تعـال شـوف الجـرح علـك تأثّـر
وإلا تـهــزك ذكـريــاتٍ قـديـمــه
باقـي مـن الأطـلال رسـمٍ تـدثّـر
وفتـوق جـرحٍ فـي فراقـك أليمـه
الجرح .. بيدك امسحـه ويتخثّـر
مالـه دوا غيـرك يامـال الغنيـمـه
تـعـال تكـفـى كــف دمــعٍ تـنـثّـر
مـاعـاد بالدنـيـا قـلـوبٍ رحـيـمـه
حبك كثير .. وحب غيرك مكثّر
أبنـي عليـك آمـال حـبٍ عظيمـه
وان كان ماشفتك ووصلك تعثّر
باموت وانت المُدّعـى بالجريمـه
ولامتّ يمكن عقـب موتـي تأثّـر
وتطري عليك الذكريات القديمـه