مدونتي طاال عمرك $$ للهذره والحش

[" جآلكسي "]

بقولكم هوايه من هواياتي وهي اني اروح للسوبر ماركت لكن مو عشان اشتري عشان اصدم الناس بالعربيه واسوي حالي ما شفتهم واذا كان الانسان اللي صدمته ضخم اقول اوه اسفه ما شفتك ولو كان صغنون اطنشه وادور غيره اصقعه
ومره لما كنت بصف اول متوسط لقيت بنت طولي قلت والله لا اصدمها جيت من وراها وصقعتها بالعربيه بشويش ما حست وصقعتها مره ثانيه بقوه لفت وقالت هييه ما تشوفين قلت لا عميا ومشيت ادور احد اصدمه شوي واحس احد صدمني بقوه لفيت لقيتها قلت وجع قالت يوجعك ورحت صدمتها وهي تصدمني وقمنا نصدم بعض بقوه وبعدين جا السكيوروتي حق السوبر ماركت واخذ منا العربيات ومدري وش قعد يهذر قلت للبنت شفتي كيف اخذ عربيتي كله بسبتكي قالت اقول اسكتي بس وطنشتها ورحت لاهلي شوي تقولي بنت بنت قلت نعم وش تبين؟؟ قالت وش اسمك ؟قلت جوري وانتي ؟ قالت لي اسمها قالت عندك ايميل ؟ قلت وش رايك ؟ قالت عطيني ياه عطيتها ياه وعطتني ايميلها وصرنا نكلم بعض وطلعت قدي لما سألتها بالمسن والى الان واحنا صديقات يارب اقابلها بسوبر ماركت مره ثانيه

والحين صاروا اهلي ما يخلوني اروح معهم السوبر ماركت او اروح واخوي يمشي معاي وما يعطوني عربيه اففف خربوا هوايتي بدور لي غيرها ان شاء الله