ملتقى مونمس ® - عرض مشاركة واحدة - |~|~ يوميات داشر سلتوح 4 ~|~|

**الفتى المبدع** · #1 08-13-2011, 09:04 PM

السلام عليكم ورحمة الله و بركاتة

كما عودتكم احبتي اني كل يوم اكتب عن جانب من حياة دويشر

المهم انتم تذكرون ان دويشر و نويصر الحين متزاعلين

وان دويشر راح يشتغل في سوق التمر

{ مسكين دويشر }

اذاً عنوان اليوم

{ الفصل الرابع = يوميات داشر سلتوح }

{ دويشر و سوق التمر }

اليوم دويشر المسكين راح يشتغل في سوق التمر

الان نسمع خطوات الوالد وهو يذهب الى غرفت دويشر المسكين

دخل الوالد الغرفة ورئى دويشر البريء وهو نائم << ههه اي هين بريء

الوالد : دويشر قم

دويشر : وش تبي

الوالد : قم اليوووم وعدك عقاب انك خليت رجل نويصر تنكسر اليوم راح تشتغل في سوق التمر

دويشر : آآآآآآآآه

لا تذكرن بالمضاجع { الآلام } نويصر الزلابة كل هذا منه

دويشر : قاعد يتدلع يحمد ربه اني خليته يركب معي في السيارة

دويشر : سووووووق التمر وععععععععععععععععععععععععععع

فز دويشر من النوم

دويشر : لا ما راح ارووح يا يبه شمس و حرر و بلاوي لا وبيع << ما كنه يلعب حواري

بعز الظهر لا وهو حافي الحين صارت حر و شمس و بلاوي ههههه

ابو دويشر : تروح وانت ما تشوف الجاده زين بعد انفعنا شوي

دويشر : ههههه والله عليك ضحكة تقل ضحكة نفسيات ههههآآي

ابو دويشر : قم لا بارك الله فيك

ذهب دويشر الى سوق التمر ومعه شحنة تمر ليبيعها بدل الوالد اليووم
يكوون في علمكم ان شمس بريدة
قادرة على تحويل التركي مهند الى دويشر من حرارتها

دويشر : وعععععععع وش هل العاااالم البااايخة مين يجي سوق التمر بعز الظهر

الشايب : بكم هذا يا ولد

دويشر : لو سمحت ياعم ما تلاحظ انك تمووون بزياااادة << ههههه ما يهمه احد

الشايب : عيااال اخر زمن يوووم اناا كبرك كانت عندي كل اخلاااق الرجووولة

دويشر : باين مررره لا ما شاء الله عليك واااضح

انك يوم انت صغيير غزااال و نشيط و علااامة و تقي و زااهد و رجااال و بطل نينجا بعد

الشايب : وشو النينجا هذا

دويشر : اقول روح { اذهب } الله يستر علينا و عليك شكلك ما تتابع ناروتو

دويشر : والله يا جدي انصحك تروح للدكتور واضح انك بديت تخرف

الشايب : يعني اروح لدكتور الاذان

دويشر : اي دكتور اذان يا جدي واضح انك مخفة { دبشة = سبيكة = ما فيه عقل } روح لدكتور نفساني

الشايب : اقول اسكت ما تدري اني سوبر مان

دويشر : الله يا جدي كيف عرفت سوبر مان شكلك اكشني طيب تعرف الجدار

الشايب : ايه اعرفه هذا سؤال

دويشر : روح طق راسك به واضح انك شارب لك شيء اليوم لا يكون مفطر فول

دويشر : ترا الفول ما يصلح لك يا جدي

الشايب : لا بارك الله فيك ايه هذي اخلاق هذا الجيل الفاسد

ذهب الشايب بعيداً ولم يشتري من دويشر شيئاً لانه لا يتمتع با اخلااق التاجر

{ بعد مرور ساعه كاملة }

دويشر طفش { زحق = مل = ماله خلق احد } من الحال و قايل لنفسه انه راح يخسر ابوه ولا راح يخلي احد يشتري منه << داهية الولد يرد العصا عصأين

