سبحان الله وبحمده عدد خلقه ورضا نفسه وزنة عرشه ومداد كلماته

العودة   ملتقى مونمس ® > الأقــســـام الــعـــامــة > المنتدى العام

المنتدى العام مواضيع عامة - مناقشة مواضيع عامة - معلومات عامة - نقاشات | يمنع النقل الحرفي للمواضيع في القسم

!~ آخـر 10 مواضيع ~!
إضغط على شارك اصدقائك او شارك اصدقائك لمشاركة اصدقائك!

إضافة رد
 
LinkBack أدوات الموضوع
5.00 من 5 عدد المصوتين: 1
انواع عرض الموضوع
  #1  
قديم 01-07-2012, 11:48 PM
عضو جديد
 
شكراً: 2
تم شكره 19 مرة في 6 مشاركة

hamode عضوية تخطو طريقها








افتراضي اكيد حتعجبك القصة زي ما عجبتني

 

يقول فيها

زميل وشخص عزيز طلب مني نطلع مكه ... واخبرني انه ناوي يؤدي

عمره عن ابوه الله يرحمه .. قلت خير .. حتى انا باعتمر عن ابوي ..

نخليها يوم الجمعه ونصلي الجمعه هناك إن شاء الله‎

رحنا .. سوينا عمرتنا وإلي علينا بالخير .. وحنا راجعين إلا وصاحبي يهدي السرعة ... سألته

خير

قال بدخل رابغ ( وهي قرية على الخط‎)

سألته ليش ... ويش عندنا في رابغ‎

قال .. بتشوف بعينك‎

دخلنا البلد وانا مستغرب .. إلا وصاحبنا وقف جنب سوبرماركت وقال ...

انزل شيل معي لو تبغى الأجر

قلت اشيل ولا يهمك .. بس لمين

قال اسرة هنا .. ابوي الله يرحمه كان يتولاها دائما ..

وما حبيت ان الخير ينقطع بوفاة الوالد ..

وما راح اقطع صدقات ابوي ولو انه مات ..

فأنا ومالي ملك لأبي‎

قلت الله يجزاك كل خير .. وين الناس التي تبر ابوها كذا بعد الممات ..

البعض الله المستعان يقاطع حتى اعمامه بعد وفاة ابوه ...

وانت ما شاء الله عليك ...

حتى سعي ابوك على هذه الأرملة ما وقفته‎

رحنا ودقينا على البيت ... خرجت امرأة عجوز ..

سلم عليها صاحبنا وسلموا عليه الأطفال‎ ..

( واضح انهم يعرفونه زين وانهم متعودين على جيته دايما‎ ) ..

وبعدين نزلنا الأغراض في الحوش ... واعطاها مبلغ من المال ..

وجلست تدعي له ولأبوه بالرحمة‎

موقف جدا رائع .. يهز القلب بحق

مشينا .. كملنا الطريق ...

إلا وقبل مستورة‎ ( وهي قرية اخرى تقع على الخط‎ ) بحوالي عشرة كيلو ..

إلا وفيه ونيت غمارتين متوقف على جنب ..

وفيه رجال شايب كبير في السن يأشر .. واهله داخل السياره‎

هدينا السرعة ووقفنا

خير يا عم

قال ابد .. الكفر مبنشر‎

ظنيننا انه طالما كبير في السن ما يقدر يغير الكفر ..

خاصة ان اكبر عياله عمره حوالي 11 سنه‎

قلنا طيب ... هات الكفر الأحتياطي نغيره لك

قال ... حتى الإحتياطي مبنشر .. والعدة الي ترفع السيارة كمان خربانه ...

مدري ويش فيها‎

مشكلة بمعنى الكلمة .. خاصة انهم منقطعين في الخط ..

واسرة فيها نساء واطفال ... ويمكن حتى ماء ما معاهم

هذا الموقف لأي مسلم ... هو كنز من الحسنات ..

