امممممممممممم
شحنت عشان خاطركم وعشان عارف انكم عوزين تسمعوني >> احلف (:
الموضوع هو بعض الاخطاء التي تحدث في ــــــــــــــ اسف نسيت اني بتكلم بالبلد
تعيد المشهد
الموضوع هيكون علي الحلوين اللي بيدخلوو المنتديات ويكتبوو ترحيب طولو
مترين واحنا عوزين ترحيب نعمل ليهم حفلة وياهلا وياسهلا وياهلا وياغلا و و الخ
وفي النهاية هووب طارو اكلتهم الحداية ولا نشوف وشهم تاني
الحاجة التانية تلاقي عضو عمال يشتكي ويقول محدش بيرد عليه
محدش بيعبرني انا بتعب في الكتابة ومش بلاقي تقيم انا وانا وانا وفي النهاية
نلاقي الاخ مبعرفش يكتب اصلا وناقل كل مواضيعوو ومش كده وبس لا وبيقول انه اللي كاتب
هتروح من ربنا فين يا كداب وتستاهل محدش يعبرك
حاجة تالتة وهي انك تسال عضوة انتي بتعترفي في حب النت تقولك
لا طبعاا انا مش بعترف بكده خاااااالص وتعمل ليكي انها بنت ابوهاا والتاني
تعال ياعم الحج اي رايك في حب النت يرد عليك ويقولك
مفيش حب نت وكلام فارغ من ده انا مش بعترف بيه اصلا
وفي النهاية نكتشف ان بنت ابوها نازلة حب في اخيناا هههههه
طيب نعمل فيكم اي دلوقتي
اخر حاجة بقي عشان عارف انكم زهقتوو ده لو في حد بيشوف الكلام ده من الاساس هههه
وهي انك تلاقي شويه مواضيع عقيمة بعناوين مريضة منها
اعرف شخصيتك من عطرك اعرف شخصيتك من نومتك
اعرف شخصيتك من كلامك اعرف شخصيتك من او حرف من اسمك الخ الخ
وفي النهاية نلاقي ان احنا ملناش شخصية من الاساس ههههههههه
يلا اتمني اني اكون خفيف عليكم
انا قلت اخرجكم شوي من جو الحروف والحب وغزل القلم
في امان الله احبتي