سبحان الله وبحمده عدد خلقه ورضا نفسه وزنة عرشه ومداد كلماته


قصص و روايات بقلم الاعضاء قصص, روايات , خواطر, بقلم الأعضاء.. يمنع النقل او الاقتباس منعاً باتاً او

!~ آخـر 10 مواضيع ~!
إضغط على شارك اصدقائك او شارك اصدقائك لمشاركة اصدقائك!

إضافة رد
 
LinkBack أدوات الموضوع
من 5 عدد المصوتين: 0
انواع عرض الموضوع
  #1  
قديم 09-11-2011, 12:23 PM
الصورة الرمزية Rano0odh
عضو مبتدئ
 
شكراً: 1
تم شكره 41 مرة في 9 مشاركة

Rano0odh عضوية تخطو طريقها









Story قصة عن ناروتو مضحكة^ــــ~

 

كان ياماكان في قديم الزمان كان في مدرسه (متوسط)في قرية كونوها
اسمها مدرسه عصرالتكنلوجيا وطبعا قوانين المدرسه زي قوانين مدرستنا
والحين بعرفكم على أساتذة المدرسه وبعرفكم عليهم:
المدرسه أولاد وبنات مع بعض ونفس الشي الموظفين:
المدير:الهوكاحي الثالث واسمه هوكاجي
المديره: هوكاجيه
ياحليلهم اهو وزوجته في مدرسه وحده بس ماكأنهم مديرين طيبين لأبعد حدود والطلاب يكذبون عليهم وهم يصدقونهم
الوكيله:تسونـــــــادي
لاعبه فيهم لعب يكسرون الخاطر كل يوم اذا احد سوا مخالفه ياويله ياسواد ليله يعني كأنها المديره وكل الطلاب يكرهونها بس الطلاب يشيبون راسها خصيصا ناروتو
كواليسها مع الطلاب والطالبات:
-كله تهاوش قارا لأنه يحط كحل و ظل في عيونه وطبعا مايروح قولوا ليش: لأنه وهو صغير وأول من ولد جدته ام ابوه كله تحط كحل في عيونه وتكثر مصيبه صابتها قولوا ليش؟؟؟
لأن ودها ببنت يوم كان قارا في بطن امه عشان يسمونها عليها مالت عليها من زين اسمها اسمها سعفه
وكان قارا الأمل الوحيد لها لانه آخر حفيد وكل عمامه ماحد سمه عليها
وماتت ولااحد سمه عليهاأحسن تستاهل
-يوم كان ساكورا شعرها طويل كانت تجي المدرسه وهو مفتوح كله وتسونادي تنقهر منها عشان كذا كله تهزءها وتفشلها
- واينو دايم تصارخ عليهاتسونادي وتقولها:جـدلي شعررررررررج لان اينو ماتجي المدرسه الا بخيال
وهاذيلي الثلاثه عله على قلبها كل يوم
المرشدالطلابي: توقعوا مين اهو

*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*

كــــــاكــــــاشي
أي نعم كاكاشي عاد مانقوا الا اهو
صحيح انه مرشد طلابي لكن بالاسم بس
وبعلمكم سر مايدري عنه الا ناروتو
كاكاشي مختار هالمهنه عشان مايكون عنده حصص يعني بيتفرغ لكتب الغزل ع آاااخر

المعروف أنه مرشد طلابي لكن بالاسم بس ولاعمره حل مشكله لأحد ولاعدل بين متخاصمين بس ساكورا واينو مشيبين راسه عشان كذا صار ابيض كله يتهاوشون ويتذابحون ويتضاربون كل وحده تشد شعر الثانيه وهكذا.........

المراقب(المسؤول عن غياب وحضورالطلاب والطالبات)
ايروكا:

مسكين ايروكا حلقه راح فيها من كثر مايصارخ والطلاب والطالبات يغيبون ولايجيبون أعذار وناروتو راعي غياب وينقصه معاهم بس اذا جا يرصد الدرجات مايهينون عليه يعطيهم كامل كريم


رائد النشاط:
قاي

مخسرهم كله يقول اشتركوا دفعوا بس ماحد يدفع الا روكلي ومسكين يدفع أموااااال طاااااااااااائله

