرة دى الجزء التانى من السلسلة الخاصة بتاعتى

وعاوز اسمع ردود حلوة

-:مواضيع أخرى تفيدك:-

Share

التوقيع :

..... وداعا .....

التعديل الأخير تم بواسطة kurapica ; 10-18-2011 الساعة 03:21 PM
رد مع اقتباس
2 أعضاء قالوا شكراً لـ kurapica على المشاركة المفيدة:

قديم 10-02-2011, 07:29 PM   رقم المشاركة : 2






 

الحالة
βĹỐốĎỴ βŘǺΪЙ غير متواجد حالياً

 
βĹỐốĎỴ βŘǺΪЙ عضوية مشهورة نوعاً ماβĹỐốĎỴ βŘǺΪЙ عضوية مشهورة نوعاً ماβĹỐốĎỴ βŘǺΪЙ عضوية مشهورة نوعاً ما

وسام العضو المشارك مشاركتي عنواني مبدع التقارير 

شكراً: 3,721
تم شكره 2,758 مرة في 456 مشاركة

 
افتراضي رد: الرجل المستحيل - أدهم صبرى - سر اختطاف محسن الجزء الثانى

ههههههههههههه

انت فظيع

سيبك من الردود

يا عم لو عاوز فلوس انا ممكن الم من الاعضاء

بس تنزل االجزئ التالت

هههههههههههههه

بجد جامده لوز

رد مع اقتباس
قديم 10-02-2011, 08:01 PM   رقم المشاركة : 3
فراشة القمر
عضو مبتدئ





 

الحالة
فراشة القمر غير متواجد حالياً

 
فراشة القمر عضوية تخطو طريقها

شكراً: 18
تم شكره 22 مرة في 12 مشاركة

 
افتراضي رد: الرجل المستحيل - أدهم صبرى - سر اختطاف محسن الجزء الثانى

طبعا سلسلة القصص البوليسية ( الرجل المستحيل ) لدكتور نبيل فاروق من اروع و اجمل القصص

ف انتظار جديدك

رد مع اقتباس
قديم 10-02-2011, 08:08 PM   رقم المشاركة : 4






 

الحالة
βĹỐốĎỴ βŘǺΪЙ غير متواجد حالياً

 
βĹỐốĎỴ βŘǺΪЙ عضوية مشهورة نوعاً ماβĹỐốĎỴ βŘǺΪЙ عضوية مشهورة نوعاً ماβĹỐốĎỴ βŘǺΪЙ عضوية مشهورة نوعاً ما

وسام العضو المشارك مشاركتي عنواني مبدع التقارير 

شكراً: 3,721
تم شكره 2,758 مرة في 456 مشاركة

 
افتراضي رد: الرجل المستحيل - أدهم صبرى - سر اختطاف محسن الجزء الثانى

بس دى تريقه عليها

بس ايه جامد موز بصراحه ابداع

انا بحب نوع الكوميديا دى

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 05:41 PM


Powered by vBulletin® Copyright ©2000 - 2019, Jelsoft Enterprises Ltd
جميع الحقوق محفوظة لموقع مونمس / " يمنع منعاً باتا المواضيع السيئة المخالفة للشريعة الإسلامية" التعليقات المنشورة لا تعبر عن رأي المنتدى وإنما رأي الكاتب نفسه
Search Engine Friendly URLs by vBSEO 3.6.0