بنات تعالوا شوفوا حركات العيال "يوم النصر"

[~Araki~]

 

يابناااااااااااااات هذا يوم النصــــر لكم ...........

أنواااع الشباب ... ها ها ها ها ها

نوعية من الشباب تشوفهم في البيت وبره غير


أبسط مثال


1_يافلان قم ود اختك المستشفى تراها تعبانه يقول هاه وش فيها مافيها الاا العافية بس اذا واحد من اخوياه تعبان يقوم يطير طيران علشان يوديه المستشفى لاا ويرافق معه


والاا يافلان نبي خبز واللي يعافيك جب لنا يقول ماعلي منكم عمركم مااكلتوا سو ريجيم وعند اخوياه يطبخ لهم لاا ويغسل المواعين بعد


2_ الملابس:
دولاب الملابس يشتكي من كثرها وما تشوفه الا بقميص واحد واتحداك يغيره ينام فيه ويقوم فيه ويصلي فيه ولايخلي أحد يغسله ، واذا جاء يطلع للسوق شوفوووه ساعه عند المرايه يعدل شماغه


3_ العجازين
وياكثرهم زي الرز ودي أشوف شاب يشيل عن اخته أو زوجته أو حتى أمه بعض الأغراض بالسوق الاا تلاقيه مطير عيونه بالبنات والضعيفه وراه تسحب أكياسها الوحدة تشوف المصريه واللبنانيه تحسدها على الذوق اللي عند رجالهم ما يخلونهم يشيلون شي


4_ اذا تبون تعرفون الشاب فوضوي والاا مرتب
هذي بسيطه شوفوا سيارته
تجيك السيارة وصخه كلها غبار من يوم نزلها ماغسلها لاا ويقول هذي غبار الوكالة أمحق وكاله لاوكاله ولازفت الاا عاجز يغسلها ويقول اصلا الجوو معفن ولا مستخسر يطلع 10 جنيه لاا واذا شفتها من الداخل ماتدري وين تحط رجلك من هذي فروة تحت رجلك واسلاك وقراطيس وكتب واوراق ومناديل وملابس لها سنه بالسيارة وبلاوي كل وصاخة الدنيا داخل السيارة والاا ريحة الدخان اللي تدوخ الراس
لكن الشاب المرتب وهم قلة للأسف سيارته تبرق من النظافه هذا الجزء الاول بعد لازم انحمسكم كأنك داخل محل للعطور كلها نظافة وترتيب


5_ راعي الحق والواجب
مايخالف الحق والواجب لكن بحدود المعقول واحد يجيب لزوجته كل يوم ذبيحه ويالله اطبخي كل يوم طبخ ونفخ يعني الواحدة ودها تطلع مع زوجها وعيالها يتمشون وينبسطون وحتى اذا مااطلعوا يجلسون مع بعض يتناقشون ويتفاهمون مو كل يوم عزيمه
والاا الإستراحات رايح استراحة جاي من استراحه وبس هذي شغلتهم وياويلها اذا احتاجت شي ودقت على جواله تقطع عليه لعب الورق هذي مصيبه


6_ الدلع ( هم بعد على قولتها شباااب الكووووول (( وييععع)) )
بنت تدلع معقوله تنبلع بس ولد يتدلع ووووووووووه قهر
تشوف راسه ماتدري هو راس بنت والاا ولد تسريحات ماأدري من وين يجيبونها اللي فالق راسه من النص تقل ثور واللي مسويلي تسريحة بطل التيت**** ولا الملابس تشوفه تقول شاريها من محلات ملابس البنات وماعلى لسانه الا هذا التيشرت من زارا والبنطلون من ديزل والجاكيت من آرمني وهو يحوم الكبد يطلع شكله تقول هندي مايدرون ان الشماغ والغترة أستر لهم والله ان وسامتهم وحلاوتهم بها الشماغ اللي يستر على بلاويهم


7_ الشباب النصابيين
هذولا عد واغلط ياكثرهم يجيك الواحد يقول
يووه سيارتي ( الفراري ) اللي ابوي وعدني فيها من امريكا تأخرت والله ماجت الى الحين اخاف ان عمارات نييورك طاحت عليها .. ولا هو معاه كورولا او مازدا زوم
ما شفتوا جوالي هذا جايبه من دبي والله .. وهو شاريه من الحراج
ماتدرون اختاروني لاعب باالمنتخب او احسن فريق من فرق الملحقيه بس اعتذرت لهم لأني مصاب والدكتور يقول لاتلعب لمدة ستة أشهر .. والمشكله تلاقيه مايعرف ولا يشوت الكورة
لا ويزيد النصب اذا كان الطرف الآخر بنت هذا الجزء الثاني

