ياهلا والله فيكم ياحلوين نورتو مدونتي كتييييير..~

ومن زماااااااااان عنكم...~^^

طبعا اليوم كنت متضايقة ومعصبة والعفاريت بتنطنط قدامي....

اليوم في الكلية بعد ماخلصنا المحاضرة الاولى قالوا هيا يابنات في عملي عليكم>>>على كيفهم احنا

المهم نزلنا زي المختبرات وطبعا كل طاولة فيها بنتين المهم شوية كدة انا اطالع لقيت قدامي صندوق زجاج

وفي حاجة غريبة المهم في الاول مادققت وقلت وانا اشلي شوية جات الهانم الدكتورة وقالت يلا ابدأو

طبعا انا ولا فاهمة شي والبنات كلنا قاعدين ندردش قامت رجعت وقالت ماسمعتم

ابدأو شرحوا.....

وماشاءالله الكل بدأ وانا والله متنحة اطالع فيها واقولها ايش اسوي تقولي يلا شرحي قدامك الضفضدع

قلت ماشاءالله كمااااااااااااااان ضفضدع قلتلها انتي مرااااا طيبة ماراح اسوي شي

طبعا الدكتورة قالت بكيفك بس 20 درجة انسيهاااا طبعا في قلبي قلت والله ماهمني المهم بطالع في

صحبتي جنبي وبقولها بالله كيف نشرح لقيتها ماشاءالله بتقطع وبدأت من جد الموقف نفسة حسيت الصرخة

كتمتها في نفسي ووحدة ياحرام تقول دكتورة طيب الضفضدع حي ولا ميت ههههههههههههههه

شي فظيع اعووووذ بالله وانا ماخرجت نفسي الا قولتلها انا مضطرة اخرج اعطيني اذن للخروج

وهي تطالع فيا عااارفة ابغى اشرد قامت قالت وعملك قلتلها الضفضدع ماراح يطير

وبعدين عيوني كانت مدمعة ولاحظت وسبحان الله اعطتني الاذن وخرجت والدنيا تدووور فيـــا

الشي الي كنت خايفة منة جاء كل مرا الدراسة بتصعب اكتر واكتر واكتر ><

ادعولي الله يسعدكم نفسي اشرد واسافر القمر ومااشوووووف احد ابدا

اعذروني ياحلوين شوية فضفضة..^^

~ْ~ْ~~ْ~ْ~ْ~ْ~