الســــلام عليكـــم ورحمــــة الله وبركـــاته ..
أهلا بالمونمسيات الغاليات اليوم موضوعنا غير شكل
.. (كلام بعض البنات بالتليفون ) ..
نوف الووووو.....مرحبا ندى
ندى...؟:مرحبتين نوف
نوف: أخبارك؟
ندى : تمام والله
نوف: شكلك توك صاحيه
ندى : أي والله توني صاحيه
نوف: أعوذ بالله والصلاة إنتي ووجهك...العصر...المغرب....العش اء
ندى : أقوووووووووول.......كيف الحال
نوف: حرام عليك ماصليتي
ندى : ومن قال لك اني ما صليت جمعتهم....ولا تخليني يالي تعرفين الحرام
نوف:أيه الله يهدينا ويهديك...ماعلينا...آش رايك بالحلى إلي سويته اليوم؟
====>ماعلينا ؟! على مين اجل .. ويبدوا السوالف
ندى :هو حلو بس!!! كأنه محرق شوي =======> ماتعرف تجامل
نوف: ايه طيب أشوفك ما أكلتيه.....
ندى : ههههههه امزح يا بنت الحلال =====>ايه الحين تمزح عليها لكن تصرفها
نوف:طيب من عليه الحلى والقهوه بكره =====> ماخذين ادوار
ندى :مدري....يا شيخه غير السالفه
نوف:يوووووووووه فاتك اليوم!!!
ندى :آآآآآآيش========> يعني لايفوتك اخر خبر
نوف:والله يا أنا هبلت في منى يوم كات بتطلع من الكليه مع زوجها
قلتلها وصليني لبيتنا ومثل منتي عارفه هي غيوره قلت وفرصه نشوف زوجك
=======>البنااااااات دايم عندهم يدرون السوالف بقوه من الناحيه هذي
البنت أنهبلت وطارت عيونها قالت لا معليش بصراحه احراج وبعدين إسمحيلي
ما أحب هذي الحركات....ولبست عبايتها وأنحاشت
قلت والله لو عناد بالحقاه وأشوف زوجها
ندى :يوووووو حلو ولا شين ؟ سيارته كشخه ولاسياره من سنة جدي؟
نوف:آآآآآآآآآه الله لا يوريك والله ياهو شيء....سياره كشخه وهو يجنن
ندى : ياااااخسارته عليها سبحان الله هي شينة ورجلها حلو ليته نصيبي عاد تعرفين جمالي مايحتاج
نوف: تكفين يا ملكة الجمال....قسمتها ونصيبها
ندى :طيب السياره الفياقرا الي دايم اقولك عليها كانت فيه؟
نوف : اييييييييييييه
ندى :وشفتي الي قلتلك صاحبها؟
نوف:حرام عليك متكي على كبوت السياره ولابس نظارات شمسيه يووه ولاعلى الطول وحلاوه
ندى :نفس اعرف مين أخته بس==========> ليش بتاخذينها
نوف:الا ماقلتيلي بلوزتك الليلكيه من وين جبتيها؟
ندى :منننننننن......
نوف:لالالالا لا تقولي من (سي وليفر ولا برمودا ولا مانجو).....تراك غثيتينا فيهم
ندى :ايه أحسن من الي يشتري بلايز من أمهات درزن ومليانات السوق
نوف: آش قصدك؟؟؟؟؟؟======> إلى على راسه بطحى........