لأنه من فرج عن مسلم كربة من كرب الدنيا فرج الله عنه كربة من كربات يوم القيامة ... كيف عاد لو كانت اسرة كاملة في كربة‎ !!!

اخذنا الكفر ... وقلنا له بنروح نصلحه في قرية مستورة ..

وخاصة ان بيننا حوالي عشرة كيلوا فقط تقريبا‎ ....

إلا والرجال قال‎

طيب خذوا الولد معاكم

قلنا له ... يا رجال ما يحتاج ... بعدين نتأخر ...

ولا يصير ظرف تقلقوا عليه .. خلوه معاكم‎

قال ابدا .. خذوه معاكم‎

قلنا خير

إلا والولد يسأل ابوه

يبه .. ما عطيتني فلوس للكفر

رد عليه وكأنه احرجه .. قال هه ... نسيت الفلوس ... ما جبت معي فلوس‎

رد خويي بسرعه .. اركب اركب .. بعدين وخير

وبعد ما مشينا .. إلا وخويي يسأل الولد

ما شاء الله عليك .. انت سنه كم ؟

قال .. اولى متوسط

قال خير .. طيب ابوك وين شغال ...

( عرفت انه يبغى يتحرى عنهم .. هل هم من مستحقي الصدقات ...

ام فعلا الأب نسي الفلوس‎ )

قال ما يشتغل .. مريض‎

قال ... خير إن شاء الله

وجلس يتحدث معاه احاديث جانبية ... لجل يتحرى عنهم أكثر وبعدين قال

الله يعينكم .. طيب .. ليه ما تغيروا هالكفر وترتاحوا ..

ولا كل كفرات السيارة كذا‎

رد عليه الطفل بضحكه بريئة .. كل الكفرات كذا .. هذا احسنهم ..

وكل يوم ندور خمسة ريال لجل نصلح كفر‎

ضحك صاحبنا بسرعه وقال خير إن شاء الله

وصلنا لمستورة .. ووقفنا عند اول محل كفرات ..

ونزلت انا الكفر من السيارة .. إلا وصاحبنا يقول للعامل‎

حط كفر جديد نفس المقاس

إلا والولد يصرخ .. ليه جديد .. ما عندنا .. ابوي راح يذبحني‎

رد عليه خويي .. اقول اسكت ولا كلمة ..

انت معانا مجرد امانه لين نرجعك لأبوك .. والأمانة ماتتكلم ولا تهرج ..

تراني عصبي .. فاهم‎

قال ... طيب‎

وسأل العامل عن شئ ... وقال له العامل ما عندي ..

ادخل البلد أكيد بتلقى

ركبنا السيارة وانا ما ادري وين رايحين .. بس متأكد انه خير‎

وقفنا عند محل زينة سيارات وقال لنا اصبروا في السيارة

دخل المحل وخرج ومعاه عده لرفع السيارات ...

واول ما ركب السيارة ... إلا والولد يسأل

حتى انتم عدتكم خربانه ؟‎

إلا وصاحبي يرد

اقول اسكت ولا كلمة .. انت معانا امانه .. والأمانه ما تهرج .. تراني عصبي

رجعنا للمحل .. كان العامل ركب الكفر الجديد .. إلا وصاحبي يقول للعامل

اعطيني كمان ثلاثة كفرات جديدة .. نخليها اربعة مرة وحده‎

إلا والولد قام يصارخ .. اربعة .. ياويلي من ابوي ..

راح يقول انا إلي قلت لك اشتريهم وبعدين نحاسبك‎

طالع فيه خويي هالمرة بنظرة صارمة وقال ...

انا كم مرة اقول لك اسكت ...

انت امانه ... والأمانة ما تهرج ... ولا تقول كلمة .. فاهم .. تراني عصبي ...

لا يغرك سكوتي‎

سكت الولد وهو يطالع يمين و يسار .. ويناظر فيني يبغاني اتكلم ..

