موضوع خاص بالشباب.. بيخفف معاناتهم.. بنات لا تدخلون عن اللقافة !!

M Ĵ Ń Ő Ń Ķ · #1 12-10-2010, 12:21 AM

موضوع خاص بالشباب.. بيخفف معاناتهم.. بنات لا تدخلون عن اللقافة !!

السلام عليكم

اولا " اتشرف اني اوول واحد ينزل موضووع في المنتدى الجديد

اخواني الاعزاء
الموضوع لشباب فقط يعني يا بنات عن اللقافة مفهوم يلا طلعوا

المهم بسألكم كذا سؤال واذا كان جوابك نعم فانت فعلا تعاني مشكلة وانا واعوذ بالله من كلمة انا راح اعطيكم الحل للمشكلة اللي لاحظتها عند الناس المقربين لي
اخي العزيز لو كنت مسافر وقررت ترجع بهدية ((صوغة ))للوالدة ولا اختك او زوجتك او صار يوم ميلاد وحدة منهم او صارت مناسبة وحبيت تهديهم أي شي

هل تصاب بالحيرة؟
هل تقضي وقت طويل تدور بالمحلات دون نتيجة ترضيك؟
وعقب ما تشتري الهدية شكثر تسأل متشكك بقرارك ماذا لو اخذت غيرها؟
لو يبت الهدية وما عجبتها شكثر تظل مكسور الخاطرك؟
او تسألت ليش هي ما رضت فيها؟ ولا توصفها بناكرة الجميل!!!

اذا تصادفك هالمشكلة تابع الموضوع وانتبه لة عدل وانشاء الله تستفيد
أولا
اشياء لازم تعرفها او تلاحضها قبل لا تفكر تشتري أي شي ملاحظة هذي لازم تكون ملاحظها بهدية ولا من غير هدية

1- تاريخ الميلاد – العمر لان الهدية اللي تشتريها حق ام 15 غير عن 21
2- اللون المفضل
3- القياسات صح ان يبت لها شي ضيج بتحرجها وان يب لها وسيع بتعور قلبها بتقول عنك عمي شدعوة شايفني هالكثر من صج لا تسونها لانها ابدا مو من مصلحتكم
3- شنو الاشياء اللي تعلق فيها وتحب تجمعها وهذا شي لازم وجودة عند كل البنات
فمثلا في بنات يحبون يمعون مواعين شغلات للمطبخ وحدة تحب تيمع قلاسات غريبة كاسات او اكواب ثانية تحب الاكسسوارات وحدة تحب الميداليات واحدة تحب تجمع بطولة ماي غريبة ثانية تحب تجمع الالعاب المحشوة الدبوب والبطوط وحدة تحب تيمع دلاقات هذا بالكويتي اسمهم اما اسمهم بلهجة ثانية ماعرف وحدة تحب
لازم كل بنت لها شي تحب تجمعة ولو مالاحظتة اسئل ترا السؤال مو حرام
4- الهواية هذي بتعطيك قدرة انك تحدد تقول هذا ينفعها بس بالشعور
5 الافلام اللي تحبها او شنو تحب تشوف بالتلفزيون وهذا موضوع انتبهوا له عشان كل نوع يعطيكم لمحة عن افضل هدية
مستعدين يلا نبتدي
اللي تحب الافلام الهندية
تحب الاشياء الاورينتال الشرقية يعني اكسسوارات الهنود اللوان دافية صارخة يعني لازم الهدية تكون حركات
اللي تحب الافلام الرومانسية
تحب الاشياء الهادية الناعمة اللوان الدايخة اخضر فاتح وردي فاتح ويازين الاحمر على قلوبهم الورود

عندهم احلى شي يهتمون بالغلاف اكثر من نوعية الهدية او ان بالنسبة لهم الغلاف جزء من الهدية
اللي تحب الافلام المصرية والمسلسلات المصرية
هدايها لازم تكون تقليدية مو شي غريب او يديد او غير متعارف علية معها لا توهق عمرك واخذ الالوان المحددة يعني ما تخذ لون غريب او جديد
اللي تحب افلام الرعب والاكشن
الهدية لازم تكون عملية بلمحة رومانسية يعني ما تهديها براويز او علب او اشياء منظر بدون هدف