ندى :سلامتك عمري أقصد البنات عندنا بالكليه يطقون هذي البلايز===> تلفيقه
نوف:يوه على طاري البنات حنان النصابه الي كل يوم تستعرضلنا ملابسها وشريت وشريت
هذي 400 وهي 500 ريال........وبصدفه قلت بصدفه دورتهم بالسوق بشوف هي نصابه
ولا لقيتهم الي في المباااارك ولي في بي لس
====>لاوالله شكلها غيرانه وبتجيب مثلهم
ندى :هههههههه
نوف:آش فيك؟؟؟؟
ندى :لالا ولا ش====>تضحك لان خويتها تتمسخر على الخلق وهي تشتري منها
نوف:أختي ما أدري كيف تلبس بلايز ضيقه من زينها الدبه ====> حتى اختها ماسلمت
ندى :اول كانت ولا عااارضه تجنن
نوف:ههههه ذاك أول.........أكيد مرتاحه نفسيا
ندى :كيف يعني؟
ندى :الي اعرفه أن تحب ولد عمها...واخيرا عطاها وجه ==> مثابرة
نوف: لا ودكتور ورجل اعمااااال....والله وعرفت تختار
ندى :ايه اليوم بيجي عرض آزياء لا تنسين تسجلينه لي أوكي
نوف: من عيوني......طيب وين الي طلبته منك؟؟؟؟
ندى : الرجيم ؟ يوووووه والله نسيت
نوف: ياشينك لزم أبدى فيه أنا سمنت شوي وتعرفين عندنا زواجات ولزم أنحف شوي
ندى : أش عندك.........تدورين رزقك
نوف: ياربي يالبنات الحمد لله واثقه من جمالي والعجز بس يسألوني مين أنتي
===>انوع ألنصب والغرور
ندى :طيب ما أشوفك تزوجتي .......====>صريحه جدا .. في الصميم
نوف: أصلا أنا ماأفكر بالزواج ====> ههههه
لحضه صمت طولت شوي....... أظاهر مالقوا شي يحكون فيه بعد ما حشوا في الخلق
ندى :ايييييه انتي وش أخبارك وأخبار خواتك وأخباار الوالده؟
نوف:كلهم بخيرررررررررررر=========> توهم يتذكرون
ندى :تكلمي وراك ساكته؟
نوف: والله مدري أش أقول أفتحي موضوع ....
ندى :ايه طيب شكلي طولت عليك =====> مالقت سالفة
نوف:لا آش دعوه خذي راحتك ====> أهم شي تجيها الأخبار
ندى :نوف يوه معليش أمي تنادي أستأذن ====> خلصت ناقله حكي وهذي مهمتها
نوف:اوكي
ندى :باااااااي
نوف:باي
ندى :لحظه لحظه........لا تنسين كفارة المجلس باي====>عندها شوي ضمير
نوف:هههههه طيب باي ..
رأينا المحادثة الي بين ندى ونوف والي كانت تعلق عليهم >> ليكون ظنيتوا اني انا الي علقت عليهم المهم
هذا حال بعض الفتات تضيع الصلوات او تجمعها وتظن ان الامر هين
قال تعالى :
" ويل للمصلين الذين هم عن صلاتهم ساهون "
وعندما تجلس في مجلس تحوله الى مجلس غيبة وسخرية وتتكلم في أعراض الناس
وان امسكت سماعة الهاتف تبدأ بالحديث عن هذه وتلك حتى من تحدثها لا تسلم من لسانها ..
في حديث معاذ أن النبي صلى الله عليه وسلم قال له: ((ألا أخبرك بملاك ذلك كله ، قلت: بلى يا نبي الله ،
فأخذ بلسانه ، قال : كف عليك هذا ، فقلت: يا نبي الله ، وإنا لمؤاخذون بما نتكلم به ؟ قال: ثكلتك
أمك يا معاذ وهل يكب الناس في النار على وجوههم أو على مناخرهم إلا حصائد ألسنتهم )) .
وإذا هممت بالنطق في الباطل ** فاجـعـل مكـانـه تسـبيحـاً
فاغتنام السكوت أفضل من *** خوض وإن كنت في الحديث فصيحاً
نسأل الله السلامة و الهداية من آفات اللسان .
تحياتي للجميع ..
فـي أمـان اللـه ..
التعديل الأخير تم بواسطة اللؤلؤة الوردية ; 05-19-2012 الساعة 10:56 AM