رواية أحلى صدفة بحياتي .oo ارجو التثبيت لأنهااا جنان oo.

**الفتى المبدع** · 05-23-2011, 07:35 PM

الجزء العاش ر

رغد ما زالت تركض على ورى توها بتوقف الا صدمت بشخص وطاح وتعكرفت وطاحت عليه وانفكت لثمتها وتحوست عبايتها وطلع لبسها ..رغد لفت على الشخص وانصدمت...............

رغد:تركي...
تركي مبتسم ابتسامه تطيح الطير من السما وهو مازال منسدح وعليه رغد:رغد...
رغد قامت عنه وهي مفتشله وجهها صار احمر فاااااقع من الحيا وقلبها صاير طبلون سياره ماشي 280 وبطنها يعورها وحرارتها ارتفعت ..عدلت عبايتها وسكرتها نست اللثمه..
تركي هنا خااااق كان وجهها يهبل وهي مستحيه:ليش كنتي تركضين؟؟
رغد:هااااااه.....كانت ريم تلحقني..
تركي: قولي لها لا تعبين قلبي..
رغد حطت يدها على خدها من الحيا وبعدها تذكرت اللثمه وزينتها وهو قاعد يطالعها..وهي ماتحركت من الحيا والفشيله الكلمه اللي قالها شلتها وقعدت تطالعه شافت تراب على كتفه قامت مدت ايدها لاشعوريا بتوخر التراب قربت من كتفه وهو ساكت ما كان يدري وش بتسوي بس كان مبسوط وبعدين وقفت أي رغد بس ما وصلت كتفه..تذكرت وقالت في نفسها"قويه والله اوخر التراب اللي على كتفه اكيد بيقول هذي ما تستحي"
تركي يطالعها ويطالع ايدها الممدوده:رغد في شي؟؟
رغد بحيا:ايه ..فيه تراب على..على كتفك..
تركي في نفسه" يا ليتني ما استعجلت كانت نظفته بس غبي ومسوي فاهم"
قام تركي ونظف التراب وقال: مشكوره رودي..
رغد خاقه من زمان والحين زياده"ويدلعني بعد يبيني هذا اروح اغرق نفسي وااااي يهبل"
رغد: تركي معليش عن اذنك..
تركي: ليش بدري؟؟
رغد بصدمه"بصراحه جرئ يمون بزياده":لا معليش ...
وراحت وهي ميته حيا لانها حاسه انه يطالعها وكانت ريم واقفه في مكانها لحد ما وصلت عندها رغد وبعدها رغد خبطت ريم على ظهرها خبطه اليمه: اوريك يا رويم ..
ريم: أي ..هههههه والله شكلك تحفه وانتي طايحه عليه فعصتي الرجال..
رغد:انقلعي اصلا كل هذا بسبتك..
ريم: مو تقولين مشتاقه له خلاص هذا هو جا قدامك وانتي ما صدقتي على الله وخليته هو والارض واحد..تصدقين رحمته..
رغد: اقول رويم ترى قلبي مو ناقص تزدين عليه لاني حاسه انه بيطلع الحين من كثر ما يدق..
ريم: عطيه مشغول هههههههه..
رغد: ه ه ه بايخه يا البايخه..
ريم: امشي..امشي حبت وانهبلت..
رغد وهي معصبه: يا مهبوله انتي..
ريم تبي ترفع ضغطها: والله اني رحمت الولد صدق انك ما تستحين على وجهك ما ادري وشلون جتك الجرأه وسويتي نفسك طحتي عليه بالغلط..
رغد وصلت معها: ريم امشي من قدامي وانتي ساكته بالطيب ولا تفاهمت معاك بالقوه..

ريم تضحك: تصدقين شكلك وانتي مستحيه يهبل.
رغد تذكرت كلام تركي:ههههههههههه
ريم: الحمد لله اختي فيها انفصام بالشخصيه مره تعصب ومره تضحك الحمدلله والشكر بس..
رغد جاتها حالة الضحك:هههههههههههههههههه
ريم: رغد خلاص عاد بليز لا تمسكين خط..
رغد: هههههههههه ما اقدرههههه والله ما اقدر..
ريم: انا رايحه وانتي اضحكي لما ينفجر راسك.
رغد تضحك: ههههههه خلاص ريم هههههههه خلاص بسكت...وخذت نفس عميق:اوووووووه خلاص يا رغد اسكتي..
ريم: لا صدق مجنونه وتحاكي عمرها بعد..
رغد وهي كاتمه الضحكه: ريم خلاص ترى برجع اضحك ما اقدر اتحمل..
ريم: لا واللي يعافيك خلاص امشي..
ورجعوا جوا الشاليه......
عبير: ريم وينك ادورك من ساعه..
ريم: طلعنا انا ورغد برى شوي..
عبير: والله انكم نذلات ليش ما اخذتونا معاكم..
ريم: يا اختي خوات بيطلعون مع بعض انتي وش حاشرك فيهم..
عبير: اصلا ما كان ودي اطلع بس قلت كذا من باب اللقافه..
رغد: عارفتك سودانيه..
العنود دخلت في السالفه بس سمعت سودانيه عرفت انهم يتكلمون عن اختها: بصراحه من ناحية سودانيه ..سودانيه الله لايوريكم في البيت ما تتحرك (سم)واحد كل شي مالي خلق ...ما اشتهيت .. والله ما فيني حيل..
عبير: العنود خلاص كفايه فضايح كفايه اللي يعرفونه عني..
العنود: لا خليهم يعرفونك على حقيقتك..
ريم: ما يحتاج الحقيقه واضحه زي الشمس..
رغد قامت تغني طبعا من تأثير تركي:نور الشمس نور جبينك انت الامس عمري سنينك امرني بهمس من حنينك
وقاما البنات وكملوا معاها وبدوا يشتغلون طقاقات وجابوا علب المويه الكبيره ويطقون عليها ويرقصون ويستهبلون ويضحكون..
لحد ما دق موبايل رغد..
رغد: بنات ...بنات هذا مشاري معليش ابي اسمع..
البنات سكتوا لان الشي في صالحهم..
رغد؟: هلا مشاري..
مشاري: تراني جبت الدبابات يلا اطلعوا..
رغد: اوكيه بقول للحريم ونطلع..
مشاري :اوكيه وانا بجمع العيال..
رغد: اوكيه باي..
رغد: بنات ..بنات.. الدبابات وصلت..
البنات بصوت واحد والقائده العنود: واحد.. اثنين. ثلاثه هيّا..هيّا..
وبعدها قاموا يضحكون وراحوا للحريم عشان يعطونهم خبر..
رغد: يمه ترانا بنطلع برى وبنلعب دبابات..
ام مشاري: ايه بس انتبهوا على انفسكم..
رغد: اوكيه..
ام ماجد: انتبهوا يا بنات..
ام فواز: لا .. احس مالها داعي..
نوف: يمه وشو اللي ماله داعي ..
ام فواز: الدبابات خطره..
فجر: يمه احنا بنلعب ..بنلعب فا ارضي علينا احسن..
ام فواز: يعني راسكم يابس..
نوف: لامويه.هههههه
فجر:ههههاي بايخه..
ام فواز: العبوا بس انتبهوا على لين زين يمه..
نوف تبوس راس امها: لين بعيوني تامرين امر..
ام فواز:ايه مو لله..
وبعدها طلعوا برى ولقوا العيال صافين جنب بعض يستنون البنات..
طلعت العنود وشافت اشكالهم وقامت تضحك..:الحين وراكم صافين كذا تقولين كانكم عند مخبز..
وليد: احمدي ربك مستنينكم ولا كان خذنا الدبابات وسحبنا عليكم..
عبير: بصراحه غطيتونا بكرمكم..
وقاموا البنات يضحكون.
ماجد: انا قايل لكم البنات ما ينعطون وجه وخصوصا خواتي ما صدقتوني..
مشاري: معليش بنعديها لهم صح ولا يا بنات..
رغد: يابعدي يا خوي.. ايه هذا الاخو ولا بلاش..
مشاري: بلا مصالح..
ريم: أي مصالح ...انت اخونا وعلى راسنا من فوق..
فواز: صراحه خواتك في المركز الاول في المصالح..
مشاري: ادري..
وقامو العيال يضحكون..
وبعدها قامت العنود:اسمعوني زين"كانت تبغى تلفت انتباه طلال وانها فاهمه"..
لفوا عليها العيال والبنات:خير..
العنود لما لفوا عليها استحت بس كملت: انا عندي اقتراح..
ماجد يهمس للوليد: بصراحه اختي ما تستحي..
وليد: توك تدري..
العنود تكمل: الاقتراح انه نقسم فريقين ..فريق بنات.. وفريق عيال وكل اثنين يتبارون والاسامي قرعه عشان محد يزعل...
البنات : اوكي.
العيال: اوكي..
العنود: يلا اول واحد مشاري..
مشاري: احم.. احم.. بما اني اول واحد فا لازم اقول مقدمه..
وليد : اخلص..
مشاري: اسكت انت.... احم احم بسم الله الرحمن الرحيم اول شي اشكر بنت عمي العنود..
العنود:العفو ياولد عمي..
مشاري يكمل: ثاني شي احب اقول الله يعين اللي بتكون معاي لانها بتكون خسرانه ميه بالميه..
رغد: تراك ماخذ في نفسك مقلب..
العنود:اختر لوسمحت وانت ساكت..
مشاري: العنود لا تفشليني خليني ادلع شوي..
ماجد: مشاري وبعدين معك حمستنا..
مشاري: خلاص ذبحتوني ما صار..
العنود : انت اللي ما صار..
مشاري قام يحرك الاوراق ويحرك ويحرك ويحرك ويحرك...
العنود: خلاص خلاص انطحنوا من كثر ما تحرك فيهم..
مشاري: عشان ما تقولون غشاش..
العنود: يله اختار..
مشاري: بسم الله وفتح الورقه قرى الاسم وما استوعب..
العنود: هاه مشاري مين طلع لك..
مشاري: طلع لي قمر اقصد طلعت لي الهنوف..
العنود: اذن الهنوف ومشاري مع بعض..
الهنوف: اناااااااا..
رغد: ايه انتي..
الهنوف: بس انا اخاف من الدبابات..
رغد: تراها لعب مو جد..
الهنوف: لالالا خايفه..
مشاري: هاه يا الهنوف مستعده..
تركي بصوت عالي: اعارض..
العنود : على ايش..
تركي: اختي تلعب مع واحد غريب..
مشاري: اقول ضف وجهك زين على بالي عندك سالفه..
تركي: احم احم فشلتني.
سليمان: الله يهداك مسوي فيها ..
وليد يفكر: يعني خواتنا احتمال يلعبون معاكم...تكفى مره ثانيه لاعاد تعترض على شي..
"توضيح وليد ما كان يطيق تركي بدون سبب بس تركي ما يطيق وليد لانه ملاحظ انه يتلزق في رغد"
العنود: اجل يله نبدا السباق..مشاري استعد والهنوف استعدي..
الهنوف: رغد تكفين العبي بدالي..
رغد: الهنوف خلك جريئه مره وحده ويله بيضي وجيهنا وترى كلنا معاك..
الهنوف تحمست شوي: تتوقعين بفوز..
رغد: اكيد ..حطي في بالك الفوز واكيد راح تفوزين..
الهنوف: اجل يله... ادعوا لي يا بنات..
البنات: الله معاك ومعنا..
العنود تشجعها: وحده .. وحده .. وحده..
البنات يصفقون على النغمه..
العيال انقهروا منهم وقلدوهم..
طلال: وحده وحده وحده.
والعيال بتصفيق اقوى من البنات على النغمه..
وقاموا يتنافسون على العبرات التشجيعيه..
العنود تعد: واحد.....اثتين.....ثلاثه....go
وانطلقوا الهنوف ومشاري...مشاري على طول سبق الهنوف لان سرعتها مو مره ..وهو كل شوي يلتفت عليها ...ابعدوا عن الشباب كثير فا مشاري هدا عشانه خايف على الهنوف...قربت الهنوف من مشاري..
الهنوف: شكله خلص البنزين عنده خليني اسبقه..... وقربت اكثر
مشاري: قربت..قربت ايوه واخيرا وصلت....وصاروا جنب بعض..
مشاري: هلا بالرقيقه توك توصلين..
الهنوف بثقه: قل اني سابقتك واعترف..
مشاري يتطنز: تصدقين ما حسيت فيك.
الهنوف تنرفزت: اهم شي النهايه..
وزادت السرعه لانها مقهوره من مشاري وبعدها غرز كفر الدباب في الرمل..
مشاري شافها مغرزه فحب يلعب باعصابها: يالله بصراحه تنرحمين.. تحتاجين مساعده..
لهنوف: لا شكرا ...وتوها بتزل من الدباب الا مشاري نزل.
مشاري بشوي جديه: اسمعي انا بحفر وانتي ادعسي على خفيف اوكي..
الهنوف عشانها متوهقه: اوكيه..
مشاري صار يحفر شوي وبعدها: يله الهنوف ادعسي..
الهنوف في نفسها" يا حلو اسمي على لسانك واااي ماني مصدقه انا وياه لحلنا وبعد قاعد ينقذني ما اصدق ما اصدق"
قام مشاري قرب من عندها مره وحط ايده الاولى على مسكت الدباب الاولى وحط الايد الثانيه على المسكه الثانيه بحيث ان الهنوف تكون بين ايديه وهو قريب بالمره..
مشاري بصوت اقرب للهمس: يعني ما تعرفين تدعسين اضغطي هذاوبعدها اضغطي هذا..
الهنوف منصدمه:..............................
مشاري: انتي معاي ولا لأ..
الهنوف: معاك معاك..
مشاري: يله سوي اللي قلت لك عليه..
الهنوف طبعا ما كانت لمه يوم كان يتكلم كانت لاهيه في ريحة عطره وانفاسه اللي تحس فيهم وتشوف صدره يتقدم ويرجع وهي بين عضلاته اكيد بتكون عايشه الجو وبقوه بعد..
الهنوف: ايه انت اصلا وش قلت لي...
مشاري: وانا اقول رغد طالعه في الدلاخه على مين صار عليك..
الهنوف تفشلت وحبت تصرف: اصلا انا ما احب الدبابات واحس انها للعيال بس مو للبنات..
مشاري: مشكلتك دلوعه..
الهنوف بدلع: مشاري خلاص عاد..
مشاري"تراك تذوبيني زياده": احم احم خلاص سوي اللي قلت لك عليه وبيطلع..
الهنوف سوت اللي قاله بعد ما عاده لها حوالي مرتين عشان يكون جنبها<<<البنت راحت فيها..
وطلع الدباب واخيرا..
مشاري: واخيرا ما بغى..
الهنوف تضحك: الحين بسبقك..
مشاري يضحك: ايه هين انتي اصلا حاولي تلحقيني
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&

عند الشباب

ريم:ما تلاحظون تأخروا..
رغد:لا يكون صار فيهم شي؟!!
العنود:لا بس المسافه اللي انا حددتها بعيده شوي..
رغد: ايه الحمدلله..
&&&&&&&&&&&&&&&&&&&&&&&&&
وليد: ما تلاحظ انهم مره تاخروا..
ماجد:اكيد هم على وصول..
وبعدها لمحو مشاري يضحك ...قاموا العيال يصارخون:مشاري.مشاري هوه..هوه..بالطول بالعرض مشاري يهز الارض ...بالطول بالعرض مشاري يهز الارض..
البنات متفشلين لان الهنوف حتى اللمحه ما لمحوها... وبعدها بخمس دقايق لمحو الهنوف من بعيد قاموا يصارخون مجامله لحد ما وصلت..
الهنوف:اوووووووووف...معليش بنات فشلتكم..
رغد:ما عليش ياقلبي راح نعوضها ا نشا الله..
الهنوف:ا نشا الله ..
البنات:عادي يالهنوف لا تاخذين على خاطرك..
العنود بصوت عالي:اذن النتيجه(1)للعيال..ولا شي للبنات..
قاموا العيال يصارخون ويهزؤن البنات:مساكين لقطوا وجيهكم..كواااك..كواااك..كواااك..
العنود يله وحده من البنات تجي تختار ..
وصارت كل وحده من البنات تحطها على الثانيه..
العنود:وبعدين معاكم خلاص انا راح اختار فجر يله تعالي..
فجر: انا لا ماابي ...اختاري رغد..
العنود: انا قلت فجر يعني فجر..
فجر: امري لله..
وراحت للاوراق العيال وقلبت فيهم وسحبت ورقه..
العيال يطالعونها وكل واحد يقول في نفسه شكله انا..
فجر قرت الورقه ببرود:فيصل..
العنود: اذن فيصل وفجر..
فيصل:هيّا..
فواز: على ايش متحمس..
فيصل يصرفه: على الفوز يا قلبي..
فجر عندها عادي أي واحد محد يهمها ...البنات كانوا يحمسونها عشان يفوزون..
البنات: شدي الهمه.. فجر شدي حيلك....فجر جيبي راسه..انا متأكده انك راح تفوزين بس اصري على الفوز,,ومن هالكلام..
ركبوا الدبابات..
العنود: يله مستعدين ..واحد,,اثنين..ثلاثه..go
انطلقوا فيصل وفجر تقريبا بنفس السرعه ..طبعا فجر متعوده على الدبابات ودايم تركبها عشان كذا هي منافس قوي لحد ما وصلوا للمكان اللي حددته العنود..
فيصل: فجر..فجر ممكن توقفين شوي..
فجر مستغربه"وش يبي هذا":خير امر..
فيصل مبتسم: ما يامر عليك ظالم بس خلينا ناخذ بريك شوي وبعدين نكمل..
فجر ما حست انه يبي يقعد معاها شوي:احس انه ماله داعي للبريك..
فيصل:طيب واذا قلت لك طلبتك..
فجر ما حبت ترده: خلاص خمس دقايق بس..
فيصل في نفسه"خمس دقايق بالنسبه لي خمس سنيين"
فيصل: احم..احم فجر انتي بأي سنه"وجلس وجلست فجر جنبه"
فجر انا بثاني ثانوي..
فيصل: ما شا الله الايام تمشي بسرعه..
فجر: ايه الله يعين..
فيصل: طيب انتي شاطره بالمدرسه<<ما عنده سالفه..
فجر في نفسها" وش ذا السؤال البايخ":ايه ما علي..
فيصل: ايه بسم الله عليك..
فجر تبغى تقطع عليه سوالفه: ما خلصت الخمس دقايق..كنها طولت..
فيصل: ليش مليتي مني بهالسرعه..تراني قايل خمس دقايق مو خمس ساعات..
فجر: ايه بس احنا في سباق..
فيصل: طيب عادي..
فجر"يا ليل ما اطولك": طيب انت وين تشتغل..؟؟
فيصل ما صدق على الله انها سألته وعطته وجه: انا ما اشتغل انا ادرس بالجامعه ادارة اعمال..
فجر:اها ما شا الله وانت الولد الوحيد صح..
فيصل فرح اكثر:ايوه وشجون هي البنت الوحيده..
فجر: ايه ما شا الله باين عليها دلوعه ومدلله بسم الله عليها..
فيصل: حتى انتي باين عليك انك رقيقه وهاديه<<من على جنب..
فجر استحت: تسلم..
فيصل: الله يسلمك..
فجر: اتوقع إنا تأخرنا يله نرجع للتحدي..
فيصل: شكللك متحمسه..
فجر: ابي اكسر روسكم يا العيال شايفين انفسكم..
فيصل: وانا منهم..
فجر: ليش انت ما تعد نفسك واحد من العيال..
فيصل تفشل: ايه هين اوريكم يا البنات..
وركبوا دباباتهم.
فجر: انا راح اعد 1-2-3-وانطلقوا..
وكانوا تقريبا جنب بعض لحد ما قربوا من النهايه وهم في سرعه وحده فجر يوم حست انها قربت زادت من السرعه وفازت..
البنات يصارخون:فجر..فجر..فجر..فجر.
فجر رافعه ايدينها :ماله داعي ..ماله داعي ..احرجتوا تواضعي..
البنات: واحد ..اثنين ثلاثه فجر يا حلاتها ..واحد اثنين ثلاثه فجر يا حلاتها..
العيال: فشلتنا..
فيصل: والله على اخر شي زادت السرعه..
فواز: وانت ليش ما زدت السرعه..
فيصل: تبيني انقلب..
ماجد: في النهايه فازت عليك البنت من خوفك اللي ماله داعي..
فيصل: عادي الحين تعادل"فيصل عنده الموضوع عادي لانه ما همه فوز او خساره اهم شي عنده انه قعد مع فجر وانه شافها مبسوطه"
العنود: الحين النتيجه واحد للعيال واحد للبنات ..
الكل: هووووووووووووووووووووه...
العنود: يله واحد من العيال يجي يختار اسم من البنات..
العيال عكس البنات كل واحد يقول انا..
العنود: وانتو عكس البنات ..البنات كل وحده تقول ما تبي وانتو كل واحد يبي بصراحه متناقضين..
وليد: انا اخوك اختاريني..
العنود وكأنها مدرسة ابتدائي: انا بختار اعقل واحد فيكم واهداكم اللي هو سليمان..
سليمان: انا!!!
العنود: لا ظلي <<ما عندها وقت..
سليمان تقدم وقعد يطالع اوراق البنات ويتمنى ان تطلع له ريم..
ريم كانت تدعي ان تكون هي..
سليمان يحرك..يحرك وكان خايف انها ما تكون هي ...اختار ورقه..
سليمان طالع الورقه: رغد..
رغد بصدمه: انالا ما ابي ..خلي ريم..
العنود: والله ممنوع التبديل الا بشرط واحد..
ريم: وش الشرط اخلصي..
العنود: اذا وافق الولد انك تبدلين...هاه سليمان موافق انها تكون ريم مو رغد.
سليما لف على تركي وهو مبتسم وتركي كان وده يذحه وخايف يتنيذل عليه ويقول وما يوافق بس سليمان شاف مصلحته:انا موافق..
ريم في نفسها"يا بعد قلبي انت"
العنود: يله استعدوا 1-2-3-go..
انطلقوا في البدايه مسرعين بس هالمره غير كانت ريم تطالع سليمان ..وسليمان يطالع ريم..بعدين هدو شوي وقعدوا يسولفون بالطريق..
ريم: وش رايك نسولف ولما نقرب نسرع واللي يفوز ..يفوز..
سليمان ما صدق على الله: اوكيه..
ريم: وش اخبارك اليوم <<البنت فاسخه الحيا بقوه..
سليمان: والله الحمد لله بخير مادامك بخير..
ريم: الله يسلمك ويخليك لاحبابك..
سليمان في نفسه" انتي احبابي وهلي وناسي وانتي دنيتي كلها":امين..اقول ريم..
ريم مبسوطه والدنيا مو سايعتها من الفرحه:امر..
سليمان: ما يامر عليك عدو ..كيف الدراسه معاك والهبال وخرابيطكم..
ريم تضحك: على حطة ايدك من ناحية الدراسه ما ادري وش اللي يصبرني عليها بس الهبال صديقي ما اقدر اتركه..
سليمان: ههههه يا حليلك..
ريم: سليمان لا تقول يا حليلك..
سليمان: ليش..؟؟
ريم: ما يصلح ..
سليمان: ايه ليش.
ريم: يا حليلك يعني يا خبلك وانا بالعاده اذا احد قالي ايها اقوله قل الله حلاك وعشانك انت سكت..
سليمان: اها........اجل يا حليلك..
ريم:سليماااااان..
سلميان يضحك:هههههههه متعود وش اسوي.
ريم: لا تقولها عشاني قل كلمه ثانيه حلوه..
سليمان يبي يرفع ضغطها:تبيني اقولك يا قلبي..
ريم وهي مستحيه: وانت ما عندك حل وسط قل شي ثاني..
سليمان: طيب وش رايك اقول فديتك..
ريم: صح انها ما تبعد عن اللي قبلها بكثير بس ما عليش اهون من غيرها..
سليمان: عاد هذا اللي طلع معي...
ريم: ترى تأخرنا ...يله خلنا نرجع ..
سليمان: لااااااا تو الناس<< الاخ فالها على الاخر..
ريم ما حبت تعطيه وجه زياده بس قلبها يفرك: لاصدق شكلك فقدت الذاكره ونسيت الموال وشكلي بكتبه في صحيفه وكل ما نسيته فتحتها وقريتها عليك..
سليمان: لا ما نسيته يلا نبدا..
ريم: انا اللي بعّد..
سليمان: اوكيه وانا مستعد..
ريم:1-2-3-

7&&&&&&&&&&&&&&&&&&&&&&&&&&&&&&&&&&&&&&&&&&&&&&& && &&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&

" نهاية الفصل "

