كشكول& ديتول & ^^

[&Dettol&]

 

اما بعد :
هذه مدونتي وسميتها " كشكول&ديتول& ^^"
وبحاول اكون خفيف على قلوبكم وأن شاءالله تشوفون في مدونتي الفائدة والمتعة.





اما عن سبب التسمية باسم كشكول وليس مدونة لاني أن شاء الله بتكون تقريبا كدفتر اليوميات
اكتب فيه يومياتي ومواقفي المضحكة والمحرجة ..... الخ .


واحب اشكر عضوين غالين على قلبي شجعوني على اطلاق هذة المدونة او " الكشكول "^^:

1.الهواري العسل اخوي العزيز ^^
2. المخادع حبيب قلبي ^^.





وساحاول جاهدا أن أجعل الا بتسامة تترتسم على شفاهكم



وسيكون في مدونتي المتواضعة شيء مختلف
وهو أن اضع نصيحة استفدتها من الموقف الذي مر على صفحات حياتي البسيطة
واتمنى من الله أن اكون موفق في ماسأكتب ^^.







ملاحظة :
1. ملاحظتوا أن الكائنات الغريبة الموجودة في كلمة "بسم الله الرحمن الرحيم + السلام عليكم ورحمة الله وبركاته "<< ما ادري هي دبب أو عصافير أو ديناصورات

2. اي عضو بيحط شكر له علبة ديتول + شكولاته توصل لملفه الشخصي والعرض ساري لمدة اسبوع سارعوا بالضغط على ايقونة الشكر << ما عليكم منه
<< مدري وش تحس فيه مع نفسك

التوقيع :

ᾄᾗ?مشكور على الاهداء الجميل ي ي يآ الوصخ ! ^^.
مدونتي :
https://www.monms.com/vb/t36697.html

[&Dettol&]

اهلا با احبتي الكرام اسعدني قرائتكم لمدونتي " كشكولي " المتواضع ^^
واشكر اخي الهواري بالاخص لانه دائماً يذكرني بالخير في مدونته المتميزه ^^





المهم انا سأذكر نبذه من سيرتي الشخصية << ليش مقدم على وظيفة مثلاً ><.

الاسم :اقراءو مدونة الهواري وراح تعرفون << قاعد اروج لمدونتك يا الهواري عشان بعدين ماتقول ديتول أخذ الاعضاء مني ^^.

العمر : عشان وشفنا بمايكفي ^^.

المهنة : طالب جامعي مكروف في البيت والجامعة .

البلد : في ذاك وش يسمونه ........ مولازم تعرفون << مع نفسك ><.

فصيلة الدم : نادرة جداً ومهددة بالأنقراض خخخخخخخ<< اطلع براااااااااااااااااااااااااااااا ><.

الحالة الاجتماعية : اعيش في بيت يكتض بالسكان ^^
فأنا من عائلة ممتده وكثيرة الافراد والمبزره " الأطفال " << اللهم طولك ياروح ><.

قانون العائلة : ليس هناك كلمة" أنا" بل "نحن "
والقانون في عائلتنا ينص على الاشتراكية بمعنى الي في يدك مو لك ><.


حكم عائليه مهمة:

1. "أنت ثور ".
2. " سهراً باليل ونوم بالنهار لاصلاة ولاعبادة ".
3. " اهم شيء بالحياة الصلاة والشهادة وبعدها افعل ماشئت ".
4. " اذا ماعقلت بنزوجك ؟؟؟؟؟؟".<< اغرب حكمة سمعتها ><.( يعني مثلاً زوجتي بتربيني وتعقلني من جديد يحسسونك انهم يهددونك بسجن غوانتنامو ).
..............
وغيرها الكثير لكن نتركها في مشاركات آخرى أن شاء الله .




فائدة اليوم أو نصيحة اليوم "اذا كنت نفس حالتي الأجتماعية والأسرية أو ظهرت عندكم أحد هذه الاعراض الرجاء التوجه الى اقرب مقصب " جزار " أو شيل عفشك وهج من البيت " << مع نفسك خخخخخخخخخخخخ^^.


ملاحظة : النصيحة لما فوق سن 18 ؟!!!

[&Dettol&]

السلام عليكم ....

اليوم جبت لكم موقف مرعب والقصة شكلها بتعجب حبيب قلبي المخادع ^^هههههههه

القصة او الموقف :
طبعاً انا بطل القصة هههههههه<< مع نفسك ><.

المهم :
"كلنا مؤمنين بوجود الجن ونعرف ان الجن موجودين وانهم حق مثل ما الجنة والنار حق لكن من رحمة الله انهم لا يخرجون لنا بهيئتهم التي خلقها الله عليها فهي تتخلق على هيئة بشر او حيوان كما نعلم .... ندخل في صلب الموضوع ,نأتي الى القصة ....
بقول شيء قبل ما ابدء أنا مؤمن بالله ومصدق بوجود الجن لكن لم اتوقع أن يمر علي موقف واصادف ......!؟

>>عائلتي من عادتها كل سنه تروح تخيم في البر مع خوالي والجماعة وفي مرة من المرات خيمنا
في البر كالعادة وكان الوقت ليل طبعاً في البر ظلام ماتقدر تشوف حتى يدك لكن في هذاك اليوم كان في نص

الشهر والقمر مكتمل والدنيا قمراء يعني لماتطلع من الخيمة في الليل تقدر تشوف كانك تقريباً في الفجر ....