المسؤول عن البيع والشراء

كريناي:
ماتعرف تبيع كله بس قاعده على مكتبها الخشبي وتاكل حب وتوسع صدرها على الرايح والجاي
قانون البيع والمشترى عندها:
اشتر بعدين ادفع والحمدالله والشكر ماتعد الفلوس اذا أحد شرى والمدرسه خسرااااااانه والسبب اهي
-ناروتو كل يوم يشتري كاكاوات وعصيرات ومعجنات وتخلص الكراتين بس منين له ناروتو الفلوس؟؟
ناروتو يعطيها فلوس كذيبه اللي في لعبة الاونووهي غبيه مصدقه وذيك المره قالت له:يازينك ياناروتومحد مربح المدرسه غيرك
-وذيك المره غابت كريناي وباعت تسونادي بدالها والمقصف فاضي محد مشتري خايفين منها
أسعار البيع والشراء لدى كريناي في المقصف:
الزعتر:نصف ريال
اللبنه: نصف ريال
الجبن:ربع ريال
عصير سنتوب:ريال وثلث أرباع وخمس هللات
والباقي الشوكولاته أسعارها ثابته كما اهي
بس قاي عشان يزيد الأرباح خله كل شي غالي عشان ياخذ الارباح ويحطها لمشروعاته الفاشله في المدرسه بس هو يزيد الطين بله بدال مايربحهم يخسرهم لأن ماظنتي أحد يشتري


وطبعا كل مدرسه بحاجه الى مستخدم والمستخدم في مدرسه عصر التكنلوجيا هو:
ترااااااااااااا



جيرايا ساما(المعلم المنحرف)
====== قصته قصه كم مره خطب تسونادي بس

ترفضة يااااا~~لمسكين

كل عاده وزي كل يوم لازم تفتش تسونادي على الطلاب والطالبات في الطابور وقارا لازم يتأخرمايجي الا بعد الفسحه (أبوه مكلم المدير والمدير رضى وتسونادي ماتقدر تقول شي )عشان يضمن أن تسونادي ما تقوله امسح الكحل وساكورا جايه وكل عاده رافعه شعرها وماسكته عشان ما تهزئها تسونادي واينو مجدله شعرها وثنتينهم بعد الطابور يفتحون شعرهم


مرت تسونادي
الكل خايف أكيد تسونادي لها هيبه
مرت جمب هيناتا وهيناتا من الخوف أغمى عليها مع أن هيناتا ماتسوي مخالفات
مرت جمب تيماري ولفتها بقوه لجهتها بعد ماكانت منصته للمسرحيه اللي يسوونها في الاذاعه مسرحية جحا وحماره
تسونادي: ليش غايب اخوج
تيماري:أي واحد فيهم
تسونادي: بعد ثنينهم غايبين كان غبتي بعد انتي أجل شجيبج
تيماري: مره ثانيه ان شاالله
تسونادي: تطنزين
تيماري بارتباك:لالالا
تسونادي: انتو مايبي لكم الا العين الحمرا
تسونادي:كانكرو ليش غايب
تيماري:أوووووووه مادريتي شصار أمس
تسونادي بسخريه:شصار
تيماري:أمس طلعت له رحاة العقل بالموت راح المستشفى عشان يخلعها قام يصيح في بيتنا فشلنا قدام أم مبارك جارتنا عاد أم مبارك موجز الاخبار تنشر الخبر في يوم وليله
تسونادي تركتها بعد مادزتها بقوه
مرت جمب نيجي ولفته بقوه وارتاعت لما شافته مع عيونه
نيجي :ششنو مما سوويت ششي
تسونادي:ها ما سويت يللا التفت للاذاعه يللا
في الاذاعه بعد ماخلصوا من هالمسرحيه الممله مسكت كريناي المايك(ولأول مره)قالت:
كانت المدرسه تعاني من ظروف صعبه وكانت الديون على رقبتنا كثيره لكن بفضل هذا الطالب الذي انقذنا من الافلاس باسمي وباسم المدير اهني الطالب ناروتو اوزوماكي
كل المدرسين قاموا يشوفون ناروتو بتعجب والطلاب بعد
والطلاب يأشرون على ناروتو بصبعهم الابهام على تحت ويقولون:هوووووووووووووووووووهوووووووووووو

كريناي: فليأتي الطالب ناروتو ويستلم جائزته
وجا ناروتو مستانس بيستلم الجائزه وهو يسمع صوت همس الطلاب : مايستاهل مايستاهل
المديرللطلاب:عيب بابا عيب لاتحطمون معنوياته
ناروتو متشوق لجائزه وتفتح كريناي الكيسه وتطلع الجائزه
وتقول بصوت عالي:بسكوت مربعات وعصير


