قلبك تغير
عمري أبدً في دنيتي تصوت
ان الوفاء ما عاد له اي قيمه
ي اللي نسيت الحب مدري تنكرت
ترى الجفا فالحب مثل الجريمه
قلبك تغير وانت مثله تغيرت
ذبحت فرحه في يحاتي يتيمه
مادامك اصلآ فالعلاقه تكبرت
ي صاحبي نيتك ماهي سليمه
ي ما نصحتك ي حبيبي وحذرت
الكبر دايم له عواقب وخيمه
تطعن وانا صابر ولا قد تذمرت
لي نفس في بعض المواقف حليمه
معقوله يعني ما طرالك وفكرت
اني حسبت حساب عشره قديمه
تدري من اللي بسببهم تدهورت؟؟
اهل الحسد والكذب واهل النميمه
صدقتهم ف كذبتهم ما تذكرت!!
مواقفي والتضحيات العظيمه
على الاقل لو جيت مني وتعذرت
يمكني اغفر زلتك والظليمه
من نفعك ي صاحبي لو تهورت
ما اظن عندك للمواجهه عزيمه
وقت مضى ولامن طراك تكدرت
باسباب ذكرى فالمواجع أليمه
غلبتني وانا ترى ما تعثرت
مافاز من لا ذاق طعم الهزيمه
وان كانها بالصد لا ما تحسرت
ترى الجفا في الحب ما هو غنميه