المهم انا كنت نايم في الخيمة وقمت في نص الليل ابي اروح اشرب ماء او اروح للخلاء اكرمكم الله مااذكر بالضبط
بس اذكر اني طلعت ابغى لي حاجه ....

وكان خزان الماء وراء الخيمة رحت وراء وجلست عشان اشرب ماء وبعد ماخلصت رفعت راسي
الا اشوف خالتي الكبيرة لابسه عبايتها وتبتسم وانا اطالع فيها وكانت ابتسامتها مرررررررررررررررة غريبة ><
موطبيعية والمشكلة انها كلها مكتسيه بالسواد ( لابسه العبايه )وكان شكلها غريب بس انا غبي ما شكيت
طالعتها وانا ابتسم وهي لازالت على ابتسامتها وقلت لها :وين بتروحين ....؟

بعد ماقلت هالكلمتين بدات بالضحك بصوت عالي وتركض وانا مستغرب ورحت اركض وراها واقول لها : خاله وين بتروحين...؟
وهي مستمرة على الضحك وتركض طبعاً تبعتها فترة بعدين تعبت وقفت لحظة وانا اطالع فيها تذكرت شيء مهم جداً جداً وما خطر على بالي ابداً الي هو أن ........


اكمل لكم الباقي بعدين ......^^

ابغى احمسكم هههههههههه<< مع نفسي على غفله فلم رعب مثلاً ><.

[&Dettol&]

يقولون الغباء في بعض الاحيان نعمة والحمدلله أن فيني نسبة غباء تساعد في بعض المواقف خخخخخخخخ << لاتعليق ><.

احم احم ........وين وصلنا ؟؟؟

ايه بعد ماتبعتها وقفت لحظة وتذكرت شيء مهم الي هو اني نسيت خزان الماء مفتوح فضطريت اني ارجع

قلت في نفسي يمكنها تبي تروح تسهر مع البنات "لان بالعادة البنات في بعض الاحيان ياخذون مالذوطالب من
الاكل ويبعدون عن المخيم ويسهرون ومايرجعون الا الفجر " او انها تبي تروح الخلاء اكرمكم الله ....

طبعاً اخوكم الغبي الي هو انا ^^رجعت للخيمة ونمت بعد ما سكرت الخزان لانه كان مفتوح خخخخخخ><
وفي الصباح....

رحت عند مخيم الحريم لان مخيم الرجال والحريم بينهم مسافه ومعزوله عن بعضها
المهم ...
دخلت على جدتي في الخيمة وكانوا كلهم حول جدتي يسولفون معها انا دخلت ببتسامه عريضه واقول لهم:
يا الوصخين امس سهرانين وتاكلون ولا ناديتوني خخخخخخخ><!!!

قالت امي : امس .....؟؟ امس ماسهرنا كل الي في المخيم نايمين !!!

ديتول : لاتكذبون علي انا امس شايف خالتي "......" تمشي بالليل !!وين تتوقعون بتروح اكيد بتروح لكم ^^.

امي : بسم عليك الرحمن الرحيم يآولدي خالتك "......" مابعد جات المخيم بتجي اليوم العصر ؟؟؟؟

ديتول :............؟؟؟ 0.0<< مصدوم الغبي ><.

انا جمدت عظامي مدري وش اقول ؟؟؟

بعد فترة نادتني جدتي وقالت : ليش وش فيك انت امس شايف شيء ؟؟

ديتول : ايه امس شفت خالتي "......" .....................الخ .

جدتي : بسم الله عليك تعوذ من ابليس ترى هذي امور مو طيبه اقراء المعوذات .........


والباقي لاتعليق ........


وفي اليوم الثاني بالليل رحت نمت مع ابوي في نفس الفراش خخخخخخخخخخ ><
وابوي يقول لي : وجع ليش تلصق فيني ؟؟
انا : لاني احبك .....؟ <<كذاب الخوف ومايفعل ><.


لاتقولون علي جبان بس والله الموقف يخوف ^^.

نصيحة اليوم :
" اقراؤ المعوذات +الغباء نعمة فنصيحة تحلوا بالغباء في بعض المواقف خخخخخخ".^^

[&Dettol&]

السلام عليكم

بصراحة انا قرأت موضوع للمخادع عن الذئاب والي حاب يقراء الموضوع هذا هو الرابط :

https://www.monms.com/vb/t37250.html

لكن المغزى مو هنا المغزى أن في الموضوع معلومة تقول :"أن الجن تخاف من الذئاب سبحان الله
الجن تتخلق على هيئة جميع الحيوانات ماعدا الذئاب !!؟؟".


الله يهديك يآ المخادع ^^ ليش ماقلت لي هذي المعلومة من زمان كان اخذت معي ذئب آليف خخخخخخخخخخخخ><.

ان شاء الله المرة الثانية اخذ معي واحد ^^.

[&Dettol&]

مبارك عليكم الشهر وينعاد علينا وعليكم بالخير والمسرات^^...

[&Dettol&]