طبعا والله آخر يوم كنت في المنتدى كنت مبسوطة الحمدلله..^^

بعدها بيوم سارت مشكلة مع ولد اخويا ...فخرج من البيت ورحت معاة انا عشان خايفة يسوق السيارة

بدي الحالة المهم وساكتين وفجأة قلت لة خلاااص لاتزعل واعتبر كأنة ماصار شئ

وهو مايتكلم وانا شايفتة مسك الخط وانا قال ماشاءالله عليا فاهمة><

احسب هانتمشى على خط جدة الا لقيتة ماشي فجأة قلت خير انتا ترا خرجنا من حدود المدينة ووصلنا

للتفتيش وعدناها قلتلة انتا من جدك تبغانا نسافر قام طالع فيا وقال لي حضرتك انتي ايش شايفة يعني

قلتلة باللهي تبغاناننفرش انتا ارجع بسرعة قال والله ماارجع ماحد قلك تجي معايا وانا حاسة قلبي هيخرج

من مكانة المهم سرنا نمشي وكان باقي لنا 200 كيلو يعني نص الطريق وكان الوقت 3 بالليل

قلت طيب هاروح ايش نسوي قالي ماادري من جد كان نفسي اعطية واحد كف اطيرة

وفجأة دق الجوال ولقيت امي وقلت ياسلاااااااااااام كملت والله ومني عارفة ايش اسوي

اقلة دحين ايش اقلها يقولي ماادري

وانا رفعت السماعة وسمعتها تقولي انتوا فين اتأخرتوا ...وانا مني عارفة ايش اقولها قلتلها احنا في ااااااااااااا

قامت قالتلي اااااااااااااا هههههههههه والله ضحكت مع القهر الي فيا قلتلها لا ياماما احنا بنتمشى وهنرجع

ممكن على الفجر او بعدة قامت قالت: دحيييين ترجعوا بسرعة

وانا قلت مادام قالت كدة مافي رجعة

قلتلها تكفى ياماما طفشانين بس اليوم طيب...قامت قالت:قلت دحين وياويلكم لو تتأخروا وقفلت ماما

قلتله ارتحت يا جرادة ياخنفسانة وقمت علية خلاص انا الي رحت فيها

ارجع خلينا نوصل قالي خلاص باقي على جدة 150 كيلو قلت يافرحتي فيك والله

وانا من جد قلبي بس يدق ودقت مرت اخويا قال تقولي اسمعي انا عندكم يالله تعالي عشان ندردش

قلتلها حلي مني فايقة قمت قلتلها فين ماما قالت قاعدة معانا قلتلها طيب مع السلامة دحين

وشوية كدة وصلنا حدود جدة ودخلنا وحضرتة العفريت الي جنبي لقيتة رايح البحر ووقف السيارة وكنا بالضبط

الساعة 5وشوية ونزل وقعد قلتلة ياسلااااااااااااام انتا جي عشان البحر قلي ايوا تغيير جو قلتلة ولي مارحنا

ينبع اقرب طالع فيا وقال تصدقي نسيت وخلااااص من جد كان نفسي ارمية في البحر هههههههههه

وشوية دق الجوال ولقيت بابا قلت خلااااااااااااص رحنا فيها وقلتلة رد علية انتا قلي لا انتي ردي

قلتلة والله انك واحد مصيبة ابغى ارد مني قادرة آخر شي رديت وقلي انتوا فين قلتلة بنتمشى يابابا قلي فين

في اي شارع قمت طالعت في ولد اخويا وقلتلة فين احنا قلي في ابحر قلت في ابحر يابابا

قلي في ابحر فين في ابحر المهم وسمعت اخويا جنبة يقولة يالله في جدة دول

المهم رميت الجوال على طول على ولد اخويا وقلت ترا انا مالي شغل انتا السبب والله لأوريك

قام رد علية وقلة ياجدي ياحبيبي احنا في جدة ودحين ننزل وشوية اكلمكم....

قلتلة ياسلااااام مين قدك والله

ورجعنا ومسكنا الخط وانا ابغى انام وخايفة انام واسيبة واقولة والله مشوار متى نرجع دحين

قلي لسة وقاعدة وكل شوية ماما تتصل تتطمن علينا ومانامت ياحرام قعدت تستنى وشوية قلتلة اسمع انا

جيعانة قلي في حلاوة في الدرج قلتلة حلاوة تآكلك ان شاءالله

جيعانة تقولي حلاوة قلي خلااااااص شوية ونوصل البيت ونآكل وانا طفشانة ونعسانة وجيعانة

والله عذاب الله لايحط احد في الموقف دا ولا الأغلس الي قاعد جنبي

المهم والحمد لله وصلنا وظهري انكسر طبعا وصداع مااجملة يفرتك الدماغ ودخلنا ووصلنا البيت والكل ياساتر

قاعدين اهلي كلهم وجاء اخويا عبادي وقال انتم مجانين ولاتستهبلوا ايش وداكم جدة قلتلة مو انا هادا ولد

اخوك اسألة قام بابا قام وقال خلاص مايحتاج هذا كلة روحوا ناموا دحين والصباح خير

والله حطيت راسي على المخدة رحت عالم ثاااااااااااني ههههههههههههه

ولما صحيت رجعت لعالمي وك وك وك

وناداني بابا انا وولد اخويا وقال هاتوا الجوالات قلتلة لي يابابا ماعندك رصيد

والله ضحك بابا وقال لااااااا ياعيوني بس مافي من اليوم جوالات ولا نت ولاخروج مفهوم

وآخد جوالي وجوالة ومفاتيح سيارتة واللاب توب وانا اقول انا مالي شغل قالي خلاص هو دا

ايش اسوي معاكم تحسبوا نفسكم صغار لسى

وولد اخويا يقولة لا ياجدي انا مااعرف اقعد في البيت 24ساعة قلة وانت اخرج وشوف انا ايش اسوي فيك

قمت انا ضحكت وقلتلة احسن تستاهل شمتانة فيك طالع فيا وقال شوفي نفسك الاول

ومااخدت اللاب الا امس اهي اهي هههههههههههههه



هو دا صورتة ههههههههههههه

لما كان عمرة 6سنين واسمة عبدالعزيز

الصراحة كان نفسي احط صورتة وهو بغل بس ممنوع قلت احط صورتة وهو طفل هههه

واستحملوني شوية فضفضة..^^