بس سويت نفسي ماني شايفه وسكت

جاني خويي وسألني .. معاك مية ريال سلفة أكمل حق الكفرات ...

لين نوصل ينبع واعطيك

قلت .. آسف .. سلفه مافي .. تبي مشاركة في الأجر ... على عيني وعلى راسي‎

قال ... يا ابن الحلال عيب عليك سلفني مية

قلت ... آسف اسلفك لو وصلنا .. لكن هنا مافي غير مشاركه

ناظر فيني وقال

يا ابراهيم .. هالمشوار من يوم لبسنا الإحرام

وانا اسأل الله ان يكتب أجره لأبوي الله يرحمه‎

يا ابراهييييييييم .. ليه تستكثر علي اني ابر ابوي .. ولو بكفر ..

ويش هالقسوة إلي فيك يا خوي

سكت ... ولا قدرت انطق بكلمة وقلت ابشر ... اتفضل ..

ويكفي اني مشيت معاك وشلت بيدي .. الله يجزاك كل خير

ركبنا السيارة ورجعنا .. والولد ساكت ولا فتح فمه بكلمة ...



إلا وبعدين قال بصوت واطي خايف من خويي‎

ترى ما عندنا نعطيك حق الكفرات‎

رد عليه خويي .. ولا يهمك ..

اول ما تخلص مدرسة وتتخرج من الجامعه .. وتتوظف ..

اول ما تأخذ اول راتب اعطيني فلوسي .... .

ولو ما لقيتني اعطيها لأمك زين .. بس هاه علمني ..

انت تصلي ولا ما تصلي ..

ترى لو ما تصلي ما راح اخذ منك ريال‎

قال .. والله انا اصلي ... واسأل ابوي‎

رد عليه .. خلاص اتفقنا .. وسكتنا ... لين وصلنا سيارة ابوه

يوم شافنا ابوه من بعيد ... ابتسم وجلس يدعي لنا ..

لكن يوم شافنا ننزل في الكفرات ... قام يصارخ في ولده

انت مجنون ... انا قلت لك اشتري كفرات .. من وين لنا الحين

إلا والولد يقول .. يبه .. والله قلت له .. بس كل ما اكلمه يقول لي ..

اسكت .. انت امانه ... والأمانة ما تهرج .. تراني عصبي

إلا وخويي .. يقول يا رجال .. كلنا تصير علينا ظروف ..

بالذات في الطريق.... تصدق !! ... من يومين بس ..

كنت انا وخويي هذا رايحين المدينة ..

إلا وخلص البنزين لاهو كان معاه فلوس ولا انا ...

كلنا نسينا نشيل فلوس‎

كل واحد معتمد على الثاني ...

ولولا الله ثم رجال الله يستر عليه .. وقف وعبى لنا بنزين ...

واعطانا خمسين ريال احتياط.. كنا ورطنا .. مثلك بالضبط ..

ثم نظر لي وسألني

مو صح يا ابو..... ؟

طالعت فيه وانا مستغرب ... قلت ايه‎

وبعدين قال ... ولو جيتك في البيت ابيك تذبح لي اكبر طلي عندكم

قال ابشر وتعال الحين عشاكم عندنا

قلنا الأيام جايه إن شاء الله ... وركبنا السياره على طول ...

بدون حتى ما نرد عليه‎

سألته ... متى رحنا المدينة وخلص علينا البنزين

وما كان معانا فلوس ؟؟؟

قال الله يغفر لي .. ويش تبيني اقول .. هذه صدقة عن ابوي الله يرحمه‎ !!!

ما حبيت احرجه قدام الأطفال‎

قلت طيب
...
كنت خليتنا نرفع له السيارة ونركب الكفر‎ !!!

قال ... هذي مشكلة اكبر .. ساعتها بيجلس يدعي لنا ...

