مرة كان ياسمين معها بلونة بتلعب بيها ..
فقلت لها : هاسألك سؤال .. لو انت أجبتي عليه يبقى انت ذكية .. ولو انت ما أجبتيش عليه يبقى انت غبية .. ماشي ؟
قالت لي : ماشي
فقلت لها : انت اسمك ايه يا ياسمين ؟!
فقالت لي : اسمي ياسمين
فقلت لها : ايه ده !!!! ده انت ذكية اوي يا بنتي .. ما شاء الله عليكي .. هاسألك سؤال تاني , أخوكي محمد اسمه ايه ؟!
فقالت لي وهي فرحانه : اسمه محمد
فقلت لها : اللهم صل عالنبي .. ايه ده يا بنتي .. ده انت مفيش حد شكلك .. اللهم لا حسد
طيب انا هاتفق معاكي اتفاق دلوقتي .. انا هاسألك سؤال تالت .. لو انت ما أجبتيش عنه , انا هاخد البلونة ..
ولو أنت أجبتي عنه هاتفضل البلونة معاكي .. موافقة ؟!
فقالت لي : موافقة
فقلت لها : 2 كيلو حديد أثقل أم 2 كيلو طماطم ؟
فقالت لي : 2 كيلو حديد أتقل
فقلت لها : " غلط .. هاتي البلونة " فأعطتني البلونة , فقلت لها : البلونة دي بقت بتاعتي دلوقتي
فقالت لي : طيب اسألني كمان سؤال
فقلت لها : ماشي هاسألك كمان سؤال .. وده آخر سؤال هاسأله لك .. ماشي ؟ فقالت لي : ماشي
فقلت لها : ايه هو الاطول .. اللي فوق واللي اللي تحت ؟!
فقالت لي : اللي فوق هو الاطول
فقلت لها : غلط .. اللي تحت هو الاطول وروحي اسألي اي احد لو انت مش مصدقاني .. انا هاخد البلونة دلوقتي ومش هاسألك تاني
فقالت لي : هاااه .. ازاي اللي تحت هو الاطول ؟!!!
فقلت لها : روحي اسألي لو انت مش مصدقاني
فقالت لي : انت بتسألني اسألة صعبة انا مش عرفاها .. اسألني سؤال سهل
فقلت لها : بصي .. دي آخر مرة هاسألك فيها وما عنتش هاسألك تاني وبعدها هاخد البلونة ..
قالت لي : ماشي لكن اسألني سؤال سهل
فقلت لها : ده آخر سؤال .. الحرف قبل الاخير في اسمك فيه كم نقطة ؟!
فقالت لي بعد تفكير : فيه 3 نقط
فقلت لها : غلط .. فيه نقطتين .. وانا هاخد البلونة
فظلت تبكي وتقول لي : هات البلونة < هههههه
فقلت لها : بلونة ايه ؟!! دي بتاعتي .. مش انا اتفقت معاكي ؟!!
قالت انت : انت اتفقت معايا لكن انا عايزاها
فقلت لها : عايزاها ازاي ! انت بتكدبي يا ياسمين ؟
مش انت قلتليلي لو انت أجبتي غلط انا هاخد البلونة ؟ بتكدبي ليه دلوقتي وبتخلفي في وعدك ؟!
وفي النهاية أخذت البلونة ههههه .. انها ديكتاتورية الاطفال عندما يصرخون ويبكون .. تبا لهم ><