صباح الخير يا دوودي ( دلع مدونتي ) صباح النور والسرور والحبور والورد والزهور والبخور والعطور
صباااحكم سكر
بقولكم شي لاحظته بالايام الاخيره ان الناس بدت تموت >> الله يسد نفسك عالصبح
لا والله من جد صديقاتي اكثرهم عندهم ناس ماتوا
طيب بقولكم صديقاتي كل وحده من مات عندها بس ما بقول اسماء صديقاتي بقول صفه فيهم
المهم
نعوومه قبل يومين اظن جت للمدرسه متضايقه ويوم سألناها وش فيك قامت تصيح وتقول عمتي ماتت
وعمتها كانت مريضه بس نسيت وش مرضها الله يرحمها
وصدقتي ام كشه تقول ان جدتها ماتت والمشكله ولااا همها تضحك وتنكتت حسيت ودي امعط كشتها
وصديقتي كريهه ماتت خالتها قبل شهر تقريبا وسببت لنا ازمه بالمسن خرعتنا نحسب وحده من فصلنا ماتت المهم الله يرحم خالتها هي بعد كانت مريضه مدري بايش
وصديقتي نذله امس تكلمني بالمسن وتقول ان وحده تقرب لهم ماتت وهي رايحه للجامعه مع اخوها واخوها بالمستشفى اما هي ماتت الله يرحمها
وصديقتي مدمنه بيبي كاتبه بالمسن الله يرحمه ويغفر له وسألتها من هو اللي مات لسى ما ردت علي
وصديقتي على نياتها اظن يوم الثلاثاء غابت ويوم جت الاربعاء قلنا لها ليش غبتي قالت عمي مات عاد يا حياتي عنده اولاد وبنات كثير ولسى صغار الله يحفظهم ويعين امهم ويرحم ابوهم
وبس واذا مات احد ثاني لا سمح الله بقولكم ادري نكدت عليكم بس والله شكل القيامه قربت بدين واصير مطوعه
الله يرحم كل موتى المسلمين ويغفر لهم