**الفتى المبدع** · 05-23-2011, 07:35 PM

الجزء الحادي عشر

ريم: انا اللي بعّد..
سليمان:اوكي وانا مستعد..
ريم: 1-2-3-
وانطلقوا مع بعض..وكان سليمان اسرع من ريم ..
ريم: لا ما راح اخسر بس هو سريع......ايوه جتني فكره..
ريم تصارخ: سليمان...سليمان ..بسرعه ..بسرعه..وقف رجلي رجلي آآآآآآآآآآه <<يقطع ابو النصب.
سليمان بخوف ووقف: ريم وش فيك..
ريم وهي تقرب الدباب لعنده: ما ادري رجلي ما ادري وش فيها تعال شوف..
سليمان ما صدق على الله : اوكي..
وتو الولد بينزل الا ريم دعست وغبرت على سليمان..
ريم: ههههاي تعيش وتاكل غيرها..
سليمان: هين اوريك اما خليتك تندمين ما اكون سليمان.."ويصرخ" احسن لك وقفي..
ريم تصارخ: هين بالمشمش..
سليمان تنرفز: وانا الخبل صدقتها ..يعني ما اعرف حركاتها بس هين خليني اوصل..
ريم وصلت وفازت..
البنات: هوووووووووه ..ريم ريم ريم
وبعدها جا سليمان وهومعصب وموصله معاه وملابسه كلها تراب..
تركي: افاااا شكلك منقلب ولا البنت غبرت عليك بدبابها يا الرخمه..
سليمان وهو موصله معاه: رخمه انت .. وانقلع عن وجهي يا تريك ترى اللي فيني مكفيني ..بس هين والله ما اسكت لها..
تركي: سليمان وش السالفه؟
سليمان: بعدين اقولك..
مشاري: وش فيك يا سليمان اجل اختي غلبتك اثرك زلابه..
سليمان: الا اختك غشاشه..
مشاري: لا يكون لعبت عليك وصدقتها..
سليمان: ايه..
مشاري: ههههههه ترى هذي حركاتها دايم ...حفظناها ما عاد نصدقها ابد ههههههههه يا حليلها اختي اثر عندها مخ وانا على بالي انها درج..
سليمان ما رضى ان مشاري يحش في حبيبة قلبه مهما سوت فيه فهو يحبها<<مشكلته طيب..
العنود وهي فرحانه بفوز البنات: اذن (1) للعيال (2) للبنات...والعيال يلا لقطو وجيهكم..
وليد: عادي اهم شي النتيجه في الاخير مو الحين..
رغد بتحدي: بنشوف مين بيفوز على الثاني
وليد قرب من رغد بالمره لدرجه ان ما يفصل بينهم شي يذكر ونسى كل اللي حوله...رغد خافت منه وما تدري وش راح يسوي
وليد وبنص ابتسامه: اذا فوزكم بيسعدك اخليكم تفوزون..
رغد مصدومه من جرئته:...........
وليد: وش رايك؟؟
تركي يطالع وليد ووده يذبحه بس العين بصيره والايد قصيره..
رغد بعصبيه: وليد ما تلاحظ انك تمون بزياده..
وليد: والله يا رغد مو مني..
رغد: اجل من ايش؟؟
وليد: من هذا" ويأشر على قلبه"
رغد استحت بس ما حبت تبين له: مشكلتك انت وهذا على قولتك ولو سمحت ابعد عني ولا عاد تكلمني الا في شي ضروري سامع..
وليد: تامرين امر ..طالبات ثانيه ترى حاضرين لعيونك..
رغد"ودي اعطيك كف يخليك تفقد الذاكره.. بس ماله داعي المشاكل"
تركي تنرفز زياده وما قدر يستحمل اكثر قام ونادى وليد: وليد..وليد..
وليد لف وجهه وهو ماله خلق تركي: خير..
تركي: اتوقع مكانك عند العيال مو عند البنات ولا انا غلطان...
وبعدها لفو كل العيال على وليد..
وليد استحى يوم شاف العيال يطالعونه :اوكيه رغد باااي..اشوفك على خير..
مشاري:وش عندك عند البنات..
وليد:لا بس حبيت ا وضح لهم مينا حنا ولا يغترون بأنفسهم ويرفعون خشومهم علينا..
مشاري:اهااا..
تركي وده يقوم يصفقه ويدوس في مصارينه وهمس لسليمان:سليمان ما تلاحظ هذا ثقيل دم..
سليمان وبنفس الهمس:وليد!!لا احس انه عادي ..
تركي:تصدق ودي اعطيه بوكس على وجهه لين يفقد الذاكره..
سليمان: وش دعوه كل هالحقد على الولد ما سوى لك شي..
تركي: يعني ما تشوفه كيف يتلزق في رغد..
سليمان:طيب هو ولد عمها..
تركي: بعد انت لا ترفع ضغطي ..واذا كان ولد عمها يلزق فيها وينى فيه..
سليمان: يمكن هم كذا عندهم عادي..يعني ما تشوف العنود تقول واحد من العيال مو بنت..واخوانها عادي عندهم يمكن رغد نفس الشي..
تركي:طيب خلاص سكر الموضوع شف مشاري جا لعندنا..
العنود: الحين دور البنات يختارون اسم...
البنات:.............................
العنود: يعني لازم اختار انا..
العيال:خوفاااااات هههههههاي..
عبير:انا..
العنود:هلا والله بأختي..
عبير:هلا فيك..
العنود: يله اختاري ولا تصدقين عمرك..
عبير ضربتها من كتفها:انقلعي ياللي ما عندك ذوق..
العنود:هههههه يلا اختاري بسرعه...تدلع بعد..
عبير: من حقي ادلع..
ماجد:عبير ما ودك تخلصين..
عبير لفت على ماجد شافت جنبه طلال وقالت بحياء:الا اكيد..
ماجد:ما شا الله وش اللي قلب الاسلوب..
عبير ما ردت عليه لانها مستحيل تصارخ عند طلال وحركت الاوراق..
وليد: خلاص قلبتي روسنا..
عبير: اتوقع اني اقلب الاوراق مو راسك..
وليد: والله انك ذكيه ...الاوراق وش مكتوب عليها..
عبير ببرائه:اساميكم..
وليد:خلاص قلتيها يعني تقلبينا..
عبير: وووووووع يا ثقل دمك يا خوي..
وليد: قاعد على قلبك..
عبير:عسى ما تطلع لي بالورقه بعد..
وليد طبعا ماوده ..يبي يكون مع رغد:لا تكفين لا تختاريني..
عبير تقلب وتقلب وتقلب وتدعي وهي مغمضه عيونها..
العنود:وش السالفه غيرتي ديانتك..
عبير لاهيه تدعي وتبي تحس أي ورقه فيها اسم طلال..
العنود:يمه اختي قلبت مشعوذه..
عبير طلعت ورقه واخيرا وقرتها:طلال ..يس..
العنود انصدمت في اختها ليش فرحانه كل هالفرح وباين عليها مبسوطه لا يكون اختي.....لا يكون عبير تحب طلال...لالالا ما اتوقع لو تحبه قالت لي من زمان ..لا يارب لايا رب عبير لا تحب طلال وما لقت الا طلال..بس انا لازم اتأكد لفت على عبير وهي خانقتها العبره:عبير"وسكتت شوي" وش فيك مبسوطه لهدرجه..
عبير سكتت شوي تدور تصريفه ..العنود انقلب وجهها لعدة الوان وحست ان اللي توقعته حقيقه..
عبير تضحك:ههههه خلك ذكيه مثل اختك مو طلال حبوب وطيب..
العنود:ايوه..
عبير:خلاص اظمني الفوز.
العنود:كيف ما فهمت وش دخل هذا في هذا..
عبير: العب عليه مثل ريم..
العنود تحس ان الدنيا مو سايعتها من الفرحه وان تفكيرها اللي صدقته طلع في الوهله الاخيره غلط :هههه يا حليلك يا الهبله..
طلال: ما قلتوا وش الاسم ..ما صار ساعه..
العنود توجه كلامها لطلال بصوت هادي:طلال انت راح تباري عبير.
طلال مصدوم:انا..
العنود: ايوه..
طلال يضحك مع عبير: احسن لك استعدي يا عبير زين..
العنود انقهرت لانه يحاكي اختها بس اللي خفف عليها انه طلع تفكيرها مو صح وهذا اهم شي:يلا استعدوا..
طلال ركب الدباب حقه وعبير نفس الشي..
طلال لعبير:مو تغرزين ترى ما راح اطلعك ومو تلعبين علي ترى ما راح اوقف ترى ما تمشي عندي حركات البنات..
عبيرتضحك وتحس انها فوق السحاب وش تبي اكثر ..طلال يكلمها وهو مبتسم ابتسامته اللي دوختها ولا خفة دمه اللي ذوبتها ولا جسمه اللي خلى قلبها يدق بأسمه..
طلال :سكتي ما رديتي..
عبير: عشاني متحمسه ..ترى ما راح ارحمك..
طلال يستهبل: لا تكفين عبير خليني اسبقك لو مره بحياتي..
عبير تتطنز حضرتك.. بنشوف مين راح يفوز..
العنود عدّت لهم وانطلقوا..
عبير كانت تطالع طلال وشعره اللي يطيره الهوا وقعدت تطالع فيه وخففت السرعه وعاشت الجو"يا ليته يحس فيني..يا ليته يحبني مثل ما انا احبه"
طلال وقف وطالع على ورى وصرخ: عبير ترى ما راح تلعبين علي..
عبير بصوت عالي:امش ..امش وانا قلت لك وقف..
طلال صار يمشي بطيئ يبيها تقرب من عنده..
عبير: وش فيه دبابك لا يكون تعطل..
طلال يستهبل: ما ادري وش فيه..
عبير : طيب طفه اخاف يحترق ولا شي..
طلال: اول طفي دبابك ..
عبير: ترى بس لحد ما تصلح دبابك..
طلال "يا حليلها حبوبه":اوكيه..
طفا طلال دبابه وكمان عبير ...قام طلال يسوي نفسه انه يصلحه: تصدقين يا عبير شكل المحرك احترق..

عبير: صدق لاتقول..
طلال: شكله بس انا ما ادري..
عبير: والسباق..
طلال : خليه يرتاح يمكن يزين.
عبير :اجل نرجع..
طلال: لالا ما يحتاج شوي وبيزين..
عبير بشك: وانت وش دراك..
طلال توهق وخاف ينفضح وبعدها يا ويله وش يفكه منها ما درى انها قدامه ريشه يطيرها بنسمة هوا: لابس قد صار لي موقف مثل كذا..
عبير مو مقتنعه عدّتها لانه مع حبيب القلب: اهااا..
طلال جلس: عبير اجلسي ليش واقفه؟؟
عبير وهي تطالعه: ايش؟؟
طلال رفع صوته: اقولك اجلسي ليش واقفه؟؟
عبير جلست: معليش ما سمعتك..
طلال: وش كنتي تفكرين فيه؟
عبير في نفسها"ليه في غيرك":كنت افكر بالدباب قلت يمكن اعرف اصلحه..
طلال: يعني لهدرجه كارهه الجلسه معاي.
عبير" لو تدري بس قد ايش احبك ما قلت لي هالكلام":لا وش دعوه بس انا طبعي كذا حريصه بزياده..
طلال ناوي يطلع ريحتها ويهبل فيها: اهااا...عبير أبسألك سؤال..
عبير خافت" وش بسألني هذا": وش قلت..
طلال: وش فيك اليوم ما تسمعين..
عبير: ما عليش اعذرني..
طلال: كنت اقولك بأسلك سؤال..
عبير بلعت ريقها: ايوه اسأل..
طلال: عبير انتي........انتي...
عبير ودها تبكي خايفه يسألها هذا السؤال ما تبي تحرج نفسها:انا ايش..؟؟
طلال : انتي مين...
عبير تلفت اعصابها: طلال كلمات متقاطعه هي؟؟
طلال شافها متحمسه فحب يرفع ضغطها زياده: ولا اقولك خلاص هونت..
عبير: طلال لا تصير سخيف..
طلال: لالا خلاص لا تحرجيني ما ودي اقول..
عبير: والله تقول ما علي منك حلفت..
طلال :بأقول وامري لله ...عبير مين تتوقعين بيفوز انا ولا انتي؟؟
عبير تطالعه بنضرات استحقار: الحين هذا سؤالك البايخ يا البايخ..
وقامت وخذت الرمل وتكبه على طلال..
طلال ميت ضحك: تكفين عبير خلاص خلاص ..
عبير: تلعب بأعصابي يا التافه..
طلال: عبوره تكفين خلاص..
طبعا عبير نقطة ضعفها طلال يدلعها وخرت عنه: عشان مره ثانيه تتادب..
طلال في نفسه" اجل لو درت عن الدباب وش بتسوي" ارتحتي كذا وسختي ملابسي..
عبير مسويه زعلانه: احسن تستاهل..
طلال: خلاص بأروح ازين هالدباب..
عبير: انطق انت.. انا بروح..
طلال خاف تلعب فيه: لالا اقولك انا راح ازينه..
عبير: وانا اقولك اقعد لانك ما عندك ما عند جدتي منيره..
طلال: ههههه حلوه منك..
عبير راحت لدباب وطلال لحقها: وش تبي لاحقني..
طلال : اتعلم منك يا معلم..
عبير: الحين بتشوف كيف اصلحه..
طلال وهو متوهق: خلاص يا عبير ماله داعي..
عبير فتحت الاسلاك وتفك وتربط ومسويه نفسها فاهمه وطلال يطالع الاسلاك وهومنصدم..
طلال: عبير خلاص ما بقى الا تغيرين المكينه..
عبير: شغل مو شغلك لا تتدخل فيه<< احلى صدقت عمرها..
طلال: والله تنفعين ميك****يه..
عبير بكذبه طول السما:اصلا ما يصلح سيارات اخواني الا انا..
طلال: ايه ما شا الله واضح.. يعني انا ما اعرفكم وماني ولد عمتك.
عبير قامت: الحين خلصت يله جربه..
طلال : نشوف..
شغل الدباب.. ما اشتغل ويشغل مره ثانيه ولا اشتغل وثالثه ورابعه وخامسه لحد ما دخن وطفا مره وحده..
عبير: شفت خربته..
طلال: الحين انا اللي خربته ولا انتي اللي لاعبه فيه..
عبير تصرف عشان ما يحط اللوم عليها: الحين وش نسوي..
طلال: اتصل على مشاري يجيب دباب ثاني..
عبير: بسرعه.
طلال: احد قالك سواق عند ابوك..
عبير: انا بجلس لحد ما يجي مشاري لان ما عاد فيني حيل..
طلال: وانتي ما تغيرتي لحد الان سودانيه..
عبير تفشلت" وجع ما نسى": وش عليك مني..
طلال اخذ موبايله واتصل على مشاري طلع ما فيه شبكه..
طلال: عبير ما في شبكه..
عبير: نعم..يعني وش بنسوي ا نشا الله..
طلال: ما ادري..
عبير: فكر يله بسرعه..
طلال : حتى عقلك متعيجزه تشغلينه..
عبير: والله مالي خلق..
طلال: مالنا الا نرجع بدباب واحد..
عبير انصدمت لانها تستحي تقرب من جنبه وشلون عاد تركب معاه: لامستحيل انسى..
طلال: طيب عطيني حل ثاني..
عبير:خلني اروح واخلي العيال ياخذونك..
طلال: مسألة انك تروحين لحالك انسي والشي الثاني اني اقعد لحالي هم بعد انسي..
عبير:طيب رح ارجع وخل واحد من اخواني ياخذني..
طلال:واخليك هنا لحالك انسي بعد..
عبير: يعني؟؟
طلال يبيها تفقد الامل وترجع معاه: ما ادري..انا قلت لك الحل الوحيد وانتي مو راضيه..
عبير تفكر" فرصه يا عبير ما تجي الا مره بالعمر تركبين مع طلال ونااااسه ..بس خلي نفسك ثقل"وابتسمت.
طلال: على ايش الابتسامه يا حظي على اللي احنا فيه..
عبير: لا شماته فيك عشانك بتخسر لان دبابك هو اللي خرب..
طلال: صدق انك نذله هذا اللي فالحه فيه الشماته..
عبير ميته ضحك من تخيلت انها مع طلال:هههههههههه
طلال: لا البنت استخفت قومي اركبي بسرعه..
عبير قامت ورفعت العبايه وركبت في المقعد الثاني وجا طلال والابتسامه شاقه الوجهه: احم احم ..وخري شوي..
وركب وشغل الدباب: يله تمسكي..
عبير ميته حيا: احلف..
طلال: احسن عشان تطرين ونفتك منك..
عبير خافت انها تطيح على ورى وعلى طول مسكت طلال..
طلال حس بشعور غريب لما مسكته وزادت ابتسامته ليش ما لقى تفسير وتحرك..
عبير لو تشوفونها تقولون فايزه بجائزه مليار دولار موعشانها راكبه مع طلال..
طلال في الطريق يفكر ومحتار من تصرفاته ..ليش وقف الدباب وجلس معاها وليش خلاها تلعب بالدباب وهو ساكت لها وكانه مبسوط على اللي تسويه وليش اصر انه تركب معاه ...مالقى ولا تفسير يقنعه ...
وكملوا طريقهم وكل واحد مع افكاره ليون ما توديه

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&&

" نهاية الفصل "

**الفتى المبدع** · 05-23-2011, 07:36 PM

الجزء الثاني عشر

طلال في الطريق يفكر ومحتار من تصرفاته ..ليش وقف الدباب وجلس معاها وليش خلاها تلعب بالدباب وهو ساكت لها وكانه مبسوط على اللي تسويه وليش اصر انه تركب معاه ...مالقى ولا تفسير يقنعه ...
وكملوا طريقهم وكل واحد مع افكاره لوين ما توديه....
لحد ما وصلوا..
مشاري:موكأنه طلال..
وليد: الا طلال لحاله اجل وين عبير..
مشاري: والله ما هي مبينه..
************************************************** *****************************************
العنود: رغد مو كأنه طلال ..اجل اختي وينها؟؟
رغد: والله موشيفتها..ريم تشوفين عبير..
ريم: وش قالوا لك عني زرقاء اليمامه عشان تسأليني..
العنود: يا ربيه لايكون صاير لعبير شي..
رغد: انتي اهدي واذا وصل طلال سألناه..
************************************************** ******************************************
وصل طلال والابتسامه شاقه الوجه وعبير مررره مستحيه لان الكل يطالعها..
مشاري: هاه طلال اجل وين الدباب الثاني..
طلال وهو ينزل ويطالع عبير اللي خافت يفضحها: ابد سلامتك تعطل..
العنود وهي خايفه على اختها: عبير خير وش فيك صاير لك شي..؟؟
عبير: بس بس ..شوفيني قدامك كأني حصان..
العنود بتموت من الغيره:اجل ليش رجعتوا مع بعض ..
عبير: والله تعطل دباب طلال فأضطرينا نرجع مع بعض
العنود متنرفزه:وانتي كيف تركبين معاه..ليش ما اتصلتي علينا وجينا واخذناك..
عبيرعصبت من اسلوب العنود:اولا وش عليك مني ثانيا اتصلنا ومافي شبكه..
العنود مازالت معصبه: اخاف بس هذا اللي تبينه..
عبير:العنود وبعدين معاك ترى مالي خلقك..
العنود: لاتضيعين الموضوع قولي انك كنتي تبين تركبين معاه..
عبير: والله براحتك فكري اللي تفكرينه تطلع مشكلتك...انا داخله..
ريم: عبير على وين؟
رغد: عبير..عبير وقفي على وين..
عبير: هذي تخلي احد ينبسط..
العنود تبي تطنش عبير: نرجع للسباق..
وليد: طلالوه وش عندك جاي مع اختي كان جلست هناك وخليتها تجي وانت انطق..
طلال: احلف ..زين ما خليت ختك وجيت عنها لانها ما رضت تجي معاي..
ماجد: ما شا الله توني ادري ان عبير تعرف العيب..
وليد: أي عيب الله يهديك ..في النهايه جات معاه..لكن خواتي انا غاسل ايديني منهم
"طبعا كانوا يستهبلون ولا اكيد انهم ما يرضونها لاختهم بس عارفين انها مع ولد عمتها واجبرتها الضروف ولا كان علووووووووم"

طلال: بصراحه اختك لحد الان ما غيرت اطباعها..
ماجد: ليش؟؟
طلال: لحد الان سودانيه..
ماجد:ههههه تتغير انت ..عبير ما تتغير مستحيل هذا فطره عندها مو مكتسب..
وليد: عسى ما نصدمت فيها يا ولد عمتي..
طلال: لالالا الحمد لله جات سليمه.
مشاري خاش في السالفه:ما تشوف شر
طلال: ههههاي بايخه زي وجهك..
مشاري: افااا ركبت معاك بنت وقلبت علينا..
طلال:مشاري ترى مو رايق لك..
مشاري: خلاص خلاص ما قلنا شي..
العنود: يله نكمل النتيجه(3) للبنات و(2) للعيال
وكملوا سباق راح اقولكم مين تسابق وش اهم شي صار فيه...
نوف مع محمد اخو سليمان....وفاز محمد
شجون مع ماجد................وفاز ماجد
مها مع وليد.....................وفاز وليد
طبعا البنات خسروا لانهم كلهم دلوعات وما بقى الا رغد وتركي ولين ومشعل والعنود وفواز..
العنود: النتيجه (3) للبنات و(5) للعيال
العيال: اقول لو تنسحبون احسن..
العنود: مين راح يباري يا بنات..
رغد: مافيا لا انا ولين.. وانتي ما ودك..
العنود:الا ودي..خلاص انا راح اختار..
العيال: الله يعينا عليك يا ام الشباب..
العنود بعربجيه: استعدوا..استعدوا الاعصار جايكم,,
مشاري: صراحه لو تجي العنود معانا احسن لها ولنا..
وليد: مهما كان يا مشاري ترى العنود اختي وما ارضى عليها صح انها عربجيه ومالها ومال الانوثه ولا تحسون بأي احساس اتجاهها الا بالاخوه وكأنها واحد من العيال بس تبقى بنت في النهايه.
مشاري: اقول مسوي فيلسوف زمانك ..بس بصراحه العنود شي..تحس فيها روح الشباب..
ماجد: اقول يا مشاري لو تكرمنا بسكوتك يكون احسن قال ايش قال روح الشباب اقول روح زين انت..
مشاري: احم احم ترى ما قلنا شي غلط..
طلال: انت اكبر غلط..
مشاري:وش فيكم اليوم علي..
سليمان: اعقلوا عن صديقي ترى ما ارضى عليه ..
ماجد: احلف واصدقك.
سليمان تفشل: اقول ما ودكم نرجع للسباق ازين..
مشاري: صادق سليمان نرجع للسباق ازين..
العنود: اخترت فواز..
رغد ارتاحت لانه ما بقى الا فواز وتركي وزين طلع فواز سبحان الله الصدف حلوه..
العنود: فواز تبي تنسحب من الحين يكون احسن..
فواز: يا ام الشباب لا تستقوين علينا.. راح نشوف مين اللي بيفوز على الثاني..
العنود: يله نشوف رغد عدّي لنا
رغد: اوكيه"وعدّت لهم وانطلقوا"
مشاري: سبحان الله فيه فرق بين اختي واختك..
وليد وهو ميت على صوتها: أي والله فرق وفرق كبير بعد..
تركي: شوف الصوت ولا بلاش..
سليمان: اعصابك لا تموت علينا..
تركي: لو اموت عشانها حلال فيها..
سليمان: تكفى اسكت لا تفضحنا ترى وليد باين حاطك في باله..
تركي: وليد ..هين اوريك فيه انا اللي حاطه في بالي..
نرجع لجو الحماس كانت العنود سابقه فواز بكثير<<حشى ابد مو بنت
وفازت عليه..
العيال:/ عاش نقصد عاشت عاشت العنود..
العنود:ماله داعي صراحه المنافس بالمره سهل..فا ما واجهت أي صعوبه..
وبعدها وصل فواز وهو متفشل بقووووه لان المسافه اللي بينهم كبيره..
طلال: استح على وجهك فشلتنا عند العرب..
فواز: أي عرب الله يخليك..
طلال: بنت تفوز عليك..
فواز: هذي ارجل منك...
طلال: يمكن في هذي اعذرك..
وصارت النتيجه(4) للبنات و(5) للعيال
العنود: يله دورك يا مشعل
لين: شوفوا ترى اذا طلع لي غير مشعل ما راح العب..
العنود: اجل يله العبوا مع بعض..
وانطلقوا...
لين: مشعل خلني افوز ولا راح ازعل عليك..
مشعل: احلفي..
لين: ما ابغى يفشلوني خواتي كل وحده فازت الا انا..
مشعل: بشرط..
لين: موافقه ..ايش هو؟؟
مشعل: تعطيني بوسه<<فالها الاخ..
لين: مشعل استحي..
مشعل :اجل كيفك..
لين: لالا خلاص موافقه..
مشعل: يله انزلي وعطيني اياها..
لين بخجل: الحين؟؟
مشعل: ايه الحين..
نزلت لين وباست مشعل من خده.
مشعل: آه.. ويلوموني فيك..
لين: مشعل خلاص استحي..
مشعل: يا حلو اللي يستحون..
لين: مشعل وبعدين معاك..
مشعل: هههه خلاص يله اسبقيني..
لين/ اوكيه يلا...
وفازت لين..
محمد: اثاريك رخمه..
مشعل :افا عليك .. لايكون على بالك اني خسرت انا اللي خليتها تفوز ..تعرف ما احب اشوفها زعلانه..
محمد:اكيد ولا عذر..
مشعل: يعني وش رايك معقوله لين بتفوز علي,,
مشاري: احلى يا الحبيب اللي خلى حبيبة القلب تفوز..
مشعل: مثل ما نت عارف ما احب أي شي يضيق صدرها..
مشاري: عادي وده الخياط يوسعه هههه
مشعل/ هههه با يخه ..صراحه ما توقعت دمك خفيف لهدرجه..
مشاري: وش فيكم اليوم محد عجبه تنكيتي..
مشعل: ما شا الله عليك خفيف دم بزياده..
مشاري: اقول تقلع ترى عطيتك وجه بزياده..
مشعل: والله انت اللي جاي مو انا..
العنود: اجل فزتي يا لوين..
لين: اجل على بالك انك احسن وحده..
العنود: ايه واضح انك فايزه بضمير..
لين: انا رايحه لمشعل عشان يبارك لي بالفوز وأواسيه على الخساره..
العنود: ايه باين انه زعلان روحي روحي لا يبكي بعد شوي ولا يلقاك جنبه..
لين: باي..
العنود: عليها نصب صواريخ........نرجع النتيجه(5) للبنات و العيال(5) اذن تعادل..
ماجد: احلفي
العنود: ما راح ارد عليك..ما بقى الا رغد وتركي..
رغد خافت واستحت: ريم خايفه..
ريم: اقول روحي يعني وش بيصير..
رغد: تتوقعين ما راح يصير شي..
ريم: ايه توكلي على الله واهم شي الفوزمو تلهين مع حبيب القلب..
رغد: اسكتي لا احد يسمعك..
ريم: روحي محد لمك..
تركي: ما اصدق ان انا وياها مع بعض..
سليمان: تبي اعطيك كف يصحيك وتصدق انك في علم مو حلم..
تركي: لالا ما يحتاج انا اذا رجعت انا راح اعطيك كف عشان ادري اني صاحي..
سليمان: اجل عمرك ما صحيت يا جعلك نايم طول عمرك وش دخلني فيك..
تركي: سليمان خايف..
سليمان: تركي يقول خايف.. والله يا رغد ما انتي هينه طيرتي عقل صديقي وخليتيه يستخف..
تركي: كم مره قلت لك اسم حرمتي لا تجيبها على لسانك..ما تفهم انت..
العنود:تركي ما ودك تجي.؟؟
تركي: قالت ايش قالت ما ودك..الحين جايك طيران..
سليمان: تركي اعصابك شوي شوي اخاف صدق تطير..
تركي ما رد عليه وركب الدباب وجنبه رغد..
رغد مستحيه ومنزله راسها..
تركي:اهلين رودي..
رغد"ياربيه ذايبه انا بدون شي يجي بعد ويدلعني ..كملت":اهلين..
تركي يبي يسولوف: اهم شي مستعده.؟؟
رغد:اكيد..
العنود:go...
وانطلقوا وكان هذا السباق الاخير والنتيجه الحاسمه ورغد كانت جنب تركي وتنافسه ...وفجأه.....................

علقت عباية رغد في الكفر وألتوت رجلها وطاحت من الدباب وكان الدباب لا محاله بيطيح عليها ...الا تركي كان منتبه لرغد من اول ما علقت عبايتها لان عيونه عليها ونزل بسرعه قياسيه ومسك الدباب وكانت رغد حاطه ايديها على وجهها خايفه لانها متأكده انه راح يطيح بعدها حست انها طولت بعدت ايديها عن عيونها وشافت تركي قدامها..
تركي كان مره خايف:رغد فيك شي؟؟
رغد بتصيح من الالم الي تحس فيه: تركي رجلي تألمني..
تركي وهو مرتبك وماهو عارف يتصرف: طيب..طيب لا تحركينها يمكن كسر!!
رغد ويشد عليها الالم:اصلا ما اقدر..آآآآه من جد تألمني.
تركي: خلاص بأتصل بمشاري بس انتي اهدي..
رغد تبكي: والله يا تركي ما قدر اتحمل اكثر من كذا بسرعه الله يعافيك..
تركي اتصل على مشاري بس ما في شبكه وتوتر زياده مايقدر يسوي شي وحبيبته قاعده تتألم وتترجاه صار يروح ويجي..
رغد: مشاري وين مشاري؟؟
تركي: اتصلت عليه بس ما في شبكه..
رغد والكلمات تطلع منها بصعوبه وغير ان النزف رجلها يزيد: طيب تركي.................."سكتت"
تركي بصوت واطي:رغد...رغد..
رغد:..................................
تركي قرب من رغد وكل عظم في جسمه يرتجف كل خلايا الدم وقفت عن العمل من صمت رغد المفاجئ..قرب اكثر من عندها وحط راسها على ذراعه ويضرب وجهها بخفيف:رغد ..رغد تكفين اصحي.. رغد... يارب وش اسوي الحين .."ويرجع يهزها"رغد رغد الله يخليك لا يصير فيك شي..
رغد بس تأن وتتألم وهو مغمى عليها وتنطق بكلمات ماهي مفهومه:تر..كي..
تركي يهزها اكثر: رغد رغد اصحي ..
بس ما كان فيه فايده قرر ان يشلها ويركبها الدباب وفعلا سوى اللي وصله تفكيره ..خلاها قدامه وسندها عليه وصار يسوق فيها بشويش عشان ما تطيح..
وهو في الطريق ما فقد الامل في انها تصحى: رغد تكفين يا رغد تكفين لا يصير فيك شي تكفين والله ما اقدر اعيش بدونك والله..
رغد صحت شوي سمعت الكلام وابتسمت بس اغمى عليها مره ثانيه لان الدم اللي فقدته كثير..
وصل تركي واخيرا ...
تركي يصارخ وينادي: مشاري ..مشاري الحق الحق علي بسرعه..
مشاري خاف:وش فيك.."وطالع رغد"وش فيها اختي؟؟
تركي وهو يحاول يجمع الكلام: تعلقت عبايتها بالدباب وطاحت بس شكل رجلها مكسوره..
مشاري شال رغد: بسرعه رح شغل السياره بسرعه يا تركي..
تركي خايف ومتوتر: اوكيه ..اوكيه..
ريم راحت عند مشاري وهوشايل اختها بين ايديه: يمه..ررغد اختي وش فيها وش صار لها"وصارت تبكي"..
سليمان قرب منها: ما صار شي بس اهدي..
ريم وهي تيكي وجهها مليان دموع:وشلون علمني وشلون اهدى واختي مدري وش فيها..؟؟
سليمان: مافيها شي ا نشا الله بس انتي اذكري الله...
ريم: اخ ياختي يا ريته فيني ولا فيك..
الهنوف جات مسرعه لعند ريم وضمتها وهي تبكي: يا عمري يا رغد والله ما تستاهلين....آآآآآآه يا رغد قايلته قايلته ما يجي ورى هالدبابات ا لا البلاوي"وتبكي اكثر"

البنات تجمعوا حولهم يهدونهم..
نوف: خلاص ياريم انتي والهنوف ما صار الا الخير الحين بيرحون المستشفى ويطمنونا..
عبير:لازم تخوفوني زياده بروحي خايفه..
العنود:هدوا يا بنات ا نشا الله ما فيها شي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند الحريم

ام مشاري: يمه بنيتي وش فيها؟؟
العنود: يا ام مشاري ما فيها شي طيحه خفيفه ان شا لله..
ام مشاري: يا قلبي عليك يا بنيتي قاعده تتالمين...ياريته فيني ولا فيك..
ام ماجد: هدي يا ام مشاري وما راح يصير الا كل خير..
ام مشاري: أي خير وبنتي رغد ما تتحمل شي..
ام فواز: افا يا ام مشاري اذكري الله...الحين بتروحين ووتتطمنين عليها وهذا كله مكتوب ومقدر لها..
ام مشاري: انا لازم اروح معاهم..
ريم توها وصلت عند امها وهي تبكي: يمه رغد اختي ..رغد"وحضنت امها"
ام مشاري وازنت نفسها وهدت عشان تقدر تهدّي بنتها المنهاره:يا ريم اهدي ترى كلها رجل..
ام فواز: وين هالكلام عنك من شوي..
ام مشاري تأشرعلى ريم"تقصد عشانها"..
ام فواز: خلاص انا راح اقول لفواز يودينا..
ام مشاري: ابروح انا وريم وحده من البنات نوف ولا فجر معانا وانتي ارتاحي يا ام فواز وما قصرتي والله..
فجر: خالتي انا راح اروح معاكم ..
ام مشاري وهي سانده ريم عليها: يله مشينا..
وقبل لا يتحركون خطوه
الهنوف: راح اروح معاكم..
ام تركي:الهنوف ماله داعي تروحين..
الهنوف لفت على امها وعيونها حمرا وكلها اصرار: يمه مستحيل اخلي صديقتي..
ام مشاري: اجل يله يا الهنوف....