8_ الدلخ
هذا كل من هب ودب يضحك عليه
الاا في شي دايم يصير
يجيك الشاب وهذي دايما تصير باالمدارس والأسواق اذا شاف البنت تلفت وتدور اخوها أو ابوها وطاحت عينها بعينه كذا صدفه خلااااااااااااص حبتني
لا والاا اذا حكمت الظروف واضطرت تسأل أحد منهم سؤال دوره عاد يبدا وجهه يتقلب كل الألوان ويتخلبط وحالته حاله على باله ان البنت ( وقعت بحبه)
والله بلشه مايدرون انهم بها الأسلوب يخوفون الناس منهم

9_ المغرور
ماأدري بعضهم شايف نفسه على ايش شين وقوة عين
وأغلب اللي كذا يحس باالنقص ومن زود احساسه بالنقص يحاول يرفع نفسه عن الناس وما يدري ان من تواضع لله رفعه


10_ الضعيف
الضعيف ....... الضعيف والاا اقول مافيه ولا واحد منهم ضعيف كلهم ...



11_ راعي التفحيط

هذا اذا فتحنا راسه تلاقي مخه تقل جريش من كثر ما يفتر بها الشوارع لا يفهم ولا يدري وين ربي حاطه ماعنده ما عند جدتي _وهذا الثالث طبعا

13_ راعي الطرب
وهذا ما يجلس بدون مسجل في غرفته الاستريو يشتغل على أعلى صوت قمه في الازعاج واذا طلع بسيارته الله يعين المسجل لاا ومركب سماعات اضافيه علشان يطلع الصوت صح اذا وقف عند الاشارة ولا قدام باب الجامعه يستعرض هو ووجهه وشوف ملامح وجهه متشقق من الفرحة كأنه مسوي انجاز


-13 راعي الأرقام
هذولا ساكنين باالسوق ماادري ماعندهم بيوت تضفهم 24 ساعة بالسوق وطابعين ارقامهم ماليين كرتون ويالله توزيع حتى بعضهم يذب الرقم على شغالاات وهم مايدرون تروح توري كفيلها الرقم شوف شوف بابا هذا هديه


14_ أبو راس يابس
( هذا ماتقدر عليه يموت باالعناد تجيه باللين يشوف نفسه تجيه بالعين الحمراء كسر راسك وهذا ينفع معه المثل ( ابعد عن الشر وغني له )



15_ الحساس
وهذا واحد بالمليون تحتاج ميكروسكوب علشان تدور عليه بس اذا لقيته لا تفرط فيه لأنه ينشرى بالملايين

انا في انتظار ردكم يالتماسيح واتمنى كل واحد فيكم يكتب هو من أي نوع؟؟؟؟

ولحد يزعل ترى الشغله مزح
وتقبلوو تحياتي
................................................ ملطووووووووووووووش ..........................................
بس لاتعلمون

-:مواضيع أخرى تفيدك:-

• عملية عسكرية فى "الرستن" بعد مقتل 32 سوريا فى جمعة "النصر لشامنا و يمننا"

التوقيع :

[mad 4 ever]

هههههههههههههههههههههههههههه يعطيكي الف عاااافيه اختي لكن ترى مو كل الاشياء ذي تنطبق علي ^^

[~Araki~]

منور ^^

[عماد الحربي]

مشكووره والله انك صادقه الشباب ما يطلعون عن هذولي >> يعنني موب معهم
اممم تدرين انا اي واحد...انا اخر واحد الحساس

[xXNARUTOXx]

هههههههههههه كلها موجوده بس مدري انا مين لازم واحد يعرفني صح يقلكم انا مين مو انا اختار لو بأختار بختار الحساس بس البيقول انه الحساس انا اقول انه من انوع المغرور و شكرا على الموضوع

[الغلا كله]

والله انج صادقه لأكن حساس ما ظن له وجود ابد
تسلمين على الموضوع الروووووووعه

[حربي والوفى دربي]

صدق القايل
يوم لك ويوم عليك:
مشكوره
تحياتي

[صادق المشاعر]

مشكووورة بس مو كل الاولاد .....

انا الحمدلله أنا مو مثلهم .....

فالله جميل يحب الجمال .....

[ملكة الانمي]

مشكورة و ننتظر جديدك

[~Araki~]

المشاركة الأصلية كتبت بواسطة عماد الحربي مشكووره والله انك صادقه الشباب ما يطلعون عن هذولي >> يعنني موب معهم اممم تدرين انا اي واحد...انا اخر واحد الحساس

الله يكثر منك
قل آآمين