سبحان الله وبحمده عدد خلقه ورضا نفسه وزنة عرشه ومداد كلماته

العودة   ملتقى مونمس ® > قسم نور المعرفة > المرحلة الثانوية

!~ آخـر 10 مواضيع ~!
إضغط على شارك اصدقائك او شارك اصدقائك لمشاركة اصدقائك!

إضافة رد
 
LinkBack أدوات الموضوع
5.00 من 5 عدد المصوتين: 1
انواع عرض الموضوع
  #1  
قديم 06-04-2011, 09:46 AM
الصورة الرمزية شمس الرسالة
مشرف القسم الإسلامي
 
شكراً: 4,435
تم شكره 3,464 مرة في 795 مشاركة

شمس الرسالة عضوية شعلة المنتدىشمس الرسالة عضوية شعلة المنتدىشمس الرسالة عضوية شعلة المنتدىشمس الرسالة عضوية شعلة المنتدىشمس الرسالة عضوية شعلة المنتدىشمس الرسالة عضوية شعلة المنتدى








Thumbs up أهم 20 نصيحة لطلاب الثانوية العامة قبل سنة أولى جامعة

 


النصيحة فى وسط الناس فضيحة، وأنت هنا لست أمام نصيحة واحدة، بل عشرين، وليس أمام الناس فقط، بل فى جريدة سيارة، وهو ما يعنى أننا نقدم لك نصيحة بجلاجل، فافهم واتعظ واعلم وتعلم، وكما قال المثل: انصح طالب الجامعة الجديد من الصبح إلى الظهر، فإن لم يأخذ بالنصيحة فالأفضل أن تضله عن الطريق القويم.

1 احمد الله على خروجك من المدرسة سليما معافى
الجامعة تاج على رءوس الطلاب لا يراه إلا تلاميذ المدارس.
مرحبا بك يا أخى، وقد تحررت من يونى فورم المدرسة، وجئت إلى هنا مرتديا أبهى حللك، وقد رميت حقيبة المدرسة وأتيت ممسكا بكشكول سلك عليه قلب أحمر أو كلب أبيض، تستنشق عبير الحرية، وكنت قبل هذا لا تعرف أن للحرية عبيرا، من الآن فصاعدا، ما أشوفكش مكشر، خلاص، مفيش ناظر، ولا طابور، ولا تحية علم، ولا تذنيب، ولا ضرب، بقيت بيه يعنى، شوف بقى فى كام مليون تلميذ فى مراحل التعليم المختلفة بيحسدك على اللى إنت فيه، بوس إيدك وش وقعر، وإوعى تبقى قد المسئولية، قصدى خليك أكبر منها يعنى.

2 ليس بكليات القمة وحدها يتميز الإنسان
إذا كان مجموعك كبيرا وألقى بك التنسيق فى كليات القاع.. لا تحزن، فهذا التقسيم لم ينزل من السماء، ورب محاسب شاطر أفضل من طبيب فاشل، ورب مدرس يحصل على 20 ألف جaنيه شهريا من الدروس الخصوصية أفضل من وزير الرى والموارد المائية، وإذا كنت لا تعمل ما تحب، فكبر دماغك، وعيش، احمد ربنا إنك دخلت ثانوية عامة وكلية أيا كانت مش أحسن من اللى أحلامهم اتكسرت بدرى ودخلوا دبلومات، خش إنت بس كده، ومتقلبش وشك، هتتبسط.

3 دعك من العبارات المتداولة والشائعات المغرضة والأقاويل المحبطة
إذا دخلت طب هيقولوك: طب من بقك، وإذا دخلت بيطرى، هيقولولك: يا بتاع البهايم، وإذا دخلت زراعة هيقولولك: عايزنها تبقى خضرا، وإذا دخلت تجارة هيقولوك: كلية الشعب، اشترى كيس قطن طبى أو حتى تنجيد، وسد ودانك، ما هؤلاء يا أخى إلا «منفسنين»، أو من دعاة الإحباط، هيقولولك عين شمس أصعب من القاهرة، وحلوان أرخم من جنوب الوادى، وهتسمع إن الدكتور ده بيسقّط، والتانى ده كتابه غالى، والتالت ده رخم مع الطلبة، فلوسك فى جيبك، وكيس قطنك فى إيدك، سد وامشى.

