شبح مدرستي..~

طبعا في فترة من الفترات اتخيل لي وللطالبات انوا في شبح في مدرستنا ههههههههه

كيف؟؟ الصراحة كانت تطلع اصوات والكراسي تتحرك من وحدها وانا كنت مااصدق معقولة شبح
جات صحبتي سندريلا سندريلا ترآ في شبح في مدرستنا انتبهي طبعا ردي كان على طول مع نفسك

قامت جاتني وفرصعت عيونها وقالتلي انا حذرتك وانتي حرة
قلتلها ياسلام ايت اشباح هادي فين شايفتنا في فلم امريكيانا مااصدق اشياء تافهة زي كدآ

وفي اليوم التاني كان عندنا حصة انتظار...وفجأةالكرسي الي جنبي يتحرك لحالة ياسلااااااام

وطبعا مااستوعبت زي الناس قعدت اطالع تاني وبرضوا بيتحرك صرخت وشردت
وانا اقول يابنات ترآ الكرسي يتحرك لحالة قامت جات السوسة صحبتي وقالت قلتلك خلاص الشبح حطك في مخة
قلتها حط مين في مخة لاتكوني بس متفقة معاة قالت لاااااااا وشكلها كانالشبح الي مايصدق

وجودة يآكلة قلتلها يآكل مين ياماما تضحكي على مين قالتلي من جد ياسندريلا من اول اقلك انتبهي

قلتلها خلية يجي وشوفي ايش اسوي فية راح الطشة واموتة بيدي
قامت جات وقالتلي يعني ماتبغي تحرمي خلااااص ودعي نفسك وجهزي نفسك لية وصدقيني انا مااكدب

قلتلها لااااااااااا كدابة ونص مستحيل يكون في اشباح وكمان يآكلوا البشر قالتلي براحتك لاتصدقي...
يوم الاربعاء الحصة السادسة:. كنت قاعدة مع البنات ونآكل فشار هههههه

فجأة جات السوسة تصرخ وتبكي وانا قلبي خلاص حسيتة وقف اقلها ايش في ايش صار...

قالتلي سندريلا شوفي هذآ مو دفترك الرياضيات فتحتة كلة دم ومكتوب فية اسمي سآكلك سآقتلك..

طبعا انا ماصدقت بس البنات كلهم ساروا ويقولوا من جد هتروحي في بنت قبل سنتين زي كدآ اختفت

وشكلك اختارك انتي بعدها سامحينا مانقدر نسوي شي اهي اهي طبعا انا لا كلكم تكدبوا

وسرت ابكي واصرخ وخرجت من الفصل وشردت واقول ابغى اروح البيت عند امي
وبعدين كلهم ساروا يضحكوا ويقولوا والله كدب بنضحك عليكي مافي آشباح هههههههههههه

بس كيف المقلب ها ههههههه وانا اقولهم من جد ماتكدبوا يعني مارآح يآكلني..

وطبعا الشريرات يضحكوا ويقولو تعيشي وتآخدي غيرها هههههههييييييههههههووو
ومن بعدها حلفت اني ماآكلمهم اسبوع والصراحة كان عقاب كافي لهم

~~~~~~~~~~~~~~~~

طبعا الكلام ايام المتوسطة صارت ليا وكانت فترة من جد ماآنساها يعني منكح سار فيا..~^^

مايتنسي.....