يعني تبيع الوفاء في سوق هم وجفاء
يعني نسيت اللي حبك بعت الوفاء في الخفاء

رضيت أنا أكون غلطان علشان ترضى بغفران
لولا غلاتك وحبك ما جيت ساري وشفقان

جيتك من الشوق ضامي وأسقيتني مر حامي
ياليتني ما عرفتك ولا بديت بسلامي

كنت أحسب تحس فيني ويبكيك دمعي وحنيني
الظاهر الظن خايب ما حركك دمع عيني

خذ اللي تملك وروح يكفيني منك جروح
هذا زمان العجايب ما تنضمن ما فيه روح

اسمح لي بدعي دعاة دوم الله يجزاك في يوم
وتشوف فعلك بحسرة وتشوف دعوة مظلوم