ان حمده صارت حمد ؟؟؟؟
سليله : حمد !!!
فضه: ايه حمد وطلعت شهاده رسميه انها ولد
.....
وحطيت يدى على راسي
مو مصدقه الى اسمعه
حمده صارت حمد؟؟؟
يتبع .....
وحطيت يدى على راسي
مو مصدقه كلام فضه
كانى بحلم
مر على شريط حمده كله
حمده الى كانت معنا ولد !!!!!
للحين حاطه يدى على راسي
فضه : سليله ’’ سليله
سليله .. هلا فضه
فضه .. معك حقك ياسليله الى صار مع اختى عجيب
سليله : شلون صار كل هذا .؟
فضه : حمده ياسليله من ولدتها امى وهى سبب تعب لها ..
تخيلى ,, بيوم ولادتها مات جدى
وصار حادث على خالى و
سليله : يابنت الحلال هذا كله مكتوب من الله..
فضه : ادرى ياسليله بس اهلى وتفكيرهم
امى ولدت حمده بالبيت تعرفين من عشرين سنه اغلب الحريم
يجبون عيالهم بالبيوت والجهل ماخلى امى تعرض حمده على طبيب
لما شكت بنوعها او اشتبه عليها الموضوع
حتى ابوى تعب من كثر ما هى تشكى له حال حمده الصحى
ومن كثر ما دار بحمده على دكاتره يشوفونها
وماصدق انى عمى تكلم معه وزوجها ولده
وتزوجت بسرعه
سليله: بس انتم ظلمتو حمده واجد يافضه
حرام الى صار معها ...
فضه : يمكن معك حق ياسليله ,, بس حنا اهل لنا الظاهر
وابوى تفكيره العرس والزواج حل لكل مشاكلها
ومالومك بحاله الذهول الى انتى فيها ياسليله
ما انسى ذاك اليوم لما رجعت حمده مع زوجها بعد ماسافرو لجده بعد زواجهم
رجع زوجها بعد اسبوع عندنا بالبيت
والله ياسليله ما انسى كلامه
لما قال لبوى
بنتك رجال ياعمى
ابوى ياحليله يحسبها مدحه لبنته
بس امى فهمت
وقال زوجها قدام الجميع ان حمده رجال مو بنت
وانه كان معها بالعشره ايام بجده مع رجل مثله
مايفرق عنه بشي
ابوى كان بحاله صدمه مثل صدمتك الحين وازود
الكل كان مابين ضاحك وباكى
ومصدق ومكذب
ووقف زوج حمده وقال :
انا عرضتها على اكبر دكتور وسوى لها كل اللزوم
وأثبت انها ولد كامل الذكوره ...
والحين ياعمى هذه بنتك حمده او ولدك حمد عندك
وبالنسبه للطلاق والله ما ادرى كيف اطلق
لازم نسال شيخ فيها
شلون اطلق رجال مثلى!!!
سليله: وحمده ,, وحمده وسط كل هذا كيف كان حالها ؟؟
فضه: تصدقين حمده كانت أكثر وحده هادئه
كنها عرفت نفسها اخير من تكون
كنت أشوف بوجها رضى وراحه
صحيح البيت كله تلخبط بعد السالفه
وتعرفين الناس طلع منهم حكى وسوالف
الى يقول : البنت ماهى صاحيه وراها مصيبه
واهلها اخترعو سالفه انها ولد عشان يسترون عليها !!
ناس ما تخاف الله ....
ابوى واخوانى اتخذو كل الازم وسوى اوراق ثبوتيه
وطبيه وصارت حمده بعد 22 سنه
حمد بيوم وليله
صراحه حالنا ياسليله كان صعب حيل
حتى لما جت حمده تطلع مع ابوى للشارع ماقدرت تطلع بدون عبايه
واخوانى يقولون شلون يشفونها الناس
وتصدقين بيتنا امتلى من الناس من ربعنا كلهم جو يشفون حمد عقب ماكان حمده؟؟
سليله : وكيف نفسيتها الحين
فضه : الحمدالله
بس
سليله : بس إيش يافضه
فضه: بس حمده اقصد حمد محملنى رساله لك ياسليله
سليله : رساله لى انا ؟
يتبع