الحصه الثانيه........
اجتماع عند المدرسين يعني فراغ عند الطلاب وناسه
شوي ويجي المدير هدوء جلسوا ياطلاب عندي لكم خبر بفرحكم
وكل الطلاب جلسوا عشان هالخبر
المدير :شنو تتوقعون؟؟؟
ساكورا:بكرا مافي دوام
تيماري:بتنقل تسونادي
ناروتو:بيتقاعد قاي
روكلي شهق بقوه وقال:لاتفول علي من الحين يانريت(عيارة ناروتو)
المدير:لاولاواحد من اللي قلتوه
أجل شنو؟؟
المدير:بتجي طالبه جديده بتسد المكان اللي تركه اورتشمارو بعد غياب طويل وأخيرا بتلقى من بيجلس معك ياناروتو
تجي الطالبه وتدخل ويروح المدير
ناروتو:يو تشبه شغالتنا اللي راحت
التفتت:ناروتو مافي يأرف (يعرف)أنا شغاله مال انتا أول أنا يجي هينا عشان يكمل دراسه ويحصل أنا شهادة بخالوريس(بكالوريس)
ناروتو بتعجب وفاتح عيونه مومصدق:NN(ان ان)(كذا اسمها)
شجيبج مين قالج تجين كونوها فشلتيني طلعي روحي فصل ثاني موزين فصلنا موزين
ان ان:كداب(كذاب)
ناروتو:ياربي نشبه نشبه
ان ان:أنا في يقعد هينا ماره(راح) اطلع
ويحط ناروتو يدينه على راسه ويقول: لابلا انتهينا
وثلاث أرباع الفصل يتجمعون على تن تن ويقولون لها: تقرب لج؟؟
تن تن:صدقوني ماتقرب لي ولاشي
نيجي:الا نفس الاسم
تن تن:الاسم ماله علاقه
نيجي:الا كيفي
تجي تسونادي والكل جلس في مكانه حتى ان ان جمب ناروتو
تسونادي:ها شصاير شالسالفه
ان ان:مدام تسونادي؟؟
تسونادي:ان ان؟؟
حسبي الله عليج وين كنتي ليش نحشتي فشلتيني قدام النسوان في ملكة أختي أبيج صبابه أخرتها تنحاشين انكب النعناع على فستاني وأحرجتيني قدام أختي
ان ان:أهسن(أحسن)
تسونادي:بعد شينه وقوية عين الظاهر انتي ما ينفع معاج الا العين الحمرا
وتفسخ تسونادي جزمتها وتلاحق ان ان في الفصل
*وبقي هذا النزاع حتى الحصه الثالثه*
راحت تسونادي بعدما تلقت الكثير من العيارات من الطلاب وبردوا حرتهم فيها وان ان ماقصرت رشيقه تقفز من طاوله لطاوله لأنها كانت تلعب جومباز قبل ماتجي كونوها
الحصه الثالثه:
مازال الاجتماع بين المدرسين ولم ينتهي ولن ينتهي
...............................
هيناتا لساكورا:أأـ ـنا احب وواحد في الففصصلل .....


سمعتهم ان ان وجات لساكورا تركض وقالت لها بعد مادزت هيناتا بقوه وطاحت المسكينه على السبوره واغمى عليها

ان ان:أنا في يبي يتزوج(تحسب ساكورا خطابه)
ساكورا تقول كذا عشان تدري بس شسالفتها:ابشري بالخير مين تبين أخطب لج
ان ان وهي متشوقه:ساسكي
ساكورا بعصبيه:نعم... عيدي شقلتي ماسمعت
ان ان بغباء:ســــــــــــــاسكي
ساكورا تمسك ان ان من ملابسها وتقول:لاياحبيبتي تحلمين هيهي تقول ساسكي الظاهر اهي ماتدري مين أكون
ان ان:انتي مافي ينفع الا أين أهمر(عين أحمر-العين الحمرا)

انشاء الله عجبتكم يتبع
بعد الردود

-:مواضيع أخرى تفيدك:-

Share

التوقيع :
رد مع اقتباس
3 أعضاء قالوا شكراً لـ Rano0odh على المشاركة المفيدة:

قديم 09-11-2011, 01:01 PM   رقم المشاركة : 2
ώ ђ м❥«
مشرف سابق






 

الحالة
ώ ђ м❥« غير متواجد حالياً

 
ώ ђ м❥« عضوية لديها صيت بسيطώ ђ м❥« عضوية لديها صيت بسيطώ ђ м❥« عضوية لديها صيت بسيط