4 افتح عينيك، أغلق فمك، واتبع التعليمات
لا تأخذ الدنيا قفشا، ومتقعدش تعمل نفسك نائب رئيس الجامعة لشئون الكلام عمال على بطال، اهدى كده واستريح، وقبل ما تقعد تفتى، وتردد الكلام اللى بتسمعه، استوعب اللى بيحصل حواليك، أنت الآن فى مجتمع جديد، له قواعد وقوانين مختلفة، لسنا فى مدرسة، ولا فى أتوبيس عام، ولا فى سينما، التزم سلوك الطالب الجديد، ولا تقلد شباب اليومين فى سلوكياتهم المزرية، هتسألنى: يعنى إيه مزرية؟ وهقولك: دى بقى هتعرفها فى سنة تالتة على الأقل.

5 قم للدكتور ووفه التبجيلا.. أحسن لك
حضرتك الآن فى حرم، والاحترام واجب، سيبك بقى من حركات المدارس اللى من نوعية إنك تهزر مع المدرس، أو تتريق عليه، ولا تحطله بودرة عفريت على الكرسى، ولا تركبله ديل، شغل مدرسة المشاغبين ده ملوش مكان هنا، لأن دكتورك ببساطة شديدة ممكن فى أى تغيير وزارى يتحول لوزير أو رئيس وزرا، عمرك إنت سمعت عن رئيس وزرا حد ركبله ديل، طبعا كل ده بجوار إن دكتور الجامعة أفضل عمليا من رئيس الجمهورية ومن المحافظ ومن تامر أمين، لكن تعمل إيه بقى، هى الدنيا كده.

6 المعيد عن العين معيد عن القلب
من هو المعيد؟ هو طالب دحِّيح، كان زملاؤه يمشون مع البنات، ويجلسون فى الكافيتريات، ويزوغون من المحاضرات، بينما هو قابع فوق الكتاب، يأكله ويشربه ويلبسه، حتى خرج من الكلية بمرتبة الشرف الرفيع الذى لا يسلم من الأذى إلا بإجراءات روتينية صعبة، والمعيد لديه مشكلة أساسية هى أن الطلاب يتعاملون معه باعتباره حتة طالب بس شايف نفسه شوية، وهو يريد أن يتم التعامل معه باعتباره دكتورا، ومن هنا تنشأ المشكلة، وأنا هنا أنصحك بأن تعطى للمعيد برستيجه، سواء استحقه أم لا، وهذا لسبب بسيط، لأن البرستيج لا بياكل ولا بيشرب ولا بيتدفع فيه فلوس.

7 لا تتسرع
يعنى بالعربى متستعجلش على حاجة، أى حاجة، كل شىء هييجى فى وقته، الكتب هتيجى فى وقتها، والكارنيه هييجى فى وقته، والأصحاب هييجوا فى وقتهم، وهتفهم كل حاجة فى وقتها، ولما تبقى مستعجل هتبقى مرتبك، وهتقع فى أخطاء أكتر، اهدى على نفسك، وخليك تقيل، واعرف كويس أنه ما طار طير وارتفع إلا كما طار خلع.

8 سلام مربع للحرس الجامعى
الجامعة مثل العين تماما بتمام، فكما أن العين عليها حارس، فالجامعة أيضا عليها حارس، لكن الأخير يختلف فى أنه يطلب الكارنيه عند الدخول، ويتلقى التقارير من الطلبة المخبرين، ويتدخل فى كل شىء فى العملية التعليمية بدءا من قبول الطلاب وحتى تعيين العمداء، ولهم دور جلل فى سلق وشى وتحمير انتخابات اتحاد الطلاب.

من البداية حدد موقفك، فأنت إما مع الأمن أو ضد الأمن أو ملكش دعوة، فإذا كان ملكش دعوة، فقد أرحت واسترحت، أما إذا اخترت أن تكون «مع» فألف مبروك، وإذا اخترت أن تكون ضد، فلا يسعنا فى هذا المقام إلا أن نقول لك: فرصة سعيدة وإلى اللقاء.

