ونخبزهم على حرارة متوسطة لمدة ربع ساعة أو حسب كبر الصينية يعني إذا سوينا الكب كيك المني (النونو) بتاخذ وقت أقل وإذا استخدمنا الصينية الأكبر بتاخذ وقت أطول .
واهني عزيزاتي اسمحولي أخذ مساحة في أتكلم عن طريقة خبز الكب كيك . وراح أذكرها على شكل نقاط:-


هذا شكل الكب كيك بعد ما خبزناها .














بنفس مقادير وطريقة الكيك الاسفنجي بعد ما يكون الخليط جاهز .





بحرص نصب الخليط في صينية مبطنة بروق الزبدة .






نستخدم اسباتيولا كبيرة لتوزيع الخليط على جميع أنحاء الصينية .






عزيزاتي أذكركم نوزع الخليط بهدوء وبروية عسب ما نفقد الهواء الي داخل الكيكة.






اهني الصينية صارت جاهز تدخل ال فرن للخبز.



 


وخبز الكيكة بالصينية أسهل من الكب كيك ولكن بنفس الفكرة . . والفرق الوحيد هو اني بعد ما تنتفخ الكيكة بشكل كامل وتبين انها ناضجة نفتح عليها الشواية لإكتساب اللون الذهبي كما هو موضح في الصوره أدناه . اهني توها طالعة من الفرن .






واهني عزيزاتي بعد ما تركناها تبرد بشكل كامل تلاحظون انها تهبط بس بشكل خفيف جداً بس تحتفظ بشكل السطح المتساوي والجميل ^_^ .





عرضت لكم طريقتين مختلفتين لخبز الكيك الاسفنجي . الحين لازم نراويكم تزين بسيط جداً لهذا النوع السهل واللذيذ من الكيك . والي ميزته انه خفيف لعدم احتوائه على الزيوت . وممكن نكتفي بتقطعية لشرائح وتقديمة ويا الحليب أو الشاي بالنعناع ^_^.


اهني قطعة صينية الكيكة الاسفنجية إلى 9 قطع متساوية في الحجم ويفضل أحبتي نقطعها بسكين منشار, وحطيتهم في علبة بلاستك .






واهني صوره أقرب وأوضح لشكل القطع , ما شاء الله ولا قوة إلا بالله الكيكة فيها بركه تخيلو خمس بيضات وكوب طحين وكوب سكر يعطونا هذي الكمية (بالعافية عليها) .






لاحظوا اهني شكل الكيك من الجنب بعد التقطيرع هش ومنفوخ ونتيجة رائعة .