وعليكم السلام ورحمة الله وبركاته
أولا : أشكرك أختي على وضع هذا الموضوع المهم
ثانيا :
هل تقبيلن لنفسك ان تكوني علكة فى فم كل شاب يتباهى امام
اصدقائه بانه يضحك عليك وفعل معك كذا و كذا .. ؟؟ !!
طبعا لا وأي بنت راح تجاوب نفس الإجابة
حتى البنات اللي ينجرون وراء ذا الشيء
والخطأ يكون من الطرفين
فغالبا تكون البداية من الشاب وهذا هو الخطأ
والفتاة لما تنجر وراء كلامة وتفتح له الباب وهذا خطأها
لكن مثل ماقالوا الإخوة إذا وقفته عند حده من أول مرة
وسكرت الباب بوجهه فبإذن الله ماراح يقدر يوصلها
بس ليه إحنا نركز على الشباب لأن أكثر اللي يبدأون بذا الشيء هم الشباب
إذا ماكان كلهم هم يخدعون موصادقين بس يتسلون
أما أكثر البنات اللي ينجرون وراء هذي الأشياء يكونون صادقين بمشاعرهم
وينجرفون وراء عاطفتهم ومعروف إن البنت تتأثر بالعاطفة
وهذا اللي يخليها تقع فريسة الذئاب الجائعة
وإذا ضاع شرف البنت ضاعت كل عائلتها والمجتمع كله يلومها
حتى لو كانت صغيرة في السن وهذا معروف عند مجتمعاتنا
بس الولد لا له ألف عذر لسى صغير وطايش يكبر ويصلح ان شاء الله
وحنا مانتهم بذا الموضوع الإخوة الشباب لا بس نحب نوصل الصورة
الفرق بين الأولاد والبنات مثلا إذا خرجت أختك للسوق أكيد راح تخرج معاها
حتى لو هي أكبر منك بعشر سنين !!!
أما أخوك الولد راح تخرج معاه أكيد لا حتى لو كان أصغر منك ليه ؟؟
هذا هو الفرق لأن البنت بطبعها ضعيفة وعاطفية وتحتاج لأحد يحميها بعد الله ...
أحنا مانلوم كل الشباب ونتهمهم بالخطأ إحنا نتكلم عن الشباب الفاسدين
بل هناك بعض الأخوة يعملون المستحيل للدفاع عن بنات المسلمين إذا شافوا أحد يتعرض لهم
حتى لو ماكانوا يرقبون لهم من الغيرة التي في قلوبهم على أخواتهم المسلمات
وان شاء الله انهم كثير بيننا خاصة في منتدانا الغالي
وإن شاء الله كلكم فيكم خير وصلاح
أرجوكم لا تفهموا الأخوات غلط
هم ما يقصدون الإساءة لأحد لكن الكل يعرف ويسمع القصص المحزنة
عن هؤلاء الذئاب البشرية المفترسة ومين الضحية دائما ؟؟؟
نسأل الله أن يحفظ شباب وفتيات المسلمين من كل سوء وفتنة
يارب العالمين
الصراحة هذي أول مشاركة لي في هذا القسم
وهذا تقصير مني ولكن الصراحة شدني هذا الموضوع
فأحببت المشاركة ولو بكلمة وفق الله الجميع لما يحبه ويرضاه
جزاك الله خير أختي على هذا الموضوع الذي هو في غاية الأهمية
جعله الله في ميزان حسناتك
وفقك الله وسدد خطاك
أختـــــــــــكم ابتســـــــــــــــاااامة