تفيذا لرغبة الأخ shihab8899 نقلت الموضوع هنا وكنت كاتبنه في موضوع( ممكن اطلب طلب......... )
هو قال في استراحة الشباب بس انا راح انقله هنا لأنه المنتدى العام اكثر زيارة
المهم هذا الموضوع
قبل لا ابدأ اريد اقولكم بأني كتبت تقرير طويل عن عمان بس انحذف كله بالخطأ وراح عني ولحد الحين بعدني معصب
المهم سلطنة عمان هاقد بدأنا >> بعده معصب لا تلوموه
الاسم : واضح من العنوان
تاريخ الميلاد : ههههههههههههههه
الاقامة : ما لازم تعرفون
يلا يلا بلا مصاخة >> بعده معصب
احلا شي ف السلطنة الحر الشديد الذي يميزها ههههههههه
وراح اتكلم فقط عن نزوى سيتي 
وين ما تجي وين ما تبغى تروح ,, نزوى سيتي بابها مفتوح
ههههههههه
اهم معالم ولاية نزوى هو ..... طبعا الكل يعرف وهذا شي واضح اكيد هو ..... بيتنا طبعا خخخخخخخ
والبيت اللي جنبنا لأنه جنبنا اصبح من معالم نزوى يعني بالحظ صار جنبنا وصار مشهور خخخخخخخخخ
ولا ننسى معلم سياحي قوي جدا ألا وهو (ديت نفس) المزرعة اللي موجودة جنب بيتنا والنخيل اللي فيها اطول من برج خليفة وسندخل عام 2012 ومانعرف بعدنا من صاحبها الرئيسي ههههههههههههه
طبعا العيشه ف نزوى لا تقدر بثمن يعني ع بالك تعيش ف باريس
ومن مميزاتها حر شديد و حر شديد واحلا حاجه انه نزوى هي الولاية الوحيدة اللي تتبند فيها الكهرباء << شوفوا كيف الاقتصاد
وشهاب ذكر سوق الصنصرة وانا ما انصح اي شخص يدخله لأنه لازم يكون عندك قاموس الفصاحة العمانية الشيوبية ,, وحتى انا ما عندي هذا القاموس لأنه ما مفهوم
مثلا تنزل سوق الصنصرة وبتشتري من عند رجل عجوز وانت تريد شي وزنه 4 كيلو هو ما بيقولك 4 كيلو بيقولك ( من ) والـ (من) ما مقصودة من للشخص وانما الـ (من) اداة وزن للشيوبة ههههههههه وانت روح السوق وخليه يقولك (من) و قوله انا فلان بن فلان هههههههه
و مو بس كذاك بعد شي حاجه حلوة
انت ماراح تفهم كلامه ابدا و آخر شي بيقولك شباب اليوم ما فالحين ما يفهموا شي نحنا اول كنا نعرف كل شي وبيسألك تعرف شو هو : ميبر , الكرخانه , نما , مكن , طنم << لا انصح بقراءة الكلمات لأنك ماراح تعرف تقراها ههههههههه طبعا اول كلمة وثاني كلمة واقعيات بس الباقي من تأليفي هع هع
نزين شو بعد ::
ايوا ايوا تذكرت ,, سوق الخضرة ف نزوى يعتبر أهم من برج ايفل ف باريس هههههههههه ويجيب دخل أكبر
تحصل 70 شاحنة مصفوفات وكلهم يبيعوا نفس الشي وشاحنة وحدة فقط الناس متجمعين عليها ليش ؟؟ لأنه يخفض 100 ببيسة عن باقي الشاحنات ههههههههههههههه ديسكاونت ولا أحلا
يعني انت يخلصك توقف ف الشمس 30 دقيقة عشان 100 بيسة ؟؟؟ والله شي غريب ههههههههه
نسيت اذكر شي حلو وعجيب