شكراً: 126
تم شكره 1,101 مرة في 432 مشاركة

 
افتراضي رد: قصة عن ناروتو مضحكة^ــــ~

سلمت يداك اختى ع الطرح الرائع

يعطيك العافيه

دمتي في حفظ الباري

رد مع اقتباس
قديم 09-11-2011, 01:56 PM   رقم المشاركة : 3
أدريانو
عضو مبتدئ





 

الحالة
أدريانو غير متواجد حالياً

 
أدريانو عضوية تخطو طريقها

شكراً: 9
تم شكره 2 مرة في 2 مشاركة

 
افتراضي رد: قصة عن ناروتو مضحكة^ــــ~

تابعي تابعي تابعي هههههههههههههههه تحمست

رد مع اقتباس
قديم 09-11-2011, 03:51 PM   رقم المشاركة : 4
Rano0odh
عضو مبتدئ






 

الحالة
Rano0odh غير متواجد حالياً

 
Rano0odh عضوية تخطو طريقها

شكراً: 1
تم شكره 41 مرة في 9 مشاركة

 
افتراضي رد: قصة عن ناروتو مضحكة^ــــ~

التكمله:
صفر الجرس وجا وقت الفسحه.......
-هدت ساكورا ان ان وراحت تركض عشان تلحق عالمقصف لأنه زحمه وكللللللللل الطلاب والمدرسه كللها تركض عشان تلحق على المقصف الا ساسكي لأنه فطر في البيت رهش
وهم يركضون دزوا المديره(هوكاجيه) طاح العدس اللي عندها(المدير وزوجته كل يوم فطورهم فول وعدس وخبز احمر وخبز شريك مع حليب بالهيل وزنجبيل مممممر)
في المقصف:
اللي تبيع بس كريناي وزززززحححمه و4نوافذ بس وطلاب المدرسه عددهم مايزيد 500طالب وطالبه
وساكورا واينو يبون يشترون لساسكي يحسبون انه ماعنده فلوس
في زحمة المقصف:
كل واحد يستخدم طريقته الخاصه ناروتو يقعد يغازلها عن تجيله
وشينو اذا شاف بنت قدامه يعطيها حشرات عشان يغمى عليها
وكيبا الغبي مع كلبه أكامارو مسوي زحمه في المقصف ماسكه بيده وهو قاعد يشتري اما شوجي
يكز الاولي والتالي عشان يشتري أناااااني
وهيناتا مسكينه اخر شي ولاتلحق الحيا ذابحها
واينو مسكينه كانت اول نافذه بعدين شافت روحها اخر نافذه لاوعالطرف بعد يعني في الجدار
المهم
شيكاماروطلعوا من المقصف من هالزحمه وانفتح شعره كله ولاشرى شي ونفس الشي تيماري ونيجي واينو وكل اللي يمسكون شعرهم
اما تن تن(الاثنين اللي تسويهم في شعرها واحد منهم انفتح والثاني لا بقى كما اهو يعني واحد وواحد صار شكلها يضحك)

شرت ساكورا عصير سنتوب اللي بنص وزعتر تبي تشتري لساسكي قبل اينو والمسكينه في الزحمه طاحت ودوسوا عليها لين قالوا بس (كل واحد همه يشتري ولاهمه بأي أحد) وتصارخ آاااه ولااحد يهتم
ويدوسون ويدوسون
انتبه عليها روكلي
ويروح عند المرشد الطلابي الاستاذ كاكاشي
ويفتح غرفة المدرسين بدفاااااااشه تتوقعون شنو شاف:



شاف المدرسين قاعدين على الأرض ومنبسطين وطالبين من مطعم كودو اللي في كونوها (الحمدالله المدير يشتري فول وعدس والمدرسين يطلبون من مطعم عالمي)
وبسرعه يقول لكاكاشي ويجي ركض لها ويطلعها من تحت المقصف بعد ما فجروا عصيرها برجولهم واعتفس شعرها
كاكاشي لساكورا وهو يقومها وماسك يدها:حصل خير يابنتي حصل خير(حنون)
ساكورا:آاااااااااااااااه ظهري بطني راااااسي دوسوا علي آاااااااااه

وياخذها كاكاشي ويوديها للمستخدم جيرايا ساما في العياده عشان يدهنهاعيادتهم فاضيه مافيها شي لأن المدرسه خسراااااااااانه مافي الا جيرايا ساما ماقصرجاب من بيته حلبه وعسل ونشا والحبه السودا(حبة البركه)
الظاهرجيرايا مايستخدم الا الطب الشعبي في جميع الأحوال

