مشـــاكل ×مشاكل.......><
دائما ادخل في مشاكل واضارب بسبب ولد اخويا...العفريت..
سبحان الله اليوم كان يوم غريب..رحت معاة عشان نشتري غدآ المهم قررنا نروح نشتري من مجمع
قلنا اسهل واسرع ورحنا ..المهم قعدت وراح هو عشان يشتري الغدآ وطلب وواقف وانا قاعدة اطالع فية
شوية كدة جات بنت متكشخة على الأخير وشفتها راحت للمطعم الي واقف فية ولد اخويا ..><
بعدين سارت تتحرك كتير وبرضوا ولد اخويا ما انتبة لها وفجأة كدة قالت لة ايش اسمك..بكل وقاحة..~
قام التفت ليها ويبغى يتكلم انا نطيت عندة وقلتلها نعم خير وايش تبغي في اسمة ان شاءالله..
قامت هي ارتبكت والملقوف الي ورايا قالي حرام عليكي فجعتيها قام قلها ياعمري انتي ايش تبغي في
اسمي..قلتلة لا ياشيخ ...ياعمري انتي هــاااااا..~ والله اوريك...~
قامت نطت الهبلة ..وقالت وانتي ايش تقربي لة ...قلتلها وانتي ايشلك شغل ولا هي لقافة ...~
يلا حلي احسلك...وولد اخويا بس يضحك ...قام قال للبنت معليش لم تكمل محادثتنا قاطعتها وحدة شريرة ...
قامت قالت البنت اوك آسفة...>>>>مع نفسك
المهم اخدنا الغدآ وركبنا السيارة وطالع فيا قلتله خير قلي انتي ايش الي معصبك قلتله حضرتك ليش تكلمها
قام ضحك وقال انا الي كلمتها ولا هي الي جاتني ...قلتلة ولو حتى لو كلمتك لاتكلمها..قام ضحك وقلي طيب
عشان خاطرك.....الكداب يبغى يقفل الموضوع...><
ههههههههههههه اصلا ولد اخويا قريب من سني انا اكبر منة بشهور واتربينا سوآ وهو ولد اخويا واخويا
وصاحبي وقريب مني مرة آسرارة معايا...دايمن نضحك مع بعض ونخرج مع بعض...حياتنا كلها مع بعض..~
وبسببة اروح فيها دايمن انا >< هههههههههه
سبحان الله على قد صغر سنة بس مدري ايش حكايتة مع البنات مليون وحدة تحبة >>>> حبها برص
سبحان الله مع انة قلبة طيب مرة ونيتة صافية...بس هو دمة خفيف مرة..هههههههه
المهم عندة بنت خالتة مرة ترفع الضغط...ماتجي معايا وهو كمان مايطيقها لما تجينا في البيت يشرد ههههه
المهم مرة سهرت عندنا...وقالت تبغى تروح البيت فقالت ماما روح وصلها قام قال تدق على تاكسي
قامت قالت لة ماشاءالله تخلي بنت خالتك تركب مع غريب...><
قلت صح قوم يابني آدم انتا وروح وصلها ....قام قال قومي معايا...قلتلة وانا ايش دخلني...قامت قالت بنت
خالتة ايوا خليها وتعال وصلني قلتلها كدة يعني طيب انا هاروح معاكم ههههههههههههه
المهم ولبست العباية ونزلنا وركبنا السيارة....وكلنا ساكتين...قامت قالت انتا عارف انوا بكرة عيد ميلادي..
قام قلها طيب وايش تبغيني اسويلك ><
قمت انا قلتلها كل سنة وانتي طيبة قامت ضحكت ضحكة صفرة وقالت شكرآ
قلتلها يالطيف احمدي ربك....انا الغلطانة...قمت قلت ماتقلها ياآآآآخي كل سنة وانتي طيبة...~
قام قال لاااااااااااا اعياد الميلاد حرااااااااام .....~قلتلة لا ياشيخ دحين عرفت انها حرام....><
مالت عليك وعليها....~قامت قالت انتي اشبك تكلمية كدة قمت طالعت فيها وقلتلها خير انتي خليكي في
حالك اكلمة زي ماابغى قامت قالت اسمع مهما تزعلك ماعليك منها ....قام طالع فيها وقلها عيد سعيد..^^
وصلنا بيتكم باي باي يابنت خالتي...هههههههههههه
قلتلة تصدق يبغالك فرش انتا طفشتني تراك ..><
قام ضحك وقلي معليش ...سبحان الله كل مرة اسامحة وااقول المرة الجاية راح اورية وبرضوا نفس الحكاية
بس احلى شي....ههههههههههه
انا احب الفلفل مرة في الآكل وهو يكرة شي اسمة فلفل...نقوم نضارب يروح هو المطبخ ويشيل الفلفل وانا
احط على الآكل كم فلفلة هههههههههه
يقوم يعصب ويقولي ماتبغيني آكل....اقولا مولاااااااااااااازم تآكل ان عجبك كل كدة بالفلفل...~
نقوم نجر في شعر بعض...هههههههههههه
واقول لة في احد يضرب عمتة يقولي روحي بلا عمتي ربنا رزقني بطفلة تكون عمتي...><
اقول لة ايششششششششششش تقول واروح ابكسة واعضة عضة قوية وشوية ويبكي ههههههههههه
وهو دآ حلي معاة ههههههههههه><
ايش اسوي استحملوني شوية فضفضة....^^