بما اني بتكلم عن الحرم سبحان الله كنت دائماً اصلي صلاة العيد في البيت

بس اول العيد حظي ورحت صليت مع اهلي ومراااااااااااا كان زحمة شئ مو طبيعي

فاانحكشت جنب وحدة واختي في مكان وحريم اخواني في مكان وامي يعني اتفرقنا مع الزحمة

المهم الحمدلله صلينا وبعدين لقيت اختي قدامي فسرت اناديها والحرمة جنبي بس تطالع فيا

ههههههه عشان اختي اسمها هوازن فقاعدة اناديها هوازن هوازن فالحرمة طلتها والله تخوف قالتلي

وش اسمها قلتلها هوازن قالت دحين اهلك مالقوا غير هالاسم يسمونها

الصراحة فاجأتني جرئتها المهم مارديت عليها فقامت سمعتني اختي وجاتني قامت الحرمة قالتلها

انتي اسمك هوازن هههههههههه قامت اختي قالتلها ايوا قامت الحرمة قالت اسم فاشل وتافة

هههههههههه انا والله ماصدقت الي قالتة واختي عصبت عاد جاتها الجنونة وقالت وان شاءالله مين انتي

وايش دخلك فيا ومين أخد رأيك اصلاً قامت الحرمة قالت اخرسي مو طبعا بنت تافهه زي اسمك المقرف

وانا واقفة وميتة على نفسي من الضخك واختي تقولي اشبك انتي ولي تقوليلها اسمي وايش دخلها

والحرمة نطت انا سمعتة منها واختي تقولها انتي ايش دخلك ياملقوفة

وانا سرت اقولها ياخالة الله يهديك مايحتاج ترآ اسمها هوازن مو ام جلمبو او شاكوش

قالت اخرسي انتي شكلك انتي كمان اسمك ثقيف هههههههههه

وربي بس فاطسة من الضحك واختي بس تغلي وتقول ياربي ايش المصايب دي

ومسكتني وجرتني والحرمة سارت تتريق على اسمها هوازن هوزة موزة هههههههههه

قامت اختي سابتني وراحتلها وقالتلها عارفة وربي لو منتي حرمة كبيرة كنت وريتك شئ عمرك ماشفتية

قامت الحرمة قالت وايش توريني النجوم في الضهر وانا اقول ياناس ترآ الدنيا عيد مايسير كدة

ونازلين الاثنين مضاربات وانا اقول ياريت انقطع لساني وادور على امي على احد مني لقيتهم

وبعدين مسكت اختي وقلتلها خلااااااااااص ماعليكِ منها قامت الحرمة قامت وراحت من نفسها

رجعنا البيت والكل جانا يفطروا عندنا واختي بوزها شبرين هههههههههه

وسرت احكيهم الي سار ومرت اخويا تقول ياريتني كنت في قمت قلتلها الحمدلله انك منتي في ههههههه

بس والله موقف ماانساة ابدا ابدا

وبعدين سرت افكر الحرمة هيا ملقوفة تعبانة فيها شئ مني عارفة بس ماكرهتها والله ولا اضايقت

بالعكس ضحكت ضحك مو طيب والصراحة ياريت اشوفها تاني كي كي كي كي

فالحياة بتسير فيها اشياء واشياء.....

شوية فضفضة..^^