كيفية عمل اكسسورات(مشترك في مسابقة الاناقة و الجمال)

[قطرات الامل]

 

كيفية عمل اكسسورات(مشترك في مسابقة الاناقة و الجمال)
كيفية عمل اكسسورات(مشترك في مسابقة الاناقة و الجمال)
كيفية عمل اكسسورات(مشترك في مسابقة الاناقة و الجمال)

كيفكم يا بنات؟؟؟؟
اخباركن؟؟؟
ان شاء الله بخير
هذا هو الموضوع المشترك في المسابقة
ان شاء الله يعجبكم

الأول طريقة عمل الشكل الجميل ده

..
..





الأول دي الحاجات اللي هنحتاجها
..




سلك نحاس

حلقتين صغيرين زي اللي في الصورة

خرز اسود متوسط الحجم
خرز (خرج نجف طويل) لونه دهبي أو بيج
للقفل نجيب الحلقة والعمود الصغير اللي بيدخل فيها

ست خرزات شبه الخرز الاسود بس دهبي

قطعتين النحاس اللي بيمسكوا الخرز والسلك

وفي الآخر حاجة صغيرة كده زي بنسة اسمها زَرَّادية مع شدة على الراء

دي شبه البنسة الكبيرة دي بتاعت النجارة تقريبا بس على صغنوووون

أهيه

..



الحاجات دي بقى منين؟؟

من عند أي محل خردوات أو أدوات الخياطة وبتوع الخرز

هما غالبا بيكونوا في مكان واحد جنب بعض بيبيعوا الحاجات دي يعني

وحتى لو عارفين حد فيهم ممكن لو مش عنده تسألوه ألاقي كذا فين وهو يقولكوا


نيجي للطريقة بقى

أول حاجة هنجيب واحدة من قطع النحاس مع السلك وتلات خرزات دهبي

ونربطهم بالشكل ده

أهم حاجة ماننساش في النص لازم يكونوا سلكين

..






ونبدأ نوزع الخرز الاسود مع خرج النجف على الجنبين بالشكل ده ونقفلهم في الآخر



..

نبدأ بقى بالجزء اللي في النص

وركزوا فيه
هناخد الأول خرزة سودا نحطها في السلكين

بعدها في كل واحد فيهم نحط واحدة خرج نجف عشان يعمل الشكل ده
..




بعدها نلف السلك حولين الجنبين ونضمهم في النص تاني

وممكن لو عرفنا بدل ما نلفه ندخله في الخرز الاسود على الجنبين

أهم حاجة ناخد بالنا من طول السلك يكون طويل شوية لو حبينا نقصره نقصه عادي

بدل مانعمل ومايكفيش في الآخر


..



بعد لف السلك نضمه للنص ونحط خرزتين دهبي خَرج نجف ونضم السلك بخرزة سودا

وتاني نفتحه باتنين خرج نجف ونلفه وهكذا بقى

في الآخر بتوصل بالشكل الجميل اللي شفناه ده بعد مانوصل القفل من الجهتين


..





دلوقتي هنعمل ان شاء الله مع بعض حلق ظريف بالخرز الأحمر

وده شكله



..





وبرضه هنستخدم الزرادية اللي قلتلكوا عليها قبل كده

عشان نقدر نتني السلوك بتاعتنا بالشكل المظلوب زي ما هتشوفوا معايا

بعد كده الحاجات اللي هنستخدمها كالتالي


..



سلسلتين بالحجم اللي شايفينه في الصورة
نجيبهم من عدن بتوع الخردوات وأدوات التطريز

أو ممكن نعملهم بإيدينا بالسلك

خرز أحمر اتنين كبار و 12 حجم أصغر

سلوك على شكل دبابيس بس هي مش مدببة من تحت عادية مش بتشوك

هنجيب منهم 14 واحد

ونجيب سلكين أو قطعتين المعدن بتوع الحلق برضه ممكن نلاقيهم جاهزين أو احنا نعملهم بإيدينا


الأول هشرحلكوا طبعا على فردة واحدة من الحلق واعملوا التانية زيها

هنجيب واحدة من السلسلتين

ونيجي عليها من نصها بحيث يبقى جزء أقصر من التاني
وندخل قطعة المعدن بتاعت الحلق في حلقة صغيرة فيها
بالشكل ده




بعدها نجيب الدبابيس (الغير مدببة)

ونحطها في الخرز زي مانتوا شايفين كده وبعدين من الناحية التانية نتنيها

ونخليها على شكل حلقة

وطبعا لو طلعت طولة شوية نقصها بالزرادية

..



بعد كده هنحط الخرزة الكبيرة في السلسلة في الجزء الأطول


وبعدها نبدأ نوزع باقي الخرز الصغير زي ماحنا شايفين كده

طبعا الحلقة بتاعت الخرزة كانت مفتوحة شوية بعد مانركب الخرز في السلسلة

نبدأ نقفل الحلقات دي كويس بالزرادية

..


وكده نكون عملنا حلق شكله جميل وكمان بإيدينا

-:مواضيع أخرى تفيدك:-

• مشاعر الندم-موضوع مشارك في مسابقة الاناقة والجمال
• تصميمي 3 مشترك في مسابقة رمضانية
• مسابقة الاناقه و الجمال
• تصميمي الرمضاني>>مشترك في مسابقة رمضانيه

التوقيع :

[وردة الصفية]

السلام عليكم
كيفك يا عسولة ان شاء الله بخير
وااو مرة روعة جدا رائعة
يتوفيق لكي في المسابقة

[شذى الحور]

وعليكم السلام ورحمة الله وبركاته ..
يا هلاآ فيك اختي قطرات الامل ..
كيف حالك عساآك بخير ان شاء الله ..

...
موضوع راآئع .. وطرق جميلة ايضا
بوركتي يا الغآالية اتمنالك التوفيق وكل البنوتات المشاركات
في المسابقة ..
ودي لكي ..

[همسات مسلمة]

وعليكم السلام ورحمة الله وبركاته
ما شاء الله عليكى قطرات الأمل طرق سهلة جداً
وأكثر ما يميزها أننا نستطيع اختيار الألوان التى تناسبنا
وفقكى الله دائماً .