السلام عليكم ورحمة الله وبركاته

هذي قصيده كتبهتا علي طلة عام 2011 {كل عام ومنتدى مونمس ورواده واحبابه بالف خير }
ولانها فيها افراق وتلذيع ما حبيتش انحطها بداية العام
لكن فيها بيت نهديه لكل من يقرا قصيدتي :

ويا 2011 نبوك .... عام خير علي كل غالي

ومش حنطول عليكم ...هذي القصيده

لي عام في عام ياعام .....2011 حاير
كل عام نبداه باحلام ....ويختم علي بقهاير
اكملنا امواهيم واوهام ....والنوم م العين طاير
من غاب مكحول لميام ...مااعرفت وش في صاير
من غاب بوثغر بسام .... ما ايقول فيت الثماير
بودور ما ايلما لمام ....يو ما ايحل الظفاير
بوخصر امحزم احزام ...بوخد كي البدر ناير
بوضحكه اتحيد الغمام .... اتجلي كل هم صاير
كان طل علي ايطل سلام ....مع طلته اتطل البشاير
اللي غيتي افــــ{ غيره } حرام .... اللي قلبي امعاه طاير
اليوم غاب دار فينا اجرام .... مستوه خاطري يانا وحاير
من غيبته انظاري اورام .... طب شين في العين داير
عليه يبكن كي بكي ليتام .... اللي بين عديمي الظماير
بعد غيبته ناصبات لخيام .... ياانويرتي انعمن م القهاير
وان غاب راه غاب باقسام ....ارظينابا والقسم جاير
دالن علي لقسام باحكام .... ابقي ربحي امعاهن خساير
وكل دي القيناله عزام ....ومع غيبته العزم خاير
بعد غيبته عفت المنام ....انهاب جيتا في الحلم زاير
انبات في ظلام يلفالا ظلام .... مع ياس دما فاير
قولوا علي من غاب السلام ....علي دارن شينك دواير
ـــــــــــــــــــــــــــــــــــــ
ومن غاب دواي لسقام .... شفاي اجروح الخواطر
ومن غاب غالي لسوام .... ذهب يوتزن بالقناطر
من غاب اكمل عمري الام ....واجروح كل يوم اتساطر
من غاب عبيت لكمام .... بشبوب دمع م العين ماطر
ابقيت في ذرا ياس ظلام .... وفي افنون العذاب شاطر
ونلتام فيه نا كيف نلتام ....وجرحا دوبا ايتقاطر
وما انسيت مع طول ليام ....وكيف ينتسى اللي دوم خاطر
بعد غيبته ما ايفيد الكلام .... وعلى الله يزها الخاطر

ــــــــــــــــــــــــــــــــــــــــــ
ويا 2011 نبوك .... عام خير علي كل غالي
اجروح خاطري ونا انوصوك .... في العز عيش دلالي
وقولا غواليك ايردوك .... عليك سامرين الليالي
ايرق عزمهم ان كنهم طروك .... يبكوا بكي قليلي الوالي
وعلي عهدهم كي عاهدوك .... ايصونوا العهد مش م لنذالي
وعلي سومهم كي ماشروك .... مازال سعرهم فيك غالي
وعلي بالهم مايوم ينسوك .... انت لوللي ومالك تالي
وعلي حبهم من يوم حبوك ....ابقلب قبلك من الغلا خالي
وعلي شوقهم من يوم مافدوك ....بارواحهم وابكل غالي
وعلي طبعهم اللي بيه غالوك ....ياشبه جدي الغزالي
وعلي صبرهم اللي بيه ودعوك ....يدعولك عقاب الليالي
اتعيش في هنا اللي بيه سموك ....ودوم يحفظك ربي العالي
اتعيش في هنا اللي بيه سموك ....ودوم يحفظك ربي العالي

-:مواضيع أخرى تفيدك:-

• ساعات شبابيه 2011- ساعات رجاليه من ارماني 2011 - ساعات مميزه للشباب 2011
• حفل توزيع جوائز الفيفا 2011 | حجم صغير _ ميديا فير |Fifa celbrition! 2011
• تحميل اوبرا 2011 | Opera 2011 by NaSxCv| على مونمس حـصريـا من شرحي + رفعي
• مشاهدة كلاسيكو دوري ابطال اوروبا 2011 | ريال مدريد vs برشلونة 27/04/2011 نقل مباشر