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند مشاري

وصلو للمستشفى وشال رغد: تركي بسرعه الله يعافيك جيب كرسي او سرير او أي شي!!
تركي: ا نشا الله..
وراح بسرعه جاب كرسي متحرك وحط مشاري رغد فيه..
وليد كان جاي معاهم بس طول الوقت ساكت ما بعد استوعب ان اللي قلبه ينبض بأسمها قاعده تتألم قدام عيونه..
وليد واخيرا نطق: مشاري ادفها عنك..
تركي عطى وليد نظره..بس وليد ما همه تركي ولا نظراته..
مشاري: تسلم يا وليد ما تقصر انا راح اوديها..
ودخلوا المستشفى لقسم الطوارئ وخذوها الممرضات..
تركي: استريح يا مشاري انا متأكد ان ما فيها شي يخوف بأذن الله..
مشاري: الله يسمع منك بس ان خايف يكون ظهرها صار فيه شي..
وليد وهو يطالع تركي بنظرات كلها حقد: كل اللي في رغد بسبتك انت يا تركي..
تركي عصب: وانا وش دخلني هذا اللي ربي كاتبه لها..
وليد وبنفس النظره: تركي ترى اذا صار شي في بنت عمي بتكون انت السبب..
مشاري: هدّ يا وليد ما صا ر الا كل خير وبعدين وش دخله تركي في السالفه اللي صار لرغد حادث..
تركي ما رضى ان وليد يتهمه ويسكت:تطلع مشكلتك ظن اللي تظنه تراك ما تهمني
وليد وده يحط اللوم على تركي بأي طريقه.
مشاري: هدو يا جماعه...
تركي قام من عندهم وطلع موبايله:الو هلا سليمان..تعال معي في المستشفى..اوكي باي..
تركي كان محتاج احد يوقف جنبه..بعد دقايق وصلت ام مشاري وابو مشاري وريم والهنوف وفواز وفجر..
ام مشاري بس شافت ولدها راحت لعنده سيده: هاه يا مشاري وش قال الدكتور..
مشاري: والله الدكتور لحد الان ما طلع..
ريم ارتاعت:اجل اكيد اختي فيها شي..
الهنوف: اهدي يا ريم والحين بيطلع الدكتور ويطمنا ..
ابو مشاري وهو قلقان على بنته اللي اغلى من كنوز الدنيا بالنسبه له: اذكروا الله ما صار الا الخير والحين بتشوفونها مثل الحصان.
ام مشاري: الله يسمع منك.
بعدها وصل سليمان وسلم على الكل...
سليمان: هاه تركي بشر؟؟
تركي: خايف يا سليمان عليها والدكتور طول عندها..
سليمان: اكيد بيطول ..اشاعات وتحاليل وانت عارف بس اذكر الله انت..
وبعد لحظات طلع الدكتور عليهم....
ابومشاري: هاه يا دكتور بشر.....
مشاري: طمنا...
والبقيه عيونهم على فم الدكتور......
الدكتور: انتو اهلها؟؟؟؟
@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@

نهاية الفصل

**الفتى المبدع** · 05-23-2011, 07:37 PM

الجزء الثالث عشر

الدكتور: انتو اهلها؟؟
الكل: ايه..
الدكتور: الحمد لله ما فيها شي وجا ت سليمه بس شوي إلتواء في الرجل اليمين وسوينا الاشعه اللازمه وكل شي الحمدلله تمام...
ابو مشاري: الله يبشرك بالخير..
ام مشاري: الحمد لله.. الله يجزاك خير يا دكتور وما قصرت..
الدكتور: العفو وما سوينا الا الواجب..
ريم والهنوف ضموا بعض من الفرحه وسليمان وتركي نفس الشي<<كأنها والده مو كسر..
ابو مشاري: هاه دكتور نقدر ندخل عندها.
الدكتور: ايوه..بس ابغى شخص يجي معي ونكمل الاجرأت اللازمه..
مشاري: خلاص يبه انت روح شوف رغد وانا راح اروح مع الدكتور..
ابو مشاري: زين..
الكل دخل عند رغد الا اثنين تركي وسليمان..ومشاري راح لعند الدكتور..
الدكتور: هذي شوية علاجات لازم تاخذها ..وتحاول ما تمشي عليها والا صار لها شي اكبر..
مشاري: ا نشا الله..
الدكتور: وقع على هذي الاوراق لو سمحت..
مشاري وقع عليها:ومتى الخروج ا نشا الله؟؟
الدكتور: تقدرون تاخذونها من الحين اذا حبيتوا..
مشاري: مشكور وما تقصر..
الدكتور: لا شكر على واجب..
وطلع مشاري وشاف تركي وسليمان
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
نرجع لعند رغد

رغد كانت منسدحه على السرير وبعدها دخلوا لعائله كلها...
ابو مشاري: زين كذا طيحتي قلوبنا عليك...
رغد: يبه مو من حقي اتدلع..
ام مشاري: الا من حقك بس مو كذا دلع عن دلع يفرق..
ريم: مره ثانيه خففي الجرعه..
الهنوف: كله من الدبابات وقايلته لك بس ما تسمعي الكلام..
رغد: الهنوف خلاص ما صار الا الخير شوية إلتواء في الرجل ..يعني بدلع عليكم سوو هذا وحطوا هذا..
ام مشاري: تدلعي علينا بس لا تطولينها..
رغد تضحك: والله على حسب..
وليد: احم احم الحمد لله على سلامتك يا رغد..
رغد لفت عليه: الله يسلمك..
وليد: كذا خوفتينا عليك..
رغد: احس انكم مكبرين الموضوع
وليد توه بيتكلم بس رغد قاطعته: فجر ما ودك تسليمن علي..
فجر: الا بس استنى الدور يجي علي..
رغد: هههه يا حليلك ترى امزح..
فجر: ادري..
وليد ناظر رغد على الحركه اللي سوتها بس سكت ما يقدر يقول شي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند مشاري

مشاري: سليمان ..تركي ليش ما دخلتوا انتوا اهل..
تركي: والله افتشلنا صراحه يعني ابوك وامك وخواتك..
سليمان يكمل: قلنا لازم صديقنا معانا..
مشاري: يله امشوا معاي بصراحه انتوا ونعم الاخوان..
تركي وسليمان: الله يسلمك..
ودخلو عند رغد..
رغد اول ما شا فت تركي ابتسمت ..وليد لاحظ هذا الشي..
مشاري: هلا باللي يتدلعون.. الحمد لله على سلامتك..
رغد: الله يسلمك..
سليمان: الحمد لله على سلامتك يا رغد..خوفتي اهلك<<يقصد ريم.
رغد: عشان اعرف غلاي..
تركي: ما تشوفين شر..اكيد غاليه عندهم <<يقصد نفسه..
رغد: الشر ما يجيك اكيد غاليه وباين في عيونهم..
ريم ابتسمت وعرفت انهم يتكلمون بالالغاز بس ما فاتت على وليد...
وليد في هالوقت كأنه حاطينه في فرن يطبخ من جوى من الغيره وهو ملاحظ رغد ما تعطيه وجه مثل ما لاحظ حركاتها مع تركي...
مشاري: اقول رغد ترى الدكتور يقول بتجلسين اسبوع وزياده بالمستشفى"وغمز لأمه ولأبوه"
رغد: لاتقول... مشاري رح اقنع الدكتور ترى انا ما احب المستشفيات..
ريم: اسمعي يا رغد ترى ما راح انام عندك انا برجع الشاليه وافلها..واقعدي لحالك..
رغد: افا يا النذله كذا تتركين اختك..اجل الهنوف بتجلس معاي..
الهنوف وفيها الضحكه: انا لالالالا اسمحي لي يا رغد انا ما احب المستشفيات ولا ريحتها .. والحمدلله احد يعاف الشاليه ويقعد في المستشفى..
رغد: اجل امي.
ام مشاري: والله ما ادري يا بنيتي يمكن اخلي الخدامه..
رغد خلاص خنقتها العبره: يعني لهدرجه محد يحبني ..

والكل صار يضحك ورغد ما تدري وش السالفه..
مشاري: رغد يا الدلوعه ابكي احسن..
رغد: ايوه بأبكي.. اهل وما يبوني اجل وش اسوي اضحك..
مشاري: افا عليك انا اللي بجلس عندك..
رغد: صدق!!تسلم يا الغالي..
ام مشاري: يلعب عليك لا يسوي فيها الاخو المضحي ..ترى اليوم بتطلعين..
رغد: هين يا مشاري مسوي فيها انه الاخو الحنون هاه"وتاخذ علبه على الطاوله وترميها عليه"
الكل صار يضحك لانها جات في راسه..
مشاري:آآآآآآآآآآخ...عورتيني بس هين وانتي تمشين يا المنكسره بعكرف لك واخليك تطحين على وجهك وقولي مشاري ما قال..
ريم: تصدق انك نذل..
مشاري: هههه يله يبه خلنا نروح نرتب امورالخروج..
ابو مشاري: يله..
وطلعوا العيال معاه..
وجلست ام مشاري تبدل ملابس رغد وجهزوا الاغراض وطلعوا في الممر.. رن موبايل ريم..
ريم: هلا عبير..
عبير: هلا والله وش صار على رغد..
ريم: الحمد لله ما فيها شي بس التواء بسيط..
عبير: قولي لها خربتي علينا الجو على الفاضي..
ريم بعدت السماعه: رغد .. عبير تقول لك خربتي علينا الجو على الفاضي..
رغد: احسن اجل اعاني لحالي لازم تعانون معاي..
عبير: هههه سلمي لي عليها والبنات بعد يسلمون عليها..
ريم: خلاص اوكي باي.....رغد ..عبير والبنات يسلمون عليك.
رغد: الله يسلمهم..
جا لعندهم مشاري:/ احلى يا المهمه وزيره على غفله..
ام مشاري: هذي رغد عن مليون وزيره..
مشاري: يله مشينا قبل لا يكبر راسها وبعدين ما يطلع مع الباب وبعدين صدق مين بيقعد عندهابالمستشفى..
رغد: يا ثقل دمك امش وانت ساكت..
وطبعا اشتروا لها عكاز ورجعوا للشاليه.
رغد كانت مستنده على مشاري لحد ما وصلها عند الحريم وبعدها الحريم والبنات ساعدوها..
عبير: الحمدلله على سلامتك..
العنود: كل هذا الازعاج عشان رجل..
مها : ما تشوفين شر.
شجون: يا قلبي تألمك رجلك..
رغد تسلم على هذي وترد على ذي وتهاوش ذيك وهي تحس انها صدق بين خواتها مو قريباتها بس..
ام فواز: تغذي زين عشان تطيبين بسرعه..
ام فيصل: لا تمشين عليها كثير..
ام ماجد: يا ام مشاري عطيها حلبه يقولون زينه..
ام سليمان: كلي لحم ترى زين..
ام تركي: اهم شي لا تحركينها كثير ودهنيها بزيت زيتون وابقول لامك الخلطه..
رغد كانت بالمررره مبسوطه على الاهتمام..اول مره تحس انها مهمه او مصدر لفت انتباه الكل..
ريم: احلى يا الشخصيه المهمه..
رغد: منقهره..
ريم: الحمد لله ليش انقهر..واذا غرت رحت مع تركي ولعبت معاه بالدباب وكسرت رجلي وبعدها اصير مثلك..
رغد: والله تبين تكسرين رجلك اكسريها بس مو مع تركي مع سليمان فاهمه..
ريم: لا تركي احسن واضمن اني ارجع ورجلي مكسوره وحاطني على حضنه في الدباب..
رغد تذكرت شوي بس ما تتذكر كل شي: ليش انا رجعت معاه بنفس الدباب..؟؟
ريم: بعد تسوي نفسها بريئه...يمه منك..
رغد: والله ما ادري..قولي لي وش صار؟؟
ريم: سلامتك راجعه وانتي في حضنه وقبل كذا هو اللي شالك وحطك في الدباب وطول الطريق وانتي على صدره وبعدها بشوي وصلتي وخذاك حبيب القلب الثاني وليد ومشاري معاه وبعدين راحوا الثلاثه المستشفى كلهم وبس..
رغد متعجبه: تركي ووليد مع بعض...!!
ريم: ايوه..وجع انتي محوشه على الكل بقي للبنات شوي..
رغد:احس ان وليد حس انه في شي بيني وبين تركي..
ريم:لالا ما اتوقع وش دراك انتي؟؟
رغد:من نظراته لي ولتركي ولا وش تفسرين كرههم لبعض؟؟
ريم: سبب الكره ما ادري..بس مسألة انه لاحظ في هذي ما اوافقك..
طبت عليهم العنود وصقعت رجل رغد اللي تعورها..
رغد بأعلى صوت:آآآآآآآآآآآآآآآآآآآآآآآآآآآآآآه وجع ا نشا الله ما تشوفين؟؟
العنود:ما دريت...وجع فقعتي اذني..
رغد: تستاهلين يا المرجوجه..آآآآآآه يا رجلي اول كان إلتواءوالحين بسبتك اكيد صار انعفاط..
ريم: وش انعفاط هذي؟؟
رغد: عشان تناسب العربجيه هذي..
العنود:ما علي منك ما راح ارد عليك..اقول بنات ترى من جد مليت..
ريم: وش نسوي؟؟
العنود: وانا دايم افكر خلينا نسوي أي شي..
ريم: كم الساعه الحين؟؟
العنود وهي تطالع ساعتها:الساعه عشر..
ريم: خلينا نروح البحر ونسبح شوي..
العنود: أي والله فكره جبتيها يا بنت عمي..بروح اقول للبنات..
قامت العنود وهي تمشي تصقع رجل رغد مره ثانيه..
رغد وهي بتصيح:آآآآآآآآآآآآه يا الدبى وجع عورتيني حشى غوريلا مو بنت..
العنود تضحك: والله معليش ما شفتك المره الثانيه بأصقعها زين..
رغد وهي منقهره:ريم تكفين خذي حقي منها..
ريم: هين اوريك فيها "وهي بتقوم جلست على رجل رغد ما درت..
رغد:آآآآآآآآخ قلت منها مو مني..
ريم تضحك: والله ما دريت بس اوريك فيها..
رغد: لا اللي بعدها راح يوطاني انا مو رجلي كل هذا عمى ما يشوفون..
راحت العنود عند البنات: بنات..بنات اجتماع عاجل..
وفي لحظه البنات كلهم حولها..
العنود: بسم الله سكن مو بنات..
عبير: اخلصي<<نست الهواش..
العنود سوت نفسها نست اللي صار:وش رايكم نروح البحر ونسبح..
البنات:يلا..
والكل تجهز الا رغد..
ريم تمر من عند رغد:ريم ..ريم..
ما عطتها وجه...
وبعدها نوف:نوف...نوف..
ما عطتها وجه..
وبعدها فجر: فجوره قلبي شوي...
فجر وهي تمشي: نعم..
رغد: وقفي شوي..
فجر وهي رايحه: بعدين بعدين..
رغد خلاص خنقتها العبره وشافت شجون:شجونه.. شجون..
شجون: رغد ما شفتي ذاك البنطلون الجينز حقي..
رغد: لا ..بس تعالي..
شجون: تسلمين حبيبتي مشكوره"وراحت"
رغد: يوووه وش فيهم ذولا..عطوني وجه شوي..
وبعد دقايق طفح الكيل عند رغد قامت تصارخ لحد ما حست ان راسها بينفجر: خلاااااااااااااااااااااااااااااص..
البنات وقفوا:............
رغد تبكي: عطوني وجه..
الهنوف: يا قلبي يا صديقتي..كان ناديتيني..
رغد: بس قوموني ما راح اقول شي ثاني..
البنات كسرت خاطرهم رغد ورحموها وقرروا ينتبهون لها المره الثانيه..
قومت الهنوف رغد: تسليمن يا احلى صديقه في الدنيا..
الهنوف: الله يسلمك..
العنود: هاه جاهزين..
البنات: اكيد..
العنود : يلا..
وطلعوا كل البنات..العيال شافوهم وهم طالعين..
مشاري: حشى جيش مو بنات..
سليمان: تقولون كأنهم في حرب..
ماجد: لا يكون ناوين يطاقون العالم..
وليد: لالاما توقع..
فواز:توقع مهنم أي شي..
فيصل: خلونا نشوف وش راح يسوون..
تركي: يله..
وراحوا العيال ورى البنات بحيث ما يلاحظونهم..والبنات فسخوا عباياتهم وكانوا لابسين ملابس سباحه<<بس ساتره..
مشاري يطالعهم: هذولا بناتنا هالمزايين..
ماجد: انت صادق..
وليد وخروا خلونا نشوف..
فواز: عطونا وجه..
فيصل: انت متزوج ولا ترى بعلم..
فواز: يا نذلك..
مشاري بأعلى صوته: لحظه... غمضوا..
الكل: ليش..؟؟
مشاري: خواتي.. بس انا اللي اطالع..
ماجد:احلف وخواتنا بعد غمض انت..
طلال: لالا غمضوا انتوا وخواتي بعد..
سليمان:انا اقول غمضوا كلكم و خلونا نشوف انا وتركي..
لفوا عليه كلهم..
سليمان: اقصد.........هونت هونت.......اختي معاهم..
مشاري: خلونا ندخل عيب عليكم هالحركات كانكم بزارين تطلون على البنات صدق عيال اخر زمن..
وليد: اعصابك يا العاقل..
مشاري: على الاقل ما اسوي حركاتكم هههه...
ماجد: اقول ادخل وانت ساكت لا ارميك عليهم..
مشاري:صدق!!..اجل ماني ساكت ارمني عندهم..
ماجد سحب قميصه من عند رقبته: امش امش الله يهديك..
وليد: ما ينعطى وجه..
سليمان: اتركوا صديقي..
طلال مسك قميص سليمان من ورى: امش بعد انت معه..
تركي يضحك: خل فزعتك تنفعك ما راح افزع معك..
ودخلوا الشاليه وهم يضحكون...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند البنات

كانوا البنات في البحر وكانوا يلعبون ويضحكون ويمزحون الا رغد..
رغد"يا ليتني معكم ..ورجلي ما لقت تنكسر الا اليوم اووووف..مشا الله عليهم مبسوطين.."
ريم جايه لعند رغد تضحك: ههههه يا حليلها فجر ما تعرف تمزح..
رغد: اجلسي وقولي لي ليش..
ريم جلست: كنا نقول اللي تطيح الثانيه تفوز بس فجير ما صدقت على الله وغرقت نوف..
رغد:هههههههه والله انها خبله..
ريم: يا ليتك معانا والله وناسه..
ريم بالكلمه هذي ما تدري انها زادت الطين بله..
رغد بخاطر مكسور:اهااااا...
ريم حست في رغد: رغد فيك شي؟؟ رجلك تألمك..
رغد: هاه لا ما فيني شي ..ايه ايه رجلي تألمني شوي..
ريم ما اقتنعت:اكيد عشان رجلك..
رغد: اكيد اجل عشان ايش..
ريم: لا قلت يمكن سالفة وليد..
رغد: لالا ما فكرت فيه..بس انتي لا تشلين هم وروحي العبي معاهم..
جات الهنوف: ها رغد كيفك ؟؟وش فيك يا ريم جلستي..
ريم: خلاص وصلت الهنوف انا رايحه..الهنوف اختي امانه عندك..
الهنوف: رغد بعيوني...
رغد: تسلم عيونك..
وراحت ريم وجلست مكانها الهنوف: ها حبيبتي ا نشا الله الحين احسن..
رغد: لا الحمد لله الحين احسن بكثير.
الهنوف: اخذتي علا جك؟؟
رغد: ايوه اخذته من شوي وعلى الساعه وحده بالليل باخذه..
الهنوف: زين...
في البحر...
العنود: هاه عبير وريم عليهم..
عبير :يله عليهم واحد اثنين ثلاثه ..
ويلحقون البنات مها ونوف وشجون..
العنود مسكت مها ودخلتها في المويه وعبير مسكت نوف وريم معاها شجون..
مها: خلاص يا العنود والله توبه..
عبير: هاه نويف توبه ما تحشيني انا واختي وبنت عمي ريم..
نوف: والله ما عيدها توبه..توبه بس فكيني..
شجون: ريم الله يخليك فكيني..
ريم بصوت شري:لا..
شجون: الله يخلي لك اختك رغد..
ريم: توبه ما تتكلمين فيني..
شجون: احب على راسك بعد بس فكيني
" لين كانت تسبح مع البنات وهي ساكته لان مشعل مومعاها<<غريبه اول مره"
طبعا شلة النعومات ما يقدرون على شلة العرابجه..
الهنوف: رغد رغد شوفي وش يسون فيهم..
رغد: هههه يا حليلهم صادق اخوي مشاري فيهم يوم يقول صعايده..
الهنوف بس جابوا طاري مشاري استحت:مشاري يقوله"وابتسمت"
لفت عليها رغد ولا حظت عليها الحياومنزله راسها: ايو مشاري يقوله..وقال اشياء بعد..
الهنوف وهي ترسم على الرمل: ايوه وش قال بعد..
رغد: قال...قال انه بدى يحب وحده<<تستهبل تبي تتأكد..
الهنوف وهي مازالت لاهيه بالرسمه: صدق وما قال مين هي..
رغد: الا..
الهنوف خلصت الرسمه وهي عباره عن قلب فيه حرفMوA : ومين هي..
رغد شافت الرسمه وصرخت: كشفتك....
الهنوف اخترعت: بسم الله الرحمن الرحيم وش فيك..
رغد: تحبين اخوي؟
الهنوف: ومين قال..
رغد: مين قال شوفي رسمتك...
الهنوف انتبهت للرسمه: هاه مو انا اللي راسمتها..
رغد: لا ظلك تغبين علي..
الهنوف: رغد خلاص...
رغد: احلى يا مرت اخوي..
الهنوف: تكفين ريم لا تدري ولا الخبر وصل لدول الخليج..
رغد: لا لا تخافين ما راح اقول..بس من جد فله..
الهنوف: صدق يا رغد مبسوطه..
رغد: اكيد ..وبعدين اخوي وين راح يلقى احسن منك..مشا الله جمال وادب واخلاق.
الهنوف: تسلمين يا قلبي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
نروح عند العيال

كانوا الشباب متوهقين مع الشياب ومقعدينهم معاهم بالغصب..
مشاري: طلال والله طفشت..
طلال: يعني انا المبسوط..
فواز: طلال طلعنا من هالورطه..
طلال: والله ماني بقد الشياب..
وليد: مشاري وش نسوي الحين..
ماجد: اقعد وانت ساكت وش تسوون بعد..
فيصل: انا عندي حل..
العيال: وشو؟؟
فيصل لف على سليمان وتركي:ما راح يطلعنا الا الاثنين ذولا..
ولفوا العيال عليهم..
سليمان: بسم الله خير في شي..
تركي: اذا مضيعين شي في وجههي قولو يمكن القاه....خير وش فيكم..
العيال:/ فيصل وشلون..؟؟
فيصل: الشياب ما راح يردونهم لو طلبوا منهم..
مشاري: والله جبتها وينك من زمان صار لنا اربع او خمس ساعات واحنا هنا..
ماجد: والمشكله نفس السوالف يسولفون فيها..
وليد: الشركه..
فواز: اسهم..
طلال: عن ارتفاع الاسعار..
مشاري: هموم العيال..
فيصل: وبس.....يله خلونا نقولهم..
سليمان: خير وش السالفه..؟؟
مشاري: سليمان طلبتك لا تردني..
سليمان: آمر اذا قدرت عليه سويته..
تركي: لا يا الخبل لا تتوهق معاه..
مشاري: اسكت انت.....سليمان نحن في حاجة ماسة اليك..
تركي: احلى يا اللغه العربيه..
مشاري: هاه سليمان وش قلت..
سليمان: طيب قول..
مشاري: روح للشياب وقل لهم انه ودنا نطلع.. شفت طلبي صغير وما ياخذ وقت..
سليمان:احس انها صعبه.. واذا فشلني ابوك..
مشاري: لالا ما راح يقول لك شي بس انت روح وما عليك شر..
سليمان: بأحاول عشانك ولا انا استحي اطلب من خالي او عمي حتى..
مشاري: تسلم لي والله انك اخو دنيا..
تركي: لهدرجه الوضع متأزم..
مشاري: واكثر بس خلني ساكت لا تزيد المواجع..
تركي: لا اجل بأخرب عليكم..
العيال لفوا عليه: وش قلت..
تركي: قلت بروح مع سليمان اساعدكم..
العيال: أيه..
سليمان قرب من عند ابو مشاري: احم احم..
ابو مشاري: خير سليمان في شي ..محتاج لشي..
سليمان يلف على العيال ويشجعونه بعدين رجع لف على ابو مشاري: لا الله يسلمك بس ابغى اطلب منك طلب صغير واتمنى انك ما تردني..
ابو مشاري: سم آمر اطلب وانا لك..
سليمان: تسلم والله حبيت نطلع انا والعيال نتمشى شوي عند البحر ونرجع..
ابو مشاري: والله عشانك بوافق ولا هم ما يستاهلون..
سليمان: تسلم تسلم الله يخليك ا نشا الله
ورجع عند العيال..
مشاري: تعجبني والله..
سليمان: يله عطني..
مشاري: وش اعطيك؟؟
سليمان: تستهبل انت يله عطني..
مشاري: ايه وش اعطيك..؟؟
سليمان: فلوووس انت والشباب..
مشاري: افا وانا من ساعه اقول اخو دنيا وطلعت اخو ديمه..
سليمان:ههههه حلوه بس لا تصرف..
طلال: شكلنا بنعطيه حلاوه..
سليمان فهم وش معنى حلاوه: لالا مادام المسأله فيها حلاوه تنازلت..
فيصل: عيال ما يجو ن الا بالعين الحمراء ..
وطلعوا مبسوطين وفالينها وراحوا للبحر..وشافوا البنات لحد الان ما طلعوا..
مشاري: حشى سمك ما ملوا..
فيصل: وانت صادق من زمان وهم فيه..
طلال : خلونا نتفرج بس..
فواز: انت لو تسكت ازين ..
رغد شا فت العيال وهم بعدين مسافه بحيث انهم ما يميزون اشكالهم:بنات بنات..
البنات لفوا عليها: خير..
رغد: العيال يطالعونكم..
البنات: أي والله..
رغد: تعالوا قربوا خلونا نسوي فيهم مقلب..
البنات تجمعوا: وشو؟؟
رغد: وش رايكم اذا سبحوا نقعد شوي بعدين صرخوا وقولو تمساح..
ريم: واالله فكره..يا اختي توني اكتشف مواهبك..
العنود: صادقه اثرك طالعه علي وانا ما ادري..
رغد: انتي اللي طالعه علي انا الكبيره..
البنات :اوكيه..
لين: انا طالعه اسبح مع مشعل..
نوف: انطقي هنا..
لين وهي تمشي: ما عليك مني..
فجر: لين..
لين لفت عليها: نعم..
فجر : سلمي لي على مشعل..
نوف: تستهبلين..
فجر: لا احب اعصب بها..
لين مشت وراحت عند مشعل..
محمد: مشعل جات حبيبة القلب..
مشعل: تصدق ما تخليني اتنفس لحظه..
محمد: مع السلامه انا رايح..
لين: هاااي مشعل..."وسبحت معاه ولازقه فيه"
العيال..
مشاري: خلونا نسبح..
العيال ما صدقوا على الله وفسخوا قمصانهم وعليهم البناطيل وسبحوا..
مشاري لف ما لقى احد: انا قلت خلونا ما قلت اسبحوا..
وليد: طب طب واالله وناسه..
مشاري: جايكم جايكم بس وخروا...
ورجع مشاري على ورى ورجع ورجع ورجع ورجع وبعدها ركض ركض ركض..
العيال يشجعونه: يله يله بسرعه..
يوم وصل عند البحر وقف: اخاف انها بارده..
العيال ماتوا ضحك على مشاري..
طلع ماجد من البحر وجا من ورى مشاري ودفه في البحر..
وبعدها قاموا يسبحون ويلعبون..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

رغد : الهنوف قوميني..
الهنوف قومت رغد..
رغد: اسمعوا انا راح ابعد شوي اذا اشرت لكم اصرخوا..
البنات: اوكيه..
رغد بعدت مسافه بعدها اشرت لهم..
البنات ما صدقوا على الله<<السنتهم طوال..
صراااااااااااااااااااااااااخ:تمساح تمساح تمساح يمه يمه وبعدوا وهم يضحكون..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العيال...
وليد: كأنهم يقولون تمساح.
مشاري: الا سمعت يقولون تمساح..
طلال صرخ: يمه "وطلع"
والعيال لحقوه وطلعوا من البحر وهم مفسخين ولين تصيح ..اشكالهم تحفه وهم بردانين من الهوا...
بعدها البنات ما قدروا يسكتون وضحكوا: صادوه
ههههههههههههههههههههه
العنود: واحد صفر..
العيال: هين هين نوريكم.
مشاري: بنات خفوا فينا..
وليد :أي والله..
سليمان: بس شكل طلال يقول يمه يمه يموت ضحك..
ومشعل قعد يهدي لين لانها منفجره صياح.
وقعدوا يضحكون على اشكالهم وعلى طلال خصوصا وبعدها رجعوا داخل الشاليه وناموا من الهلاك والبنات نفس الشي...
@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@

" نهاية البارت "

**الفتى المبدع** · 05-23-2011, 07:38 PM

الجزء الرابع عشر

صباح يوم الاربعاء..
الكل صحى من حريم ورجال..والبنات متوجهين للحريم..
رغد: صباح الخير جميعا..
عبير: صباح الخير للكل..
ريم:good morning avry body..
نوف:هاااي..
شجون: اهلين..
العنود: انا غير ..تمسون على خير..
الحريم ماردوا على احد لمن يخلص الجيش بس ضحكوا على العنود..
ريم: يعني لازم تكونين غير..
العنود: اكيد يا قلبي غير لاني غير..
ام مشاري: هلا والله صباح النور والفل والياسمين..

