بنت ناعمة ---- وبنت دفشة

**تالين توتو** · #1 06-18-2011, 11:41 AM

بسم الله الرحمن الرحيم

الناعمة:
طبعا هذة البنت وهى نايمة فى غرفتها الدبدوب والارنوب كلهم فى احضانها واذا قامت من النوم ما تقوم الا الساعة وحدة الظهر واللى تقعدها من النوم الشغالة وطبعا تكلمها بالانجليزى بترجم لكم شنو قالت لها الخدامة .. تقول قومى ما ما وقت واجد تأخير .. والناعمة اول ما تصحى من النوم تفتح الستارة والشباك علشان الغرفة تتنفس وشغلت موسيقى رومانسية علشان يكون الجو رايق وتاخذ حمام محترم وبعد ما تطلع من الحمام على المراية تحط من هالكريمات والصبغ .. لازم تحافظ على البشرة .. خلصت من المراية وتتجة الان الى الاستشوار وبعدين تلبس البنطلون الجنز والبلوزة .. وتنزل تاكل الفطور اللى يكون عبارة عن دونت وعصير برتقال

البنت الدفشة:::
تقوم الساعة 8 الصبح وهى ما ودها تقوم وتدخل امها عليها بالغرفة وتصرخ عليها قومى شبعتى نوم ترد الدفشة على امها .. زين زين الحين بقعد وتقعد تأفففففففف ويطلع من فمها نار .. بالاضافة الى انها وهى نايمة كل دقيقة تطيح من على السرير .. وبعدين يدخل اخوها الصغير ويصرخ وجع يالله كفاية نوم .. ترد علية : اطلع من الغرفة والا ارميك من الشباك الحين .. المهم اخوها اللى اكبر منها يروح لها الغرفة يرفسها وبعد تلك الرفسة العنيفة تصحى من النوم

البنت الناعمة::::::

ما تتغدا الا الساعة 4 ولا 5 ولا تتغدى الا على عيش ابيض مسلوق وسلطة تحافظ على رشاقتها

البنت الدفشة:::::::

تتغدا الساعة 12 بالضبط ولا تغدا الا كبسة ولحم او دجاج واذ خلصت تشرب البيبسى شربة واحدة يعنى ما فى مجال انها تتنفس .. وما تسمع الا اصوات مخفية

البنت الناعمة :::::::ك

طلعتها تكون من بعد صلاة المغرب ما تطلع العصر تحافظ على البشرة من ضوء الشمس

البنت الدفشة ::::::::

تطلع الساعة 2 القايلة تروح مشى لبيت خوالها لحد ما تنقلب سمرة

البنت الناعمة

تروح ستار بكس او اى كافية وقبل لا تطلع تمر على الصالون تحط هذاك الميك الاب

البنت الدفشة ::::::

تحط كحل يملا العين والروج تقول ما كلة انسان واذا بتروح تروح السوق ولا سوق الحراج

البنت الناعمة ::::

اذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها

البنت الدفشة ::::

ها ها ها ها .. والحاره الثانية تسمعها

البنت الناعمة :::

اذا تحب تسمع اغانى ما تسمع عربى ما تسمع الا ريكى مارتن طبعا لانة حلو وممثلها المفضل توم كروز لوسامتة وميل جبسون وجيم كارى لخفة دمهم
البنت الدفشة ::::

ممثلها المفضل بو هلال وعبدالناصر درويش ومطربها المفضل خالد الملا ومزعل فرحان

البنت الناعمة ::

لما تتفرج على التلفزيون تقعد على الكرسى وتحط رجل على رجل وتبتسم لان الابتسامة تضفى بشاشة على الوجة
البنت الدفشة ::

تنسدح على الارض وتحط رأسها على المخدة وتمد رجلها وتحطها على التلفزيون واذا تبى تغير القناة دقت التلفزيون باصبع رجلها وغيرت القناة

البنت الناعمة ::::

اذا تبى تحلم احلام اليقضة طلعت فى حديقة بيتهم وقعدت على الكرسى هزاز وقام الكرسى يروح ويرجع
البنت الدفشة ::::

تروح بالحوش وتمد السجادة اللى فيها خمسة وثلاثين لون احمر واسود وابيض وجابت كاسة ستة متر متروسة شاى

البنت الناعمة ::::::

فى نهاية هالموضوع تقولكم تشاو .. او سى يو .. او بباى

اما الدفشة ::::
فى نهاية الموضوع تقولكم .. حياكم الله.. تأمرون على شىء

في حفظ الرحمن
منقول

-:مواضيع أخرى تفيدك:-

~ تعبت من الذنوب! .. ايدك يلا نتوب ~
اكسسوارات ناعمة
يوميات بنت دلوعه وبنت عربجيه.....لا يفوتكم
اجعلي بشرتك بيضااااء ناعمة وبطريقة سهلة

التوقيع :

رحمك الله يآسلطان الخير

**هكروك ياقلبي** · 06-18-2011, 03:06 PM

ههههههههههههه
موضوع روعة
مشكورة ياغاليى عليه
في انتضار باقي جديدك المميز

**تالين توتو** · 06-19-2011, 02:55 PM

تسلميييين يالغاليه....
يسعدني مرووورك...
منوووووره,,**,,

**الفتى المبدع** · 06-19-2011, 03:48 PM

ههههههه موضوع راااائع يستحق تقيم 5 نجوم + تقيم شخصي

تسلمي الا الامام خيتي &

اتمنى اشوف مواضيع رائعة مثل هذي

ケラ · 06-19-2011, 04:21 PM

هههههههههههههههههههاي..-^^

حلووه..^^

بس فيه مبالغا شوي..^^"

سي يا..<<مسويه ناعمه ،،*.*

**تالين توتو** · 06-19-2011, 07:38 PM

يسعدني مروووركم...
منورييييييييييين,,**,,

**لمسة شقاوة** · 06-19-2011, 10:21 PM

هههههههههههههههههههههه يا ربي قسم في اشياء كثيرة فيني ومن اهمها

بالاضافة الى انها وهى نايمة كل دقيقة تطيح من على السرير .. وبعدين يدخل اخوها الصغير ويصرخ وجع يالله كفاية نوم .. ترد علية : اطلع من الغرفة والا ارميك من الشباك الحين .. المهم اخوها اللى اكبر منها يروح لها الغرفة يرفسها وبعد تلك الرفسة العنيفة تصحى من النوم
__________
تشرب البيبسى شربة واحدة يعنى ما فى مجال انها تتنفس .. وما تسمع الا اصوات مخفية
______________
ممثلها المفضل عبدالناصر درويش
_______________

تنسدح على الارض وتحط رأسها على المخدة وتمد رجلها وتحطها على التلفزيون واذا تبى تغير القناة دقت التلفزيون باصبع رجلها وغيرت القناة
___________

مشكورة عالموضوع الرووووووووعة
تقبلي مروري الدفش
تامرون على شي ><