عودة الى المقصف المزدحم:

اينو مالحقت الا على مارس شرته عدل بس يوم طلعت من المقصف شافته مفتوح ومأكول منه بعد(شوجي أكل منه وهي ماتدري في الزحمه)
صفرت ولا أحد شرى الا اينو مع المارس المأكول وساكورامع عصيرها وزعترها الي راح فيها
ولاأحد شرى أبدا...........
وان ان شروا لها أهلها من ماكدونالدز وجبة أطفال

الحصه الرابعه:
رجعوا كل الطلاب ومن ضمنهم قارا وساكورا بعد ماكسر جيرايا ساما ظهرها(مايعرف يدهن) جالهم الأستاذ وقال لهم:لحد يقوم من مكانه اللي يقوم بوديه لتسونادي لأن الاجتماع مابعد يخلص(أصلا ماكان في اجتماع بس اهم طالبين من المطعم يبون ياخذون راحتهم في الأكل والسوالف وأسومامن كثر ماهو جوعان كل الساندويش*دجاج فيليه من مطعم كودو* ونسى ياكل والبطاطس ويشرب الببسي والحين بيورح ياكلهم عالسريع ويجي الفصل)
تيماري ماهتمت قامت شبكت الاستشوار قامت تستشور قذلتها
ناروتو ترك الأستاذ وقام من مكانه وقام يطل من الباب ويشهق بقوه
ناروتو: تسونادي تدور على الفصول تسونادي تدور على الفصول
قامت تركض ساكورا واينو وقارا لدورة المياه(اعزكم الله) عشان المرايا ومافي الا مرايا وحده وموممسوحه ومكسره
في دورة المياه:
قارا يحاول يمسح الكحل بس مافي ففففايده خلاص ثبت
ساكورا تدور شي عشان يمسك شعرها
اينوتحاول تجدل شعرها بس ماتعرف لأن شغالتهم تجدله لها قبل ماتروح المدرسه

بعد محاولات من اليأس رجعوا الفصل
شافوا أن تسونادي جات قبلهم وشناطهم مرميه على الأرض
سوت تسونادي للفصل تدوير بين الطلاب(التدوير يعني يغيرن مكان الطالب/هـ لمكان ثاني كل اسبوع عشان يتنشطون ويشاركون وأغلبيتهم يقولون الممتاز/هـ يظل ممتاز/هـ لو يحطونه فأي مكان والكسلان/هـ ان شالله يتنشط والعاده يسونه لبتدائي اما متوسط مايسوون كثير)
المهم
غيروا مكان ساسكي حطوه في الزاويه بعد ماكان جمب النافذه يطل على الرايح والجاي ومد بوزه شبرين باقي شبر يطيح في الأرض
هيناتا غيروا مكانها آاخر شي وبعدين قامت تصيح
شيكامارو حطته أول واحد وقدام طاولة المعلم ومبوز ولايبي هالمكان

شوجي نفس الشي حطوه قدام وسد على الباقي ولاقاموا يشوفون شي وحطوا جمبه ان ان مسكين

وقبل ماتروح تسونادي خذت الاستشوار من تيماري وكتبت لها تعهد وقالت ماراح ارجعه(تبي تاخذه معاها البيت لأنه أصلي) بس المدير مارضى وقال لازم نعطيها اياه هذا حقها-انقهرت تسونادي-

المهم

هيناتا تمت تصيح بعدين راح ناروتو عند المرشدالطلابي-كاكاشي- وقاله عن هيناتا وقام كاكاشي اتصل من جواله الخاص لأن المدرسه ماعندهم رقم اتصل على بيتهم ردت ام هيناتا
*ظنت ام هيناتا ان المتصل حماتها ولأنها تعزها كثيرورقمها نفس رقم كاكاشي بس الاختلاف رقم شوفوا شقالت
ام هيناتا:هلا والله هلا بالغاليه شلونج شخبارج شعلومج شلون العيال وشلون أم احمد بشري عنها عسى صحتها بخير عسى ولدت؟؟
كاكاشي:أا......أا
ام هيناتا بعد ماشافت الرقم غلط وتأكدت انها غلطانه واللي يكلمها رجال عطت ابوهيناتا السماعه وقالت له:هذا واحد متصل عشان يغازل أدبه وره العين الحمرا
ابوهيناتا معصب:شتبي يالزفت يالطايش تتصل علينا في هالوقت ولابعد تغازل
كاكاشي يبي يتكلم بس مو معطيه ابو هيناتا مجال
كاكاشي:لوسمحت انت فاهمني غلط
ابوهيناتا:بعد شين وقوي عين ا..(قاطعه كاكاشي)
كاكاشي:انا مومتصل عشان أغازل مثل ماقالت حرمتك أناالاستاذكاكاشي والمرشد الطلابي في مدرسة بنتك
ابوهيناتا:اوه آسف ياخوك غلطان حريم هالزمن بقر(خزنه زوجته) مايعرفون شي(قاطعه كاكاشي)
كاكاشي:المهم
ابوهيناتا: تفضل
كاكاشي:بنتكم تصيح تعالوا خذوها
ابوهيناتا:ليش خلوها تروح مره وحده مع السواق
كاكاشي:بنتك تصيح عشان غيرنا مكانها
ابوهيناتا:تركوها خلوها تتعود على الشده والقسوه ذبحتنا مرمرتنا كله ياتستحي ياتصيح وبس هاذي حالتنا
وبعدين تموا يسولفون لين صفرت