ام ماجد: يلا تعالوا افطروا معانا..
ام سليمان: يله تعالوا يا بعد قلبي انتوا ا نشا الله نفرح فيكم..
ام فواز: ونزوجكم كلكم في ليله وحده..
البنات كلهم: امين يا رب العالمين.
ام الهنوف: صدق بنات اخر زمن.
ام مشاري: وين الحيا وايامه راحت وولت..
رغد: يمه الحين جيل يختلف عن جيلكم..
العنود: احنا خدمات الجيل الثالث..
الكل:ههههههههههه
ريم: اهم شي انه الجيل الثالث..
وبعدها كملوا فطورهم..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&
عند الرجال

العيال: صباح الخير جميعا..
الشياب: صباح النور..
ابو مشاري: يله تعالوا افطروا..
مشاري: ان شا الله..
وليد: سم..
ماجد: ابشر..
ابو ماجد: وانتوا هذا حالكم كل واحد يقول نص جمله والثاني يكمل..
طلال: هذا تبع تطورات الشبكه العنكبوتيه..
وليد: وش دخل هذا في السالفه..
طلال: لا ابد سلامتك اعلمك اني فاهم الدنيا غلط..
مشاري: في هذي صدقت..
فيصل: عيال خلونا نفطر عشان نفلها..
سليمان: وش ناوين عليه؟؟
تركي: خلونا نتمشى بالدمام ولا الخبر..
وليد: لو نروح البحرين..
مشاري: ايه هين شكلك نسيت الشياب الشاليه ما نتعداه تقول السجن المركزي..
طلال: في هذي صدقت..
فواز: تصدقون احسن شي استدفته في الاجازه مفتك من العيال وام العيال.
طلال: هين بقولها وهي المسكينه عند اهلها ..
وليد: ورامي عيالك عند امك بصراحه طحت من عيني وانا اقول فواز قدوتي..
فواز: وانا وش علي منهم اهم شي انبسط..
فيصل يمثل: حرام حرام عليك صدق قلبك قاسي .خلاص الحين انا منصدم فيك كيف كيف طاوعك قلبك تقسى وتنساني..
العيال يضحكون على فيصل لانه ضابط الدور وكانت عيونه مليانه دموع<<طبعا دموع تماسيح..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند البنات

العنود: الحين عقب ما مليتوا بطونكم جعلها الدود..
ريم: انشا الله انتي..
عبير: العنود وجع لا تدعين علينا..
العنود: المهم خلونا نسوي شي لاني من جد مليت وما احب اجلس كذا فاضيه..
ريم: طيب فكري..
العنود: وانا اللي دايم افكر هالمره انتوا فكروا..
عبير: وش رايكم نروح لمجمع ونتسوق ونفلها..
ريم: مبروك مبروك يا عبير..
العنود: صح صح مبروك مبروك يا عبير..
عبير فرحت: الله يبارك فيكم بس على ايش..
العنود: واخيرا الحمدلله الحمدلله..
ريم: ما اصدق ما اصدق بصراحه فرحه فرحه ما توصف..
وقاموا يحضنون بعض..
عبير: انخطبت ولا وش السالفه..
العنود: لا بس الحمدلله ان عقلك ما زال شغال..
ريم: وانا على بالي تعطل..
رغد: وانا توقعت عليه بيوت عنكبوت من كثر ما تشغلينه..
عبير عصبت: انقلعوا والله انكم ما تستاهلون من يفكر عشانكم..
العنود: اللي يسمعك الحين يقول مكتشفه الذره..
ريم: بس بصراحه فكره حلوه..
رغد: بس ما تنفع الحين..
نوف: ايوه المجمعات خلوها بالليل..
العنود: احنا نبي شي الحين..
البنات فكروا وعجزوا يلقون شي غير يخليهم ينبسطون..
رغد: انا اقول نفلها عند البحر شوي لما يجي العصر بعدها نروح المجمع..
العنود شكل مالنا الا هالحل..
ريم: بصراحه انا اقترحت عليكم اقتراحات بس ما عجبتكم..
العنود: اقول امشي وانتي واقتراحاتك..
"وطلعوا البنات من الشاليه يتمشون"
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العيال

مشاري: الحين وش نسوي..
طلال: خلونا نروح عند امهاتنا شوي بدال الشياب..
وليد: صادق على الاقل امهاتنا يحنون علينا..
فيصل: ونحس بالعطف والحنان..
فواز: امش امش بلا رومنسات انت واللي معاك..
"دخلوا عند الحريم"<<ناس داخلين وناس طالعين..
العيال: احم احم فيه احد..
الحريم تغطوا: تفضلوا ما فيه احد..
دخلوا العيال وسلموا على امهاتهم وجلسوا معاهم..
ام مشاري: وينكم ما عاد شفناكم ولا لكم حس..
مشاري: يمه البنات محجرين لنا..
ام ماجد: ما فيه اعذار لا تحطها في البنات..
ام فواز:يا حلوا اشكالكم وانتوا مجتمعين..
العيال: الله يسلمك..
ام فيصل: يا جعلنا نشوفكم معرسين ونفرح فيكم..
ماجد:فكونا ما ورى الحريم الا وجع الراس..
طلال: احس انه عادي..
فواز: بصراحه ما انصحكم..
ام مشاري: لا تخرب العيال ترى هم على جريف وودهم احد يقولوهم لا تتزوجون..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عنند البنات

الهنوف :رغوده بروح اشرب مويه واجي..
رغد: ايوه بس لا تطولين..
الهنوف: اوكي يا قلبي..
وراحت الهنوف بتدخل الشاليه بس سمعت اصوات العيال عرفت انهم فيه راحت من الباب اللي ورىودخلت المطبخ..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&
عنند الحريم

ام مشاري: بروح اجيب لكم فناجين قهوه..
مشاري: يمه استريحي انا بروح اجيبها..
راح مشاري للمطبخ..
كانت الهنوف تدور لها كاس مويه وبعدها صبت لها ووقفت تشربه..
مشاري دخل المطبخ وشاف وحده معطيته ظهرها وتشرب مويه..توقع انها ريم او رغد لانهم نفس الاجسام تقريبا..مشاري قرب وقرب وقرب وغطى على عيونها
الهنوف اخترعت: يمه خرعتيني..ريم ترى مو رايقه لك.
مشاري"اذا هذي مو ريم ولا رغد لان رغد منكسره رجلها اجل تطلع مين يا ربي وش اسوي الحين"
الهنوف: اذا انتي مو ريم فا العنود..العنود قلبي ترى مو رايقه..
مشاري"ياربي وش اسوي وش اسوي":انا..انا....
الهنوف انصدمت من الصوت بعدين قالت بصوت خفيف على امل انه يكون الشخص الباقي والوحيد: تركي..
مشاري شال ايده بشويش: لا ..انا اسف..
لفت الهنوف وانصدمت:م..م مشاري..
مشاري يطالعها ولا يدري وش اللي خلاه يحط نفسه بالموقف هذا..
مشاري: انا...انا.. حسبتك ريم او رغد..
الهنوف تحس انها بتبكي من الفشيله" مشاري كان ما سكني ولا ادلع عليه كملت كملت يا ربيه وش اسوي اطلع ولا استناه يطلع..لالا بطلع بس وشلون وهو واقف قدامي"
مشاري وكأنه قرا افكارها وصد عنها..
الهنوف بسرعة البرق انحاشت وماعاد شفنا الا غبرتها من السرعه..
مشاري" انا في حلم ولا في علم في حقيقه ولا خيال انا كنت ماسك الهنوف لالا ما اصدق..بس لازم اخطبها بأسرع وقت ما عاد اقدر اصبر على هالدلع والله تذبح"
وطلع من المطبخ مبسوط والابتسامه شاقه الوجه..
ام مشاري: يله عطنياهم..
مشاري: هاه..
ام مشاري: عطني الفناجين..
مشاري: أي فناجين..
ام مشاري: صدق عيال ما يعتمد عليهم..
ماجد: مشاري وش فيك مفهي وشاق الكشره وش عندك..
مشاري: هاه............انا...............هاه..
ماجد: لالا صدق الولد ياانهبل يا انهبل يا اخي وش فيك..
مشاري: انا لالا ما فيني شي وش فيني..
وليد: لا يكون شارب شي بس علمني..
مشاري: اقول روح زين..
واليد: حسافه كان ودي اشرب معاك..
ماجد يعطي وليد وحده على رقبته: وجع وش هالكلام..
وليد: أي عورتني يا اخي كلام كلاااام....
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند البنات

الهنوف جايه تركض وتضحك مرت من عند رغد وطافتها..
رغد:الهنوف الهنوف وقفي وقفي ما سكه خط..
الهنوف ماااااشيه ولا في شي راح يوقفها..
رغد تصارخ:هنيف هنيف وقفي..
الهنوف بعد ايش وقفت بس مازالت الابتسامه شاقه الوجه ورجعت لرغد..
رغد:اخبرك رحتي تشربين مويه مو "رد بول"..
الهنوف تستهبل:بيعطيك جوااااانح..
رغد:لالا البنت استخفت وقعدت وش فيك فرحيني معاك..
الهنوف: يا رغد مبسوطه مبسوطه..
رغد: ايه ليش؟؟
الهنوف تورطت مع رغد وش تقول لها تقول اني شفت اخوك وكان حاط ايديه على عيوني واني مبسوطه على هالشي يا ربيه وش اقول.
رغد: هنيف وش فيك ترى عصبت منك..
الهنوف مرتبكه وواضح عليها: ما فيني شي..
رغد:الهنوف قسم بالله بايخه تقولين مبسوطه من ساعه على ايش..
الهنوف بسرعه:امي..
رغد: وش فيها امك؟؟
الهنوف: امي قالت....امم قالت اني بنام عندكم اذا رجعنا..
رغد فرحت: جد صدق ما اصدق وربي وناسه..
"قامت وحضنت صديقتها والهنوف تحضن رغد وهي في عالمها"
ريم: وش فيكم مين اللي مات..
رغد: ان شا الله انتي استغفر الله ..وش هالكلام؟؟
الهنوف: صدق بايخه وما تنعطين وجه..
ريم مصدومه:وش فيكم قلبتوا علي..
رغد: من كلامك شافيتنا مبسوطين تقولين من مات..
ريم: لالا عادي بس شوي ضاربه فيوزاتي..الا وش عندكم مبسوطين فرحوني..
رغد: واللقافه ما تفكينها ابد..
ريم واقفه وقفه عسكريه : انا قاسمه قسم اني ما افكها ابد فداء للدين والوطن وللمليك..
رغد: ههههه المهم ابشرك..
ريم: انخطبتي..
رغد: وجع اسمعيني..
ريم: كلي اذان صامغه..
الهنوف: اسمها صاغيه مو صامغه جعل اذنيك تلزق..
ريم: مشكوره حبيبتي على المعلومه الثمينه مع تصحيح الخطا..
الهنوف: ذكرتيني بالاملاء ايام الابتدائي..
ريم: ايوه يا رغد بشريني..
رغد فرحانه من قلب: الهنوف بتنام عندنا..
ريم تبي تنرفزهم: احلفي!! بس هذا اللي مزعجتنا عليه على بالي عندكم سالفه ولا شي حلو ..
الهنوف:رغد بعدي اختك عني لا ارفسهاواخليها تقطع الخليج العربي وتوصل المحيط الهادي..
رغد: ولو ان معلوماتك شوي ملخبطه بس ابشري انا اللي برفسها..
ريم: بروح بكرامتي احسن..وين بنت عمي العنود تفهمني..
العنود: انا وراك يا بنت عمي ايضا..
ريم: سرينا..
العنود تغني: سرا الليل وحنا ما سرينا<<قايله لكم الاخت تشتغل طقاقه محد صدقني<<كأن احد كذبها..
رغد: تحمدي ترى اذا اجتمعوا مهبل بس تحمدي واستغفري لا يجونك عيال مشوهين ذهنيا مثلهم..
الهنوف تخيلت عيالها من مشاري وراحت في عالمها..
رغد: الهنوف ..الهنوف ووجع..
الهنوف: هلا قلبي..
رغد: وينك ساعه اناديك..
الهنوف"مع اخوك يعني وين":معاك قلبي..
رغد: المهم خلينا نقوم نمشي شوي ترى مليت من الجلسه..
الهنوف: يله..
وقاموا يتمشون على الشاطئ..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العيال

طلعوا من عند الحريم وكل واحد راح يشوف له شغله بعض العيال قعدوا عند الشياب وبعضهم طلع بسيارته والباقي يتمشون عند البحر..
تركي وسليمان كانوا من ضمن اللي يتمشون عند البحر..
تركي: شوف سليمان هذي حرمتي ومعها اختي..
سليمان: رح رح لاختك ومنها فرصه تشوف حرمتك..
تركي: وانت صادق بس اقعد هنا ترى ما ارضى على محارمنا..
سليمان: تقلع بلا حكي فاضي..
تركي راح لعندهم..
الهنوف: هذا تريك..
رغد: الا والله كأنه اخوك..
الهنوف: وش يبي هالنشبه..
رغد وجهها صار احمر من يوم شافته: يمكن يبي شي ضروري..
الهنوف: هذا ما يجي وراه الا البلاوي..
وصل تركي عند البنات..
تركي: هلا والله بأختي واللي معاها..
الهنوف: اهلين ..وحاكني انا ومالك شغل باللي معاي.
تركي: بس عيب لازم اسلم على اللي معك ولا بعدين وش يقولون ما عنده ذوق ولا يعرف الادب واصول الاتكيت..
الهنوف: اهم شي الاتكيت اللي تعرفه وش تبي..؟؟
تركي: الهنوف عاد خفي علي شوي ما اشتقتي لي"ويطالع رغد"
رغد نزلت عيونها..
الهنوف شافت رغد مستحيه منه وتعرف اخوها جرئ فحبت تنهي الموضوع بسرعه: ايه اشتقت لك يله خلاص رح..
تركي ناوي يفلها: ايوه بس اشتقتي لي..
الهنوف: وبعدين معاك يا اخي ليش ناشب لي..
تركي: موعشانك من زين وجهك..
الهنوف: اجل عشان مين..
تركي: عشان اللي معاك..
رغد رفعت راسها على طول منصدمه من جرئته الزايده ولا وقدام اخته..
الهنوف: تريك ترى وصلت معاي احسن لك ضف وجهك ترى مالي خلقك..
وليد شاف تركي يكلم بنتين قرب من عندهم شوي شاف رغد ومعاها وحده هو ماهمه مين اللي معه بس اهم شي شاف تركي يكلم رغد..

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@

" نهاية الفصل "

**الفتى المبدع** · 05-23-2011, 07:39 PM

الجزء الخامس عشر

وليد شاف تركي يكلم بنتين قرب من عندهم شوي شاف رغد ومعاها وحده هو ماهمه مين اللي معها بس اهم شي شاف تركي يكلم رغد صارت الدنيا من حوله سوااااد
راح وليد لعند تركي ودفه من كتفه: خير انت وش قعدك مع البنات..
تركي لف على وليد وانصدم منه بس تدارك نفسه:لو سمحت ابعد ايدك وبعدين وش عليك مني..
رغد: وليد انت وش عليك..
وليد يصرخ: انتي اسكتي اذا اهلك ما عرفوا يربونك انا راح اربيك بس شغلك بعدين..
رغد تصارخ باعلى صوت: اسمعني عاد يا وليد كلام يوصلك ويتعداك انا متربيه قبل لا اعرفك ومو انت اللي راح تربيني فاهم..
وليد: انتي حسابك بعدين اول شي بتفاهم مع اللي ما يستحي على وجهه ويكلم بنات الناس..
الهنوف ساكته وتبكي لانها ما تتحمل هالمواقف..
تركي يحاول يضبط اعصابه:وليد اقصر الشر واحسن لك ابعد عني..
وليد: واذا ما بعدت يعني وش بتسوي..
رغد خافت عليهم: وليد اترك الولد..
وليد والغيره كلت قلبه:ليه خايفه عليه..
رغد انصدمت واللي كانت حاسه فيه طلع صح..
تركي: ترى ما اسمح لك.
وليد: وليه و مين تكون انت عشان تسمح لي..
تركي وصلت معاه ودف وليد لمن طاح: الحين اعلمك منو انا..
سليمان كان بعيد بس يوم شاف المسأله فيها ضرب قرب يفكهم..
وصار كل واحد يضرب الثاني واحد يعطي بوكس وهذا يرفس الثاني والثاني يسدح الاول وصار طقاق لاصار ولا استوى..
الهنوف تبكي على اخوها..
رغد تصرخ وتنادي احد يفكهم..
البنات تجمعوا مصدومين من العنف اللي قدام عيونهم..
سليمان كان يحاول يفكهم بس ما قدر لحاله..
جا بعدها طلال وفواز وماجد ومشاري وفيصل ..حاولوا يفكونهم.. ماجد مسك اخوه وليد وفواز ماسك تركي..
وليد: اقول فكني عليه خلني اعلمه الاخلاق..
تركي: متعلمها قبل ما اشوف وجهك..فكني عليه عشان يسكت ويقفل فمه..
مشاري بحزم: خلاص انت وياه وبعدين معاكم وعلى ايش هذا كله انتو اخوان ووتسون هالحركات..
وليد: قله قله قل للي كان يكلم اختك..
مشاري مصدوم وطالع تركي يبي رد..بس تركي ما رد..
رغد انقذت الموقف: اصلا يا مشاري تركي ما كلمني كان يحاكي اخته الهنوف واسأل الهنوف كمان واحلف لك بعد بس وليد"قالتها بحقد" الحمد لله والشكر شكاك على الفاضي..
مشاري فهم السالفه: خلاص انت وياه كل واحد طوله مشا لله والعقل صغير يله كل واحد يهجد في مكانه..
طلال: خلاص يا شباب ما حصل الا الخير سؤ تفاهم بسيط..
رغد: أي بسيط شف وليد خله يعدل ويثمن كلامه قبل لا ينطق الكلمه..
ريم تهمس لرغد: رغد خلاص زودتيها..
رغد بنفس الهمس وهي منقهره: اسكتي خليني اطلع حرتي فيه..
ريم: ترى راح تقولين لي وش صار..
رغد: ترى هذا مو وقتك..
وبعدها ماجد ترك اخوه وفواز نفس الشي لتركي وكل واحد يطالع الثاني بنظرات حقد..
مشاري: يله تصافحوا وصفوا النيه..
وليد: انسى..
تركي: انت اللي انسى..
ماجد: بلا حركات بزارين لا ادوس في بطونكم الحين..
طلال: ترى ما تسوى علينا خربتوا اجازتنا..
فيصل: يله عاد خلونا نرجع حبايب..
فواز: يله وليد وانت يا تركي ما نحب احد يكون زعلان وشايل على الثاني ..
سليمان: واحنا اخوان ويله سلموا على بعض..
وليد صافح تركي من غير نفس وتركي نفس الشعور..
وبعدها صرخوا البنات والعيال مع بعض:هوووووووه...
رغد عطت وليد نظره بعدها ما عاد صار يطالعها ابد ومشت وخلتهم..
تركي انبسط ان رغد كانت في صفه..
وبعدها العيال والبنات افترقوا وراحوا البنات كلهم الا الهنوف واقفه في مكانها وتطالع الارض..مشوا البنات كم خطوه..
رغد صارت تلتفت يمين ويسار تدور الهنوف ما شافتها..
رغد : بنات وقفوا...."وقفوا البنات"
رغد: في عضو ناقص..
ريم: فاضيه انتي ومن العضو الناقص..
رغد: الهنوف قلبي..
وبعدها قامت كل وحده تطالع اللي جنبها..
ريم: مفقود..
فجر: مفقود..
العنود: مفقود..
نوف: مفقود..
مها: مفقود..
شجون: مفقود..
عبير: مفقود..
لين: ماهي فيه <<اول مره تكون مع البنات..
رغد: اجل وين راحت..
لفوا كلهم في نفس الوقت وبعدها فقعوا ضحك على شكل الهنوف كانت واقفه تفكر ومنسجمه في التفكير..
رغد: بروح اجيبها واجي..
رغد وصلت عند الهنوف ضربتها على ظهرها بخفيف:الهنوف..
الهنوف:................"لا حياة لمن تنادي"
رغد: الهنوف..الهنوف..
الهنوف:............."البنت متعمقه"
قامت رغد وتصرفت تصرف ثاني لان الهدوء والدلع اكيد ما راح ينفع مشت لحد ما صارت في وجه الهنوف ومسكتها من كتوفها ولفتها لجهت البنات ودفتها..
الهنوف صحت: رغدوه وجع خرعتيني..
رغد: امشي لا اتوطى في بطنك انتي واخوك..
الهنوف خنقتها العبره: وانا وش دخلني<<البنت حساسه..
رغد رحمتها: يا قلبي ما عليش سامحيني ..عشاني معصبه ترى ماني عارفه وش اقول..
الهنوف: اهم شي ما تزعلين مني..
رغد: وانا اقدر يا قلبي..
ومشوا لعند البنات..
العنود وريم يتساسرون:رويم تتوقعين وش صار؟؟؟
ريم: علمي علمك..
العنود: اخوي واعرفه هادي ومسالم ولا يحب المشاكل..
ريم: والله ما ادري بس شكل السالفه قويه..
العنود: ريم دبريني ما اقدر اصبر احس جسمي يحكني ولساني وماني قادره اتحمل لازم اعرف وش صار..
ريم: حشى مدمنه مو لقافه..
العنود: انشبي في اختك وقولي لي لاني اعرف وليد لو اترجاه من اليوم لما اجازة المؤتمر بعد ما ادري كم سنه ماراح يقولي..
ريم: هههه يصير خير<<شكلها ناويه تذلها..
العنود: شنو يصير خير..
ريم بخبث: يصير خير يعني ا نشا الله..
العنود: ايه احسب..
ريم: تهددين ولا ايش..
العنود: لالا سلامة قلبك اقصد ريحتي قلبي..
ريم: ايه كذا خلك مستقيمه..
العنود: طيب عادي اميل 20 درجه اقعد مع اختي عبير..
ريم بوثوق: اذا كان كذا مسموح..
وراحت العنود عند عبير وبدت تشتغل اللقافه..
العنود: وش صاير؟؟
عبير: علمي علمك..
العنود: وش تتوقعين ؟؟
عبير: ما ادري..
العنود: وش الشي اللي خلا الاثنين يتنرفزون؟؟
عبير: ما عندي خلفيه..
العنود طيب وش اللي.....
قاطعتها عبير: وبعدين معاك تراي مصدعه وانتي رايقه..حشى مسجل سؤال ورى سؤال لو كان فيه جائزه كان فزت ..يا اختي قدري الحين انا في وضع ما يستحمل لقافتك..
العنود: خلاص ما قلنا شي حشى كلتيني بقشوري..
ريم خاشه في السالفه: ليه ربيانه..
عبير: كملت جات الثانيه..
العنود: هههه بايخه.....اقول ريموه من تتوقعين يعرف السالفه؟؟
ريم: خلاص راسي صدع منك يا اختي اسكتي بسأل رغد واقولك خلاص ريحي لسانك شوي استاثمتي فيه كارفته كرف..اربع وعشرين ساعه شغال..
العنود: قولي لا اله الا الله جعل عيونك تفقع..
ريم: اولا عيني بارده.ثانيا انا عيوني تفقع هين اللي يقولك السالفه..
العنود: خلاص خلاص التوبه والله ما اعيدها..
ريم: ايه كذا تعدلي..
ووصلوا الشاليه..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند العيال

رجعوا للشاليه وفي الطريق كان الجو مكهرب شوي وساكتين..
سليمان يهمس لتركي: وش صار وش السالفه..
تركي وهوما زال معصب: يا اخي كله من هذا النشبه خرب علي كل شي وجايني يطاق بعد..
سليمان: قصر صوتك لا تفضحنا..
تركي: خله يسمع جعل اذنيه تفقع ا نشا الله..
مشاري: وش فيك يا تركي..
تركي: سلامتك ما في شي..
مشاري: طيب وش رايكم ياعيال نطلع نغير جو..
العيال: تسوي خير فينا..
مشاري: يله نروح مجمع الراشد ولا الظهران..
فواز: انا اقول الظهران جديد وحلو..
العيال: يله مشينا..
طلال:بس ترى عوائل..
مشاري: صدق !!يالله يعني البنات لازم يكونون معنا..
ماجد: ما لنا غنى عن خواتنا..
مشاري: امرنا لله..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند البنات

