فى اول مشاركه فى مدونتى
كنت بقول ان الاسباب هتظهر بالتدريج
لحد دلوقتى ولا ظهرت اسباب ولا نيله
ولا اصلا عندى اسباب ^_*
المهم
بما انى خبره فى الصداع
هقولكم شوية معلومات ارتجالى من دماغى
يعنى ممكن مش تكون مرتبه تمام
لو عندك صداع على خفيف متكلش
لان لو كلت الدم هيتجمع فى المعده
علشان عملية الهضم
ويقل الدم اللى بيبطلع للمخ
وهيببقى يوم ما يعلم بيه إلا ربنا
فى حركه بعملها كنت قرتها تقلل
من حدة الالم شويه
صوبعك اضرب راسك من الخلف فى اليمن ضربه
وانتظر خمس ثوانى ومن الشمال ضربه
وانتظر خمس ثوانى
خمس مرات لكل ناحيه *_*
ثم
من الامام
استخدم صوعين وحرك جلد راسك
من الخلف للامام لمدة خمس ثوانى فى كل مره
وانتظر ثانيه
لمدة خمس مرات
وان شاء الله تحس شويه بتحسن
الصداع ليه اسباب كتير
منها الضغط العصبى
يعنى التفكير كتير
ومنها بسبب الحساسيه
بالذات الجيوب الانفيه
ومنها بسبب ارتفاع او انخفاض الضغط
ومش فاكر ايه تانى كده
المهم ان كل نوع صداع بيجى فى مكان معين
فى الراس
يعنى نصفى وكلى و كده
بس انا وبلا فشخره
الانواع كلها ببتجيلى فى وقت واحد
وواضح ان احمد هو كمان كده
عارفين ايه اكتر حاجه اتكلمت عنها فى مدونتى
الايس كريم
الصداع
اه صحيح الصداع اللى بيجى من الايس كريم
حله انك تحط لسانك فى سقف بوقك
وتضغط ببقوه شويه
وان شاء الله كله تمام
تابعونا لمزيد من الامراض هاهاهاهاهاها