تعرفوا أن حبة الرمان العماني النيابي النزواني قيمة الوحدة بريال هههههههههههههه يعني ب10 ريال سعودي يعني بدينار كويتي يعني ب10 درهم اماراتي يعني ب3 دولار امريكي خخخخخخخخخخ
اول منتج عماني يكون غالي
معقولة رمانة وحدة قيمتها 10 ريال سعودي؟؟
هو صندوق الرمان كله قيمته 10 ريال سعودي
بس هذا منتج عماني ماشويه
وطبعا محد يشتريه ههههههههههههههه اللي يشتريوه قليل
نزين شو بعد اذكر لكم
صح صح , اذا تجي نزوى وتريد تروح أماكن سيايحية ما عليك إلا انك تروح .............. طبعا المزارع ههههههههه
وبستان شنجبه > محد راح يفهمها ههههههههههههههه
واذا تحب تشتري اغراض للبيت او اغراض سيارة او تصلح سيارة او تبني بيت او تذكرة سفر او تريد تطلع القمر روح دكان سعيد العنقودي هذا يبيع كل شي هههههههههههههههه
وبمناسبة قرب العيد راح اذكر لكم تقاليدنا الحلوة
طبعا اهم شي ف العيد كلكم تعرفوه وهو .... تربح فلوس من هنا وهناك وكله ببلاش بس روح صافح اي شخص و اربح فلوس هههههههه
لا لا طبعا اهم شي زيارة الأهل والأقارب
وفي عادة حلوة عندنا وهي ان الناس تبيع ف مكان مخصص >>> كيف اشرحها هذي
ايوا ايوا عرفت ,, تشوفوا المكان اللي يباع فيه الأبقار ؟؟ هذا المكان في ايام العيد بعد انتهاء الأبقار يصير احلا مكان للأطفال هههههههههه
الشباب يبيعون فيه الألعاب والحلويات ,,
وتحت شي ساحة كبيرة يسوون فيها ( رزحة ) رزفة وان شاء الله بنزل عنها موضوع ف العيد >> بس ما اوعدكم
وراح اذكر لكم شي حلو وهو سبب نزول الناس للسوق ف العيد
الأطفال : عشان يشتروون مسدسات بلاستيكية ويسوون فيها حروب ع بالهم توم كروز
الشباب : شي اكيد طبعا مغازلة تايم هههههههههههههه
شي حاجه حلوة نسيت اذكرها
سوق الجمعة : وهذا السوق الله يسلمكم يكون الصباح من الساعة 6 لحد 9 على ما اعتقد ,, وطبعا يكون كل جمعة قبل العيد ب15 يوم يعني قريب يبدأ
واللي يميزه انهم يبيعوون الوزار ارخص من المراكز التجارية المريحة ب100 بيسة
وتصور هذا معي : تصحى الصبح الساعة 7 وتروح السوق والحرارة تأدي دور قوي في هذي العملية توصل لسوق الجمعة تحصله مزدحم اللي يبيع مواعين واللي يبيع ملاعق << تراه الملاعق من المواعين يا ذكي
واللي يبيع الوزار << ونحنا هنا موضوعنا
مثلا بتحصل الوزار قيمته 500 بيسة ,, وبتحصله ف مركز قيمته 600 بيسة
بس شو الفرق ,, بتحصل ف المركز تكييف وراحة وتكييف وراحة >> خخخخخخخخ شو الفرق
ولا ننسى بتحصل بنات << اللهم إني امرء صائم
وحبيت اذكركم تراه بعد العيد بتبدأ المتعسة ( المدرسة ) يعني يلا الشباب روحوا اشتريوا حقائب سوبر مان << احم احم
والبنات تشتري حقائب لولو كاتي وفله خخخخخخخخ
وميساكي سان تشتري حقيبة ام خماس هههههههه
وتوته توته خلصت الحتوته حلوة ولا فتفوته
وبعدني معصب خع خع