وطبعا أي بنت تحب الكلام الحلو وهذي تعطيك لمحة عن الكرت اللي تكتبة
ثانيا
نصائح لكتابة الكروت
1- اخيار عبارات مألوفة بينك وبينها يعني لقب تطلقة عليها بس ملاحظة لو كانت اختك تناديها بأم لسان ولا ام كشة وتحط هاللقب بالكرت الا ام لسان يعني مسوي فيها فاهم وحساس
2- لا تحاول تستخف دمك وانت تكتب الكرت كلام محدد فقط من.... إلى.......
مع جملة بسيطة

من الجمل اللي تساعدك وتنحط بالكرت
أولا: مقطع من اغنيتها المفضلة بس انتبة لوكانت تحب اغنية بس احبك
تحطلها
بس احبك دربن امشية و ادري بة تعب
حط اغنية من عندك ولا تسمعون سعد الصغير لا حمار ولا حنطوووور بليز
ثانيا: جملة شفتها وتذكرتج
شميت هالعطر وخطرتي على بالي
بس انتبة لاتكون الهدية جوتي ((حذاء)) وتكتب بالكرت شفتها وتذكرتج
تذكر شي حلو سوتة لك لو طبخة
واكتب اتمنى تعجبج هالهدية مثل ما عجبتني طبختج
على ان هالجملة بتضحكم يا شباب بس وقعها على البنت غير بتقول ما ينسى حتى الاشياء البسيطة اللي سويتها وبتكبر بعينها
ثالثا
بوق كلام حلو
وهذي جملة من احلى ما يكون
غلاف الهدية اللون اللي تحبينة
داخلها شي اتوقع انج بتحبينة
عشان انسانه احبها
خليكم يا شباب خلاقين ومبدعين صدقوني عصروا مخوخكم وبتلاقون كلام زي العسل

ثالثا
اخظاء وايد يسونها الشباب
ان قدمت تعطيها احد يوصلها مثلا تعطي لامك وتقول هذولي لخواتي.
وعاد الوالدة تمون على اختك ولا خالتك بتوصلها الهدية بكيس جمعية و لا كل وحدة وفناتقهاز
هذا جدا غلط
لا انت تروح لي عندهم وسلمهم الهديا او اذا تعيزت خلهم هم يجونك وحدة وحدة عشان يحسون انهم سبيشل
او خالتك او عمتك الهدية لازم تكون مباشرة منك لسيدة الغالية على قلبك

دائما يشترون نفس الشي للكل بس يعني طالعين فيها طلعة كل وحدة لون
. اذا كانت هدوم خليتهم جنهم لابسين يوني فورم وان كانت ساعة تقول ابد موزعينها بلاش وان كان عذرك انك بتساوي بينهم ومحد يغار من احد هذا مو عذر ان اهديت كل وحدة هدية مناسبة محد بيعار من احد
فرضا ان شريت ساعات كل وحدة ماركة وكل وحدة اللي يناسبها
وان وحدة غارت وقالت شمعنى قول انا حسيت انها مناسبة لج ولا ما عجبج ذوقي صدقني بنطم وتبلع لسانها

تكرار نوعية الهديا
كاااااااااااااااااااااااااااااااااااافي عطور غيروا عن العطر بالسوق في اشياء غير العطور.
او اذا انت متعود تشتري عطر لا تخرب عاداتك عطر وشي ثاني
يعني من صج سؤال محيرني كل صوغات الاخوان والاباء عطوور ليش ما ادري

تكرار الهدية نفسها
ياما تصير انك جبت نفس العطر مرتين ولا جبت هدية عندها نفسها من قبل
حاول تذكر شنو تملك.

واخيرا

اتمى تكونون استفدتوا من الموضوع
وماكون طولت عليكم
ودمتم بخير

-:مواضيع أخرى تفيدك:-

اتحــداكم انكم تدخلون عليه من دون ماتــزهقون منه ^^

**PRINCE LIVE** · 12-10-2010, 05:02 PM

موضوعك وطرحك رااائعة و مميزة ومفيدة ..
تسلم يا بطل ..
الله يعطيك ألف عافية ..
وتستاهل التقيم وخمسة نجوم
وبارك الله في مجهودك ..
وأتمنى التفاعل الأكثر والأفضل ..
وتحياتي لك