()()()(*) ماترحموهم..! (*)()()() ارجـوؤو التثبــيت %

[ركــاز]

 

السلام عليكم ورحمة الله وبركاته



فيه ناس في مجتمعنا أصدقاء أو أهل وزملاء طيبين جدا وعلى نياتهم زي مايقولون
بس مساكين هذولي النوعية من الناس اذا كانوا عايشين مع ناس مايقدرون طيبة قلوبهم وصفاء نيتهم
وكثير من الناس يستغل هذولي الناس لمصلحته وبدون مايكون فيه مقابل
أعطيكم أمثله على هذولي الناس

في مكان العمل:
يستغلونه زملاء العمل في أنهم يخلونه ياخذ المناوبات بدالهم وهو المسكين ذوق بزياده وياكلها لحاله
ويصير معروف بين الموظفين ان فلان حبيب وماراح يردك لو طلبته وصير كل واحد يخليه ياخذ مكانه في المناوبه
كمان أول ماينزل راتبه المسكين يجونه الناس المصلحجيين ويابو فلان والله اني محتاج كم ألف عشان أقساط السيارة
طيب هوا المسكين ماعنده بيت ماعنده اولاد لازم يصرف عليهم..؟
ولما يجي وقت الاجازات يجونك المصلحجيين يابو فلان أنا بسافرلي كم يوم وراجع تكفى طلبتك عطني اجازة
وطبعا هو ذوق وحبيب مايرد أحد ويعطيه اجازه ويزيد علية الشغل مسكين ولااجازة ولا سفره ولا بطيخ
والا يجي المدير اللي أعلى منو ويعطيه تهزيئة محترمه

في البيت:
أولاده يستغلونه ومايقدرون وضع أبوهم المادي
البنت:بابا أبي لاب توب جديد
الولد:بابا سويت حادث وسيارتي انعدمت يبيلها تصليح
الزوجه:هذي السنه أبي أسافر لباريس اختي تمدحها بروح ايش ناقصني عنها
يابو فلان ابي خدامه وسواق مره تعبت من شغل البيت وابي اطلع واجي على كيفي
الرجال توه راجع من البيت تعبان وزهقان تستقبله الزوجه المصورن أبو فلان ترا ماطبخت الغدا اليوم ودنا نتغداء برا وطبعا ماتدويه الا أغلى مطعم في الديره

وطبعا هو حبيب وطيب قلب وذوق وماراح يرد أولاده وزوجته وممكن يتسلف عادي ومحد داري عنه حتى كلمة (شكرا) مافيش

مع الأصدقاء:
غير انه البنك حقهم ويتسلفون على كيفهم وبدون مايراعون الرجال
غير:يابو فلان اليوم باخذ سيارتك ابيها ضروري والسيارة ترجع له يامصدومه والا ملعوب فيها لين قالت بس
وطبعا هو طبيب وذوق وماريرد أصحابه

في المدرسة:
هذا لما كان لسا صغير شوفوا وضعة
الطلاب يستغلونه ويخلونه يروح يشتري لهم من المقصف
يحل لهم الواجبات ويكمل دفاترهم
لو صارت مشكله يخلونه هو الغلطان ويتعاقب بدالهم
وطبعا الولد ذوق واخلاق مخليهم على راحتهم




طيب النسخة الأنثوي من هذي النوعية:
أم فلان عطيني فستانك اللي لبسته في الزواج مره محتاجته والفستان يروح ولا يرجع والا انكب عليه قهوه وسلمي عليه
أم فلان أبي سواقك يوصلني وتراها مو أول مره دائما تطلب منها ومين ياكلها هي المسكينه تتأخر على البيت وزوجها يعصب عليها
وطبعا بما انها ذوق وماترد أحد وطيبة قلب يبدون يمدحونها بس طبعا لمصلحتهم
أم فلان تجنن ساعتك من وين أخذتيها
هي لك
أم فلان من وين شريتي شنطتك
مقدمه
أم فلان بلوزتك مره حلوه
ماتغلى عليك
..................الخ
والله مسكينين هذولي الناس طيب مانراعي طيبة قلوبهم..! ونشكرهم عليها
أعتبرهم أكثر ناس مضهدين في المجتمع
وأحسهم ناس مو قاردين يعبرون عن اللي جواهم
عايشين لناس مو لنفسهم
ملاحظة:الناس هذولي موجودين في كل مجتمع وأنا حاولت ألتقط كم صورة لهم شاركوني بصوركم عنهم

التوقيع :

....................
أجـــــآزهـ سعيـــدهـ للكـــل ...

...........................