ههههه بصراحه صادق موقفك خوفني بس يعني انتوا للحين ما عرفتوا من الي كان يطفي الانوار؟!
طيب انا بخبركم عن ما قبل ان ياتينا اعصار جونو بالنسبه لبلدتنا الاغلبيه فرحانين حييييييييل لان اول مره بحياتنا بجينا اعصار>> الحمدلله والشكر
وطبعا بما اننا بلده ساحليه قالوا لنا اخلاء
لان المتوقع ان عين الاعصار تضرب بلدتنا
والشباب ما كذبوا خبر الكل راح ع الشط يشوف حرام يمر الاعصار وهم ما يشوفوه
وع الساعه 9 الصباح بدت معنا شوي الريح والسحب اصلا موجوده من كم يوم والجو رهييييييييب
شوي وبدا المطر ينزل
والكل فرحان واخيرا ببدا الاعصار المنتظر
واصوات تتعالى من المنازل يارب زيدوا وارحم عبيدك
والضحكات تملأ البيوت لا انكر ان هناك من كان يشعر بالخوف وان جميع الناس حتى انا كنت اشعر بالخوف ولكن السعاده كانت تغلب الخوف>> صرااااحه الي يسمع ما يقول جاي اعصار يحسب جاينهم فصل الخريف ههههه
المشكله ان ما كان فيه وعي بالمخاطر الناس تحسب هوا ومطر و بنصور وينتهي الموضوع
بعدها طبعا تجهزنا عشان نطلع من عمان بس مب الكل وافق يطلع لان الباقين يبون يشوفون الاعصار
انا وخواتي قلنا نبي نجلس فالبيت نشوف الاعصار من الشباك>> لا جاي يسلم عليكم هو
طبعا ما وافقوا اهلي واخذنا اهم اغراضنا وطلعنا ومع كل باب نغلقه كانت الذكريلت تغلق نفسها
الحين احسينا بنوع من الخوف بشعور بالبكاء احسينا ان كل شي صار ذكرى
احسنا باقتراب الموت بدينا ندرك الخطر
مع كل باب غلقناه فهذي الساعه كل حد بدا يودع الثاني ما ندري من الي بحيا منا ومن الي بموت
ركبنا السياره ونحنا نشوف الاشجار وهي شوي وبتسقط
بس ودعا منزلنا وقال لنا اخوي يلا انظروا للبيت اخر نطره
تخيلو الشعور ذاك الوقت كيف كان
المهم طلعنا من عمان للامارات بس صح انا كنا خايفين بس فنفس الوقت الفرحه ما فارقتنا مدري ليش
حاسين انه شي حلو انه بجي معنا اعصار>> شكلنا ما فرقنا بين العيد والاعصار
بس الحمدلله انه الاعصار ما اجا لبلدتنا لانه انحرف عن المسار المتوقع
ولا اصاب بلدتنا شي سو قليييييل من مياه الامواج الي صار لها مد كبير
واضرار بسيطه لان الاعصار جاء للعاصمه وما حولها وخلف خسائر بشريه عديده
فالحمد لله الي لطف ببلدتنا الصغيره ولا لندثرنا نحن وهي خصوصا اننا لم ندرك صعوبة الموقف
ورجعنا لدارنا بسلاااااااام