9 كل الأوراق كاذبة
بمجرد أن يلمحوك وقد دخلت الجامعة، واستقرت قدماك بها سينهالون عليك بالأوراق، لا تسألنى من هم، فتقريبا كل الذين فى الجامعة باستثنائك سيحاولون بشكل أو بآخر أن يعطوك ورقة ومعها ابتسامة آلية يمنحونها لكل المستجدين من أمثالك، لأنك بالنسبة لأصحاب هذه الأوراق إما زبون أو صوت انتخابى أو عضو فى الجماعة، ستجد إعلانات عن مراكز تعليمية بإمكانها أن تحولك إلى عالم فى الذرة فى أسبوع وربما بدون معلم، وإعلانات عن مكتبات تضرب كتب الأساتذة وتبيعها بربع الثمن، وعن مكاتب تصوير المستندات بأسعار خاصة للطلبة، وعن غرف مفروشة للمغتربين، وعن أسرة الديك الفكسان، وعن ساندوتش المعلم الذى يقضى على الجوع والطلاب نهائيا.

10 إياك والمدبلرين
من هو المدبلر؟ المدبلر هو طالب يمتلك شهادة خبرة فى الكلية، يأخذ السنة فى سنتين وثلاث وأربع، لخمول فى نفسه، وضعف فى تحصيله، وكسل فى ذهنه، وتراخ فى أدائه، والدبلرة إن كنت لا تعلم مرض معد فتاك، ينتقل بالمصاحبة والمرافقة والمجالسة على الكافيتريات والمقاهى، وحتى بالمرافقة فى المواصلات والمرواح والمجى. انقذ نفسك من المصير المظلم، واسمع ماقاله الحكيم لابنه، قال له: لا تصاحب المدبلر ولا تخلى المدبلر يصاحبك، لو كان نفع نفسه مكنش فضل جنبك.

11 الشيطان شاطر.. صاحبه حتى تأخذ منه المحاضرات
وهذه أفضل نصيحة يمكن أن تحصل عليها إذا كنت من المأنتخين، فالمأنتخ فى اللغة: هو الطالب الذى لا يحضر المحاضرات، ولا يؤجل عمل اليوم إلى الغد ولكن إلى آخر السنة، وفى هذه الحالة ستحتاج إلى الملخصات والمراجعات والمحاضرات، فإذا كنت مصاحب واحد من الدحيحة فستحصل على كل هذا بسهولة، وإلا فطريقك مسدود مسدود يا ولدى.
وأيا كانت شخصية هذا الدحيح صاحبه وتحمله حتى تحصل ما تريد، فأنت تحتاج إلى شطارته فقط، ولا علاقة لك بصفاته الأخرى.



12 سَتِّف أولوياتك
بمعنى: هل أنت رايح الجامعة عشان تفك من خنقة أبوك وأمك، وخرجت إمتى ورجعت إمتى، وقاعد مع مين وخرجت مع مين، ولا رايح الجامعة عشان تقولهم أنا كبرت وتقدر تحط علبة السجاير فى جيب القميص، ولا عشان تعلق مزز، ولا عشان تروش نفسك وتلبس سلسلة جنزير وتى شيرت عليه جينيفر لوبيز، ولا عشان تتعلم، أنا شخصيا أعرف 7 كانوا رايحين عشان يتعلموا وبعدين غيروا رأيهم، حدد أولوياتك، بس فكر كويس بعد الأربع سنين بتوع الجامعة ما يخلصوا دنيتك هتمشى إزاى.

13 سيب مسافة عشان ترجع بضهرك
أول ما تدخل الجامعة اتعامل مع نفسك باعتبارك عربية على الزيرو، لأن اللى جايب عربية جديدة بيبقى خايف عليها لحسن تتعفر أو تتوسخ أو تمشى فى مطبات أو لا قدر الله تتخدش ولا تعمل حادثة، خليك كده بالظبط، امشى واحدة واحدة، وخلى عينيك فى وسط راسك، إوعى تخبط فى حد، ولا تخلى حد يخبط فيك، إوعى لما تلاقى نفسك فى موقف ملوش حل غير إنك تعترف بغلطك اعترف واعتذر ومتمشيش عكس الاتجاه، خليك دايما رابط حزام الأمان على تصرفاتك، لأنك فى لحظة ممكن تلاقى عجلة القيادة فلتت من إيدك، وأخيرا لو جيت ركنت فى أى مكان أو مع أى حد، سيب مسافة كافية لأنك ترجع بضهرك وتمشى، بدل ما تتفاجئ إنك اتزنقت ومش عارف تفلفص.