الحصه الخامسه:
كان في فصلهم اختبار جغرافيا ولاأحد ذاكر الاساكورا صمممت الكتاب باقي اشوي وتبلعه واينو يعني وناروتو ولالمس الكتاب وساسكي ماقدر يذاكر لأنه ايتاشي غصبه يكنس بعدين يغسل التهويه(الحوش-ساحةالمنزل)والباقي مثل اينو يعني(عادي)
اللي مراقب عليهم في الاختبار كاكاشي-امحق من مراقب-بس قاعد يقرا كتاب العنف الغزلي ومندمج معاه والغشاش يغش
في الاختبار:
ساكورا من كثر ماهي تحب ساسكي كتبت في ورقتها الاسم ساسكي يوتشيها
واينو بعد
وناروتو بعد(يبي ينتقم من ساسكي عشان كذا حط اسمه وناروتو ماذاكر عشان ينقال ان ساسكي اللي يزفت مواهو)
وهيناتا مااختبرت لأنها تصيح وخذتصفر مع ان المسكينه مذاكره

المهم
دروا المعلم ان ساسكي عنده 4أوراق شلون؟؟
عطى الأوراق تسونادي ونادت تسونادي ساسكي والمسكين وقع على تعهد وحطوله صفر في الاختبار وذيلوك ساكتين-خايفين-
وهيناتا مازالت تصيح-تبي ترجع مكانها-
نهاية الدوام وموعد خروج الطلاب
-نيجي يروح مع هيناتا مع نفس السواق
وهيناتا مازالت تصيح
بعدين نيجي عصصصصصصصب عليها وسحبها من شعرها-وهي تصيح-ويدخلها غصب السياره

-مازالت هيناتا على هاذا الحال الين قال لها امها قصة ليلى والذيب قبل ماتنام
-ساكورا ودوها المستشفى وقالوا لها لازم تنويم
-ساسكي بعد مادروي ايتاشي انه أخذ صفر حرمه من الغدى والعشا
تشافت ساكورا وطلعوها من المستشفى..
في المدرسه واجتماع بين المدرسين واللي أقام الاجتماع المدير
المدير:صراحة الطلاب ملوا لازم نفرحهم بشي عطونا اقتراحاتكم
كاكاشي:أنا من رايي انا احنا نسوي لهم حفل(برافو طلع شاطر)
ايروكا:لا هذا قليل بحقهم المفروض نعطيهم اجازه شهر يغيبون على كيفهم
جيراياساما(المستخدم):أقول لذا ولذا نسوي لهم رحله
تسونادي بطنازه:على وين ؟؟
جيرايا ساما:أي مكان............ولا أقولكم خلاص نوديهم الشاليهات
تسونادي:من صدقك
جيرايا ساما بثقه:أي
المدير: صح كلامك يستاهلون الطلاب صراحه اهم يتعبون طول السنه ولازم نروح عن نفسهم شوي ولامو عدل كلامي ياهوكاجيه
المديره(هوكاجيه):الاعدل ونصف الصراحه يستاهلون
تسونادي وهي تتحلطم:ذبحتونا انتو مع صراحتكم
المدير:الحين من بوديهم الرحله
جيرايا ساما بصوت عالي: أنا
المدير: ماتقصر ياعلك تسلم

في اليوم الثاني قالوا للطلاب عن الرحله والكل مستانس (ماينلامون)
البنات يلولشون :كللووووووووووووووووش كللوووووش
الأولاد: ينقزون على كل الطاولات ووووووووو