وكل الحريم في السيارة راح يسمعوا ..
طيب ليه نحرجه والا نجرحه؟ .. نمشي احسن ...
ونسأل الله ان يتقبلها
وان يرحم ابوي‎

مشينا شويه
...
وكان باقي
على
صلاة العشاء دقائق

لقينا سيارة تبيع مويه وبسكوت وشاهي وقهوه ... وعندها شاحنات واقفه ...
وكل واحد وضع له سجاده لجل يصلي عليها ..
والبعض ما معاه أي سجاد ويصلي على التراب‎

قلت لخويي خلينا نوقف ونصلي جماعه

وقفنا ...
وحطينا السجادتين إلي معانا بالعرض ...
لجل يصلي عليها إلي ما معاهم سجاد

بعد الصلاة ...
إلا وخويي يسال البائع ..
ما عندك سجاد للبيع ؟

قال ... لا‎

قال ... ولا بساط عادي ؟

قال ما عندي

قال خير إن شاء الله

ركبنا السيارة ومشينا .. ويوم قربنا على كوبري الرايس ..

(وهي قرية صغيرة على الخط )..

إلا وصاحبنا يهدي السرعه ويطلع الكوبري‎

سألته خير ؟

قال ... خير‎

قلت ادري .. بس ليش هديت ؟

قال .. عمل خير‎

قلت ... وين عمل الخير ... حنا في صحراء ما عندنا احد ..

لاتكون تبي تدخل الرايس

قال ... لا

قلت ... اجل وين عمل الخير

ثم قال قوله تعالى‎

( وهدوا إلى الطيب من القول وهدوا إلى صراط الحميد‎ )

اسأل الله أن نكون منهم

بنرجع مستورة‎

سألته ... ليش غلطانين في حساب الكفرات ؟

قال ... أي كفرات الله يهديك هذا الموضوع نسيناه

سألته .. اجل ليش نرجع ؟‎

قال .. تسلفني وانا اقول‎

قلت .. اما هذه كثر منها .. سلف ما راح تشوف لو تطلع عيونك ..

انا شريك رسمي ... وانت لك أجر الشيل

سألني .. شيل .. ايش ؟‎

قلت ما ادري .. بس احس ان السالفه فيها شيل ..

من الصبح وحنا نشيل ولله الحمد

رغم اني ما ادري وش السالفه .. بس إلي شفته اليوم ...

يخليني متأكد إن شاء الله إنه خير

قال يا ابراهيم ..
انت مستكثر
اني اسوي لأبوي خير‎

قلت ...
انت مستكثر اني احط لأبوي نصيب مع ابوك‎ !!!

من طيب اخلاقي ...
ومن كرمي باخلي السالفه بالنصف بين أبوي وابوك ...
عاجبك ..
ولا روح دور لك على مكينة تصرف منها فلوس ..
ويمكن تلاقي ...
ويمكن ما تلاقي ...
بس علمني ..
وش السالفه ؟‎

قال بنرجع مستورة .. ونشتري سجاد كبير ..

وبنحطهم وحده عند السيارة الي شفناها ..
والثانية ..
عند السيارة إلي مثلها بس وانت رايح على جده ..
والثالثة
بنحطها في الأرض ...
ونحط حولها حجار كبيرة لجل يبان ان هذا مكان مخصص للصلاة ..

وبنشوف مكان يكون مرتفع وقريب من الخط ..
قال رسول الله صلى الله عليه وسلم‎

(من بنى لله بيتا ولو قدر مفحص قطاة بنى الله له بيتا في الجنة‎ )

رجعنا مستورة ..
واشترينا ثلاث سجادات كبار .. وجمعنا حجار كبيرة ...
لجل نحدد المسجد إللي نبي نسويه

رحنا للسيارات الي تبيع على الخط ..
واعطيناهم السجاد ..
ومبلغ من المال ...
لجل يفرشوا السجاد وقت الصلاة ويهتموا بيه ...
وأشهدنا الله عليهم ...
وكفى بالله شهيدا‎