كانوا العنود وريم محاصرين رغد وحده على يمينها والثانيه على يسارها وطاحين فيها اسئله..
ريم: رغد قولي وش صار؟؟
العنود: بالتفصيل..
ريم: وبدقه..
العنود: مو كذا بس بأدق التفاصيل..
ريم: ولا تنسين شي..
العنود: وشغلي مخك وتذكري كل لحظه..
ريم: من بدى بالطقاق تركي ولا وليد..
العنود: وعلى ايش تهاوشوا..
ريم: ومين كان السبب..
العنود: ومين فكهم..
ريم: كان فيه سب وشتم ولعن ومين اللي تلفظ..
العنود: مين كان اقوى اخوي ولا تركي..
طبعا رغد كانت ساكته وتطالعهم لما يخلصون..
ريم: امممممم وش بعد..
العنود: عادي اكمل عنك..
ريم: ايه تكفين اباخذ بريك دقيقه..
العنود: ايه عادي امسك بدالك..
رغد: وش تمسكين عنها؟؟
العنود: المناوبه في الاسئله يعني اسأل عني وعنها..
رغد: لا ما شا الله فيك الخير والبركه ..كملي..
العنود: ايه وين وصلنا.....ايه تذكرت الهنوف وقفت مع اخوها ولا وش ردت فعلها..
رغد: ما خلصتي؟؟
العنود: لا اتوقع باقي ياخمس يا ست اسئله مع شوي استفسارات وبعض الاشياء للتوضيح وكم كلمه للترجمه..
ريم: العنود شكلك قلبتي السالفه..
العنود:هههه ما عليش طلعت شوي عن نطاق الاسئله..
وفي نفس اللحظه اتصل مشاري على رغد..
رغد قامت عنهم:اهلين
العنود: شوفي قامت وخلتنا..
ريم: بترجع وين بتروح منا..
مشاري: هلا والله بأختي الغاليه..
رغد: لا السالفه فيها اختي الغاليه اخلص وش تبي؟؟
مشاري: نبي نطلع مجمع الظهران تروحون معانا؟؟
رغد: اكيد ما يبيلها كلام..
مشاري: ادري الحريم والسوق ثنائي مستحيل احد يستغني عن الثاني..
رغد: المهم متى راح تطلعون؟؟
مشاري: دقايق ..تجهزوا بسرعه اوكي..
رغد: ثواني..
مشاري:باي..
رغد: باي..
وبعده رغد تصارخ: بنات بنات بسرعه..
وفي لحظه اجتمعوا..
رغد تضحك:صادقه العنود يوم قالت عنكم جن مو بنات..
عبير: اخلصي ولا تذلينا..
رغد: العيال راح يطلعون لمجمع الظهران ويبونا معاهم وتجهزوا بسرعه قبل م......
ما امداها تكمل جملتها الا البنات منتشرين وكل وحده راحت تلبس واللي تدور عبايتها واللي تصارخ وحالتهم حاله..
رغد: ههههه كل هذا عشان السوق صادق مشاري..
وفي ثواني جهزوا...
رغد اتصلت على مشاري: مشاري ترى احنا جاهزين..
مشاري: مشا الله في وقت قياسي..
رغد: اكيد هذا بسبب متابعتي واشرافي..
مشاري: اقول اطلعوا بلا فلسفه زايده..
رغد: احم احم فشلتني..
مشاري:هههه يلا اطلعوا..
وطلعوا البنات والعيال تقسموا في السيارات وكل البنات ركبوا في الجمس
في الجمس..
مشاري يسوق ورغد جنبه..
رغد: مشوري حط أي شي نسمعه..
مشاري: تامرين امر..
الهنوف طبعا راكبه ورى مشاري وكل شوي تطالعه ومشاري كان يطالعها بس شاك انها هي عشانهم متلثمين..
مشاري قاعد يقلب في محطات الراديوا وجت اغنية "نسيت الناس" للفنان السعودي تركي..
رغد: غيرها ما احبها..
الهنوف تدخلت لان هذي اغنيتها المفضله: لا حرام عليك حلوه بالمره..
مشاري سمع الصوت تأكد انها هي اللي وراه وحب يحرجها: عشان الهنوف راح احطها..
الهنوف في نفسها"بسم الله وش درا ه اني الهنوف...يا غبيي اكيد راح يميزني عن بنات عمه وخالته."
رغد: اجل عشان الهنوف اجل..
مشاري: الهنوف تبين اعلي على الصوت ولا كذا حلو "طبعا يدور أي شي عشان يسولف معاها"
الهنوف بحيا: لا كذا زين..
وعاشوا جو مع الاغنيه
$$$$$$$$$$$$$$$$$$$$$$$$$$$$$$$$$$$$$$$$$
نسيت الناس والدنيا وجيتك يكفيني عن العالم حنانك..
انا لاضاقت الدنيا ولقيتك يهون الكل يا روحي عشانك..
عيونك دنيتي والقلب بيتك وعيني وين ما ترحل مكانك..
انا عطشان لك مهما رويتك ولا في العمر امان الا امانك..
قدر عمري وانا والله رضيتك تذوبني احبك من لسانك..
انا في القلب يا قلبي نسيتك وفوق الناس انا عليت شانك..
انا لا ضاقت الدنيا ولقيتك يهون الكل يا روحي عشانك..
$$$$$$$$$$$$$$$$$$$$$$$$$$$$$$$$$$$$$$$$$$$$$
وفي جهه ثانيه في اخر الجمس ناس مايدرون ولا حاسين باللي حولهم وعايشين وجوهم..
العنود: شوفي هذا اللي جنبنا شكله مملوح..
ريم: مين هذا ووع بصراحه ما عندك ذوق..
عبير: لالا اللي جنبه احلى..
ريم: ايه واللله صادقه ياخذ العقل..
عبير: شوفي الشعر مسويه سبايكي وضابط عليه..
العنود: صح انه حلو بس احس انه شايف نفسه وثقيل دم<<البنت خبره..
ريم: وانتي وش دراك..
عبير: ترى ما عندها ما عند جدتي منيره ما عليك منها..
العنود: حرام عليكم اللي جنبه يدخل القلب على طول..
ريم: لا احسن روحي قولي له عطني الرقم.
العنود: انتوا ليش تفهموني غلط..
عبير: ما تشوفين نفسك بتموتين عليه..
العنود شافت واحد ثاني: اقول اقول شوفوا السياره البي ام دبليو..
ريم: يمه قلبي ياخذ العقل..
عبير: ودوني المستشفى نبضات الحب عندي زادت..
ريم: اهجدي يا بنت صدق بنات اخر زمن..
لفوا عليها العنود وعبير وبنظره قاتله بعد..
ريم: بسم الله وش فيكم علي امزح امزح..
العنود: تعيدينها ترى اقلب عليك..
عبير: جربي تعدينها هاه..
ريم: بسم الله وحوش موبنات..
شجون جالسه معاهم بس ما تحب هالسوالف فهي مضطره تسمع وتسكت
وايضا في جهه ثانيه من السياره"الوسط"<<<فندق مو سياره..
نوف: ايوه الاسبوع اللي فات شفت فستان احس انه راح يناسبك..
مها: صدق وش شكله ومن وين شريتيه عشان اشتري مثله عندنا زواج وماني عارفه من وين اشتري..
نوف: انا شاريته من الفيصليه بس المحل بالضبط ما اذكره اذا رجعنا راح ارسل لك صورته واسم المحل..
مها: ايه واللي يعافيك الا شفتيfond Dishen الجديد من جفنشي..
نوف: ايه جربته..
كانت فجر معاهم بس مالها خلق هالسوالف ومضطره تسمع لان اخر السياره كان فيها ريم والعنود وعبير وكان ودها تجلس معاهم بس الظروف..
فجر: ممكن تغيرون السالفه..
نوف: ليش مليتي..
فجر: ايه مليت..
مها: طيب راح اغير السالفه نوف رحتي مستوصف الاسنان اللي توه فاتح في التخصصي يقلون عنده تبيض الاسنان عجيب..
نوف: صدق لا والله ما بعد رحلته..
فجر: الحين يقال لكم غيرتوا السالفه يا ربيه مليت..
شجون تطل على فجر: فجر مليتي..
فجر:أي والله
شجون: تبادليني..
فجر: في الرجعه واللي يعافيك..
شجون : اوكي..
نرجع للي قدام مشاري يطالع الهنوف من يوم عرفها والهنوف عاشت الجو مع الاغنيه ورغد تتفرج عليهم وهي كاتمه الضحكه لحد ما وصلوا للمجمع..
مشاري: هاه ماجد وينكم..
ماجد: احنا وصلنا..انتوا وينكم..
مشاري: وصلنا خلاص أي بوابه..
ماجد: بوابه خمسه..
مشاري: اوكي..
وصلوا عند العيال ونزلوا البنات والعيال..
فواز: احلفوا انكم راح تدخلون كذا..
مشاري: اجل وشلون ندخل؟؟
فواز: لو تدخلون كذا قالوا مداهمه..
مشاري:هههه حلوه بس ايش نسوي..
ماجد: ننقسم نص البنات يجون مع نص العيال والنص الثاني مع بعض..
طلال: انا اقول كل واحد يدخلونه خواته..
وليد: وانا اوافق طلال الراي..
العيال: اوكي..
وكل واحد مسك خواته ودخلو المجمع..
رغد: مشاري انا ما اقدر اتمشى في السوق خلوني في مكان وانتوا روحوا..
مشاري: ومين راح يقعد معاك؟؟
ريم: لا تطالعيني لو اموت ما قعدت من الحين اقول لكم..
رغد: مالت عليك من اخت..
مشاري: دبري لك احد يقعد معاك..
رغد: خلاص راح اقول للهنوف..
مشاري: بس حرام يمكن تبي تتمشى...
رغد فاهمه عليه:حتى لو كانت تبي تتمشى انا راح اخليها تجلس معاي غصب..
مشاري: اجل خلاص راح اجلس معاكم..

رغد فيها الضحكه: ولا اقول ما ابي الهنوف صادق حرام بخلي العنود ولا عبير ..
مشاري توهق: هاه كيفك..
رغد: ولا اقول خلاص ابي صديقتي..
مشاري: انتي استقري على راي..
رغد: الهنوف..
الهنوف مستحيه من مشاري لانه جنب رغد: سمي..
مشاري"مشا الله عليها تعرف الذوق والادب"
رغد: سم الله عدوك بس بطلب طلب..
الهنوف: انتي تامرين..
مشاري"لا البنت ناويه توديني الانعاش"
رغد: انا بجلس وما راح اتمشى معاكم زي ما انتي عارفه وضعي الصحي ما يسمح لي.. تجلسين معاي..
الهنوف: بس كذا ما طلبتي..
مشاري وهو طول الوقت يطالع في الهنوف" لا انا اليوم بكلم امي تخطبها لي يا ناس صوتها يذوب الصخر"
رغد: يا بعد قلبي انتي..
الهنوف: تسلمين..
رغد: خلاص مشاري روحوا انتوا وانا والهنوف راح نجلس هنا..
مشاري: يعني ما يحتاج اجلس معاكم..
رغد: لا يا قلبي ما يحتاج...
مشاري: اكيد اخاف تحتاجون شي ولا شي..
رغد: لا يا عمري ماراح نحتاج شي..
مشاري: اكيد جواب نهائي..
الهنوف ماسكه ضحكتها على شكله..
رغد: مشاري وبعدين معاك..
مشاري: اخاف الهنوف تحتاج شي..
الهنوف من الحيا وقف الدم عندها ما عاد تحركت ولا تكلمت..
رغد: الهنوف تحتاجين شي لا سمح الله..
الهنوف بصوت بصعوبه ينسمع: لا..
رغد: سمعت خلاص رح..
مشاري: ما بأذنك ماي..
رغد: ولا عصير بعد...
مشاري: بايخه وسخيفه وتافهه..
رغد: كل هذا عشان ما خليتك تجلس معاي..
مشاري: من زينك انتي وجهك اجلس معاك..
رغد: يله ورنا طول وعرض اكتافك..
مشاري يبي يطول الجلسه: ليش شايفتني عماره..
رغد: اوووف وبعدين معاك ترى رجلي صارت تعورني بسبتك يا اخي افهمها ما نبيك..
مشاري: خلاص ذليتينا..
وراح بعد ما نشف ريق رغد والهنوف بغى يغمى عليها من الحيا..
طلال: مستحيل نجلس مع البنات..
وليد: وانت صادق..
فواز: الحين تبون كل مجموعه يمشون لحالهم عادي؟؟
العيال: عادي..
فواز: اجل خلاص راح اقولهم..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
ريم: ما نبي العيال..
العنود: ايه ما نبيهم..
عبير: ولا نمشي معاهم خطوه..
نوف: صح هم نشبه..
الا موبايل فجر يرن..
فجر: هلا فواز..
فواز: اهلين فجوره راح نخليكم على راحتكم واذا خلصنا راح نتصل عليكم..
فجر: يكون احسن..
فواز: بس انتبهوا على انفسكم واذا احتجتوا أي شي ا تصلوا علينا اوكي..
فجر اوكي باي..
ريم: لايكون يقولون بنجي معاكم..
فجر: اصلا هم اللي ما يبونا..
العنود: فكه احسن جات مهنم..
وصاروا البنات من جهه والعيال من جهه اخرى<< احلى يا الفصحى..
الرباعي المرح اللي هم(العنود- عبير- ريم – فجر)ما بقوا ولد في السوق الا يا حاشينه يا خاقين عليه..
ريم وهي ميته ضحك: هههههه العنود تكفين لا يفوتك هذا شكله قسم بالله تحفه..
العنود فقعت ضحك: ههههه يا بطني خلاص تكفين..
عبير: هذا وش مسوي بعمره الحين..
فجر: يقال لك كاشخ ورسمي..
ريم: بصراحه اللبس شي عجيب..
العنود: معليش ياريم يا قلبي في المصطلح تقصدين شي غريب..
عبير ماتت ضحك: تكفون خلاص ابي اسكت..ما اقدرههههه
فجر:ولا يطالع من زين الوجه..
وافقعوا البنات ضحك...
وجا بعده واحد مزيووووون جاي لعندهم..
ريم سكتت من الضحك: بنات بنات انتوا شايفين اللي شايفته..
العنود مطيره عيونها: هاه هذا من الارض ولا نازل القمر<<بنات اخر زمن..
عبير: سبحان ربي اللي صوره..
فجر: ملك جمال بسم الله عليه..
ومر من عندهم والبنات يطالعونه لما طلع من المجمع..
فجر: خلاص يا بنات اصحوا الولد راح..
وصاروا يمشون بفهاوه وما يدرون عن اللي حولهم<<مهبل..
نروح لشلة الدلع(نوف- مها- شجون)..
داخلين محل مكياجي يشوفون كريمات العنايه بالبشره وطلعوا منه ودخلوا محل دبنهامز ويشتون عطورات وكل حركات البنات<<ما احبها.
شجون: بصراحه هذا احسه على لون بشرتك .
نوف: مو هذا احسن ..
مها: لالا اتوقع انه الي مع شجون احلى..
شجون: طيب الماسكرا هذي حلوه ولا اخذ غيرها؟
نوف: لا هذي حلوه اشوفها كثير مع البنات..
مها: صادقه نوف خذيها..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند العيال

ما بقوا بنت ما غازلوها ولا بقوا بنت الا ومعطينها الرقم..
طلال: فواز لا تطالع ترى بعلم عليك..
فواز: تراك ذليتني ..يعني مسوي تهدد..
طلال: ترى ان درت ام العيال مو من صالحك..
فواز: يمه خوفتني امش وابلع لسانك لو سمحت..
سليمان: تصدق يا تركي..
تركي: لا ما اصدق..
سليمان: تركي بلا سخافه..
تركي: خلاص اصدق..
سليمان: بعدّيها لك.. المهم تصدق اني مشتاق لريم قلبي..
تركي: الحين تصدق او لا تصدق وساعه وما ادري ايش في النهايه مشتاق لريم قلبي..
سليمان: يا اخي حس فيني..
تركي: المشكله ما تليق عليك الرومانسيه خل الرومانسيه لاهلها..
سليمان: وان شا الله انت اهلها..
تركي: وقبيلتها بعد..
سليمان: مالت عليك تراك ماخذ في نفسك مقلب...
تركي: على بالي الكاميرا الخفيه..
سليمان يتطنز:آه آه بطني بصراحه تعرف تنكت..
تركي: اجل وش على بالك لا يكون طايح من عينك..
سليمان: لا الحمدلله انقذتك في اللحظه الاخيره..
تركي: الله يبشرك بالخير...اقول امش وانت ساكت وخلنا نطالع هالمزايين..
سليمان: ما عندك اخلاص ووفاء,,
تركي: لا عندي فاطمه اقول امش بلا خرابيط مسوي فيها..
سليمان: ههه شف شف بس اللي جنبها..
تركي: ههه وين الاخلاص والوفاء..
سايمان: لا تعرفت على غيرهم..
تركي: امش امش الله يهديك يا وليدي..
سليمان: هههه يلا خلنا مع العيال ترى سبقونا..
تركي: يلا..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&&
رغد والهنوف.....
كانوا خاشين جوا في السوالف وكل شوي جاي واحد يتميلح عندهم..
رغد: اوف يا ربيه وش هالعيال اللي عندنا تقول اول مره يشوفون بنت..
الهنوف: صادقه تقولين ما قد شافوا خير..
رغد: ويا ليتهم المشكله حلوين كلهم جياكر(يعني شيون)
الهنوف: وانتي صادقه..
ويمر واحد من عندهم..
الولد:يا عيني على العيون انا ما قدر..
رغد: اوووف ياربيه وبعدين معاهم..
الولد: اوف اوف ليش معصبه..روق يا جميل..
رغد: لو ما رحت عن وجهي وربي لا اجمع الناس الحين عليك واخليهم يرمونك برى..
الولد: كل هذا حقد علينا ترى والله ما سوينا شي يزعل القمر..
رغد: بتروح ولا شلون..
العنود: يعني ما في امل..
رغد: ولا سعاد..
الولد: هههه والله تعرفين تنكتين..
رغد: هذا اللي بيرفع ضغطي.. انت وبعدين معاك انت شفت وجهك في المرايه قبل لا تجي روح عدل خشتك بعدين تعال عسى البنات يرحمونك ويعطونك وجه وبعدين يسحبون عليك..
الولد: اوكي ولا تزعلين انا رايح..
رغد تقلده: اوكي لا تزعلين انا رايح.....ان شا الله روحه بلا رده..
الهنوف: امين..
وراح الولد بعد ما صرخت رغد ونادت على السكيورتي هج وما عاد شافت الا غبرته..
رغد: احسن يستاهل..
الهنوف: زين سويتي فيه يا قلبي..
رغد: يا عمري هالاشكال ما ينفع معاهم الا العين الزرقاء..
الهنوف: تقصدين العين الحمراء..
رغد: لا هذي تركوها الزرقاء هي الجديده..
الهنوف: هههههه والله ما دريت!!
رغد: الحين دريتي..
عند لين ومشعل.....
لين تسحب مشعل لمحل اكسسوارت..
لين: شعولي تعال معاي..
مشعل في نفسه" يا ليل ما اطولك المشكله ما ابغى ازعلها": يله مشينا..
لين دخلت المحل وشافت سلسال فيه حرفينL-M وكان شكله مره حلو..
لين: شعول شوف هذي السلسه مره تجنن..
مشل: اكيد يجنن مادام حرفك عليه..
لين: تسلم راح اخذه والبسه وما راح افسخه ابد..
مشعل:ههههههه يله احاسب عليه..
لين: يله..
وشافت بعدها تعليقت موبايل فيها حرف L واخذتها لمشعل..
مشعل: وشوله هذا بعد..
لين: هذا عشان تعلقه في موبايلك عشان ما تنساني ابد...
مشعل :ههه طيب عشانك راح اخذه..
لين: تسلم يا بعد عمري..
وحاسب عليهم وطلعوا...
قعدوا في المجمع لحد الساعه عشره وبعدها اتصلوا العيال على البنات واتصلوا على مشعل واجتمعوا وراحوا الشاليه..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند الحريم

ام مشاري: هلا والله بناتي ا نشا الله انبسطتوا..
البنات: تسلمين خالتي اكيد انبسطنا..
ام فواز:اهم شي وناستكم..
ام فيصل:هاه قلبي شجونه شريتي شي..
شجون: ايوم ماما شريت شوية كريمات للبشره وللعنايه بالشعر وبعض حركات البنات..
ام فيصل: مشا الله غرفتك مليانه كريمات..
شجون: ولو ماما في اشياء جديده وحلوه..
ام فيصل: براحتك..
ام ماجد: يله روحوا ارتاحوا..
ام الهنوف: تراكم من صباح الله صاحين..
ام سليمان: سموا بالله وتغطوا زين..
العنود: يعني طرده..
ام الهنوف: لا يمه مو طرده بس باين عليكم التعب حتى احنا بروح ننام..
البنات: ا نشا الله..
وراحوا لغرفهم..
الحريم طبعا على طول ناموا اما البنات بعضهم ناموا والعض الثاني باله مشغول وما قدر ينام..
الهنوف ورغد كانوا يتكلمون عن سالفة اليوم واللي صار بين وليد وتركي..
العنود: ريم..ريم نمتي؟؟
ريم: لا .. ما جاني النوم..
العنود: حتى انا..
ريم: ليش وش تفكرين فيه؟؟
العنود: عشاني ما عرفت السالفه..
ريم: حتى انا ما عرفت انام افكر في السالفه..
العنود: خلينا نروح لرغد..
ريم: يله..
وراحوا عندها..
رغد: بسم الله ما نمتوا..
ريم: لا ما جاني النوم..
رغد: ليش تعبانه..؟؟
ريم: ايه..
رغد : بسم الله عليك وش فيك؟؟
ريم: لساني يحكني ما قلتي لي السالفه..
رغد: ههههه يقطع ابليسك وان شا الله بنت عمك نفس السبب..
العنود تسوي نفسها مسكينه عشان ترحمها:ايوه تخيلي ما نمت قاعده افكر في اخوي...
رغد: اجل اخوك هاه..
العنود: يله عاد قولي السالفه..
رغد قالت لهم السالفه..
العنود: غريبه وليد مو بالعاده يتدخل في شي ما يخصه..
رغد: والله ما ادري وش قصته بصراحه تفاجئت فيه..
ريم فهمت السالفه وما تطوف عليها هالحركات: انا عرفت السبب..
العنود: وش السبب؟
ريم: هو سبب واحد مافي غيره..
العنود: ايه وشو؟؟
ورغد تنتظر منها جواب لكل تسأولتها..
ريم: وليد يحب رغد..
سكت الكل بعدين رغد انطلقت: ريم وش هالكلام حب وما حب وللي يعافيك لا تجبين شي من راسك..
العنود: احلى يا المحقق كونان تصدقين ممكن يكون هذا السبب..
رغد استحت من فكرة ان وليد يحبها: اقول انقلعوا انتي وياها..
العنود: حرام عليك حسي على اخوي شوي وعلى قلبه..
رغد: العنود وبعدين معاك..
ريم: العنود افهميها الحين هي تبي تقعد تفكر في حبيب الغفله..
رغد: رويم وعنيد انقلعوا عن وجهي..
الهنوف: هههه صدق انكم مهبل..
وراحوا البنات ووناموا الا رغد كانت تفكر في كلام ريم وانه ممكن يكون صح..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند العيال

تركي: سليمان نمت..
سليمان: لا..
تركي: وش تفكر فيه..
سليمان تنهد: يعني في غيرها اليوم ما شفتها زين بس لمحتها..
تركي:........................
سليمان: تركي وش فيك؟؟
تركي: قاعد افكر بسالفة اليوم..
سليمان: تقصد الهواش..
تركي: ايه..
سليمان: ما قلت لي وش صار بالضبط...
تركي حكى السالفه لسليمان..
********************************************
وليد منسدح وماخذه التفكير"يا ربيه انا وش سويت اليوم ..الحين طحت من عين البنت بتقول شكاك وما يثق فيني..بس والله ما قدرت اشوف تريك يكلمها وانا اقعد ساكت..البنت باين عليها من الاول ما تطيقني والحين اكيد كرهتني.. ا خ يا رغد وش اللي خلاك تدخلين هذا"يقصد قلبه" اووف راسي صدع من التفكير"
ونام وهو يدعي ربه ان رغد تحس لو بربع مشاعره اللي يحسها ناحيتها

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@

" نهاية الفصل "

**الفتى المبدع** · 05-23-2011, 07:43 PM

الجزء السادس عشر

يوم الخميس
شي اكيد الحريم والرجال يكنون صاحين اما البنات والعيال نايمين..
ام ماجد: هالبنات الله يهديهم حياتهم مدري وشلون صايره..
ام مشاري: سهر ونوم واكل وما عندهم أي اهتمامات او مسئوليه..
ام فواز: ايه الحين هذا حال البنات هالايام ما يتعودون على المسؤليه واذا تزوجوا صار صعب عليهم عشان كذا تكثر حالات الطلاق..
ام سليمان: مو بس البنات حتى العيال اغلبهم ما يحب يكون عليه أي مسؤليه..
ام تركي: مو الشباب بس فيه ابوان انفسهم ما بعد حسوا بالمسؤليه..
ام مشاري: والله معاك حق يا ام تركي الحين ما نشره على الصغار بنشره على الكبار..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند الرجال
ابو مشاري: الله يهدي هالعيال حياتهم نوم في نوم..
ابو فواز: هم يا نايمين يا طالعين..
ابو ماجد: خلينا نروح نصحيهم..
ابو مشاري/ وانت صادق..
ابو فيصل: شكلهم امس سهرانين..
ابو فواز: احسن عشان مره ثانيه ينامون بدري زي العالم والناس..
ودخلوا الشياب عند الشباب وصرخوا عليهم كم صرخه وطلعوا...
مشاري لوليد: يا ليل ما اطولك..
وليد: ما يملون ابد..
طلال: يعني ايش كل يوم على هالحال..
ماجد: قوموا ترى عورني راسي بسبهم..
فواز: يا حبهم للصراخ..تصدقون اشتقت لزوجتي وهي تقومني..
فيصل: توك تذكرها..
طلال: زين ذكرها بشي زين طول اليوم الحمد لله افتكيت منهم الحمد لله ارتحت منهم..
فواز: يا ابن الحلال امزح اصلا انا ما اسوى شي بدون ام العيال والعيال بعد..
طلال: ايه واضح عيالك من اول ما جينا هنا وانت ما شفتاهم..
فواز: عند امي يعني في ايدي امينه.
فيصل: تصدق على بالي في ايدي سكينه هههاي..
فواز: ه ه ه بصراحه تعرف تنكت يا خفيف الدم..
بعد شوي رجع ابو مشاري يتأكد انهم صحوا..
ابو مشاري: صحيتوا؟؟
الكل: ايه..
ابو مشاري: احسن تستاهلون "وراح"
مشعل: الحين ابوك وش فيه علينا..
مشاري: وش دراني عنه ..
طلال: شكله ابوي مسلطه علينا اعرف ابوي وحركاته..
وليد: لالا اكيد ابوي هو اللي مسلطه علينا..
طلال: يا ابن الحلال ابوي..
وليد: يا ولد الحلال انت ابوي..
مشاري: خلاص ارتاحوا ابوي..
طلال: تصدق ريحتنا..
وليد: هههه يا حليلنا من الفراغ اللي فينا ما ندري وش نسوي..
سليمان: خلونا نقوم قبل لا يرحع مره ثانيه ابو مشاري ويهزئنا..
الا بدخلة ابو ماجد: هاه صحيتوا؟؟
الكل: اوووف ايه..
ابو ماجد: ايه اشوا بعد..
ماجد: وش فيهم الحين...
مشاري: حسد من عند انفسهم..
طلال: خلونا نهبل فيهم ولا نصحى..
فواز: كان تلاقيهم في العنايه المركزه اسم الله عليهم..
مشاري: ومعاه انهيار عصبي..
قعدوا العيال يضحكون بعدين قاموا..
اما البنات فهم ما صحوا الا الساعه( 2)..
ام مشاري داخله على البنات: بتصحون ولا شلون..
عبير: لالا خالتي صحينا..
شجون: والله صحينا..
العنود: مين......وين.........كم الساعه..
عبير: العنود شاربه شي امس؟؟
العنود: شاربه.. ايه شاربه امس لبن قبل ما نوم..
عبير: خلاص خلاص فهمت السالفه اكيد منتهي صلاحيته..
العنود: ايه........هاه وش تقولين..
عبير حبت تهبل فيها مدامها صدقت: شربتي اللبن اللي كان هنا..
العنود: ايه...
عبير: متأكده شاربه اللي كان هنا..
العنود: ايه وش فيك ما تسمعين..
عبير: اللبن منتهي صلاحيته..
العنود: كذابه قولي والله ..طيب بكم يوم..
عبير: بخمسه او ستة ايام...
العنود بدى التمثيل عندها: بطني آه بطني يعورني عبير الحقي علي..
عبير ماسكه ضحكتها: يمه اختي تسممت وش اسوي الحين...
العنود :عبير عبير بموت بموت هاتي ورقه وقلم بكتب وصيتي..
عبير راحت تجيب ورقه وقلم: خذي يا اختي...ياربيه اختي بتروح مني ..مين لي غيرك يا العنود لا تروحين..
قعدت العنود تكتب وصيتها : عبير خذي هذي وصيتي عطيها امي آآآآآآ ه بطني بطني.وقولي لها اني احبها..
كانوا البنات واقفين يتفرجون على العنود وكذبتها..
عبير: بس امي.. وانا ما تحبيني..
العنود وهي تسوي نفسها تتألم: الا احبك بس لو تتركين عنك العجز كان اموت فيك..
البنات هنا خلاص ما قدروا يكتمون ضحتهم طلعوا شوي ضحكوا بعدين رجعوا...
عبير تمثل الصياح: العنود تكفين لا تموتين..
العنود: تصبري يا عبير آآآآآه بطني ..تصبري يا عبير هذا اللي ربي كاتبه لي..
عبير: طيب خليني اوديك المستشفى..
العنود: ما راح ينفع..انا كنت حاسه..
عبير: لا يمكن يعالجونك صح المرض مستعصي بس يمكن لا سمح الله..
العنود: لالا خليني اموت على فراشي بين اهلي وناسي..
عبير: طيب طولتي ما متي..
العنود: وجع ما بعد تمكن اللبن مني..
عبير: نصبر ان لله مع الصابرين..
العنود استوعبت انها تبيها تموت: صدق انك ما تستحين تبيني اموت طيب جامليني لحد ما اموت..
عبير: انا وحده صريحه وما احب المجاملات..
دخلت ام مشاري: هاه ما بعد صحيتوا..
البنات: الا صحينا..
ام مشاري: وش فيك يا العنود..؟؟
العنود لعبير: لا تقولين لها ما ودي اضيق صدرها..
عبير: ابشري.....لالا خالتي ما فيها شي تبي تنام..
ام مشاري: العنود اصحي ولا اقومك بطريقه ثانيه..
العنود صحت وكأنها الحصان: لالا خلاص قمت شوفيني في قمة النشاط..
بعدها البنات فقعوا ضحك على العنود النصابه..
العنود: خير...
ريم: وين اللي بتموت..
العنود: الحمدلله ربي ستر..
رغد: حسافه..
العنود: حسافه اوريك الحين..
وقاموا البنات يتطاقون طبعا مزح بس مزح العرابجه غير..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عصر يوم الخميس...
ريم: بنات من جد خلونا نستهبل..
العنود: كل وسائل الترفيه سويناها مدري وش بقى..
فجر: عندي فكره..
البنات: نورينا...
فجر: خلونا نلعب كوره..
ريم: ونااااااسه خلاص انا ياسر القحطاني..
العنود: وانا سعد الحارثي..
عبير: خلونا نروح الملعب بعدين قرروا وش تبون..
راحوا البنات للملعب وانقسموا فريقين فريق ريم وفريق العنود..
فريق ريم

