قصة حقيقية عن زواج بنت
السلام عليكم
راح احكيلكم عن قصة زواج بنت الغريبة ...هذي البنت عندها خوات أكبر منها وأصغر منها وهي توها متخرجة من الثانويه المهم بالبيت ما عندهم خدامة كل يوم الدور على وحدة من البنات تطبخ وبعدين ترمي الزبالة عند الباب المهم اجه دور هالبنت اللي أتكلم عنها كانت سهرانة مع اخواتها لحد الساعة 2 الصبح...وبعدها خواتها طلعوا ينامون فوق... وهي كعدت تنظف المطبخ وتشطب عليه.. وقامت طلعت الزبالة عند الباب ...المهم البنت قالت ليش أحطها عند الباب خليني أتشجع وارميها بالزبالة احسن.. وطلعت بره بالشارع وكان الشارع فارغ.. مرت وكانت الساعة حوالي 3.30 المهم لمن اجت تطلع ترمي الزبالة قفل باب بيتهم وكعدت المسكينة بالشارع ... فكرت ترن الجرس خافت أبوها يسويلها شيء ..( لأن أبوها شديد)... وطلعت بالشارع ما عليها إلا ! قميصها مالت البيت .. المهم حست أن صوت يقرب.. صوت سيارة!! كامت مسكت الزبالة وقلبتها ودخلت داخل المهم كان اللي جاي ولد الجيران.. كان توه جاي من استراحة... المهم اجه ولد الجيران ووقف السيارة وطلع المفتاح علمود يدخل للبيت سمع صوت يتحرك بالزبالة؟؟!!
واستغرب إن الزبالة مقلوبة راح اتقرب من عندها ...و جه رفع الزبالة وياحلاتها...صرخت البنت وقالت: لالالالا... قال: بسم الله الرحمن الرحيم.. إنتي إنس ولا جن؟! قالت: والله إنس قال إنتي اشجابك هنا؟؟!!... وقالت له القصة وهي متغطية بالزبالة وترجت ولد الجيران يساعدها... قال: لا تخافين... كام قرب سيارته من باب البيت و ركب فوق السيارة وطفر وفتح للبنت الباب.. وقالها: ادخلي بسرعة لا احد يشوفك... قامت مسكينة ما
صدقت رمت الزبالة ..وطلعت هيج كدام ولد جيرانهم المهم دخلت وقفلت الباب على طوول.... وولد الجيران واقف ما تحرك ايعين فيها المهم.. ما مر على هالسالفة يومين إلا اجه وخطبها من أبوها وتزوجها... وعلى فكرة ترى هذي سالفة حقيقية وحصلت بالفعل... واللي يعيش ياما يشوف ويسمع.
كله من وره الزباله
التعديل الأخير تم بواسطة alwrda ; 08-15-2012 الساعة 12:21 AM