14 ابدأ من حيث انتهى الآخرون
شوف الجماعة الآخرين دول عملوا إيه، واتعلم من أخطائهم، إيه اللى يخليك تقع فى مشكلة لسه واحد واقع فيها قدامك، وإيه اللى يخليك تعتقد إنك الواد الجامد اللى هينجز كل اللى ما اتنجزش، هتلاقى أسر واتحاد طلاب رسمى واتحاد طلاب موازى وهتلاقى حزب وطنى وإخوان مسلمين وجماعات إسلامية ومش بعيد تلاقى عيال من بتوع عبدة الشيطان وأشباههم رجعوا تانى، اقف بعيد وراقب كويس، وحدد اتجاهاتك، وقبل ما تتورط فى حاجة، شوف كل اللى دخلوا فى الحاجات دى خرجوا عاملين إزاى، واتأكد إنك غالبا مش هتختلف عنهم كتير.

15 الرابعة: كلنا ولاد «جامعة» وبنِسعى
عارف الحكاية اللى كانوا بيقولوهالنا زمان بتاعت كلنا ولاد تسعة وبنسعى، فى الجامعة نفس النظام، بتاع اقتصاد وعلوم سياسية زى بتاع دار علوم، ابن الوزير زى ابن الوز، لأن اللى مش هيبقى عوام هو اللى خسران، وهى دى فرصتك عشان تبقى متميز وزى ما كلنا شفنا فى فيلم «رد قلبى» إزاى على ابن عم عبدالواحد دخل الكلية الحربية، إنت كمان ممكن تتفوق ، كفاية قوى إنهم هيعملولك فيلم عربى.

16 متصدقش الجامعة بتاعت التليفزيون والسينما
اللى هى نضيفة وجميلة، والبطل عنده 40 سنة ولسه فى سنة أولى والبطلة عندها 45 سنة وزميلته، وشوف بقى لو جابوا محاضرة من جوه تلاقى الكومبارسات، والكومبرسة باينة على وشوشهم، فاكر مرجان أحمد مرجان، دى شكل جامعة ولا دول شكل طلبة، ولا دى مناظر دكاترة، انسى كل ده وإنت رايح عشان ما تتفاجئش.

17 ابتعد عن المناطق المظلمة.. ما تشبهش نفسك

18 اضحك الصورة تطلع ديجيتال
هذه المرحلة باختصار هى أفضل مرحلة فى حياتك، ستعرف هذا بمجرد أن تخرج منها فاحرص على اقتناء أكبر قدر من الصور حتى تشاهدها عندما تكبر وتتجوز وتخلف وينبت لك كرش عظيم وصلعة شاسعة مترامية الأطراف، حينها ستجلس أمام الصور وتقسم لأولادك إنك هذا الولد الروش الذى فى الصورة، وبالطبع لن يصدقوك وسيقولون لبعضهم بصوت ستسمعه: «ده هيهجص علينا»،

19 فضّل أن تكون طالبا على أن تكون خريجا
حين تتخرج أيا كانت شهادتك، ستحصل غالبا على أكثر من وظيفة مرموقة مر بها معظم من سبقوك، وهى وظيفة: «جالس على المقهى»، لهذا فأنت فى الجامعة فى أفضل حال، شاب نضيف لطيف، تأخذ مصروفك من أبيك، وتعيش غالبا قصة حب ملتهبة، ولا يطالبك أحد بشىء، وينظر إليك المجتمع نظرة إعجاب وإكبار، إيه بقى اللى يخليك تسيب النعمة دى مقابل لا شىء، إيه اللى يخليك تبيع ما تدرى بما لا تعلم، امسك فى الجامعة بإيديك وسنانك، وتأكد أن أفضل شىء فى العالم هو: الرضاعة الطبيعية.