عبير- مها – الهنوف)
فريق العنود( فجر- شجون – نوف)
وبدوا البنات لعب وانواع الدلع....سمعوا العيال صوت البنات ما صدقوا على الله وراحوا مصدر الصوت..
رغد كانت جالسه تصور البنات..
العيال صاروا يطلون على البنات من بعيد بحيث ما يلاحظونهم..
مشاري: اكشخ شوف البنات كيف يلعبون..
وليد: طبعا شوف العرابجه وشوف الدلع..
فيصل: لالا شوف اختي"بعدين استوعب" خير تطالعون محارمنا انت وياه..
مشاري: يله لفوا وجيهكم عيال اخر زمن ترى ان شفت ولد منكم طال على البنات قطعت رقبته قطع سامعين..
وليد يصغر صوته: حاضر يبه..
مشاري: ايه يا ولد خلك ما تسمع الكلام..
وليد: ولد في عينك يبه..
مشاري يخبط وليد خبطه اليمه: وترد بعد..
وليد: ترى بأرفسك يبه ما تنعطى وجه..
ماجد\: اقول خلونا ندور شي يوسع صدورنا فيه..
طلال: خلونا نودع الشرقيه ونروح نتمشى فيها وبكل ضواحيها..
فواز:اهم شي عاد وضواحيها وينى فيه في عنتر بن شداد وضواحيها..
قاموا العيال يضحكون وبعدين راحوا لسياراتهم وانقسموا لسيارتين وصاروا يتمشون..
البنات خلصوا الشوط الاول صفر –صفر طبعا لان كل ماجات الكوره وحده منهم ضيعتها يا ما تعرف تشوت ولا تخاف رجلها تعورها ولا انها حولا ...
طبعا ريم والعنود ضغطهم واصل مليون من دلعهم وعبير وفجر حراس فا اكيد راح ينتهي الشوط بالتعادل السلبي..
رغد: عاشوا عاشوا البنات..
ريم: والله عورني حلقي من كثر ما اصارخ..
رغد: باكيتا على غفله..
العنود: حتى انا والله صدع راسي من كثر ما اصارخ وطبعا لا حياة لمن تنادي..
نوف: بصراحه ما ادري وشلون العيال يلعبون هذي اللعبه..
شجون: وانتي صادقه..
عبير: اقول مالت عليكم من لاعبين..
الهنوف: تصدقين يا رغد بغت تجي كورة ريم في وجهي..
رغد: ههههه تخيلتها..
الهنوف: انقلعي..
ريم: بلاك ما تشوفين يا الحولا..
رغد: تحسبين صديقتي مثلك يا العربجيه..
ريم: اقول تكفين انتي وصديقتك..
رغد: والله لو العب كان علمتكم اللعب على اصوله..
العنود: واضح يا رولاندينيو..
رغد: واحسن منه بعد..
عبير: بسم الله عليك واضح من رجلك المنكسره انك احسن منه..

رجعوا البنات يكملون الشوط الثاني وانتهى الشوط ب صفر –صفر..
رغد: ما اقول الا مالت عليكم ثم مالت عليكم ثم مالت عليكم..
ريم: اووووف والله تصدقين من جد تعب..
العنود: صادقه مسكين سعد الحارثي يتعب هالتعب..
عبير: وانتي هذا اللي هامك..
العنود: ايه اكيد..
رغد: تراني مليت وش اسوي..
فجر: كان قعدتي مع الحريم..
رغد: احلفي واصدقك تخيلي شكلي مع الحريم ولا مع سواليفهم..
فجر: عادي وش فيها سواليفهم..
رغد: تجيب الهم كلها قضايا المجتمع وما ادري ايش ..كان نفسيتي تتعب هذا غير النصايح وغير طاري الزواج..
عبير: الله يجبون طاري الزواج.. اجل خلوني اروح اتميلح عندهم..
نوف: تكفين عاد من فيه اصلا من عيال غير تركي وسليمان.
رغد وريم تقلبت وجيهم 180 درجه..
عبير: تصدقين ماهي شينه مشا الله سليمان وتركي يهبلون..
الهنوف: مشكوره يا قلبي..
عبير: انا قلت تركي مو انتي..
الهنوف: انا وتركي واحد..
عبير: عاد الصراحه فيك منه وحتى مها فيها من سليمان..
مها : تسلمين..
فجر: خلاص لا عاد تمدحينهم بعدين يغترون علينا..
العنود: لالا بصراحه مشا الله اخونكم شي خطير.
الهنوف: مشا الله حتى اخوانك..
مها: صح اخوانك ما شا الله يهبلون حتى اخوان فجر..
ريم ورغد موصله معاهم وكانوا يطالعون بعض وودهم يتكلمون بس الظروف تمنعهم..
عبير: المهم خلونا من اخوانا ترى اليوم ما قبل الاخير خلونا نحلل الاجازه..
العنود: حللنها وطلعت سليمه ههههه..
عبير: هههه الله يبشرك بالخير...
نوف: خلونا نتصل على العيال يمشونا شوي ونتعشى ونرجع..
شجون: والله فكره..
ريم: تسلمين يا احلى نوف..
رغد: بصراحه مليت وانا لحالي..
عبير: المهم وحده منكم تتصل على واحد من العيال وتقنعه..
رغد: مشاري لو اقوله ما راح يرضى..
نوف: طلال ...خلونا نقنع طلال..
عبير: يله اتصلي عليه..
نوف: لا ما راح اكلمه وحده منكم تكلمه عشان يستحي ويوافق..
فجر: مين اللي راح تكلمه..
عبيركانت تطالع العنود والعنود تطالع عبير...
العنود: خلاص انا راح اكلمه..
فجر: يله خذي موبايلي..
العنود متوتره: احم احم "وتصلت"
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&
طلال كان في السياره واغاني ورقص واستهبال وانتبه لموبايله..
فواز:مين..
طلال: هذي فجر برد عليها خلنا نشوف وش تبي..الووو
العنود بس سمعت الصوت راحت فيها ووقف الكلام في حلقها:...........
طلال: الووو فجر..
العنود:أ أ الوووو..
طلال ما ميز الصوت: فجر ولا نوف؟؟
العنود: لا... انا....انا...العنود..
طلال: هلا والله وش اخبارك؟
العنود: الحمدلله بخير وش اخبارك انت" وصارت تمشي بعيد عن البنات والبنات ميتين عليها ضحك اول مره يشوفون العنود مستحيه"
طلا ل: الحمد لله..
سكتوا الاثنين.....
العنود"ياربيه وش اقول":طلال..
طلال: هلا..
العنود :أأأ الصراحه انا والبنات راح نطلبك طلب..
طلال: أمري..
العنود: نبي نتمشى شوي لان من جد ملينا من الشاليه..
طلال: ابشري ما طلبتي شي يا بنت الخال...
العنود: تسلم والله وما قصرت.
طلال: الله يسلمك ولو انتي مثل وحده من خواتي..
العنود انصدمت من كلمة خواتي: اوكي خلاص باي..
طلال: باي..
العنود: خواتي وحده من خواتي....اكيد اجل وش تبينه يقول با حبيبتي والله اني خبله..
وقعدت تضحك على نفسها وراحت للبنات..
العنود تسوي نفسها ضايق صدرها: بنات احسن الله عزاكم...اقصد ماراح نطلع..
نوف: لااااااااا لا تقولين..
فجر: غريبه طلال ما يوافق..
العنود/ لا هو موافق بس العيال ما وافقوا..
عبيرمنقهره من العنود لانها كلمت طلال وما انتبهت ان اختها تحبه اقصد ماتوقعت ان العنود تحب احد فا كان الوضع هذا يطمنها شوي :والله من النذاله هم طالعين واحنا لا..
ريم: خلونا نتصل بمشاري ونحاول فيه..
رغد: شكل مالنا الا هو..
العنود: امزح امزح وافق بس انتوا روحوا وتجهزوا..
البنات:هيّا..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العيال

فواز:وش يبون البنات..
طلال: مساكين في الشاليه لحالهم زهقوا فا يبون يطلعون..
فواز: ومين راح يطلعهم..
طلال: احنا..
مشاري: وش السالفه؟؟
طلال: البنات متصلين يبونا نمشيهم شوي..
مشاري: ايه حرام اليوم يعتبر اخر يوم لهم..
ورجعوا العيال لشاليه عشان البنات..وبعدها ركبوا البنات الجمس نفس اماكنهم امس والعيال في السيارتين الثانيه..

اللي اختلف ان فجر رجعت ورى اخر شي وشجون صارت مع نوف ومها..
وطول الطريق مشاري يطالع الهنوف والهنوف حاسه فيه بس ما تطالعه..وهو يدور أي شي يقوله عشان يسولف معها ...
ولفوا الخبر والدمام وبعدين قرروا ينزلون في مطعم ويتعشون بعدين يرجعون..
وصلوا المطعم..
ماجد: أي مطعم هذا اللي راح يكفيهم..
طلال: عادي ناخذ طاولتين ..
مشاري: يله بس امشوا..
ودخلوا المطعم وكانت هذي فرصة كل واحد يشوف حبيبه وخذوا طاولتين جنب بعض وما بينهم حواجز..وطلبوا لهم اكل..
ابتكلم لكم عن كل واحد..
فيصل ما شال عينه عن فجر وفجر ما تدري عن هوى داره..
سليمان وريم كانوا يطاعون بعض وبلغة العيون يتكلمون ..
وليد كان يشوف رغد ووده يعتذر منها بس كيف ومتى وشلون ما يدري..
رغد ما عطته وجه وكانت بين فتره وفتره تطالع تركي وتركي ما نزل عينه عنها ابد...
عبير والعنود يطالعون نفس الشخص اللي هو طلال وطلال كان يطالع عبير ويحس بشعور غريب ما يدري كيف يوصفه او كيف يفسره..
مشاري كان ميت على دلع الهنوف والهنوف ميته حياء من مشاري..
واكيد ما راح ننسى لين ومشعل كانوا مختصرين الوقت والمسافات وجالسين جنب بعض صح انه كان معاهم محمد وكان يحاول يخرب عليهم طبعا مزح ولين تعصب منه ومشعل ميت ضحك بس انهم عايشين جوهم ولين تتدلع على مشعل..أكلني..شربني..قولي كلام حلو ومشعل مستحملها عشانه يحبها بس مهما كان وده ياخذ راحته شوي ويتنفس على الاقل دقيقه بدونها بس ما يقدر على زعلها.
رغد خلصت عشى وراحت تغسل ايديها..وليد انتبه لها ولاحقها بعد ما طلعت من دورة المياه لقت وليد قبالها..
وليد: احم... رغد..
رغد تناظره بنظرة استحقار: خير وش تبي بعد..
وليد: رغد ممكن تسمعيني شوي..
رغد: وش اسمع اصلا ليش اسمعك..
وليد: رغد انا ما عمري اعتذرت من احد ولا هو من طبعي اني اعتذر حتى لو كنت غلطان بس راح اقولك انتي انا اسف على اللي صار امس..
رغد: وين اصرفها هذي..
وليد: والله ما كان قصدي...وانا ما ادري وشلون طلعت من طوري..
رغد: تطلع مشكلتك مو مشكلتي تغلط وتشكك في بنات الناس وبعدين تقول طلعت من طوري..
وليد: والله يا رغد ما قدرت اتحمل اشوفك مع أي احد ثاني..
رغد انصدمت من جرئته وهذا طبعه جرئ دايما:..............
وليد: ابغى منك بس شي واحد ابيك تسامحيني..
رغد: انت غلطتك كبيره ومو بس علي انا حتى على الرجال..
وليد يقاطعها: ادري والله ادري بس تكفين سامحيني..
كان وليد يترجاها وذل نفسه كثير على شانها وهي اللي تعرفه عنه انه مستحيل يتنازل ويترجى ابوه او امه..
رغد كسر خاطرها: طيب خلاص سامحتك وارجوا انه يكون درس لك بالمستقبل..
وليد انبسط: اكيد ولا راح انساه ومشكوره وما تصدقين فرحتي الحين ..رغد صدقيني انك بكلامك هذا شلتي هم كان على صدري..
رغد في نفسها" يعني هو لهدرجه يحبني..يا ربيه ياوليد وش جابك لعندي وش اللي خلاك تحبني ..بس انا ما احبك ما احبك.. والله يكسر الخاطر"..
وليد: رغد..رغد..
رغد: هلا..
وليد: ماودك ترجعين ولا مبسوطه بالوقفه..
رغد تضحك: لالا برجع..
وجوا ثنيهم وليد طالع منهم شخص ورجع شخص ثاني والابتسامه شاقه الوجه..
تركي ملاحظ هذا الشي والنار من داخل تحرقه مو قادر يتحمل يشوفهم زياده فقام من مكانه ولحقه سليمان..
سلميان: تركي وش فيك..
تركي: هذا الشين رافع ضغطي كل شوي رايح مكلم حرمتي..
سليمان: الله يهداك تقارن نفسك بولد عمها..
تركي: سليمان انت ما تفهم انا احبها..
سليمان: طيب سألت نفسك هي تحبك؟
تركي انصدم لانه ما قد سأل نفسه هذا السؤال:.....
سليمان : شفت انك مستعجل.. يعني احتمال تحبك واحتمال تحب ولد عمها..
تركي: لا بس انا احس انها تحبني..
سليمان: خلك من الاحاسيس احنا في الواقع ولازم شي صريح..
تركي: خلاص انا راح اتأكد ونشوف يا انا يا وليد..
سليمان: الله يهيدك بس طاير على طول..
ريم قامت كان ودها تشوف سليمان من زمان ما كلمته واحتمال اليوم اخر يوم تشوفه فيه..
سليمان شاف ريم جايته حس ان الدنيا مو سايعته من الفرحه وكان متشوق لشوفتها.
ريم: اهلين..
سليمان: هلا والله...كيفك؟؟
ريم: تمام..
سليمان سكت وصار يطالع بعيونها ووده يشبع ويكحل عيونه بشوفتها ويحس انه ما راح يشوفها مره ثانيه..
ريم استحت: وش فيك تطالعني كذا؟؟
سليمان: لالا ما فيني شي..
ريم: ا نشا الله انبسطتوا بالشاليه..
سليمان: ما دامك فيه اكيد راح انبسط..
ريم تضحك: هههه الله يسلمك..
سليمان" يا ناس فديت هالضحكه"
ولمحوا البنات جايين لعندهم..
ريم: سليمان باي مع السلامه..
سليمان وهو ماشي مع السلامه..
العنود قربت من ريم: رويم وش عندك مع سليمان..
ريم لفت عنها: وش عليك..
العنود: اعترفي..
ريم: وش اعترف به؟؟
العنود: انك تحبينه..
ريم تصرف: اقول روحي زين كان يسأل عن اخته..
العنود: ايه صدقتك..
ريم: والله براحتك تصدقين ما تصدقين انتي حره ..
وبعد عشر دقايق طلعوا من المطعم ورجعوا للشاليه..
واول ما وصلوا نزل الكل وما بقى الا فجر تربط جزمتها.. وفيصل اللي قاصد انه يكون اخر واحد عشانه شاف فجر تعدل جزمتها..
فيصل قرب منها بالمره وهي تحته: احم احم..
فجر رفعت عيونها على فيصل بعدين نزلتها:.....
فيصل: فجر..
فجر وهي تربط الرباط حق الشوز: هلا..
فيصل: أأأأأ وش كنت راح اقول..
فجر بقلة صبر: اممممم..
فيصل في نفسه"طيب عطيني وجه": تصدقين نسيت..
فجر خلصت ووقفت: صدق!! اجل اذا تذكرت نادني..
وتوها بتمشي الا فيصل مسك ايدها: لحظه..
فجر انصدمت وشلون تجرا ومسك ايدها وصارت تطالع بأيدها وفيه وبعدين قالت بكل برود: ممكن تترك ايدي..
فيصل استوعب الحركه وتركها بسرعه: فجر لحظه اسمعيني طيب..
فجر بقلة صبر: تذكرت السالفه..
فيصل: هي سالفه وحده ما في غيرها..
فجر كتفت ايديها: اللي هي..
فيصل: فجر ليش تعامليني كذا..
فجر: وش تبيني اعاملك ا نشا الله ؟؟
فيصل: خفي علي شوي..
فجر: وبعدين معاك عندك سالفه ولا اروح..
فيصل في نفسه" عربجيه هالبنت وما عندها وقت بس اموت فيها": الا في سالفه..
فجر: اخلص وراي شغل..
فيصل اخذ نفس وقال بسرعه: فجر لو اجي واخطبك توافقين..
فجر وكأن احد كاب عليها مويه باردده اخر شي توقعته ان فيصل ممكن يقولها اخطبك:...................
فيصل: انا حبيت ا قولك انتي اول واعرف رايك بعدين اخلي امي تكلم امك وبعدها اجي اخطبك من ابوك رسمي..
فجر تحاول تجمع لها كلمتين تقولها لفيصل لان المفاجئه شلت لسانها: بصراحه ما ادري وش اقول لك بس انت فاجئتني بالموضوع..
وراحت بسرعه وتركته..
فيصل: يا قلبي ما لقيت تحب وحده بس تحب تقسى عليك يارب حننها علي وخلها تحبني وتموت فيني..
فجر مشت وهي ما تدري وين تروح ومازالت اثار الصدمه فيها " فيصل يخطبني انا ليش وش معنى انا بالذات..والله اخر واحد توقعته فيصل معقوله " قعدت تضحك تذكرت شكلها وهي صافطه عليه وما عطته وجه وهو كان واضح انه يتلزق فيها وهي ما نتبهت وتذكرت شكل فيصل من شوي كيف مستحي وهي ولا حست فيه..
رجعت عند البنات وجلست معاهم وافكار توديها وافكار تجيبها..
نوف وش فيك تاخرتي؟؟
فجر:...........
نوف: فجر اكلمك وش فيك تاخرتي..
فجر: وش تقولين ..تكلميني..
نوف: ايه اقولك وللمره المليون وش فيك؟؟
فجر: ما فيني شي..
نوف: اكيد!! وجهك متلون الوان الطيف وبالك مو معك فيه شي؟؟
فجر عصبت: قلت لك ما فيني شي خلاص فكيني" وقامت وخلتها"
نوف: وش فيها هذي وكأني قاتله امها بس اكيد فيها شي مو من عادتها تعاملني كذا..بس مصيري اعرفه..
ناموا الحريم والرجال بس البنات قالوا بما انه اخر يوم لنا ماراح ننام وقعدوا طول الوقت عند البحر وكمان الشباب لما سمعوا ان البنات برا الشاليه طلعوا معاهم...والكل قعد يسبح الا شخص واحد اللي هي رغد كانت تطالعهم وكانت تقول في نفسها"يا حلوا اشكالكم وانتم مبسوطبن الله لا يفرق بينا امين"
مشاري: اقول طلال وش رايك نرد مقلبهم ذاك اليوم..
طلال: وانت صادق..

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@

" نهاية الفصل "

**الفتى المبدع** · 05-23-2011, 07:44 PM

الجزء السابع عشر

ناموا الحريم والرجال بس البنات قالوا بما انه اخر يوم لنا ما راح ننام وقعدوا طول الوقت عند البحر وكمان الشباب لما سمعوا البنات برى الشاليه طلعوا معهم والكل قعد يسبح الا شخص واحد اللي هي رغد كانت تطالعهم وكانت تقول في نفسها"يا حلوا اشكالكم وانتم مبسوطبن الله لا يفرق بينا امين"
مشاري: اقول طلال وش رايك نرد مقلبهم ذاك اليوم..
طلال: وانت صادق..
وليد: انت اشر لنا وحنا ننفذ..
ماجد: وش راح تسوي..؟؟
مشاري: وش رايكم نسبحهم زين في البحر..
فواز: والله جبتها...عاد البنات ما يحبون أي شي يخرب تسريحتهم ولا شي يوسخ عباياتهم..
فيصل: نبدا..!!
مشاري: اذا اشرت لكم..
سليمان:لا حرام تصدق رحمتهم <<خايف على حبيبة القلب..
تركي: بلا حركات رخامه امش معنا..
مشاري: واحد- اثنين – ثلاثه..
وقاموا يركضون لجهة البنات..
العنود انتبهت لهم: بنات النحشه العيال ناوين علينا..
ريم: بسرعه بسرعه هجوا..
فجر: كل وحده تنقذ عمرها..
وحاولوا انهم يطلعون لكن لا مفر من العيال وكل واحد يرش البنات لما ما بقوا فيهم جهه ناشفه..
العيال ميتين ضحك والبنات خانقتهم العبره..
العنود: خلاص خلاص وجع انشا الله يوجعك ما تشوف تبللت كلي..
فيصل: وهاك زياده..
العنود وصلت معها وطلعت عندها ام العبيد: فصييييل ترى راح تشوف شي ما يسرك..
فيصل خاف شوي بس ما بين: يعني وش بتسوين..
العنود قامت تاخذ من البحر حصى قواقع أي شي وترميه على فيصل..
فيصل: أي..آه.. خلاص عنيد بروح عنك..
العنود: وين تروح مني لا مفر..
والبنات يوم شافوا العنود الكل قام يقلدها وانقلبت الايه صار العيال ينحاشون والبنات يلحقونهم بالحصى..
ورغد ميته ضحك على اشكالهم وكانت تصورهم من اول ما بدوا العيال...
مشاري: خلاص اوووه خلاص بنات تكفون والله تعبت..
عبير: عشان مره ثانيه ما تحاولون تقربون ناحيه البنات..
مشاري: توبه ان قربت منكم بس انتي روحي..
عبير: بنات أعلن نصركم على العيال وانسحاب العيال من ساحة المعركه..
البنات: هيه...
وبعدها طلع الكل من البحر عشان يبدل ملابسه ويستعدون للرجعه للرياض..
طلال: حشى وحوش مو بنات..
مشاري: توك تدري..
سليمان: وانا على بالي راحمهم كان رحمت نفسي..
وليد: بس فلقوني فلقه اليمه..
فيصل: من كان معاك..
وليد: فجر جعلها ماني قايل..
فيصل وهو متنرفز: وش فيك عليها احمد ربك انها هي مو العنود..
وليد: لو انها العنود كان انا في العنايه المركزه وتحت الملاحظه..
فيصل: اما اختك سببت لي ارتجاج في الراس فضيع..
وليد: زين سوت فيك..
فيصل: زين هاه.."وقام يخنق وليد"..
وليد : خلاص خلاص مو زين مو زين..
فيصل: اول شي قول توبه عمي فيصل..
وليد: تخسى..
فيصل يزيد على وليد: احسن لك قل..
وليد: طيب طيب توبه عمي فيصل..
وتركه فيصل:ايه خلك رجال ..
وليد:امش لا اذبحك هنا..
فواز: امش انت وياه لا اقبركم هنا..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند البنات

ريم: خلونا نسوي حركات نذاله ونقوم الحريم..
عبير: ايه خلوهم يحسون فينا شوي..
العنود: يله..
فجر: لا رحمة بعد اليوم..
الهنوف: اللي يسمعهم يقول مو امهاتهم..
رغد: هذولي شلة النذاله ما يفرقون لا بين صديق ولا عدوا..
دخلوا الرباعي عند الحريم وشغلوا الانوار وطفوا المكيفات وفتحوا الستاير..
ريم: يله قوموا..
عبير: يمه خالاتي عماتي اللي هم قوموا يله...
العنود: امهات اخر زمن البنات صاحيات والامهات نايمين..
فجر: لا رحمة بعد اليوم..
ام مشاري: وجع ا نشا الله خير وش فيكم..
عبير: لحد الان ما شبعتوا نوم..
ام ماجد: صاير شي..
العنود: قوموا بسرعه لا تصيرون خاملات..
ام فواز: الحين احنا الخاملات اجل انتوا وش تطلعون..
ريم: خالتي نطلع فالحات..
فجر: لا رحمة بعد اليوم..
العنود: وانتي ما عندك جمله غيرها..
فجر: لا هذي تناسب الجو..
العنود: اهااا....المهم قوموا خمس دقايق ونرجع ولا استخدمنا اساليب ثانيه..
ام مشاري: يا ياللي ما تستحين تقلديني..
ام ماجد: ترى ان قمت عليكم وريناكم شغلكم..
ريم: ما عندهم ديموقراطيه..
عبير: صادقه حلال عليهم وحرام علينا..
ام ماجد: هااو.. انهبلتي انا امك ..
العنود:يوه تصدقين نسيت..
ام الهنوف: عن الطنازه ويله روحوا..
فجر: لا رحمة بعد اليوم..
ام سليمان: وش فيكم يا بناتي خربتوها على اخر يوم وحنا نمدح فيكم ونقول بنزوجكم ..
عبير:صدق!!لالا اجل خلاص توبه..تراني امزح..
العنود:نمزح..نمزح..اعوذ بالله ما تفرقون بن المزح والجد..
ام ماجد:عشان العرس هاه..
عبير: اي عرس الله يهداك يا يمه مهما كان إنا امهاتكم وانتو بناتنا..
العنود: لا يا الغبيه العكس..
عبير: اقصد إنا بناتكم وانتوا امهاتنا..
ام مشاري:هاه افطرتوا؟؟
الرباعي:لا..
ام ماجد: اجل وش تسون؟؟
العنود:نستناكم..
فجر ما زالت تردد: لا رحمة بعد اليوم..
ريم: خلاص غيري الموجه.. حطي لا قسوة بعد اليوم..
العنود: يله قوموا ترانا جايعين..
ام ماجد:العنود وجع خلاص شافيتنا نايمين..
عبير: يله خلونا نطلع..
وطلعوا الرباعي..وتو الحريم بيقومون رجعت العنود..
العنود: لا يكون رجعتوا تنامون..
الا ام مشاري ترمي الوساده عليها:انقلعي..
العنود: هههههه يا حليلك يا خالتي..
وبعدها راحوا..
افطروا الحريم مع البنات والشياب مع الشباب ..والكل جهز اغراضه ولاهي في شي.. وصاروا يتذكرون ويودعون كل شي سووه ويتمنون ان الاجازه تكون اطول <<ما ينعطون وجه..
العصر راحوا البنات عند البحر بس ما سبحوا كانوا يطالعونه ورغد تصور كل حركه وكل موجه من البحر والبنات يودعونه..بعد نص ساعه قرروا يمشون ويرجعون لديارهم للرياض الخير..الكل راح لسيارتهم وهم ضايقه صدورهم ويدعون ايام الفله..لانهم راح يفقدون جمعتهم ويرجعون لايام الروتين والدراسه..
في الطريق البنات ناموا والعيال خلو ابوانهم يسوقون عنهم الا اللي جاي بسيارته ..ووصلوا الرياض بالسلامه <<نورتوا الرياض..
وكل واحد راح على بيته وناموااا على طول...
جا يوم السبت طبعا البنات كلهم غايبين ومر السبت ثقيل على الكل لانهم فقدوا الوناسه..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
يوم الاحد

