كان عندك هم لا ترفع تقول **** يا اله الكون همي كم كبر
قل يا همي ترى مهما تصول **** عندنا رب كبير يا بشر
كل هالدنيا ترا مثل الفصول ****** ضيقتين وفرحتين وكم كدر
القهر لو طال في يوم يزول ***** كن ما جانا بدنيتنا قهر
والبكاء قصة بدايتها هطول *** والخدود ارض ودمعاتك مطر
الزهر لو عاش من دمعه بتول **** كان في خدي من الدمعه زهر
والسهر ما اتعبه ليل يطول *** لو يطول الليل ما ذل السهر
المهم اسمع كلام اللي يقول ***** بيت شعر ناحتينه بالحجر
لو يجيك الهم لا ترفع تقول**** يا اله الكون همي كم كبر