بس
بقى شي نسوه الطلاب
شنو
لازم موافقه من ولي الأمر

..............................................
في بيت قارا:

بعد الغدى باس قارا راس ابوه
قارا لأبوه:أبوي قل تم
أبوه:ليش يابوك
قارا:بابا قل تم وبس
أبوه:تم عشان خاطرك
قارا:بابا ابي موافقه عشان المدرسه بودونا رحله
أبوه معصب:الحين أنا مارضيت لاختك واخوك تروح انت يالنونو يالزغير
قارا:بابا انت قلت تم
أبوه:أووووووووه صح نسيت ابشر بالخير ياولدي انت واخوانك بتروحون ولاتنسون تجهزون أغراضكم
....................................
كل الطلاب حصلوا على موافقه أولياء أمورهم وتن تن مارضوا أهلها بس المدير كلم ابوها وبالمممموت اقتنع

قبل الرحله بخمس كل الطلاب تجهزوا وشناطهم أعوذبالله شناط سفرشكبرها وين يحطونها في الباص مافي مكان
.........................................

الطلاب متشوقين للرحله ويجيهم جيرايا ساما بالباص
جيرايا ساما:مشينا ياعيال مشينا

ركبوا الباص ومشى الساعه8الصباح بالضبط
في عفسة الباص:
شلة البنات كلها ورى آخر شي ومعهم ان ان وناروتو بعد-
وساسكي ورى جيراياساما بالضبط وجمب النافذه وجمبه شيكامارو- ونيجي قاعد بروحه في المقاعد الثانيه ويشرب ببسي وياكل برينقلز الحار-وقارا وكانكرو في مكان واحد بعد ماتهاوشوا على النافذه آخر شي جلس شينوجمب النافذه(داخل عرض)ونام-قارا وكانكرو يلعبون جماد حيوان- وشوجي راز روحه قدام وطاح سوالف مع جيرايا(راعي الباص)..............


................
في عفسة البنات:
ان ان قاعده تطلع صواريخ(أكاذيب) من فمها شوفوا شقالت:
(ورتهم خاتم لابسته) وقالت لهم:
أنا مكتوبه(مخطوبه)وهاذي الدوبله(الدبله)
البنات:من خطيبج
ان ان:ساسكي
ساكورا: متى سويتوا الخطوبه والملكه
ان ان: أمس
ساكورا وتكذب عليها:أمس انا مع ساسكي طول اليوم رايحين جايين على مطعم ومجمع شلون تقولين أمس
ان ان بارتباك:ها لا في سوي ملكه وكتوبه آكر(اخر) الليل قبل الفجر
كل البنات:اممممممممم كذا السالفه أجل
(ان ان جايبه لهم خاتم كذبي لعبه )
اينووتسوي روحها انها تصيح:لا لا مااصدق....... ساسكي مايخون مايخون
ساكورا:وانتي مصدقه يالغبيه
اينو:أدري بس ابي ساسكي يتحرك ويواسيني ويراضيني
ساكورا تحمدت عليها وراحت

المهم
صارت سوالف بين البنات وناروتو وهيناتا تكلمت أخيرا وسولفت عن عمتها هدى
-انتبهت ان ان على نيجي وهو ياكل واشتهت تشرب الببسي الي عنده وراحت له
وسحبت الببسي منه بقوه وقالت:
هادا مافي زين مودر(مضر)
والغبيه اشربته هي كله
نيجي:ييييييييييع عقبي
ان ان:اسل اسل(عسل عسل)
نيجي: تبين شي ترى ماراح أعطيج شي روحي عني
ان ان:طيب
وراحت ورجعت مره ثانيه لنيحي:
نيجي:نعم خير شتبين
ان ان:تقرب لك هدى هيوغا
نيجي:أي عمتي شدراك فيها:


ا ن ان:سلملي عليها وبوس راسها عشر مرات وقولها ان ان تسلم عليس سلام كثير
نيجي:انتي تعرفينها
ان ان: لا بس سمعت هيناتا تسولف عنها وانا مافي يأرف(يعرف) عنها شي
نيجي تحمد عليها وقال لها:طيب روحي يوصل يوصل
ان ان :تيب(طيب)

في عفسة البنات وهم واقفين كل وحده تسوي حركه وتصورها ساكورا بجوالها اللي بوكاميرا
جات ان ان وقالت لساكورا:صوريني
ساكورا:لاأخاف يجي جوالي فايروس وبعدين ما اشتهي اشوفه لأن صورتج فيه
ان ان بقهر:بل فلوس انتا وازد(واجد) اشتر زوال(جوال) ثاني
ساكورا:يمه عينج حاره تفلي على جوالي شوي شوي عشان ماتنظلينه
ان ان ماقصرت تفلت لين قالت بس لين طفى الجوال واخترب