في مدرسة ريم..
ريم: ساره اهلين يا قلبي وحشتيني"وتضم صديقتها"
ساره: يا بعد عمري انتي وحشتيني موووت..
ريم: تصدقين احس انك تغيرتي..
ساره: صدق اكيد احلويت..
ريم: اكيد بسم الله عليك اجل بأخطبك..
ساره: موافقه وبدون شروط..
ريم: هههه يا حليلك..
ساره: لا تقولين يا حليلك...
ريم تذكرت سليمان وماتت ضحك:ههههههههه..
ساره: ريم وش فيك..
ريم: ههه لا بس ذكرتيني بموقف..
ساره:ايه وشو..
ريم: اصلا لو اقول لك وش صار في الشاليه اشياء ما تجي لا على البال ولا الخاطر..
ساره:ايه وش صار..
ريم: تتوقعين مين كان معانا بالشاليه..
ساره: مين...
ريم: سليمان..
ساره: كذاااااابه..
ريم: والله..
ساره:ايه وش صار تحمست؟؟
ريم: اصبري لاتصرين مرجوجه ..في احد ثاني جاي معانا..
ساره: يوووه شوقتيني..
ريم: الهنوف صديقة رغد واخوها تركي..
ساره: يااااي والله من جد وناسه..
ريم: مو وناسه بس الا ابو الوناسه..
ساره: احكي لي كل شي بالتفصيل..
ريم: ما طلبيتي شي..
وصارت تحكي لساره عن كل المواقف اللي صارت بالشاليه سواء عنها او عن رغد او عن أي وحده من البنات والشي الاكيد انهم مطنشين الحصص وما سكينها خط بالسوالف يا على الدفتر او بصوت عالي اذا كانت مدرستهم خبله على قولتهم..
ساره: والله وربي انه فله بصراحه تمنيت اكون معاكم..
ريم: تصدقين لو انك معنا كان صدق بتكمل فرحتي لاني اشوف الهنوف و رغد مشا الله دايم مع بعض حتى صارت رغد تطنشني شوي عشان الهنوف..
ساره: عاد انتي اذا شفتي العنود ما تتذكرين لا امك ولا ابوك..
ريم: صادقه بس رغد غير ..رغد اختي والعنود بنت عمي..
ساره: ايه صح مهما كان رغد اختك واحن عليك.. وبعدين العنود عربجيه..
ريم: العنود لو تشوفينها تقولين ام الشباب.. صح هي تهبل وقمر بس عربجيه وحتى العيال يعاملونها على انها ام الشباب وهي مبسوطه على كذا..
ساره: تتوقعين تحب احد..
ريم: مين العنود؟؟ لالا ما توقع..
ساره: ليش؟؟
ريم: ما احس انها تفكر بالاشياء هذي..
ساره: اهاااا..
وكملوا سوالف لحد ما راحت كل وحده على بيتها..

مر اسبوع واسبوع ثاني على الاحداث وما صار شي جديد..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
في بيت ابو فيصل.
ام فيصل: هلا والله بوليدي..
فيصل يحب راس امه: هلا فيك..
ام فيصل : غريبه جاي بدري..
فيصل: ما غريب الا الشيطان..
ام فيصل: أيه" وحاسه ان ولدها وراه شي"
فيصل: آآآ يمه..
ام فيصل: سم..
فيصل: يمه كنت اقول..
ام فيصل: فيصل وش فيك وش صاير؟؟
فيصل: يمه ما ودك تفرحين فيني واكمل نص ديني..
ام فيصل والفرحه مو سا يعتها:صدق وليدي ..الله يبشرك بالخير..
فيصل: يعني يمه مبسوطه!!
ام فيصل: اكيد يا وليدي في ام ولدها قرر يتزوج وبتشوف عياله وما تفرح..
فيصل: اهم شي رضاك يا الغاليه..
ام فيصل: خلاص من اليوم ادور لك بنت الحلال..
فيصل: لا يمه انا مختار البنت..
ام فيصل: ومن هي سعيدة الحظ اللي اختارها وليدي..
فيصل: فجر بنت ابو فواز..
ام فيصل: ونعم البنات ونعم النسب ولا يهمك اخطبها لك واصلا وين راح يلاقون احسن منك..
فيصل يحب راس امه : تسلمين لي يا اغلى ام..
ام فيصل: خلاص بكره بأكلمهم..
فيصل: لا ..وش رايك اليوم احسن..
ام فيصل فيها الضحكه على ولدها: وش بلاك..لا تصير مطيور..
فيصل: يمه تكفين كلميهم اليوم..
ام فيصل: اليوم راح اكلم ام مشاري واخذ رقمهم وبكره راح اتصل عليهم..
فيصل: يعني ما في امل ..
ام فيصل: ولا سعاد<<وتنكت بعد..
فيصل: اجل يله دقي على ام مشاري..
ام فيصل: يمه فيصل خلاص لا تعور راسي..
فيصل ياخذ التليفون: يله اتصلي..
ام فيصل: هات وامري لله..
واتصلت على ام مشاري..
ريم: الووو..
ام فيصل: الووو..هلا والله ريم ولا رغد؟؟
ريم: لا انا ريم..
ام فيصل: هلا والله وشلونك وش اخبارك..
ريم: الحمدلله خالتي كيفك انتي وشجون وفيصل..؟؟
ام فيصل: الحمد لله كلنا بخير.. اجل وين امك..
ريم: امي لحظه شوي..ماما.......ماما...
ام مشاري: نعم..
ريم: خالتي ام فيصل على التليفون..
ام مشاري: جايه ..جايه..
وخذت السماعه من ريم: هلا والله وغلا..
ام فيصل: هلا وشلونك ووش اخبارك واخبار العيال..
ام مشاري: الحمد لله كلنا بخير وانتوا اخباركم..
ام فيصل: الحمد لله بخير.. .....الا يا ام مشاري ابشرك ولدي فيصل قرر يتزوج..
ام مشاري: صدق!! الله يبشرك بالخير اجل ندور له بنت الحلال..
ام فيصل وهي تطالع فيصل اللي جالس عند رجول امه ويطالعها: لا فيصل مقرر ومنتهي..
ام مشاري: ومن هي سعيدة الحظ هذي..
ام فيصل: فجر بنت ابو فواز..
ام مشاري: ونعم الاختيار ..بنت ولا كل البنات..
ام فيصل: ايه عاد انا ودي تعطيني رقمهم عشان اكلمهم..
ام مشاري: لحظه شوي....سجلي عندك..*******
ام فيصل: مشكوره وما تقصرين يا اوخيتي.
ام مشاري: العفو بس المهم بشريني باللي يصير..
ام فيصل: اكيد ..تامريني بشي..
ام مشاري: سلامتك..
ام فيصل: فمان الله..
ام مشاري: فمان الكريم..
فيصل: هاه يمه وش صار..
ام فيصل: اللي سمعته خذت الرقم وبكره راح اكلمهم..
فيصل: اجل انا طالع..
ام فيصل: مع السلامه وانتبه على عمرك..
فيصل: ا نشا الله.
ونزلت شجون: خير يمه وش صاير؟؟
ام فيصل: اخوك بيتزوج...
شجون: صدق ومن راح ياخذ..
ام فيصل: فجر..
شجون: انتي اللي مختارتها ولا هو..
ام فيصل:لا هو..
شجون: والله يا فيصل ما نت بسهل..
ام فيصل: اجل وش على بالك..
شجون: و فجر قمر مشا الله..
ام فيصل: ايه شايفتها وعاجبتني..
شجون: ايه الله يوفقهم..
ام فيصل: امين..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
ريم واللقافه: وش تبي خالتي..
ام مشاري: تبغى رقم بيت عمك..
ريم: ليش وش عندهم.؟
ام مشاري: بيخطبون بنتهم..
ريم: تمزحين يمه..
ام مشاري: هااو المواضيع هذي ما فيها مزح..
ريم: مين نوف ولا فجر..
ام مشاري: لا فجر..
ريم: هههههههههه يا حليلك يا فجر..
نزلت رغد: خير وش اللي يضحك ..ضحكوني معاكم..
ريم: لا يفوتك فجر بتتزوج فيصل..
رغد: كذاااابه ..ههههههههه..
ام مشاري: وش فيكم تضحكون؟؟
ريم: فجر عربجيه وما تعطي احد وجه وشلون فيصل خطبها..
رغد: بصراحه ما يلقون على بعض.. قمة التناقض..
ام مشاري: اسكتي انتي وياها ما عندكم سالفه..
ريم: الله ودي اشوف ردة فعل فجر اذا قالوا اللي خاطبك فيصل..
رغد: تتوقعين راح توافق..
ريم:والله فجر ما تدرين عن خاطرها..
رغد: ايه واضح انها غامضه شوي..
ريم: اجل اروح اكلم العنود واقولها..
رغد: لالا اخاف الخبر يوصل لهم قبل لا تكلم خالتي..
ريم: لالا راح اوصيها ما تقول شي..
واتصلت ريم على العنود..
وليد: الوووو
ريم: الووو هلا..
وليد: مين رغد.
ريم: لا اختها..
وليد: رويم وش تبين؟؟
ريم: عطني العنود وانت ساكت..
وليد: واذا قلت لا..
ريم: بتعطينيها غصب..
وليد: مافي..
العنود: من على الخط؟؟
وليد: واحد من العيال...
ريم: احسن لك عطني العنود..
وليد: لا يعني لا..
ريم اتصلت على العنود من موبايلها: عنيد خذي السماعه من اخوك..
وشوي الا الاعصار جاي وليد وتدفه وتاخذ السماعه..
العنود: هلا والله وغلا بهالصوت..
ريم: هلا فيك بصراحه اخوك غثه..
العنود: توك تدرين .المهم اخبارك..
ريم: الحمد لله بس عندي لك خبر بمليون..
العنود: وشو؟
ريم: فجر..
العنود: وش فيها؟؟
ريم: فيصل خطب فجر..
العنود فاقعه ضحك: ههههههه فيصل وفجر ما يليق هههههه
ريم: شفتي عاد اصلا باين ان فيصل يحب فجر بس فجر صافطه عليه..
العنود: ايه واضح يا حليلها ودي اشوف ردة فعلها..
ريم: حتى انا..
العنود: هم كلموا امها..
ريم: لا بكره..
العنود: اجل الوعد بكره عندهم..
ريم: وانتي صادقه بصراحه لقطه ما تتفوت..
العنود: ياااي متى يجي بكره واضحك عليك يا فجر..
ريم: المهم الخبر لا يطلع حتى لامك سامعه..لانه عيب يوصل الخبر لام فواز وخالتي ما كلمتهم سامعه..
العنود: ايه عارفه ما راح اقوول الا لعبير..
ريم: ووصيها بعد...
العنود:ابشري..
ريم: المهم تكفين عطي وليد كم حلاوه على بطنه ..على وجهه..اللي هو وبردي خاطري..وتامريني بشي..
العنود: لا توصين حريص لان ضغطي مرتفع منه ..
ريم: باااي.
العنود:الوعد بكره باااي...
وتلف على وليد..
وليد اخذ جواله ومفاتيحه: انا ماشي..

العنود: وين رايح..
وليد: مكان ما اشوف فيه وجهك.
العنود: الوعد اذا جيت..
وليد: يمه خوفتيني.."وطلع"
العنود: اقوم اقول لعبير..

عبير: صدق!!!!
العنود: والله.
عبير: ههههه اجل يا فجير بتروحين عنا..
العنود: ايه حسافه بتنقص الشله..
عبير: تتوقعين بتتغير وتصير مثل نوف وشجون..
العنود: احتمال كبير..
عبير: ووووع ما يليق..
العنود: صادقه..بس بكره بنروح عندهم عشان نشوف ردة فعلها..
عبير: الله ونااااسه متى يجي بكره واضحك ضحك مو طبيعي..
العنود: وانتي الصادقه... بس انتبهي تقولين لاحد..
عبير: اكيد..

نهايت الفصل

**الفتى المبدع** · 05-23-2011, 07:45 PM

اممم بكمل لها لكم .. لإني بجد تحمست للقصه و هو ما أمداه
يكملها و دورتها بمنتدى ثااااني ...