جا شخص الا دويشر ويبدو انه في الثلاثينات

الشخص : كم هذا مدير

دويشر : هي هي احترم نفسك وش قالو لك هندي

الشخص : لا تمد لسانك ولا قصيته يا قليل الادب

دويشر : لا ما شاء الله تصدق احس ان قدام شخصيه مهمة و خلوقه اقول ضف وجهك شايف نفسك في المراية الحبوب مفقعه وجهك هههههههههه

الشخص : عااااد شااايف نفسك انت وجهك ماكله العنقز

الشخص : لا بارك الله فيك من زين تمرك ما راح اشتري منك

دويشر : اقول روح يا اخوي لا تشتري ابد فرح بفلوسك هه عاد من زينك <<

ذهب الشخص و وجهه مملوء بالامتعااض والقهر

{ العصر }

جا شخص باين عليه انه معضعض { عضلات = قوي = تقل مصارع } و راح يبي يشتري من دويشر المهايطي

المعضعض : كم الكيلو يا ولدي

دويشر : اقول روح الله يستر عليك وشو ولدي وراه اللي يسمعك يقول زوجتك امي من زينك انت و زوجك

المعضعض عصب { غضب } : اقول اسكت لا اقوم اتوطى في بطنك

دويشر : تخسي { ما تقدر } اتحداااك وش قال قال اتوطى في بطنك اقول روح لزوجتك الله يستر عليك

المعضعض قام وبدا يضرب دويشر و الى بي ابو نص يشوف دويشر يضرب قام فك الهوشه

عندما ذهب المعضعض و دويشر مفقوع وجه

ابو نص : من زينك تهايط على النااس انت و وجهك قايل لك الف مره حسن اخلااقك بس ما تسمع

دويشر : آآآآآآآه يا شينه فقع وجهي ما احس بخشمي { الانف } الحين

ابو نص : تستااااهل والله من زينك تهايط كلك عضمين ولحمه

دويشر : اقول اسكت هذا اللي جيد فيه تتطنز على الناس

ابو نص : هذا جزاااي

اني فكيت الهوشة ولا الحين انت معااق

دويشر : اسف يا ابو نص ما قصدته

ابو نص : خلاااص انسى مسامحك

دويشر : جزاك الله خير

واذاً بنويصر قادم يمشي 100 كيلو في الساعة و قال : دويشر يا قلبي وش بك مين ضربك خلن افقع وجهه

دويشر : اقول روح مزاااعلك اناا هناا بسبتك آآآآه تخيل انا اخر عمري ابيع تمر < هههه متكبر الولد

نويصر : تكفا سامحن يا دويشر الدنيا بدونك ظلما

دويشر : ولع { شغل } كبس

{ ضوء = مصباااح }

نويصر : هههه يا خف دمك

دويشر : كم كيلو

نويصر : طنين

ابو نص : واضح انه ما شاء الله خفيف

دويشر : يا خف دمك

نويصر : وانت بعد

نويصر : سامحتن

دويشر : ايه بس اخر مره خيانات صداقية ولا افقعلك وجهك سامع

بدا نويصر البكاء من الفرحة كنه مضيع كنز عاد من زين دويشر عشان يصيح عليه ههههههههه

و عاد دويشر الى المنزل و غضب ابوه انه ما باع شيء ولا عمره خلا دويشر يبيع ثانية يدري انه راح يخسره

عاد دويشر و نويصر صار اصدقاااء مره ثانية ولله الحمد

تعلم دويشر انه ما يطول السانه على انسان معضعض

لانه يعلم العواقب

انتهى يوم من يوميات دويشر
اتمنى نال الفصل الرااابع على اعجابكم

ولا تنسوون الردوود و الشكر و التقيم للموضوع و التقيم الشخصي << طماااااع

في آمااان الله

-:مواضيع أخرى تفيدك:-

|~|~ يوميات داشر سلتوح ~|~|
|~|~ يوميات داشر سلتوح 2 ~|~|
|~|~ يوميات داشر سلتوح 6 ~|~|
|~|~ يوميات داشر سلتوح 5 ~|~|
|~|~ يوميات داشر سلتوح 3 ~|~|

التوقيع :

شكراً للأخ دايخ فلعبه بايخ على التصميم الرااائع

مشارك في حملة اعرف ديني و مشاركتي عنواني و متميز آنا و تنسيقي ولا أروع