ساكورا: عفستي جوالي دفعي فلوسه
ان ان:مااندي فلوس

يمر جمبهم باص بنات ويسوي جيرايا ساما سباق من الأسرع هو ولاراعي باص البنات
المهم
سرع جيرايا سرعه مفاجأة كل البنات الواقفين طاحوا
المسكينه هيناتا طاحت على نيجي ويكزها بقوه:بعدي عني


ساكورا واينو طاحوا على بعض وكل وحده تحسب انها طاحت على ساسكي ومستانسه وبعدين فتحوا عيونهم وشافوا بعض كل وحده كزت الثانيه و طاحوا ثنتينهم على الأرض
تيماري طاحت ومسكوها اثنين فرحت تحسب ان اثنين يحبونها يوم فتحت عينها شافت خوانها(قارا وكانكرو)
تيماري:ياحظي مين قالكم مسكوني انا ابي اللي في بالي يمسكني مو انتو
قارا:لاتنسين أن انتي في ذمتنا واحنا مسؤولين عنج يا أختي
كانكرو:بعد عيني عينك من ذا اللي في بالج هاه
تيماري:أقول عن الغلط عاد مين اللي يكلم البنات أنصاف الليول هاه مين اللي في بيتنا متعرف على بنات أكثر هاه
كانكرو يسحب تيماري بقوه ويكلمها بأذنها:اصصصصصصصص ماأبي قارا يعرف ولاتفضحيني قدام العالم
قارا:اقول لاتعب روحك تراني أدري
كانكرو:من علمك ياقارا انتي ياأختي
قارا:لا بس لاتنسى اني معك في نفس الغرفه يالذكي
وتن تن طاحت على روكلي بعدين كزها روكلي وقال لها:روحي لاتفرحين ترى أحسبج ساكورا
وان ان ماتنزل أحد ينقذها ويمسكها
...............................
الكل واقف وفرحان كأنهم في قطار الموت جيرايا يسرع بقوه
وفجأه وقف وطاحوا كللهم
ليش: مر ضب قدامه وخله يمشي على راحته









التكملة بعد الردود انشاء الله

رد مع اقتباس
الأعضاء الذين قالوا شكراً لـ Rano0odh على المشاركة المفيدة:
قديم 11-10-2011, 12:16 PM   رقم المشاركة : 5
نادر فرحات
عضوية ذهبية






 

الحالة
نادر فرحات غير متواجد حالياً

 
نادر فرحات عضوية ستكون لها صيت عما قريبنادر فرحات عضوية ستكون لها صيت عما قريب

شكراً: 1,208
تم شكره 528 مرة في 248 مشاركة

 
افتراضي رد: قصة عن ناروتو مضحكة^ــــ~

السلام عليكم ورحمة الله وبركاته

جزاك الله خيرا على هذا الطرح الجميل والرائع

رد مع اقتباس
قديم 11-10-2011, 01:43 PM   رقم المشاركة : 6
عاشق ايتاشي
عضو متألق






 

الحالة
عاشق ايتاشي غير متواجد حالياً

 
عاشق ايتاشي عضوية تخطو طريقها

شكراً: 690
تم شكره 139 مرة في 82 مشاركة

 
افتراضي رد: قصة عن ناروتو مضحكة^ــــ~

يسلموووووااااا قصه قمه
في الروعه في انتظار التكمله

رد مع اقتباس
قديم 11-10-2011, 06:13 PM   رقم المشاركة : 7
الكيوبية
عضو موقوف






 

الحالة
الكيوبية غير متواجد حالياً

 
الكيوبية عضوية ستكون لها صيت عما قريبالكيوبية عضوية ستكون لها صيت عما قريب

شكراً: 28
تم شكره 566 مرة في 211 مشاركة

 
افتراضي رد: قصة عن ناروتو مضحكة^ــــ~

منقول

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:14 PM


Powered by vBulletin® Copyright ©2000 - 2024, Jelsoft Enterprises Ltd
جميع الحقوق محفوظة لموقع مونمس / " يمنع منعاً باتا المواضيع السيئة المخالفة للشريعة الإسلامية" التعليقات المنشورة لا تعبر عن رأي المنتدى وإنما رأي الكاتب نفسه
Search Engine Friendly URLs by vBSEO 3.6.0