الجزء الثامن عشر

اليوم الثاني..
اليوم هو يوم الاربعاء وكان الوقت الصباح ورغد تصحي ريم للمدرسه..
رغد: ريم يله عاد اصحي..
ريم وهي تلف للجهه الثانيه: طيب شوي..
رغد: بسرعه ما بقى شي وتصفر ..ترانا متأخرين..
ريم: اجل اذا متأخرين راح اغيب..
رغد: قلتي لامي..؟
ريم: مو ضروري..
رغد: رويم ايش اللي مو ضروري ..انا ما راح اتركك ا لا اذا قمتي للمدرسه او رحتي وقلتي لامي انك بتغبين..
ريم: اوووف منك نشبه..
رغد: انشا الله امي ما توافق..
ريم: اوريك يا النذله..
ونزلت ريم عند امها..
ام مشاري: ريم لحد الان ما لبستي وش تستنين؟؟
ريم: يمه اليوم ما راح اداوم..
ام مشاري: وليش انشا الله!!
ريم: اليوم في مهرجان .وحفل..والجنادريه.. والمدرسات راح يغبون ..وصديقاتي ما راح يدامون..
ام مشاري: والله من النصب كل هذا في يوم واحد..
ريم: ايه ..وليش انصب..
ام مشاري: غيبي اليوم بس ترى كثرغيابك ترى باقي لك ثلاث مرات بس..
ريم: ايه زين..يله مع السلامه...
ام مشاري: مع السلامه.. الله يهديك يا ريم ..يا حبها للغياب..
وطلعت ريم فوق لرغد..
رغد: انشا الله ما وافقت..
ريم: موتي حره..يله روحي مدرستك يا الدفره..
رغد: اروح لمدرستي اهون لي من مقابل وجهك..
ونزلت رغد..
ريم: خلني اتصل على عنيد واشوف وش تسوي..
ريم: الووو..
العنود: هلا والله وغلا ..صباح الخير..
ريم: مفروض انا اللي اقولها بس يله صباح النور..وش قاعده تسوين..
العنود: اقنع امي اني اغيب..
ريم: ههههه يا حليلك تراني غايبه..
العنود:صدق!! والله ما علي منهم غايبه غايبه..
ريم: وعبير؟؟
العنود: عبير ما عليك منها دفره..
ريم: يعني راح تروح الجامعه..
العنود: لا..
ريم: اجل وشلون دفره..
العنود: يعني هي دايم تغيب بس ما شا الله ما يأثر عليها..اما انا اذا ما حضرت ما فهمت ..عشان كذا امي ما تخليني اغيب..
ريم: وعبير ليش غايبه..
العنود: تقول مالي خلق جامعه..
ريم: عاد عبير متى صار لها خلق لشي..
العنود: يعني ما تعرفينها..
دخلت ام ماجد على العنود: للحين ما لبستي..
العنود: لحضه لحضه ريم.. يمه تكفين شوفي ريم غايبه ورغد بعد<<لازم ازيادات..وحتى بنات عمتي كلهم غايبات وغير هذا كله عبير غايبه...
ام ماجد: وانا وش علي منهم..
ريم: قولي لها عندي حفل ..مهرجان أي شي..
العنود: وايه عندي مهرجان ..وحفل الامهات..والجنادريه واسبوع الشجره وما راح يعطونا شي..
ام ماجد تتنطز: غريبه ما صار معاهم اسبع المرور..
العنود: لا هذا الاربعاء اللي راح..
ام ماجد: غيبي الله يصلحك ويستر عليك..
العنود: واخيرا يمه ما بغيتي..
ام ماجد: ترى اهون..
العنود: لالا تكفين تسلمين يا احلى ام..
ام ماجد: مو لله "وطلعت"
ريم: هاه بشري..
العنود: افراااااج...
ريم: الحمدلله..ا اقول وش رايك نطلع نفطر..
العنود: كان امي تقطعني حته حته..
ريم: انا راح اكلمها..
العنود: طيب قلتي لامك...
ريم: لا..
العنود: مسويه واثقه..اقول روحي اسألي امك بعدين تعالي كلمي امي..
ريم: اوكيه ادعي لي ..بااااي..
العنود: يارب خلي خالتي ام مشاري توافق بسرعه وبعدها امي..وبااااي..
ونزلت ريم للمره الثانيه..
ام مشاري: وش عندك هونتي بتروحين للمدرسه..
ريم: أي مدرسه واي خرابيط الله يهديك..
ام مشاري: الحين المدرسه خرابيط..
ريم: ايه تفاهه في تفاهه مافي شي مهم..
ام مشاري: ايه بسم الله عليك برفسور مو ريم..
ريم: يمه تكفين فكينا من المدرسه انا جايتك بموضوع ثاني..
ام مشاري: وشو الموضوع اللي نازله ست الحسن والدلال ريم عشانه..
ريم: الله يسلمك ويكثر من امثالك على هذا الاطراء الرائع.. والموضوع سلمك الله انه...انه بنات عمي العنود وعبير عرفتيهم!!
ام مشاري: هااو..وش قالولك فاقده الذاكره..
ريم: لا بس اذكرك فيهم..
ام مشاري: ايه وش فيهم..
ريم: هم غايبين..
ام مشاري: طيب وبعدين وين المشكله...
ريم : المشلكه ان انا اقترحت عليهم اقتراح..
ام مشاري: اللي هو؟؟
ريم: بما إنا في البيت قاعدين لا شغله ولا مشغله قلت نروح نفطر برى البيت بعدين يجون عندي..
ام مشاري:لا يعني لا..
ريم: يمه تكفين..وتعالي معنا وسعي صدرك..
ام مشاري: ما احس ان لها داعي..
ريم حست ان امها بدت تلين: يمه تكفين طفشانه وزهقانه وضايق خلقي وتعبانه ولا تخليني اصيح..يمه تكفييييييين..
ام مشاري كسرت خاطرها بنتها: اوووف متى تتزوجين وافتك منك .يله روحي..
ريم:عاشت عاشت بلادي اقصد عاشت امي"وقامت وحبت راس امها وطارت على طول لفوق واتصلت على العنود"
ريم: الوووو..
العنود: هلا بشري..
ريم: وافقت بس باقي امك..
العنود: انا اقول تعالي بيتنا واقنعيها في البيت احسن..
ريم: ونعم الراي..انا لابسه وجايتكم طيران..
العنود: وانا راح استقبلك بالمطار بسرعه لا تطوين..
ريم: ثواني..
ولبست ريم بسرعه ..والله لو انه للمدرسه ما سوتها وخذت السايق وراحت بيت عمها ابو ماجد..
ريم: السلام عليكم..
ام ماجد: مين ريم ..وعليكم السلام يا قلبي تو ما نور البيت..
ريم: منور باصحابه وش اخبارك خالتي عساك بخير ومرتاحه..
ام ماجد استغربت اسلوب ريم: الحمدلله بخير وش اخبارك انتي والولده والوالد واخوانك..
ريم: بأختصار كلهم بخير..
ام ماجد: يا حيا الله من جانا..
ريم: الله يحيك ..أحم أحم .. إلا خالتي بطلبك طلب ولا ترديني..
ام ماجد: ما عاش من يردك..
ريم: الطلب هو....هو ان ودنا نفطر برى البيت انا والعنود وعبير ومعانا الخدامه والسايق وبعدها راح يرجعون البنات معاي نكمل السهره في بيتنا..
ام ماجد: موافقه والله بس عشانك..
ريم تبوس راس ام ماجد: تسليمن يا حلى خاله اجل انا طالعه عند البنات..
ام ماجد: الله معاك..
وطلعت ريم غرفتة العنود وعبير...
ريم: هااااي..
العنود: هايااات ...بشري.
ريم: الامور ميه ميه..
العنود: الله يبشرك بالخير..
ريم: اجل وين عبير..
العنود: يعني شي جديد اكيد نايمه..
ريم: خلينا نروح نقومها...
العنود: لو نفجر عندها قنبله نوويه ما صحت..
ريم: راح نصحيها بالطرق الثانيه على قولة امي..
العنود: وعلى قولة فجر لا رحمة بعد اليوم..
ريم: على طاري فجر اليوم راح نروح لهم زين..
العنود: اكيد بس متى راح يتصلون عليهم..
ريم: ابسأل شجون اليوم..
العنود: احسن عشان نضمن ان نحضر الموقف وما تكون روحتنا على الفاضي..
ريم: ههههه يا حليلك يا فجير.....يله يله خلينا نروح نصحي السودانيه..
العنود: يله..
ريم: عبير...عبير...
عبير:.....................
ريم: وش رايك يا العنود نطب عليها وندغدغها لما تصحى..
العنود: يله..
والمسكينه طبوا عليها وهي انواع الضحك..
عبير: هههههه خلاص ههههههه تكفون هههههه قمت قمت هههههه آآآه بطني ههههه
ريم: بتصحين؟؟
عبير: هههه والله بصحى ههههههه بس قومي عني..
وقامواا عنها..
عبير: اووووووووه حسبي الله عليكم في احد يقوم احد بهذي الطريقه..
ريم: انتي ما خليتي لنا الا هذي الطريقه...
عبير: اصلا انتي وش جابك بيتنا من صباح الله خير..
ريم: هين يا عبيروه انطقي في البيت وانا والعنود راح نطلع ونخليك ولو تموتين ما اخذتك معنا..
عبير: ليش وين راح ترحون..
العنود: ريم جايه تقنع امي نطلع نفطر وبعدها نروح بيتهم..
عبير: وامي وافقت؟؟
العنود: ايوه..
عبير: اجل خلاص راح اروح معاكم..
ريم:لا يعني لا..
عبير: اصلا من قال اني اسأل انا اقول بأروح معاكم ما قلت اروح معاكم ولا لأ..؟
ريم: بعد مع الشين عمى عين..
عبير: يا الله احس اني متكسره..
ريم: بدت حليمه في عادتها القديمه..
العنود: يله قومي بسرعه تراني مليت من هالبيت..
وراحت عبير ودخلت دورة المياه"الله يكرمكم" وبعدها لبست وتكشخت وكل هذا بالحركه البطيئه وريم والعنود موصله معاهم..
عبير: خلصت..
ريم والعنود: واخيرا..
وبعدها طلعوا وتمشوا كان الجو الصباح شي.. وبعدها راحوا الفيصله وجلسوا بستار بكس وريم تذكرت حبيب القلب سليمان يوم يعطيها الساعه..
العنود :رويم رويم وصقه انشا الله
ريم:وجع تراني ابغى اذني خير..
العنود: اقول رويم بجد بجد تتوقعين فجر توافق..
ريم: الصراحه والله ما ادري..
العنود: والله ما اتخيل جلستنا بدونها..
ريم: وش نسوي حتى انا والله كل ما تذكر إنا راح نفقدها بصراحه تخنقني العبره..
عبير: صادقه..فجر تعطي المكان جو خاص..
العنود: عاد الصراحه اخر شي توقعته فيصل يخطبها.
ريم: هو باين انه يحبها بس اللي ما توقعته انه يخطبها بالسرعه هذي..
عبير: شكلها طيرت عقله بالشاليه..
العنود: المشكله فجر ساحبه عليه لو انه معطيته وجه كان اقول..
عبير: فجر ساحبه على الكل ما يهمها احد..
ريم: ايه ما شا الله عليها ما يهمها احد..
العنود وعبير: ليش من يهمك انتي..
ريم اخترعت وفي نفس الوقت ارتبكت: بسم الله الرحمن الرحيم....وبعدين انا ما يهمني احد..
العنود تطالعها بنص عين: علينا..
عبير: اشتغل ساعه كامله اذا ما كنتي تحبين احد..
ريم تسوي نفسها واثقه: اجل بتشتغلين في بيتنا لاني ما احب احد..
العنود: رويم باين في عيونك تكلمي..
ريم: والله كيفكم صدقتوا صدقتوا ما صدقتوا براحتكم انا ماشيه..
العنود: يا الخوافه..
عبير: يله بس يا الشجاعه..
ريم: الا انا المفروض اسألكم..
عبير والعنود تقلبت وجيهم: عن ايش..
ريم قالتها كذا بس يوم شافت ردة فعلهم عرفت ان عندهم اشيأااات:من تحبون انتي وياها..
العنود تسوي نفسها واثقه: قلبي مسكر عليه وبعدين انا ما احب هالحركات..
ريم صدقت العنود ولفت على عبير: وانتي يا عبير..
عبير مر تبكه: انا......انا ما احب احد..
العنود شكت: يله عاد مين..
عبير: اوووه ترى راسي مصدع ومالي خلق يله بس مشينا..
ريم: يا حبها للتصريف بس مصيري اعرف..
وطلعوا من الفيصبيه وبعدها رجعوا لبيت ابو مشاري..وناموا لحد ما جات رغد..
رغد دخلت غرفة ريم وشغلت الانوار وشافت ثلاثة اشخاص وشالت عنهم اللحاف..
رغد: رحنا بوحده ورجعنا بثلاث..
ريم صحت: جيتي..
رغد: لا رحت...ما شا الله جمعتي الجماعه كلهم..
ريك: اجل مثلك يا الدافوره احد يروح المدرسه يوم الاربعاء عيب عليك..
رغد: والمشكله كلهم نفس الطينه منك..
ريم: على قولتهم وجهان لعمله واحده..
رغدبعصبيه\: عليك نور..يله قوميهم عشان الغدا..
ريم: طيب وش فيك معصبه..
رغد: لانكم انانيات مخليني اروح اداوم في الشمس وانتم نايمين في العسل..
ريم: وازيدك من الشعر بيت..فاطرين برى وتمشينا بالفيصليه وبعدها شرينا لبس لليوم وشرينا هديه لفجر وسويناها باسمانا وانتي مومعانا<<لازم الصواريخ ولا ما تطلع ريم..
رغد بتبكي: كل هذا سوتيه وانا ماني معاكم كيف طاوعك قلبك يا الانانيه..
ريم: قلبي غصب عليه يطاوعني وش اسويلك..
رغد: طيب شريتي لي لبس وحطيتوني معاكم في الهديه..
ريم: لا يعني لا بنات ثالث لا لو انك علمي يمكن بس ادبي لا..
رغد: هين ارويكم..
ريم رحمتها: رغوده تعالي امزح معاك ما شرينا شي..
رغد: والله لو انكم شارين كان ذبحتكم..
ريم: اجل امزح عليك شارين..
رغد وصلت معاها: شريتوا ولا ما شريتوا عشان اتفاهم مع امي..
ريم خافت: لالالا ما شرينا شي بس هدي..
رغد تصارخ: يله قوميهم بسرعه الغدا..
العنود صحت من صراخها: رغد وجع وش ذا اللسان اذاعه في الراديو مو بنت منكسره رجلها..
ريم: ابغى اعرف وش دخل منكسره رجلها في طولة اللسان..
العنود: اجل طالعه غبيه مثل البقره اللي جنبي"تقصد عبير"يا غبيه المنكسره رجلها تكون هاديه وباين فيها الصيحه فهمتي..
ريم تتنطز عليها: بسم الله عليك بسم الله عليك يا بنت عمي اقري على نفسك الصباح والمغرب ولا تقولين لا أحد سامعه
العنود: تتميلح: المفروض اعطيكيم شوي مما اعطاني الله ..
ريم: اقول قومي وانتي ساكته وقومي اختك تصرفي معها صراحه ما لي خلق لها..
رغد رجعت معصبه: ما بعد قمتوا..
ريم: باقي خيشة النوم قوميها..
رغد:عبير اوريك فيها..
راحت رغد جابت كاس مويه بارد وزياده على كذا حاطه فيه ثلج وكبته على عبير..
عبير: اوه اوه وجع انشا الله ..الله ياخذك يا البايخه..
رغد موصله معاها: قومي لا اذبحك هنا والثنتين ذولي معك..
العنود تهمس لريم: يمه اختك تخوف اذا عصبت ..
ريم: اسكتي بس ما شفتي شي ابوي يخاف منها..
العنود: مسكينه يا بنت عمي تعالي عندي وانا ادافع عنك بدال ذا النعجه اللي عندي..
ريم: ودي يا بنت عمي بس حكم القوي على الضعيف..
رغد: خمس دقايق وكلكم نازلين مفهوم..
ريم والعنود: مفهوم ابله..
رغد نزلت وضغطها مليون ما تشوف قدامها لانها رايحه المدرسه غصب ما تقدر تغيب تخاف يفوتها شي وخصوصا الاختبارات قربت..
بعد خمس دقايق نزلوا وتغدوا مع العائله وهم بطبعهم ما يتغطون يتحجبون بس..
مشاري: مشا الله عيال اقصد بنات عمي هنا..
العنود: ليش ما عجبناك..
مشاري: لا عاجبيني.. حيا الله من جانا..
ابو مشاري: وشلون ابوكم عساه بخير..
عبير: ليش عمي ما شفته بالشركه..
ابو مشاري: لا والله اليوم ما مر علي..
مشاري: مشا الله انتوا خلصتوا دراسه..ولا ايش..
العنود: لا وش خلصنا دراسه تونا..
مشاري: يعني اليوم ما داومتوا..
عبير: انت صاحي اليوم الاربعاء..
مشاري: واذا كان اليوم الاربعاء..
العنود: عندنا قاعده يا اخ مشاري تقول "لا دوام يوم السبت والاربعاء "..
مشاري: مشا الله عليكم ومين اللي طلع القانون الجديد ولا القاعده على قولتكم..
عبير: ماجلان.
العنود: لا يا غبيه هذا قاعدة"لا مذاكره من الكتاب.. تكون من الدفتر"
عبير: اجل منهو..
ريم: والله انك بقره على قولت اختك هذا ابن حيان..
عبير: ايه صح يا مشاري ابن حيان..
مشاري: ابن حيان قايل لا تداومون السبت والاربعاء..
الثلاثه:ايه..
مشاري: اجل ما جلان وش قال؟؟
العنود: قال ماجلان سلمك الله المذاكره الصحيحه ما تكون من الكتاب بل من الدفتر واسئلة الواجب واسئلة المراجعه..
مشاري: ممكن اسأل سؤال..
الثلاثه: خير اسال..
مشاري: كيف تنجحون؟؟
العنود: يا اخ مشاري نمشي على قانون روبيرتو كارلوس..
مشاري: اللاعب!!!
العنود: ايه اللاعب يقول ان الطالب او الطالبه المجتهد هو اكثر واحد يكتب براشيم ايام الاختبارات ..عرفت كيف ننجح.
مشاري: والله يصلح تالفون كتاب قواعد وقوانين للطلاب والطالبات اللي عقولهم دروج مثل عقولكم..
عبير: مشكور اخوي مشاري على المدح اللي تمدحه لنا..
العنود: وانشا الله نردها لك بالافراح..
مشاري: مع السلامه قبل يجي عقلي شي واصير مثلكم..
الثلاثه: مع السلامه..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
بعد الغدا..
جلسوا عند التلفزيون ويعلقون على هذا ويحشون هذي ويستهبلون ويقلدون..
العنود: اقول رويم ما ودك تتصلين على شجون..
ريم: ليش؟؟
العنود مصدومه: تسأليني ليش..افا ما هقيته منك وشلون تتغيرين في يوم وليله..وانا تاركتك زي الفل والحين وش جاك وين حب اللقافه اللي زرعته فيك..
ريم: الحمدلله حصدته وبعته في سوق الخضار ههه..
العنود: المهم كلميها بسرعه..
ريم: زين زين.. وطوا صوت التلفزيون"واتصلت عليها.."
ريم: الووو..
شجون: هلا والله..
ريم: كيفك وش اخبارك وعلومك والوالده والوالد والاخوان..
شجون: الحمد لله كلنا بخير..
ريم: ايه ..اقول شجون..
شجون: امري..
ريم: ما يامر عليك ظالم بس كنت بسألك متى امك راح تكلم ام فواز عشان فجر..
شجون: هي قالت المغرب..بس ليش؟؟
ريم: لا سلامتك بس حبيت اتطمن على بنت عمتي..
شجون: ترى ما حنا ما كلينها..
ريم: افا ما هقيتها منك..المهم ما اطول عليك ...مع السلامه.
شجون: مع السلامه.......غربيه ليش تسأل....هههههه ما غريب الا الشيطان يعني ريم واللقافه لازم تعرف كل شي يحليلها خبله..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&عند البنات..
العنود وعبير: متى؟؟
ريم: المغرب..
ريم: تصدقون توني اكتشف إنا ملقف بزياده..
عبير: هذي فطره عندنا مو مكتسبه..ما نقدر نغيرها..
العنود: ودي اعرف طالعين على مين..
ريم:والله ما ادري بسأل امي وأشوف..
العنود: لالا امك ما لها دخل في السالفه اسألي ابوك..
ريم: صح اسأل ابوي..
عبير: قوموا يله عشان تقوموني رجلي ما ادري وش فيها..
العنود: اصلا انتي متى دريتي وش فيها كل يوم تقول نفس الكلمه ما ادري وش فيها..
ريم: يله بسرعه خلونا نجهز بس وين رغد..
العنود: نايمه..
ريم: اجل نروح نزعجها وبعدها نلبس..
العنود وعبير وعيونهم تطلع شرار من النذاله: يله..
راحوا عند رغد وازعجوها المسكينه لما بغت تصيح منهم وبعدها لبسوا ونزلوا عند ام مشاري..
ام مشاري: مشا الله لابسين على وين؟؟
ريم: يمه نسيتي اليوم عند عمتي ام فواز..
ام مشاري: طيب خلوها بكره..
ريم انفعلت: لالالا اليوم يعني اليوم..
ام مشاري: طيب تونا بدري..
العنود: خالتي وش فيك علينا بنروح بدري عشان ننبسط..
ام مشاري: بسلامتكم سلموني على ام فواز..
ريم: يوصل انشا الله يله بنات مشينا..
البنات: يله..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
بيت ابو فواز
نزلوا البنات من السياره وضربوا الجرس وبعدها دخلوا ..
ريم: عمتي ...عمتي..
ام فواز: يا هلا والله وسهلا تو ما نور البيت..
البنات: منور بأصحابه..
ام فواز: وش اخباركم وش علومكم.
البنات: الحمد لله بخير..
ريم: عمتي امي تسلم عليك..
ام فواز: الله يسلمها من الشر..
رغد: اجل عمتي وين نوف وفجر..
ام فواز: فوق اطلعوا عندهم..
ريم: يله مشينا<<مسويه القائده..
رغد: عيب عليك انا الكبيره..
ريم: بس انا صاحبه الفكره..
العنود: يا الكذابه انا صاحبة الفكره..
عبير: لا انتي ولا هي انا ويله امشوا وانتو ساكتين..
وطلعوا البنات وطبعا هم ما يدرون انهم راح يجون..
فجر: مين البنات!!!! يا هلا والله وغلا..
البنات: هلا فيك..
ريم: هلا بالعرو
العنود تصقع ريم لما صقعت في الجدار: هلا والله بالزينه..
البنات ميتين ضحك على شكل ريم وهي طايره..
فجر:ههههه وش فيك عليها؟
العنود: ما عليك منها الملقوفه..
ريم: آآآآآآآآآآآآآآآآآه..آآآآآآآآآآآآه حسبي الله عليك طيرتيني..
العنود: احسن..
عبير: اجل وين نوف..
فجر: بروح اناديها.."وراحت"
رغد: ريم يا أم لسان طويل بغيتي تفضحينا..
العنود: المشكله من امس وهي توصي فيني وفي عبير..
ريم: زلت لسان ما تسوى علي.. عنيد وجع ما ادري انتي من ايش مخلوقه..
العنود: ترى بأعجنك الحين بصراحه رفعتي ضغطي زين ما حست ...
ريم: خلاص خلاص حصل خير مصيرها تعرف..
وبعدها دخلت نوف وفجر..
نوف: هلا والله ببنات خالي..
البنات يسلمون عليها: هلا فيك.
وقعدوا شوي يسولفون بعدين ذكرت ريم..
ريم تهمس للعنود: اقول العنود..
العنود: خير..
ريم: خلينا ننزل تحت عشان نحضر المكالمه وتكون معانا فجر لان اذا ما حضرتها ما راح تقول لها عمتي الا لما نروح وتصير جيتنا على الفاضي..
العنود: ايه.....احم بنات وش رايكم ننزل عند عمتي تحت مسكينه لحالها..
نوف: لا عادي خذوا راحتكم..
ريم: لالا راحتنا من راحت عمتي..
فجر: وش هالحنيه الزايده وش عندك انتي وياها..
رغد تبي تنقذ الموقف: لا بس حرام عمتي لحالها ما يصير لو امي معانا كان عادي..
عبير تكمل: خلونا ننزل احسن..
نوف وفجر: كيفكم..
ونزلوا تحت..
ام فواز: وش عندكم جالسين عندي انتوا بالعاده ما تحبون جلسة الحريم..
ريم: انتي يا عمتي غير عن كل الحريم..
العنود: انتي يا عمتي الجلسه معك ما تنمل..
عبير: ومن سوالفك و حنيتك وطيبتك الله لا يحرمنا منك..
ام فواز مصدومه: مشا الله وين سامعين هالكلام في أي مسلسل وش عندكم..
العنود: ليش شافتنا لين على غفله ..لا ابد هذا تعبير من داخل القلب..
ام فواز: ايه واضح من داخل القلب..
وبعدها رن التليفون..
الاربعه يطالعون بعض وفيهم الضحكه..
ردت العمه ام فواز على التيلفون..
ام فواز: الوووو...هلا......لا.......اخوي اقولك غلطان.."وسكرت السماعه"
طاحت وجيه البنات..
نوف: يمه مين كان عند التليفون..
ام فواز: هذا غلطان مزعجني من الظهر..
فجر: احقريه ولا عاد تردين على التليفون..
ريم بسرعه: لا وش ما ترد على التليفون لازم تردين يمكن شي ضروري ولا شي..
العنود تكمل وهي منفعله: ايه يمكن شي ضروري ..ردي واذا سمعتي صوته سكري في وجهه..
ام فواز: طيب طيب بس وش فيكم شبيتوا..
العنود: لا شبينا ولا طفينا بس يعني نحرصك..
ام فواز: انتو اليوم مو طبيعين..
فجر: من ناحية مو طبيعين مو طبعيين بس ما ادري وش عندهم..
الا التليفون يرن ...
الاربعه حطوا يديهم على قلبهم..
ام فواز ردت: الوو وبعدين معاك..
ام فيصل: هااو يا ام فواز وش فيك..
ام فواز تفشلت: معليش يا ام فيصل كان واحد مزعجني ومطلعني من طوري..
البنات سمعوا كلمة ام فيصل خلاص ما قدروا يضحكون بس تحملوا..
ام فيصل: ايه معليش وش اخباركم وش علومكم وش مسوين..
ام فواز: والله الحمدلله تمام بخير وش اخباركم انتي وشجون والعيال..
ام فيصل: والله كلهم بخير...الا يا ام فيصل..
ام فواز: امري..
هنا البنات كانوا يطالعون فجر ..وفجر كانت تطالع التليفزيون واذنها مع امها من يوم سمعت طاري فيصل..
ام فيصل: والله يا ام فواز ما ادري وش اقولك لكن بدخل في الموضوع على طول..
ام فواز: امري..
ام فيصل: والله ولدي فيصل نوى يتزوج فأنا قلت لو الف الديره كلها ما راح القى احسن من بنات ام فواز..
ام فواز:والله هاذي الساعه المباركه يا ام فيصل ولنا الشرف بعد..
هنا البنات خلاص راحوا فيها ..كانت العنود حاطه يدها على فم ريم عشان ما تضحك ورغد حاطه يدها على عبير عشانها ما عاد تقدر تتحمل اكثر..
ام فيصل:والله حبيت اخطب بنتك فجر حق ولدي فيصل..
ام فواز: والله ما راح القى احسن منكم نسب ولا احسن من ولدكم ..وانا من ناحيتي ما عندي مانع بس اشاور ابوها والبنت وارد لكم...
ام فيصل: ا نشا الله ومتى ما ردت سواء كانت موافقه ولا ما وافقت فأحنا اهل وحبايب..
ام فواز: اكيد يا ام فيصل..
ام فيصل: اجل تامرني بشي..
ام فواز: لا سلامتك..
ام فيصل: مع السلامه ..
ام فواز: مع السلامه..
فجر حاطه يدها على قلبها من الخوف وهذا اللي كانت حاسبه حسابه..نوف كانت مبسوطه لانها عارفه انه اكيد فجر مو هي .. والبنات يطالعون فجر ويستنونها تتكلم او أي شي..
ام فواز تطالع فجر وهي مبتسمه:والله وكبرتي وصرتي عروس يا فجر..
فجر خلاص ذابت من الحيا..
فجر تسوي نفسها ما تدري وش السالفه: انا كبيره من زمان"وتوها بتقوم"
الا ام فواز نادتها: تعالي يا قلبي بأكلمك وين بتروحين..
فجر : سمي يمه..
البنات يطالعونها وكأنهم يطالعون مسلسل..
ام فواز: هذي ام فيصل تخطبك لولدها فيصل..
فجر منزله راسها:................ وهي ميته حيا وجهها احمر وتحرك رجلينها وتفرك ايدينها من التوتر..
هنا ريم خلاص بتضحك بس العنود انقذت الموقف وحطت خداديه على فمها..
ام فواز: عاد انتي فكري زين يمه وترى الولد ما ينعاب ولا راح نلاقي احسن منهم..
نوف: احلى احلى يا العروسه..
فجر بصوت واطي: اسكتي انتي..
العنود خلاص ما قدرتتسكت وضحكت لانها اول مره تشوف فجر مستحيه..:هههههههههههههههه
فجر: عنيد والله انك با يخه.
وبعدها فقعوا البنات ضحك ":ههههههههه
فجر: والله سخيفين "وطلعت فوق"
ريم: هههههههههه يا حليلها والله تعرف تستحي..
العنود: وجها احمر من الحيا مسكينه..
رغد: آآآآآه يا قلبي صار يعورني..
عبير:هههههههه يمه ههههههههههه يمه بطني ههههههه سكتوني هههههههه
العنود: عبير خلاص عاد..

عبير: ههههههههه العنود ههههههه سكتيني هههههه بطني ما اقدر..
ام فواز: عاد اعقلوا عن بنتي تراها تستحي وعقبالكم وتضحك عليكم,,
العنود: والله يا عمتي بنتك متزوجه ما قدرت اتخيل شكلها..
ام فواز: وليه انشا الله ..
العنود: ما ينفع فيصل رومنسي وبنتك انواع العرابجه ما يصلح..
ام فواز: بسم الله على بنتي الدلع والرقه كلها فيها..
العنود: اذا الدلع والرقه في فجر اجل نوف وش تطلع..
ريم: المياعه هههههه
وفقعوا البنات ضحك..
نوف عصبت: والله انكم تافهات.."وطلعت فوق مع اختها"
والبنات يضحكون اكثر..
ام فواز: وانتوا جايين تطنزون على بناتي..
رغد: حشى عمتي بس نوف عاد دلوعه بزياده..
ام فواز: يحق لها..
عبير: آآآآآه آآآآآآآه بطني يمه بطني ..بطني يعورني..
ام فواز: احسن تستاهلون..
عبير: عمتي ترى نمزح مو جد..
ام فواز: هالامور ما فيها مزح؟؟
ريم: اقول خلونا نروح نراضي البنات كلهم زعلوا..
العنود: فجر بترضى بسرعه اما نوف حبي راسها عشان ترضى.
رغد: يله مشينا..
وطلعوا البنات وقعدوا يراضون فجر وفعلا رضت بسرعه اما نوف طلعت الشيب في راسهم لما نفخت عليها العنود نفخه مريعه وتعدلت بعدها.وعلى قولة العنود بنات ما يجون الا بالعين التركواز ..واثقه البنت وبعدها طلعوا ...وفي السياره انواع التعليقات والتوقعات لما وصلوهم لبيتهم وبعدها راحوا ريم ورغد لبيتهم وحكوا لامهم وش صار وبعدها نااااامواا
@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@
" نهاية البارت "

**الفتى المبدع** · 05-23-2011, 07:46 PM

الجزء التاسع عشر

فجر مسكينه حالتها حاله من يوم عرفت بالسالفه ..طول الوقت تفكر بفيصل وحتى يوم كانوا البنات عندها كانت طول الوقت سرحانه وتفكر ..وتذكرت المواقف اللي صارت بينها وبين فيصل ..كيف كان يطالعها وهي ما حست فيه ولا مره فكرت انه يحبها او أي احد ثاني يحبها او حتى انها تحب احد وبعدها جا على بالها موقف يوم كانوا يلعبون بالدبابات...
فيصل: فجر..فجر ممكن توقفين شوي..
فجر مستغربه"وش يبي هذا":خير امر..
فيصل مبتسم: ما يامر عليك ظالم بس خلينا ناخذ بريك شوي وبعدين نكمل..
فجر ما حست انه يبي يقعد معاها شوي:احس انه ماله داعي للبريك..
فيصل:طيب واذا قلت لك طلبتك..
فجر ما حبت ترده: خلاص خمس دقايق بس..
فيصل في نفسه"خمس دقايق بالنسبه لي خمس سنيين"
فيصل: احم..احم فجر انتي بأي سنه"وجلس وجلست فجر جنبه"
فجر انا بثاني ثانوي..
فيصل: ما شا الله الايام تمشي بسرعه..
فجر: ايه الله يعين..
فيصل: طيب انتي شاطره بالمدرسه<<ما عنده سالفه..
فجر في نفسها" وش ذا السؤال البايخ":ايه ما علي..
فيصل: ايه بسم الله عليك..
فجر تبغى تقطع عليه سوالفه: ما خلصت الخمس دقايق..كنها طولت..
فيصل: ليش مليتي مني بهالسرعه..تراني قايل خمس دقايق مو خمس ساعات..
فجر: ايه بس احنا في سباق..
فيصل: طيب عادي..
فجر"يا ليل ما اطولك": طيب انت وين تشتغل..؟؟
فيصل ما صدق على الله انها سألته وعطته وجه: انا ما اشتغل انا ادرس بالجامعه ادارة اعمال..
فجر:اها ما شا الله وانت الولد الوحيد صح..
فيصل فرح اكثر:ايوه وشجون هي البنت الوحيده..
فجر: ايه ما شا الله باين عليها دلوعه ومدلله بسم الله عليها..
فيصل: حتى انتي باين عليك انك رقيقه وهاديه<<من على جنب..
فجر استحت: تسلم..
فيصل: الله يسلمك..
فجر: اتوقع إنا تأخرنا يله نرجع للتحدي..
فيصل: شكللك متحمسه..
فجر: ابي اكسر روسكم يا العيال شايفين انفسكم..
فيصل: وانا منهم..
فجر: ليش انت ما تعد نفسك واحد من العيال..
فيصل تفشل: ايه هين اوريكم يا البنات..
فجر قامت تضحك على عمرها لانها ما انتبهت ان فيصل كان يحاول يتقرب منها ويسولف معها وهي حتى الاحساس ما حست فيه وغير هذا كله دفشه معاه
وتذكرت يوم رجعوا من المطعم..
فيصل قرب منها بالمره وهي تحته: احم احم..
فجر رفعت عيونها على فيصل بعدين نزلتها:.....
فيصل: فجر..
فجر وهي تربط الرباط حق الجزمه: هلا..

فيصل: أأأأأ وش كنت راح اقول..
فجر: اممممم..
فيصل في نفسه"طيب عطيني وجه": تصدقين نسيت..
فجر خلصت ووقفت: صدق!! اجل اذا تذكرت نادني..
وتوها بتمشي الا فيصل مسك ايدها: لحظه..
فجر انصدمت وشلون تجرا ومسك ايدها وصارت تطالع بأيدها وفيه وبعدين قالت بكل برود: ممكن تترك ايدي..
فيصل استوعب الحركه وتركها بسرعه: فجر لحظه اسمعيني طيب..
فجر بقلة صبر: تذكرت السالفه..
فيصل: هي سالفه وحده ما في غيرها..
فجر كتفت ايديها: اللي هي..
فيصل: فجر ليش تعامليني كذا..
فجر: وش تبيني اعاملك ا نشا الله ؟؟
فيصل: خفي علي شوي..
فجر: وبعدين معاك عندك سالفه ولا اروح..
فيصل في نفسه" عربجيه هالبنت وما عندها وقت بس اموت فيها": الا في سالفه..
فجر: اخلص وراي شغل..
فيصل اخذ نفس وقال بسرعه: فجر لو اجي واخطبك توافقين..
فجر وكأن احد كاب عليها مويه باردده اخر شي توقعته ان فيصل ممكن يقولها اخطبك:...................
فيصل: انا حبيتا قولك انتي اول واعرف رايك بعدين اخلي امي تكلم امك وبعدها اجي اخطبك من ابوك رسمي..
فجر تحاول تجمع لها كلمتين تقولها لفيصل لان المفاجئه شلت لسانها: بصراحه ما ادري وش اقول لك بس انت فاجئتني بالموضوع..
وراحت بسرعه وتركته..
ماتت ضحك على اسلوبها وصارت تشوف الدنيا بنظره ثانيه حست انها بدت تتقبل فيصل..وبدت تحس بمشاعر غريبه اول مره تحسها بحياتها ..ولابتسامه ما فارقتها..
فجر: لازم استخير واللي كاتبه ربي بصير..
قطع افكارها صوت الباب..
فجر: مين..
نوف: اختك..
فجر ما ودها تجي نوف تخاف تحرجها: تفضلي..
نوف والابتسامه شاقه الوجه: اهلين فجوره..اهلين بالعروسه..
فجر بحيا: نوف اذا بتستهبلين اطلعي برى ترى مالي خلقك..
نوف: لالا خلاص ابعقل..تصدقين فجوره..
فجر: لا ما اصدق..
نوف: وهذا وانتي بتتزوجين اسلوبك كذا..
فجر: نويف ترى بأقلعك برى..
نوف: فجوره قلبي والله البيت من دونك ولا شي..
فجر ضاق صدرها وتوها تفكر انها بتفارق امها وابوها واخوانها واهم شي اختها:نوف تكفين لا تضيقين خلقي وبعدين انا ما قررت..
نوف: بس يا فجر قبل لا تاخذين أي قرار فكري وتذكري ان فيصل تراه رجال وما يعيبه شي وما اظن انك راح تلاقين احسن منه وخصوصا ان نعرفه ونعرف اخلاقه وامه ما شا الله عليها طيبه وحنينه وشجون بعد طيوبه..
فجر: والله صح الكلام اللي تقولينه بس بصراحه اول مره افكر بشي مصيري وانا اقرر فيه..
نوف: اكيد يا قلبي انتي كبرتي ولازم تتعودين على المسئوليه وهذي اول خطوه لك انك تتحملين مسئوليتها..
فجر: بصراحه يا نوف ولأول مره اعترف واقول اني خايفه..
نوف: اكيد بتخافين وانا لو مكانك جلست ابكي من الخوف..
فجر: طيب انتي وش رايك..
نوف: الراي الاول والاخير لك ..وانا اقول استخيري واذا حسيتي نفسك مرتاحه له وافقي وبدون تردد..
فجر: هذا رايك؟؟
نوف: ايه هذا رايي والراي الصح بعد..
فجر: والله محتاره..
نوف: انتي فكري على مهلك وما في احد راح يضغط عليك ويله نامي الحين وارتاحي وانا بعد بروح انام...
فجر: تصبحين على خير..
نوف: لالا اذا الزواج يعلمك الرومنسيه يا ريتنا زوجناك من زمان..
فجر: اقول ما ودك تنقلعين عن وجهي ..ما بقى الا البزارين..
نوف: تدلعي من حقك تدلعين علينا لانك اول وحده تتزوج في الشله حتى عبير الكبيره ما تزوجت..
فجر: الله واكبر كبيره..تراها اكبر مني بسنتين او ثلاث..
نوف: على طاري الدراسه بتوقفين ولا راح تكملين..
فجر: لا اكيد راح اكمل..الا تعالي تراني ما بعد وافقت..
نوف: بس عيونك تقول موافقه..
فجر: ترى اليوم خاطبيني..
نوف: عادي واذا صار ياما بنات من اول ما يسألونهم اهلهم يقولون الشور شورك يا يبه..يعني موافقين حتى بدون ما يفكرون لو ثانيه وحده..
فجر: ترى راسي عورني من كثر بربرتك يله روحي غرفتك انا وحده تعبانه وابي اناااام..
نوف: زين زين طلعت.."يوم وصلت عند الباب"طلعت يا العروسه العربجيه وما اقول الا الله يعينك يا فيصل "وسكرت الباب"
فجر محتاره: يعني لهدرجه انا عربجيه..بس انا ما احس نفسي عربجيه..اجل اصير مايعه مثل نويف لالالا مستحيل انا ما احب هالحركات انا ابغى اصير مثل العنود مثلي الاعلى في الحياة
وبعدها نامت من كثر التفكير في فيصل وغير فيصل يعني نفسها<<احلفي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
صباح يوم الخميس..
فيصل ينزل بسرعه من الدرج وراح عند امه وهو يفحط..
ام فيصل: خير خير وش فيك وش صاير.
فيصل: هاه يمه ردوا عليك..
ام فيصل: الحمد لله والشكر بس احد يرد على احد الصباح مجنون انت ولا مخك فاصل وبعدين يمكن يطولون..
فيصل: يطولون يعني كم ساعه؟؟
ام فيصل: كم ساعه!!! صدق يا وليدي انك مخفه على قولتهم قل كم يوم كم اسبوع مو كم ساعه..
فيصل: اسبوع !! ليش اسبوع..
ام فيصل: فيصل ترى طلعت الشيب في راسي ما تفهم انت هذا زواج مو لعبه..
نزلت شجون على صراخهم..
شجون: خير وش صاير على الصباح وليش هالصراخ..
ام فيصل: اخوك الحمدلله والشكر يسأل اذا اتصلوا وردوا علينا ولا لأ...
شجون: فصول اركد يا المرجوج خل البنت تفكر على راحتها..
فصل: جتنا الثانيه..طيب انا مستعجل..
شجون: والله لو انا خليتهم شهر بس افكر ..هذا مستقبل مو لعبه..
فيصل: ما اقول الا الله يعين اللي بتاخذينه بيطلع له قرون في راسه..
شجون: اصلا يحلم انه ياخذني..
ام فيصل: بسكم عاد هواش وانت يا فيصل اركد ولا ترج الناس معك..
فيصل: ان شا الله يمه...انا طالع تبون شي..
شجون وام فيصل: سلامتك..."وطلع"
شجون تبي تعصب بأمها شوي: يمه صدق الجماعه ما ردوا..
ام فيصل عصبت: جتنا الثانيه ..اقوم ازين لي..
شجون: يمه تعالي امزح معاك..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
وبعد اسبوع من الاحداث...
نزلت فجر على امها..
وجلست جنبها..
فجر:يمه..
ام فواز: سمي..
فجر: يمه انا قررت بموضوع فيصل..
ام فواز: ايه وش قررتي؟؟
فجر: قررت...............

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ @@@@@@@@@@@@@@@@@@@@@@@@@
"

نهاية البارت