بعد كذا بدينا
ننزل الحجار من السيارة ...
واسمع صاحبي
يقول آية وحده
يكررها طول الوقت

( ربنا اغفر لي ولوالدي وللمؤمنين يوم يقوم الحساب‎ )

( ربنا اغفر لي ولوالدي وللمؤمنين يوم يقوم الحساب‎ )

( ربنا اغفر لي ولوالدي وللمؤمنين يوم يقوم الحساب‎ )

وما ان ركبنا السيارة إلا واسمعه يقول

اللهم إن كنت تعلم ان هذا العرق نزل على وجهي لوجهك الكريم ...
فحرم وجه ابي على النار‎

الله أكبر
على مثل هذا الدعاء ...
كم باقي بيننا من الناس
مثل هذا الشاب‎ !!!

قلت وانا احاول اخفف عليه

ما شاء الله عليك ..
كل هذا في يوم واحد ..
اكيد انك مرتاح انك أديت واجبك نحو ابوك الله يرحمه


قال يا ابراهيم ..
ما راح ارتاح إلا لما اشوفه بعيني يدخل الجنة .

والله إني خايف عليه
...
وخايف منه‎

استغربت ..
قلت خايف عليه وفهمتها .. لكن خايف منه
.. ليش‎ !!!

تنهد تنهيدة طويله
ثم قال كلام ..
عمره ما خطر في بالي ابدا

يقول

يوم القيامه الواحد في حاجة حسنة ..
يوم يفر المرء من أخيه وأمه وأبيه

اخاف يجيبني يوم القيامة
قدام رب العالمين
ويقول

يارب ابني هذا انجبته ... وانفقت عليه ..
واحسنت تربيته ..
كم من ليالي سهرت عليه ... كم مرة حرمت نفسي لأجل اعطيه ...
وعلمته القرآن ..
وعلمته الصلاة ..
وكنت اخذه من يده للمسجد .. وعلمته حق الوالدين ...
وأنك أمرت ببرهما ..
فلما مت ما برني ..
ولا أدى حقي ..
ولا دعى لي ..
فاقتص لي منه ..
وأعطيني من حسناته .. واطرح عليه سيئاتي‎

ساعتها ...
وش اسوي ..
وين اروح ...
من مين أفر ..
من أبي ..
ام من رب العالمين ..
أين المفر

ثم بكى وانتحب

وقرأ‎

( يقول الإنسان يومئذ أين المفر * كلا لا وزر * إلى ربك يومئذ المستقر‎ )


***

ختاما‎

لو لك أب أو أم ميتين ...
هل لك أن تتخيلهم تحت التراب ..
في داخل اللحد



وهم في حاجة ماسة
إلى صالح دعاك .
. فيرفع عنهم ..
أو يزيد من نعيمهم‎

قل يا أخي‎

( رب ارحمهما كما ربياني صغيرا‎ )

قووووووول ..
ولو في سرك .. إن ربك لذو فضل عظيم

قوووووول ..
ولا تستحي ...
ربك كريم

وإن كانوا أحياء
...
فكل متع الدنيا ما تسوى ..
لو خرجت من صدر أمك
كلمة آه ..
وأنت السبب فيها

لو كلمتهم في الصباح .. كلمهم في المساء ..
لا تقول فترة طويلة ..
ما لحقت اشتاق لهم ..
يمكن هم يا أخي إشتاقوا لك‎

بالله ...
وش تسوى الحياة ..
بدون سعادة أمي وابي

لا تنتظروا الأيام تعلمكم
...
لأن الثمن بيكون غالي جدا

آية عظيمة
أفر إلى قدم أمي
...
لأنشد الجنة كلما قرأتها‎

( أيطمع كل أمرئ منهم أن يدخل جنة نعيم *
كلا إنا خلقناهم مما يعلمون‎ )

-:مواضيع أخرى تفيدك:-

Share

رد مع اقتباس
2 أعضاء قالوا شكراً لـ hamode على المشاركة المفيدة:

قديم 01-08-2012, 12:07 AM   رقم المشاركة : 2





 

الحالة
ڝـعـِب المنـاڷ ● غير متواجد حالياً

 
ڝـعـِب المنـاڷ ● عضوية شعلة المنتدىڝـعـِب المنـاڷ ● عضوية شعلة المنتدىڝـعـِب المنـاڷ ● عضوية شعلة المنتدىڝـعـِب المنـاڷ ● عضوية شعلة المنتدىڝـعـِب المنـاڷ ● عضوية شعلة المنتدىڝـعـِب المنـاڷ ● عضوية شعلة المنتدى

شكراً: 2,201
تم شكره 9,589 مرة في 1,354 مشاركة

 
افتراضي رد: اكيد حتعجبك القصة زي ما عجبتني

اسال الله العظيم ان يرفع قدرك دنيا و اخره

قصه كثير كثير اعجبتني و اثرت فيني

الله اكبر عمل خير كبير كبير

ذلك فضل الله

جزااك البااري كل خير ع ما قدمت لنا

تستحق تقييم و شكر

بارك الله فيك

رد مع اقتباس
قديم 01-08-2012, 12:10 AM   رقم المشاركة : 3
rnoody
عضو متألق






 

الحالة
rnoody غير متواجد حالياً

 
rnoody عضوية ستكون لها صيت عما قريب

شكراً: 247
تم شكره 204 مرة في 92 مشاركة

 
افتراضي رد: اكيد حتعجبك القصة زي ما عجبتني

السلااام عليييكم ورحمة الله وبركااااته

الام والاب نعمة كبيييرة

الييي عنده ام او اب او ام واب المفروووض مااايتكلم علييييهم ولا يقلهم اااوف لان الله قااال (وبالواااالديني احسااااانااا )

ياااليت الناااس كلهم مثل هذاااااا الولد الييي في القصة لان فييي ناااااس خلاااص معا الايااام ينسنهم اعوووذ بلله

ولو بس يتصدق لهم على الاقل

بر الوالدين من أسباب إجابة الدعاء ومحبة الله للعبد

يا أيها الأخوة شأن الوالد شأن عجيب الوالد والوالدة .. لم يذكر الله أي عمل صالح مع التوحيد

إلا بر الوالدين ومع الشرك ذكر عقوق الوالدين وأنظر في كتاب الله وانظر في سيرة النبي صلى الله عليه وسلم .



لك مني شكر +تقييييم


آخر تعديل rnoody يوم 01-08-2012 في 12:19 AM.

رد مع اقتباس
الأعضاء الذين قالوا شكراً لـ rnoody على المشاركة المفيدة:
قديم 01-08-2012, 12:25 AM   رقم المشاركة : 4
Anossi
عضو سوبر






 

الحالة
Anossi غير متواجد حالياً

 
Anossi عضوية مشهورة نوعاً ماAnossi عضوية مشهورة نوعاً ماAnossi عضوية مشهورة نوعاً ماAnossi عضوية مشهورة نوعاً ما

شكراً: 245
تم شكره 1,413 مرة في 666 مشاركة

 
افتراضي رد: اكيد حتعجبك القصة زي ما عجبتني

يا حظه بالاجر

و بعدين بالعكس يوم القيامة ابوه بيقول عكس الي قاله ان شاء الله


و مشكور على القصة و عجبتنا و كيف ما تعجبنا

اتمنى تكمل على هذا الطريق

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 05:42 PM


Powered by vBulletin® Copyright ©2000 - 2024, Jelsoft Enterprises Ltd
جميع الحقوق محفوظة لموقع مونمس / " يمنع منعاً باتا المواضيع السيئة المخالفة للشريعة الإسلامية" التعليقات المنشورة لا تعبر عن رأي المنتدى وإنما رأي الكاتب نفسه
Search Engine Friendly URLs by vBSEO 3.6.0