السلام عليكم ورحمة الله وبركاته
آآآآآآآآآآآآآآآآآآآآآآآآآآآآآآخ رجعتوا لي ذكرياتي الحبيبه مع مخالفاتي والله لو تدرون وش هي ان تفقعون ضحك علي بس رجاءً بلا استهزاء لان كل الي دخل تقريباً ماخذ تعهد خخخخخخخخخخخخخخخخخخخخخ المهم :
هي مومخالفات بالمعنى الاصح هي تنبيهات لاني كلما جيت اكتب تعهد اصرف الموقف وينتهي على خير ^^ << شوفوا الذكي تعلموا منه ^^.
الموقف الاول :
انا مصاب بفقر الدم الحاد وكان يجيني بين فتره وفترة دوخه وتعب في المدرسة .
هذا الموقف وانا في ثالث متوسط (15) سنه المهم انا تعبت وطلعت من الفصل على اساس اني بروح للمرشد الطلابي لاني تعبان وخبرت صديقي قلت له شوف ترى انا يمكن اطلع من المدرسة خبر اخوي وعيال عمي ^^ المهم طلعت من الفصل ورحت للمرشد الا رفض انه يخليني ارتاح في غرفة الارشاد وانا طبعاً عصبت ومن العصبيه قررت انحاش من المدرسة ورحت اتمشى شوي في ربوع مدرستي ^^ وبعدين المدير وصله خبر اني تعبان واني موموجود في غرفة الارشاد طبعاً الي علمه المدرس الفتان خخخخخخخخخخ المهم المدير قامت قيامته عاد مديرنا عصبي شوي عليه وطلع من الادارة وهو شايل العقال يبي يتفاهم ( لاحظوا هذا وهو يبي يتفاهم معي بس ^^....) واخوي كان بفصله وسمع الخبر ان ابو الهول بيجي يتوطا في حوض بطني الخبر وصل من صديقي العزيز المهم وانا قدني بقوم انط من السور الا اشوف ابو الهول جايني انا هينا تيبست وشفت اخوي جاي هو وعيال عمي يبون يسون هوشه مع المدير انا ضعت بينهم وكنت مره تعبان وشفت ان مالي مهرب قمت وجيت بينهم وطالعت في المدير وعيال عمي ومسكت راسي وطحت على الارض على اساس اني تعبان خخخخخخخخخخخخخخخخخخ وقاموا وسووا سالفه وعيال عمي واخوي على بالهم اني صار فيني شيء من جد والمدير خاف لانه كان ماسك العقال وبيلفقون فيه القضية ........................................ الخ وفي نهاية القضية اليوم الثاني جاني تحذير ^^.
الموقف الثاني :
انا كنت بالصف الثاني ثنوي (17) سنة من محبين التجارب والعلوم وذي السوالف وكنت دائماً ادخل المختبر مع الاساتذه حتى لوموحصتي بس عشان اقعد احوس معهم بالكيماويات والمركبات المهم << مسوي فيها دكستر المخترع الصغير ههههههههههههههههه .
المهم انا وصديقي دائماً على ذا الحاله كلما شفنا حصة احياء او فزياء او كيمياء دخلنا مع الطلاب حتى لومو حصتنا خخخخخخخخخخخخخخخ << اموت على الذكاء .
ومرة كان المختبر مفتوح واحنا هينا جاتنا العبقرية فجاءة وقررنا ندخل ونسوي تجارب << ينقال لكم عباقرة ^^.
المهم دخلنا وشفنا موقد بنسن وتحمسنا قلنا لازم نشغله ونسوي تجربة قمنا انا والثور الي معي وشغلناه وحطينا الدوارق والخرابيط واخذنا مادة وحطيناها على الموقد محسينا الا الدنيا صارت سوداء خخخخخخخخخخخخخخخ طلعت مادة قابلة للشتعال وخربنا المختبر واستدعونا للادارة وطلبوا استدعاء اولي الامور وشافنا استاذ الكمياء وقال : لا لا انا ما ارضى على طلابي هذولا طلاب مجتهدين ويحبون المادة انا هالمرة اشفع لهم وانا بتكفل بكل التصليحات .. الله يجزاه خير والله مرت سبع سنوات وانا الى الآن اذكر وجه البشوش السمح .
ملاحظة : كان يدرس الصف الثالث ثنوي وحنا بالصف الثاني ثنوي هههههههههههههه لان كنا دائماً نحضر عنده ^^.