مره كنا بنجري وبعد ماقربنا نوصل للمسافه المحدده في هذا اليوم
لإن المسافه بتختلف علي حسب قدرتك في هذا اليوم فقلت للي معايا آخرنا السياره اللي واقفه هناك يعني تقريبا 100 متر المسافه بيننا وبين السياره والمشكله احنا بقي خلاص تعبنين __ وانا مش واخد بالي إن صاحب السياره راكب فيها فأول ما أقربنا نوصل
الراجل شغل السياره وبيرجع للخلف بسرعه وانا اقول الله يخرب بيتك إستنه منك لله إيه خلاص يعني لازم تمشي دلوقتي الكلام ده بقوله لأصحابي وهم هيموتوا من الضحك ونجري والعربيه ترجع لحد مافتحنا اسبرنت ( تجري كأن حد بيجري وراك تسمي اسبرنت) واحنا ميتين من التعب كل ده علشان نلحق الراجل بدل ما يخلينا نموت
واحد يسأل ويقول طب ليه ما وقفتش مكان السياره هقولكم ليه
لأن احنا اتفقنا علي السياره مش المكان يبقي السياره لو هتروح آخر الدنيا يبقي لازم نلمسها وبكده تنتهي الجريه
__________________________________
أنا أكثر شيئين أحبهم طلب العلم ومجالس العلم والتمارين سواء حديد أو سويدي بس السويدي والجري مرتين في الإسبوع علشان العضلات متخسش وإنما أحافظ علي لياقة العضله وقوتها
هههههههههههههههههههههههههههههههههههه
حكايات عمو هواري