الفرق بين الشباب والبنات بعد العزيمة

**ηξם ηλζ** · #1 02-12-2011, 06:37 AM

السلام عليكم ورحمةالله وبركاته

اخبار شباب المنتدى
اليوم بنشوف الفرق بينا وبين البنات
بعد العزيمة ايش اللي يصير

وكالعادة بنبدا بالبنات اولا
وبعدها نجي للشباب

أولاً : المرأه تتحدث مع أختها

المرأه: يوووه فاتك نص عمرك.. توني جايه من العزيمة

أختها: وش حطوا؟

المرأه: يو يو يو ، حطهم يجنن، ما فيه شي ماحطوه ، أول شي الشاهي، فناجيلهم تجنن مزخرفه ومسكاتها ذهبيه ، بعدين القاتوه مدري من فين جايبينها طعمها يجنن وحاطينها في صواني خربزيه وفيها نقط صغيييره لونها أخضر ، والمكسرات تموووووت ، حاطين كل كسرة في كيس! والا العشاء ياربيييييه يهبببببل

(ويستمر وصف الاكل ساعة ونصف)

أختها: جت نوف؟

المرأه: ايوه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل

أختها: لايكون نفس اللي لبسته قبل 5 سنوات؟

المرأه : لا لا هذيك المره لابسه فستان أحمر مو وردي ولا كان فيه كرستالات

اختها: أجل شكلها لابسه فستان بنت عمها أريج لاني شايفه اللبس هذا عليها في عرس بنت خالتي

.

المرأه: ايو والله، يووووه يخزياه، والله انه ماتستحي ؟ لا وأريج تدرين ايش لابسه ؟ اليوم لابسه لبس يقررررف

شكلها اشترته من محل أبو ريالين

أختها: وجزمتها؟

المرأه: ما أدري ماشفتها، تصدقين طول العزيمه وانا احاول اشوف جزمتها لكن ماقدرت، حتى اني يوم طفشت في الاخير رميت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت،الدبة لبسها كان طويل مرة ومغطي رجولها

اختها: اكيد جزمتها زي لبسها معفن .. هي دايم كذا ذوقها خايس ...طيب ومكياجها كيف كان؟

المرأه: وععععع ، مكياجها مخليها اكبر من امها، تخيلي حاطة روج بني، شكله كأنه ديرما مو روج، والله المسكرة بعد يووووووووه مالها داعي، ما ادري مين النذلة اللي حاطه لها االمكياج ، شكلها زوجة ابوها

اختها: طيب وتسريحة الشعر

المرأه : حقت مين؟ نوف والا اريج؟

اختها: كلهم

.

المرأه: تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحي لكنه يهببببل،

اختها: كحكحي؟ يعني ايش؟

اختها: ماتعرفين الكحكحي يالبدويه؟ هذا لون جديد للصبغات ، اذا شفتيه تجيك الكحه من زينه حتى سألتها وين مصلحه شعرها فيه ورفضت تعلمني النجسة، اما اريج تسريحة شعرها باييييخة، شفتي تسريحة خدامتنا جيناتا وهي تغسل المواعين؟ نفسها بالضبط

اختها: على طاري الخدامة؟ خدامة اريج وش لابسه

..

المرأه: الخدامة لبسها عادي، لكن جزمتها خقااااااااااااق ، تهبل ماكأنها جزمة خدامة، لونها اسود وعليها خيوط فسفورية

اختها: صدق والله؟ هذي مو جزمة اريج؟

المرأه: اي والله؟ وانا اقول وين شفت هذي الجزمة .. هذي جزمتها قبل عشرطعش سنة، اتذكرها شكلها عطتها الخدامة بدل ماتكبها في القمامة.

ويستمر الحش إلى صلاة الفجر

----------------------------------------------------------------------------

ثانياً: الرجل يتحدث مع أخيه

الرجل: السلام عليكم، توني جاي من العزيمة وترا كلهم يسلمون عليك كثيرالسلام

اخوه: الله يسلمك ويسلمهم

انتهت المحادثة

ههههههههههههههه من جد فرق بقوه

-:مواضيع أخرى تفيدك:-

نقاش بين الشباب والبنات
المنتديات وعمايلها فى الشباب والبنات

التوقيع :

يآرب نصرك لمن أستضعف من عبآدك

**لمسة شقاوة** · 02-12-2011, 07:11 AM

هههههههههههههههه لازم نعرف كل شي عشان نعيش جو العرس حتى لو ما رحنا >>> انقلعي بس

خييير يسلمون عليك وبس والله ما عندهم سالفة

تسلم عالموضوع

**ηξם ηλζ** · 02-12-2011, 07:54 AM

مشكورة على المرور
بس احنا لما مانسأل مو ماعندنا ساله بس مانحب اللقافة هع

**زوجة ناروتو** · 02-12-2011, 09:59 AM

هههههههههههه رهيب الموضوع
صادق بكلامك عن البنات بس مو توصل لدرجة لبس الخدامة هههه
بس تراا العياال بعد العزاايم يسولفوون بعد مين جاء ومين ما جاء فلان جايب سيارة جديدة وعلان طلع من العزيمة بدري ولا تعشا زي كذاا هذاا الي اشوف اخواني يقولونة بعد العزاايم

تقبل مروري {زوجة ناروتو}