لا انا هاشرب عصير قصب...؟؟!!!....

**شمس الرسالة** · #1 03-13-2011, 11:26 PM

واحد من حبايبنا لقى في جيبه جنيه..
قال:
قدامي حل من اتنين يا أشرب بيه عصير قصب
يا إما أركب بيه الأوتوبيس

لو شربت عصير قصب مفيش مشكلة لكن لو ركبت الأوتوبيس في حاجة من اتنين
يا أقعد يا أقف

لو وقفت مفيش مشكلة لكن لو قعدت حاجة من الاتنين:
يا أقعد جنب راجل يا أقعد جنب ست

لو قعدت جنب راجل مفيش مشكلة لكن لو قعدت جنب ست يبقا حاجة من الاتنين:
يا هنعجب ببعض يا مش هنعجب ببعض

لو ما أعجبناش ببعض مفيش مشكلة لكن لو أعجبنا ببعض يبقا حل من انتين:
يا نتجوز يا منتجوزش

لو ما اتجوزناش مفيش مشكلة، لكن لو اتجوزنا يبقا حاجة من الاتنين:
يا نخلف يا منخلفش

لو مخلفناش مفيش مشكلة لكن لو خلفنا يبقا حاجة من الاتنين:
يا ولد يا بنت

لو بنت يبقا مفيش مشكلة لكن لو ولد يبقا حاجة من الاتنين:
يا هينحرف يا ما هينحرفش

لو ما انحرفش مفيش مشكلة لكن لو انحرف يبقا حاجة من الاتنين:
يا هيدمن يا ما هيدمنش

لو ما أدمنش يبقا مفيش مشكلة لكن لو أدمن يبقا حاجة من الاتنين:
يا هيكون معاه فلوس أو يكون معهوش

لو معاه يبقا مفيش مشكلة لكن لو معهوش يبقا حاجة من الاتنين:
يا هيسرقني يا هيقتلني

لو سرقني يبقا مفيش مشكلة لكن لو قتلني يبقا

*
*
*
*

يا نهار

يقتلني؟!!!!!!!!

لالالالالالالا انا هاشرب عصير قصب

-:مواضيع أخرى تفيدك:-

هل جربت عصير ضفادع ؟؟؟ تفضل معنا
عصير صراصير
عصير البرتقال علاج للجسد والنفس
قصة سيدنا عزير علية السلام