هلا و غلا
امم انا ماادري شنهو اقول شفتوا ميني اللي فوق انا كل يوم اسوي مثلها احط يدي على خدي و ملانة

كــل يوم يكون ملل ... تصير معجزة اذا كان اليوم كله مافي ملل

انا مليت كل يووم يصير نفس الشي و لا يتغير و لا يصير شي جديد
اش اسوي ><
هاذي حياتي اللي كل يوم تصير و لا تتغير ><

اقعد من النوم في الصباح افطر بيض مع كابتشينو ، اروح

بعدها المدرسة المملة و اردس و اسمع الشروح اللي تجيب

النووم ، وبعدها فسحة كل مررة اشتري فلافل و عصير برتقال
مليت مافي شي جديد .

وبعدها ادرس و ثم ادرس وبعدها على البيت ارجع مشي في
الحر و العذاب .. و اصل اخيرا في البيت و اقول السلام عليكم
واتغدا كل رز ثم رز اه انا مليت من الرز ....
وبعدها اجلس على

اللبتوب او اذاكر او انام وكل يوووم يصير نفس الشي و لا يتغير

اش اسوي
اعمل ايه؟؟؟
ابي شي جديد ... ابي مغامرة...انا احب المغامرات مرررة

يمكن انا بجرب ....

اطب من فوق برج ايفل واحس بالهواء لمن اطيح ياسلاام و اشوف العالم كله

او اجرب

اتزحلق في الاهرام ... شكلهم وكانهم زحليقة.. انا قبل لمن كنت صغيرة كنت احسب الناس تتزحلق عليهم ههههه

او اجرب

اسبح في البحر مع الدلافين واركب فوقهم و العب معاهم

او اجرب

انام نومة حلوة مع الفهود ... انام في وسطهم ونقعد نسالف مع بعض واطلب منهم ياكلون المعلمات اللي يزهقون الواحد

او اجرب

اسوي جريمة و يدخلوني بالسجن ... نفسي اجرب شلون الحياة بالسجن حلوة و الا مملة؟؟ انا شكلي بلعب مع الشراطي و بزهقهم

او اجرب

انتحل بشخصية رجال ... واسوي نفسي وكأني رجال .. واطلع بالشوراع وامشي براحتي ..

او اجرب

اهــرب من البيت ... واروح اسافر في عالم ثاني

انتهيت واخييرا
هاذي الاشياء اللي انا ابي اسويها
واحلى وحدة اعجبتني اني انام مع النمور
>>>> استجنت البنت من كثرة الملل الزايد
ههههههه
انا كنت مليت وكان نفسي اسوي هذا الموضوع من زمان انا كنت كتبته على دفتري

وبعد يمكن المرة الثانية بسوي اغنية حقت الملل اسمها ملل كلل بلل ^^
اذا كان يبقى مغامرات انا ماقلتها.. قولو لي علشان اذا انا كبرت اسويها ان شاء الله هههههه


هههه انا لمن سويت هالموضوع حسيت بفرحة كبييرة ^^
انا مجنونة صح؟ ههههه
ياويل ان احد منكم قال صح انا مجنونة

-:مواضيع أخرى تفيدك:-

• لمـاذا مــآء العيـن مآلـح !! ومـــآء الآذن مـرآ !! ومــآء الفم عذبـآ .. !!‏