فضه : ايه ,, تعرفين الحين عقب ماصار حمد مايقدر يتكلم معك بالتلفون
مثل قبل
عشان كذا عطانى الرساله وقال اسلمها لك ...
وطلعت فضه من شنطتها ورقه
واخذتها منها .....
وهنا ....
دخلت علينا جدتى :
يالله يابنات العشاء زاهب
فضه : مشكوره جدتى انا تاخرت لازم امشى
جدتى : وين تروحين وانا جدتك ذوقى عشانا
وتعشت فضه عندنا وجلسنا على السفره
وكانت اكل لقمه وافكر برساله ...
وطلعت فضه من عندنا ....
ووصلتها لحد الباب
سليله : هلابك يافضه شرفتى ولا كلفتى الحين عرفتى البيت تعالى
فضه : مشكوره ياسليله
وحابه اقولك كلمه
سليله: تفضلى
فضه: حابه اشكرك على كل لحظه كنتى فيها مع حمده انتى الوحيده طوال
دارستى بالكليه جيتى عندى وسالتى عنها بغيابها
وانتى الوحيده الى تكلمت معها كا اخت
مشكوره ياسليله ...
انا تاخرت اخوى ينتظرنى
سليله : اى واحد من اخوانك لا يكون حمده !!!
فضه : لا لا
حمده يبى لها وقت عشان تسوق السياره ..
وطلعت فضه من بيتنا
رجعت امشى مع الحوش
واحس جدران البيت متغيره مو هى
كان سالفه حمده غيرت حتى الجدران
دخلت الصاله ولقيت جدتى ...
جدتى : سليله
سليله : سمى
جدتى : وش عندها خويتك جايه عندنا؟
سليله : ابد ياجدتى جايه تزورنى وتتعرف عليك
جدتى: تتعرف على انا
سليله : ايه ياجدتى من كثر ما اتكلم عنك عند البنات كلهم ودهم يشفونك ياقمر
جدتى : ايه خلى عنك الخراط بس
اسمعى الليله بنام بالسطح وابيك تنامين معى !!!!
سليله : ياليل ما طولك ,, اى سطح ياجدتى
والله حر ماعرف انا دون مكيف ياجدتى
جدتى : اقول انثبرى اول يوم الدراسه تقولين
عندى مدرسه وتنامين عند المكيف
الحين عطله ابيك تنامين معى فوق السطح
سليله : ابشرى يا الغاليه ... ان شاء الله
وحطيت رجلى ابطلع غرفتى فوق ....
جدتى : سليله وين رايحه
سليله : بروح حجرتى ياجدتى
جدتى : اى حجره امشى يا الله مشينا !!!!
سليله : وين نمشى الحزه ؟؟؟
يتبع ^^