الالفاظ المنتشره لدى الشباب^^

[آنين الذكريات]

 

أبو كلب

وهادي الكلمة تنقال لما يكون في شي ما يعجبك هههههههههاي يعني زي
لمن يكون جوالك قديم ومعدوم العافيه تقول عليه جوال أبو كلب ولمن
يكون قلمك ما بيكتب زي الأوادم ويقطع تقول قلم
أبو كلب

أشكل

جات فتره انتشرت دي الكلمة بصورة كبيرة وهيا بشكل عام معناها الطناش
فلمن تيجي تبغى تطنش شي تقول أديه اشكل ومأخودة من لعبة البلوت او
الورق للاخوان اللي ما يعرفو معنى البلوت


أطبعوا

ه

هههههههههاي من الألفاظ المضحكة جدا وتنقال لمن شخص ما يسمعك ويسأل
ايش قولت وماتعيد الكلام تاني فتقوله اطبعو بلاهه وربي
بلاهه


إنبراش

نعرف انه لمن بتلعب كوره واحد يدخل عليك معناتها انبرش عليك لكن عند
الشباب صار لها معنى تاني انبراشة صار معناها انه دخله غلط وسط
الكلام يعني انه تكون انته والشلة بتهرجوا في موضوع ويجي واحد يقول
كلام مالو أي علاقة بالموضوع هنا نقول فلان انبرش وهادي تصير
انبراشه
ولا لمن يكون الكل ساكت ويجي واحد يقول كلام ماله داعي زي
نكته بايخه مثلا هنا نقول على الحركة دي انبراشه




جنط

الكل يعرف جنوط السيارات طبعا لكن اليومين دول برضو صار للجنط
معنى تاني ..
يعني لمن واحد يقرفك ويطفشك من كلامو ..
يقولولك الشباب اعطيلو جنط يعني طناش ..

دافور

دافور معناها زمان في الحجاز الفرن ولكن دحين صار معناها البنت او
الولد الشاطر\ة في الدراسة نقول عنه\ا دافور\ه اللي دايمن شغال
عالكتب ولا يسيبها زي ما يسموه المصارية عنة كتب


دعس

: دي الكلمة تنقال للاقدام على الشي وتنفع مرادف لكلمة قدام يعني
لمن مثلا يجي احد يقولك تيجي نروح التحلية ترد عليه وتقول والله دعس
يعني يلا معاك

>>>>ولا هيا شباب نلعب كورة يقولولو ادعس

صاروخ

:

هههههههاي طبعا نعرف الصواريخ لكن هنا معناها شي ثاني معناها
البنت الحلوة فلمن الاولاد يشوفو بنت حلوة يقولو عنها صاروخ

طقطقة

: ودي الكلمة تنقال لمن تبغى تتسلي في واحد يعني تستعبط عليه وهوا
اهبل يكون مسكين على نياته وتلاقي ياما شباب مثلا متجمعين يقولو لو
جا فلان نطقطق عليه ولا تلاقي واحد يجي يقول امس طقطقنا على راس فلان
>>>>وزي كده

كاي

: وهادي هيا ضحكة الشباب الجديدة ويضحكوها وقت التريقة والشماتة و
لا دحين صار الضحك تقول كااااااي بصوت عالي وتمد الألف

>

أرنب .. ركبتي

..

من الكلمات الي تدل اني انا بسمه بكشه قدامي ..

فيعني قلك بيسو انهم محترمين ومايبغو يقولو للقدامهم انو كزاب ..
يقومو يقولولو كده يعني زي واحد قاعد يتكلم ويحكي وكول كلامو بكش
>>>>يقوم واحد يقول للتاني يووواد شوف شوف ارانب

لاتدف

كلمه حلوه وتنقال لمن تكون تتكلم ومتحمس في الهرجه ومتفعل في كلامو
ويأشر بيدو كده ويطلع فيها وينزل .. ولا واحد معصب
وبيهزئ في الكلام

ولا كده واحد يقول يلا بسرعه سوي كده دحين ..
تقوم تقولو لاتدف

نص كوم

حركات النص كوم دي بطلوها ..
تقعد تعملي انك ولد كووول وفي النهايه ايش تبغى ..
عندك شي تبغاه مصلحه تبغاها قول ..
لكن لاتقعد تدحلس عندي وتعمل حركات نص كوم

ههههههههههههاااااااي


ووووتقبلووو تحياااااااااتي

-:مواضيع أخرى تفيدك:-

• حب الشباب | ازالة حب الشباب ، طرق سهله وطبيعيه
• عفواً : هذا حال الشباب !!! _ الشباب والعيد _ لفضيلة الشيخ / صلاح عبد المعبود
• 7 مستحيلاااات عند الشباب
• على الشباب يا حسااافه

التوقيع :

---

التعديل الأخير تم بواسطة همس الروح ; 05-28-2011 الساعة 04:06 PM

[prestige]

ما موجودة هذي الألفاظ عندنا

[just person]

اللي انا اعرفه بس دافور و ابوكلب و نص كوم

مشكوووووووووووووووووووووره على الكلمات الجديده

[Yûû]

ههههههههممممم...هناك شيء من الصواب و الخطئ , على كل حال مشكوووووووووورة =)

[ڝـعـِب المنـاڷ ●]

مشكوووووووووورة nice so much
كلمات موجودة و ملاحظة
""" تم التقييم """

[ĩ₡Є]

thank you for the new words

[آنين الذكريات]

المشاركة الأصلية كتبت بواسطة kingpen ما موجودة هذي الألفاظ عندنا

هههههههه بس هذي اااكثررر الالفااظ منتشرره عندنااا في السعوووديه

وومنووور

[آنين الذكريات]

المشاركة الأصلية كتبت بواسطة heemaa اللي انا اعرفه بس دافور و ابوكلب و نص كوم مشكوووووووووووووووووووووره على الكلمات الجديده

منوووووووووور

هههههههههه ووالحين عررفت بااقي الالفااظ هههههههه

[آنين الذكريات]

المشاركة الأصلية كتبت بواسطة Yûû ههههههههممممم...هناك شيء من الصواب و الخطئ , على كل حال مشكوووووووووورة =)

منووور ررررررررر^^ ووواحتمااال يمكن

[آنين الذكريات]

المشاركة الأصلية كتبت بواسطة الشهم مشكوووووووووورة nice so much كلمات موجودة و ملاحظة """ تم التقييم """

العفووووووووووو ووومنووووووووووور