كيني

شكراً: 3,420

تم شكره 1,578 مرة في 831 مشاركة

سلامات
~~~~~~~
هاي شكد كاتبه!!!خخخخخ....
~~~~~~~~~~~~~~~~~
ااااخ....ااتكسرت اليوم....هههههههااااي...
اليوم عشت احساس خنفشاااري...
طعم العيد العراقي...وووواااوو..حتى لو مااكتبه بالمذكره ماراح انسااه اكيد^ ^...كولووا خمسة وخميسة....

اليوم جلت بغداد مرورا بشارع المطار وحي الاعلام والتراث والعامل...شفت شوارع بغداد الحلوة
والطريق.....ووواااه...لا تسألون...شكد حلو تكول امفرغين الشوارع النا لاسيطرة لا ازدحام...^ ^..والاروع...راكب بتكسي..لااا مو اي تكسي..ياناس سااايبة..شايفين شمحلاها..لما تكونون اربعة كاعدين ليوره...تكدرون تتخيلوون الراحة...^ ^..والي يزيدك راحة...خخخ..واحد من الاربعة الي كاعدين بصفك يعني من كثر مامرتاح يلزمه دمااار(تشنج) ويظل يلوب طول الطريق تكوول راح يموت..
خخخ..اجيت اشغل موسيقى بموبايلي واحط السماعات بأذني بس ياحسرة طلعت ناسية السماعات...^ ^
والطريق ماشاء الله...هيج وصلنا بلمح البصر...هومسافة نص ساعة..بس احنا استغرقنا بس ساعتين!!تتخيلوون!!ماحسيت بالوكت جنت مستمتعة...شكد حلوو ابو التكسي هيج مرتاحة اعصابه..يمشي بسرعه..شايفين من نصعد الجسر شكد حلوو...ومن ننزل ...ووووووي..تخيلت روحي بزحليكة..^ ^..
لااا وطريق الرجعة جان احلى...اتخيل بس تمد ايدك يوكفلك مية الف ابوتكسي..بحيث بس نص
ساعة واكفين نأجر تكسي..من بين كل التكسيات..اختارينا الجلاق..خخ..تعرفوها مو..هاي السيارة المفعوصة..بس احلى شي سكفها شووية اعلى من السايبة..^ ^
هاا..شوفوا الحظ شكد حلو..انت تكون الاصغر حجما بين الاربعة..
اذا المكان الي ورة ميكفي اربعة وين يحطووك؟؟لا مو بالصدر..اكو احد خامس كاعد لي كدام..
همزين ماحطووني بالصندووك...ههههاااي..
المهم بهالحالة...انت راح تكون ضحية مقعد بشري..لا واصل...خخ
ايــه..طبعا طريق الرجعة جان اسهل من الروحة..تكول عبالك رايحة محافظة ثانية من قصر الطريق..لا تفكر اكو سيطرات او ازدحام..لااا لاا ..ابد..
طبعا تخيلت روحي بالزوراء..لا خليت الزحليكة ولا المنخل يعتب عليه..حتى النفق المرعب ركبته..
ووشووف..الاروع الطسات والمطبات...خخ..تعرف اذا انت كاعد ع مقعد بشري..بين راسك وبين سكف
السيارة بس 5سم وهي طبة هي ركعة...بس اهم شي محد يلزمه دمار..
بالنهاية شفنا عالم..وشفنا وجوه حلووة..وناس فرحانة بالعيد..وهذا شي يكفي..^ ^
وغيرنا جوو..المهم..وصلنا للبيت بالليل..طبعا صارلي شكد مشايفة بغداد بالليل..
لاا والله جان اكوو شووية حياة ..وشي اسمه عيد....
ع كلااا اليوم جان رووعة لدرجة اني اكتفيت بعد مااريد اطلع منا لعشر سنين...