وعليكم السلام ورحمة الله وبركاته
يا اهلا وسهلا بك اختي اسورة
ماشاء الله موضوع قمة في الروعة
ومن زمان عن هالمواضيع النقاشية الجميلة
ي
ااه بجد ذكريات الطفولة ..كانت بريئة ولطيفة كثير
يوم كنت اشوف طيارة كنت اغني للطيارة والاغنية كمان ياحليلها بسييطة بس مدري من فين جات
وانا عن نفسي للان كل ماشفت طيارة اقول وااه طيارة <<اتذكر ايام زمان واضحك خخخ
اما سالفة رابع ابتدائي دي مين ماكان يتمناها ..بجد كنت استنى بس عشان يسمحوا لي اكتب بالقلم
حتى اني اذكر اني جبت قلم قبل رابع وقالوا لي ممنوع هئ هئ <<احزن
فعلا احسك مسكتي الوتر الحساس
الطيبيبن ...ااااه
نااادر ماتجدي هؤلاء الاشخاص وصعب جدا ان تجديهم
ولو وجدتي مثلهم فتمسكي بهم فهم قلة
اعتقد حتى لو في من هالنوع ماراح يكونوا زي زمان
راح يكونوا على قدهم ..يعني حسب ما يناسب الناس
عشان كدا كمان ممكن ما تلاحظيهم حتى لو كانوا موجودين اساسا
يعني زي طيبيبن اول ماافي
هذا اعتقادي
اما بالنسبة للسؤالك الثاني
برضو لا ...مازال موجود
القيم والمفاهيم القديمة الجميلة ماعاد لها وجود الا قليل
وهذا واضح من اطفال هالزمن
بجد ايام زمان كانت جميلة رغم البساطة
ماكان في تطور لهالدرجة ..ما اقول ماكان في شيء
لكن كان قليل لكنها كانت ممتعة بجد
يالها من ذكريات ويالها من ايام
مشكوووورة اسورة على طرحك للموضوع
صراحة في كلام كثير بس خلينا ساكتين ..طولت عليك اكيد خخخ
وطبعا ما انسى اشكر الاخت شذى على فواصلها الجميلة ^^
تشكرات كثيرات لكم
بارك الله فيكم
~في أمان الله~