20 والأخيرة ومسك الختام: إوعى تعمل بأى واحدة من الـ19 نصيحة اللى فاتوا
هذه النصيحة هى الوحيدة التى لابد منها، لأن أثقل شىء على النفس البشرية هى النصيحة، وهذا ما أدركه الأولون، وتحكى الكتب العتيقة ذات الأوراق الصفراء، أن النصيحة تم اختراعها أصلا حتى يخالفها الناس، وإلا لما وصلت الإنسانية لما هى عليه الآن، عموما خض تجربتك بنفسك، و«خض» هنا ليس معناها أن تقول لها: «بخ»، ولكن عيش واتكعبل وقوم واتعلم، مفيش حاجة الواحد بيتعلمها ببلاش، ومفيش وتشبيه، ومفيش حاجة تيجى كده، اهدى حبيبى

كده، وإوعى ترجع زى زمان.
ملحوظه:هذا الموضوع نقلا عن جريده اليوم السابع وكتبه: محمد صلاح العزب

-:مواضيع أخرى تفيدك:-

Share


التعديل الأخير تم بواسطة البطل المجاور ; 03-07-2013 الساعة 09:28 PM
رد مع اقتباس
4 أعضاء قالوا شكراً لـ شمس الرسالة على المشاركة المفيدة:

قديم 06-04-2011, 10:00 AM   رقم المشاركة : 2
prestige
مشرف سابق






 

الحالة
prestige غير متواجد حالياً

 
prestige عضوية ستكون لها صيت عما قريبprestige عضوية ستكون لها صيت عما قريب

شكراً: 815
تم شكره 655 مرة في 209 مشاركة

 
افتراضي رد: أهم 20 نصيحة لطلاب الثانوية العامة قبل سنة أولى جامعة

ههههههههه

مشكور على النصائح وهذي كانت الأروع

18 اضحك الصورة تطلع ديجيتال
هذه المرحلة باختصار هى أفضل مرحلة فى حياتك، ستعرف هذا بمجرد أن تخرج منها فاحرص على اقتناء أكبر قدر من الصور حتى تشاهدها عندما تكبر وتتجوز وتخلف وينبت لك كرش عظيم وصلعة شاسعة مترامية الأطراف، حينها ستجلس أمام الصور وتقسم لأولادك إنك هذا الولد الروش الذى فى الصورة، وبالطبع لن يصدقوك وسيقولون لبعضهم بصوت ستسمعه: «ده هيهجص علينا»،
يعني لازم لما تكبر تصير سمين وأصلع ؟؟!

رد مع اقتباس
قديم 06-04-2011, 10:46 AM   رقم المشاركة : 3
just person
عضو فعال






 

الحالة
just person غير متواجد حالياً

 
just person عضوية تخطو طريقها

شكراً: 158
تم شكره 36 مرة في 14 مشاركة

 
افتراضي رد: أهم 20 نصيحة لطلاب الثانوية العامة قبل سنة أولى جامعة

ههههههههههههههههههههههههههههه
مشكوووووووووووووووووووووور على النصائح النكته ااااقصد الحلوه
هههههه تقبل مروري

رد مع اقتباس
قديم 08-26-2012, 04:39 AM   رقم المشاركة : 4
هاجس الروح
عضو نشيط





 

الحالة
هاجس الروح غير متواجد حالياً

 
هاجس الروح عضوية تخطو طريقها

شكراً: 31
تم شكره 93 مرة في 39 مشاركة

 
افتراضي رد: أهم 20 نصيحة لطلاب الثانوية العامة قبل سنة أولى جامعة

يعطيك العافيه على توسيع صدورنا
اقصد تثقيفنا

هههههه

رد مع اقتباس
قديم 08-26-2012, 04:52 AM   رقم المشاركة : 5
◦● nooгi
عضو متألق






 

الحالة
◦● nooгi غير متواجد حالياً

 
◦● nooгi عضوية مميزة فعلاً◦● nooгi عضوية مميزة فعلاً◦● nooгi عضوية مميزة فعلاً◦● nooгi عضوية مميزة فعلاً◦● nooгi عضوية مميزة فعلاً◦● nooгi عضوية مميزة فعلاً

شكراً: 4,037
تم شكره 4,252 مرة في 1,334 مشاركة

 
افتراضي رد: أهم 20 نصيحة لطلاب الثانوية العامة قبل سنة أولى جامعة

ههههههههههههههههههه
راح اتقيد بها بعد سسنتين خخخخخخخخ
يعطيك العافيةة ع النصائح
المجنونة يعني الججميلةة

آخر تعديل عاشقه ناروتو يوم 08-26-2012 في 08:46 AM.

