جدتى : وش فيك انتى نبى نرقد يالله امشى للسطح !!!
سليله : الحين ياجدتى
جدتى : ايه الحين يالله قدامى
سليله : بس الساعه ثمان ياجدتى بدرى !!!
جدتى : لا اليل سرى والصبح قرب يطلع
وانا الليله سهرت عشان خويتك كانت عندنا ولا من زمان نايمه !!!
يالله مشينا !!!
وطلعت السطح مع جدتى
ولقيت جدتى مجهزه الفرش
وحطت جدتى راسها على المخده
وكان السطح مظلم اللمبات طافيه
والرساله حقت حمده بيدى !!!
جدتى : سليله ارقدى وانا جدتك
سليله : ابشرى
وحطيت راسي على المخده جمب جدتى
وكنت عارفه مارح اقدر انام
السطح حر والمخده متغيره على
جدتى : وشفيك تتقلبين بفراشك ارقدى الله يصلحك
سليله : ان شاء الله ياجدتى
جدتى : يؤيؤيؤ
سليله : خير ياجده فيك شي !!
جدتى : لا وانا امك نسيت حبوبى ما اكلتها
إنهجي بساع هاتى حبوبى من تحت
سليله : طيب
ونزلت بسرعه وجبت علاج جدتى ومويه
وطلعت لجدتى وعطيتها الحبوب
جدتى : انتى متاكده انها هى حبوبى ؟؟
سليله : ايه ياجدتى هى
جدتى : والله من لمستها كنها مو هى
روحى ولعى المبه خلينا اشوف هى حبتى او لا !!!
وولعت المبه وتاكدت جدتى من حبوبها
جدتى : يالله طفى النور وتعالى ارقدى سرى اليل
سليله : ان شاءالله
وطفيت النور وحطيت راسي على المخده ...
جدتى : وشفيني اليوم يؤؤه
سليله : وش فيك ياجدتى
جدتى : لا ابدن وانا امك بس نسيت علبه الفكس حقتى ماجبتها
لازم ادهن ركبيتى توجعنى ماتخلينى انام
إنهجي وانا امك جيبى الفكس من تحت !!!
سليله : ان شاء الله
ونزلت تحت وجبت علبه الفكس
ودهنت جدتى ركبتها
وللحين الرساله معى مو عارفه اقراها بالظلام
حطيت راسى على المخده وقلت سبحان الله
حتى رسالتها مو عارفه اشوفها
شكثر الحمده مرتبطه بالظلام
ظلام وظلم بحياتها !!!
قعدت المس الرساله مثل جدتى وهى تلمس حبوب علاجها
تمنيت اقوم افتح اللمبه واقراء الرساله
سليله : جدتى
جدتى : وش عندك
سليله : خلينى افتح المبه ياجدتى
جدتى : وشوله!!
سليله : لا ياجدتى كنت بقراء شوى قيل ما انام
جدتى : وش تقرين يامال الصلاح قران !!! اقرى من الى انتى حافظه علىصدرك
يالله نامى اصبحنا وبعدين اللمبه تكشفنا عند الجيران
سليله: اى جيران ياجده حنا بالسطح
جدتى : ماتستحين على وجهك تبين نولع المبه ونتكشف عند الجيران
نامى للحين بالعصا
وطلعت جدتى العصى حقتها من تحت فراشها...
سليله : لا خلاص بنام
وحطيت راسي على المخده
وعصبت
بس بسرعه تراجعت
وتعوذت من ابليس
على الاقل انا حاطه راسى على المخده وعارفه حياتى
اجل حمده شلون
عاشت سنوات من عمرها ماتعرف حياتها
مسكت الرساله بيدى
وقلت يالليل ما اطولك
متى يجىالصبح
ما اعرف انام بالسطح ...
جدتى : اعوذبالله منك يا بليس
وش البلشه !!!
سليله : خير ياجدتى وش فيك !!
جدتى : ابدن وانا امك متضايقه من سروال خط البلده الى انا لبسته
سليله : ههههههههههههه
يتبع