مصطلحات دواوين الاردن

[القوة الغامضة]

 

انا حاط ابليس بكيس وقاعد محله : تعني احذر انا شب ديونجي..

اطلع من راسي وسكر الباب : روح من وجهي ... ( ياما انحكت لناس )

عراسي كزدره : انا بحبك

دندره : الدنيا قالبه

ليخه : مافي مسؤول

مهبره : تقال للحفله الفايعه

شارب عصير منغش : تقال للشب المستخف دمه

ماكل مناغيش على الصبح : تقال للشب الي مفكر حاله نغش

بتلعب بعداد عمرك : تقال للشاب النافش ريشه

عمرك شفت راسك عصدر منسف : تقال للشب اللي بتفلسف

خروف : تقال للشاب الذي يدفع الحساب عن الشباب والبنات ( او سخل كلو واحد )...

شب بتهواله بقشره بزر : تقال للشب الي بعصب بسرعه ( جيب مروحة بدالو )..

شحدنا الملح : تقال عند حاله الطفر

شب منشف ريق البنات : من كتر ما بنتف عليه

وضعي متضعضع : تقال للحاله الغير مستقره

جلس واعطي لمعه : تقال للشاب الي قال نكته بايخه

اختصر وقسم على عشره : تقال لشاب عامل حاله غشيم

روق يابرقوق : تقال للبنت المعصبه ( هو في شي تاني بس مش راح احكي شو هو )

وشرفي بريح امك من غسيل اواعيك : تقال في فترة الاستعداد لطوشه ( يا قاتل يا مقتول )..

بسوي منك عشره صغار وبصيرو يدورو على بعض : تقال عند انتهاء الهوشه والناس بتفزع

بسلم عليك سعد الصغير : بحبك يا حمار

-:مواضيع أخرى تفيدك:-

• مصطلحات البنات ^^
• الشيخ ابو اسحاق الحويني محاضرات في الاردن

[sasuke vs naruto]

هههههههههههه

كلهم صح بس في منهم مو موجود و ما اظن في حد بحب يعرفهم

شكرا على الموضوع

بما انك بتعرفي مصطلحات دواوين الاردن معناها انتي اردنية او عشتي فيها

[القوة الغامضة]

انا فلسطينية و عايشة في الاردن

شكرا على التعليق

[sasuke vs naruto]

المشاركة الأصلية كتبت بواسطة القوة الغامضة انا فلسطينية و عايشة في الاردن شكرا على التعليق

اهلا

[MR.@hmed]

مشكورة اختي الغالية على الموضوع
جزاك الله خيرا
تقبلي مروري

[E-370]

السلام عليكم



هههههههههههههههههههههه
معاكي حق اختي بتستعمل كثير بالاردن
وكمان
شي فاخر من الاخر

* ارفع اجرك لفجرك.. ارفع ايدك لبيدك



* برنك كف بخلي سنانك يلعبو زقطة ولساننك يطلع فرصة


(الله يستر عليها) تقال بعد نهاية كل قصة تم فيها نشر غسيل جميع بنات الحارة وصديقات بنات الحارة والحارات المجاورة !!!

(بدك الصحيح والا ابن عمه). مقدمة لكذبة مقاس اكس اكس اكس لارج !!!

(شو بدك بطول السيرة) . جملة محشورة داخل قصة يزيد عدد كلماتها عن 1000000 كلمة

(وماشفنالك إلا ...) .يعني موسيقى تصويرية قوتها 7.9 على مقياس ريختر لقصة سخيفة

(انت لسا ما بتعرفني) .تقال عندما يشعر المتكلم انه تبهدل وانمسح بكرامته الارض !!!

(إشتهيناك تكون معنا) . تقال لحرق أعصاب المستمع واذلال شعوره

(لا تواخذني بهالكلمة) "تطعيمه بالعقل"

مصطلح يهيؤك نفسيا لسماع مسبّة ولكن بطريقة مؤدبه




بس في اشياء اول مره بسمع فيها

[القوة الغامضة]

صحيح اختي فعلا متداولات كثير في البلد اسألي مجرب وفي كمان (راح عليك نص عمرك : لموضوع بهمك كثير او جميل ) واشكر كل من شارك في هذا الموضوع

[sasuke vs naruto]

هذول للمسخرة :

عيونك ولا ضع دائرة

سنانك ولا كبسات بيانو

سنانك ولا كراسي محكمة

ذنيك ولا ما بين اقواس

حواجبك ولا اكشط واربح

الله يرحم جدك :

الله يرحم جدك لما كان يفكر كريم البشرة لبنة

الله يرحم جدك لما كان يفكر السنيورة لزقت ظهر

الله يرحم جدك لما كان يفكر الحواجب مكنسة

وشكرا

[Miss pяєstige]

يسلمووو موضوع حلووو
يعطيكي العافيه

[توكي]

مشكورة على الموضوع
الرائع