رد مع اقتباس
الأعضاء الذين قالوا شكراً لـ ◦● nooгi على المشاركة المفيدة:
قديم 08-26-2012, 05:31 AM   رقم المشاركة : 6
mad 4 ever
عضو متألق






 

الحالة
mad 4 ever غير متواجد حالياً

 
mad 4 ever عضوية ستكون لها صيت عما قريب

شكراً: 8
تم شكره 157 مرة في 63 مشاركة

 
افتراضي رد: أهم 20 نصيحة لطلاب الثانوية العامة قبل سنة أولى جامعة

هههههههههه شكرا ع النصائح >>>>في بعض الناس هنا ييغو يورونا انهم بثالث ثانوي خخخخخخ ^ ^

رد مع اقتباس
قديم 08-26-2012, 08:45 AM   رقم المشاركة : 7
◦● nooгi
عضو متألق






 

الحالة
◦● nooгi غير متواجد حالياً

 
◦● nooгi عضوية مميزة فعلاً◦● nooгi عضوية مميزة فعلاً◦● nooгi عضوية مميزة فعلاً◦● nooгi عضوية مميزة فعلاً◦● nooгi عضوية مميزة فعلاً◦● nooгi عضوية مميزة فعلاً

شكراً: 4,037
تم شكره 4,252 مرة في 1,334 مشاركة

 
افتراضي رد: أهم 20 نصيحة لطلاب الثانوية العامة قبل سنة أولى جامعة

خخخخخخخخخخخ
انا...؟؟؟
انا اوب ثالث
انا ثاني

رد مع اقتباس
قديم 08-28-2012, 06:32 PM   رقم المشاركة : 8
hikaru hitachii
عضو متألق






 

الحالة
hikaru hitachii غير متواجد حالياً

 
hikaru hitachii عضوية ستكون لها صيت عما قريبhikaru hitachii عضوية ستكون لها صيت عما قريب

شكراً: 1,288
تم شكره 1,475 مرة في 390 مشاركة

 
افتراضي رد: أهم 20 نصيحة لطلاب الثانوية العامة قبل سنة أولى جامعة

هاهاهاي تبا لا لن أقع في الفخ

رد مع اقتباس
قديم 08-28-2012, 06:53 PM   رقم المشاركة : 9
نبراس..
عضو سوبر






 

الحالة
نبراس.. غير متواجد حالياً

 
نبراس.. عضوية مشهورة نوعاً مانبراس.. عضوية مشهورة نوعاً مانبراس.. عضوية مشهورة نوعاً ما

شكراً: 1,387
تم شكره 2,359 مرة في 1,132 مشاركة

 
افتراضي رد: أهم 20 نصيحة لطلاب الثانوية العامة قبل سنة أولى جامعة

هههههههههه
هذه اروع 20 نصيحة قرأتها

ولكن هل يجب عندما اكبر ان اصبح سمينة وهل سمعتم بفتاة صلعاء ههههههههههههه

امسك فى الجامعة بإيديك وسنانك، وتأكد أن أفضل شىء فى العالم هو: الرضاعة الطبيعية.
شو دخل الجامع بالرضاعة الطبيعية

رد مع اقتباس
قديم 08-30-2012, 11:23 PM   رقم المشاركة : 10
mad 4 ever
عضو متألق






 

الحالة
mad 4 ever غير متواجد حالياً

 
mad 4 ever عضوية ستكون لها صيت عما قريب

شكراً: 8
تم شكره 157 مرة في 63 مشاركة

 
افتراضي رد: أهم 20 نصيحة لطلاب الثانوية العامة قبل سنة أولى جامعة


المشاركة الأصلية كتبت بواسطة عاشقه ناروتو مشاهدة المشاركة

خخخخخخخخخخخ
انا...؟؟؟
انا اوب ثالث
انا ثاني
>>>يدري من يوم ما شاف كتاب الرياضيات يا انه عذبنيييييي هههههههه

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:36 PM


Powered by vBulletin® Copyright ©2000 - 2024, Jelsoft Enterprises Ltd
جميع الحقوق محفوظة لموقع مونمس / " يمنع منعاً باتا المواضيع السيئة المخالفة للشريعة الإسلامية" التعليقات المنشورة لا تعبر عن رأي المنتدى وإنما رأي الكاتب نفسه
Search Engine Friendly URLs by vBSEO 3.6.0