يوميات بنت دلوعه وبنت عربجيه.....لا يفوتكم

**ليه يا حلم** · #1 01-10-2011, 05:22 PM

الناعمه :
طبعا وهي نايمه الدبدوبي والغزولي والارنوبي كلهم في حظنها >> يقالها مشاعر فياضه
واذا قامت من النوم ما تقوم الا الساعه 1 الظهر لا بعد واللي يصحيها الشغاله<<< تقومها بالأنجليزي
بس أنا راح أترجمه لكم : يالله مرام قوم ماما في قول قوم عاد ( يمديكم على الترجمه )
هي تقول أوكي وتجي أمها وتصحيها مره ثانيه يا مرام حبيبتي أصحي
.. ترد مرايم ..
ماما والله بدري الساعه 1 الظهر بدررررري <<<< تدلع هي وخشتها ..
قامت البنت من السرير وفتحت الستاره والشبابيك .. علشان الغرفه تتنفس .. يآآآآآآآآي ( أموت بالركه )
وشغلت موسيقى رومنسيه علشان تروق بنت الحلال وراحت تاخذ حمام محترم وبعد ما تطلع من الحمام ورررر
على المرايه تحط من هالكريمات والدعافيس على وجهها
تعرفون شباب لازم تحافظ على البشره خلصت من المرايه وتتجه الان الى الاستشوار وش..وش..وش..
وش لحووووووووووول ساعتين عز الله اللي اندمرت هالشوشه... خلصت منه
دقت البنطلون الجينز والبلوزه ( هي لبست على الموضه بس ماني قايل )
ونزلت تحت تفطر على كاس عصير برتقال / ياي مسويه ريجيم

نجي للعربجيه << أمووووت أنا بالعفاشه
تقوم الساعه 8 الصبح وهي ما ودها تقوم وجات أمها تقومها .. يا سوير قومي يا مال الحمى
لحووووووووووووووووووول زين زييييييييين <<< أهل الحاره يصحون معها
بس لو تشوفون شكلها وهي نايمه.. كراع هنا وكراع هناك .. لا وكل ثلاث
ساعات وهي طايحه من السرير >>> شايفتلها تفحيط يخرع
يجي أخوها حميد <<< أسمه محمد بس يدلعونه حميد
ويقومها مره ثانيه ياااااا سوير تقول امي قومي جعلك الموت
ترد سوير..اقول اطلع ولا صكيتك على جبهتك
ويجي مناحي أخوها الكبير ... سوير وجععععععععععع ..
ويعطيها ذيك الرفسه اللي خلت عظامها تهلهل >>> عاش مشووووت
وبعد تلك الرفسه العنيفه ... فزت فزه ما يعلمها ألا الله
وقالها مناحي..قومي صلحي فطور عشر دقايق الا وهو جاهز زينننننن
شوفي ابي قرص وخبز مسح < يعني خبز على الحديده > يعني..<< اقول اخلصي
وقامت بعد جهد جهيد وعلى شتم ولعنت الحي والميت حتى ولد عم جد أبوها ما سلم منها

ونرجع للدلوعه و1111111111و << أنكسر ظفرها
هذي ما تتغدا ألا الساعه 3 ولا 5
ولا تتغدى ألا على رز أبيض مسلوق وسلطه <<< تحافظ على الرشاقه "راعوها"
العربجيه : تتغدا الساعه 12 بالضبط
ولا تتغدا ألا على كبسه ولا خلصت ألا كاس اللبن مراعي متولم عندها تشربه شربه وحده يعني
ما في مجال انها تنفس وتترع ذيك الترعه أأأأأأأأأأأأأع << طالعه من قلبها
الناعمه : طلعتها تكون من بعد صلاة المغرب <<< ما تطلع في العصر يآآآآآآي تحافظ على البشره

العربجيه : تطلع الساعه 2 القايله وتدقها كعااااااااااابي لبيت خوالها ألين تنقلب خبز أسمر
الناعمه : تروح للفيصليه ولا المملكه وقبل ما تروح السوق تمر على المشغل علشان تحط ميك أب سوق
<< مكياج سوق >> على بالي أشرح هع
العربجيه : تروح لسوق النسيم عشان تلقى العرابجه اللي مثلها
الناعمه : أذا طلعت تطلع مع يارا ولارا << وخياره >> ورولا ومايا <<< أروووح يالموضه
العربجيه : تطلع مع بنات خالاتها وضحى وعمشى وشقحى ومزنه ومنيره ( يعيش التراث )
الناعمه : أذا شافت واحد حلووووووووو لابس صح وماركات وحركات وحاط سكسوكه
ومحد قده قالت يآآآآآآآآآي بنات نازرو >>> يعني "ناظروا هذا الله يسلمكم"
ماغير من الدلع >>> ياربيييييه وآآآآو عاد البنت أعجبها الشاب اللطيف هذا ودها تحتك وتقوم وتمر من عنده وتدفه بكتفها
ولا دفته بكتفها قالت أوووووووه آسسسفه ويرد عليها : لا عادي على أيش الأسف عيوني
وتبتسم ذيك الابتسامه اللي شقت وجهها وتخزه بهالنظرات وتسلهم بهالعيون وهو دوره ماتلقاه من الحياء
العربجيه : لا جات تزين شخطت هالعيون بهالكحل اللي يضرب لين آذنها وتضرب بها البرقع
وطلعت هي وشقحى ومنيره ومزنه وعمشى لسوق النسيم
عاد العربجيه يمر من عندها واحد راكب جيب فكس اااار موديل 2002
وداق شماغه كوبرى ويمر بهالجيب وسوي حركات أستعراضيه
وتقول يا بنات تكفووووووووون شوفوا ياويلي ويلاااااااااااااااه تكفون يالربع
وتقوم بنت الحلال وتقزززززه قز والرجال راح في خرايطها وعاد لا شافها تقزه
قال : يا غزال أرحم حالييييييي يا ويلي "تكفون ياعربان"
الناعمه : أذا مر عليها واحد قروي قالت وععععععععععع الله يقرفك .. تقل شايفه صرصور الله يعزكم
نعم وش تبي يالله هناك بلا قراوى >>> أدددعسس يالرقيقه
العربجيه : أذا مر عليها واحد لا بس بلوزه ضييييييييييييييييييقه وبنطلون ضيييييييييييييييق
<<< باين أنه منكتم من الضيق
وقالها يا حلو عطنى وجه قالت : أقول أحسن لك ضف وجهك لا يجيك شي ما يطيب خاطرك
قال : ليش العصبيه هذي ؟؟؟
قالت : أقول والله لو ما تضف خشتك لا أتوطى في حوض بطنك علم جاك وتعداك
ترى ماأبي أغلط عليك تراك مثل أخـــــــــــــــــــتي <<< يقالها ما غلطت الحين
>>> والله بصراحه شكله بنت
الناعمه : لا جات تضحك هههههههه
العربجيه : أذا ضحكت أضحكت كذا هع هع هع هع هع ... الحمد لله والشكر
تقول بالعتنلها بعير واذا جات تمزح مع حميد أخوها أعطته كف حلاقه .. يعني كف قوي على رقبته
>> على بالها تمون
الناعمه : أذا تحب تسمع أغاني ما تسمع عربي خلقه ما تسمح ألا ريكي مارتن طبعا لأنه حلووووووو
وممثلها المفضل .. توم كروز لوسامته وميل جبسون وجيم كاري لخفة دمهم
وأحلى ممثله عندها جوليا روبرتس <<< ساعه لين جبت خبرها
العربجيه : الأغاني اللي تسمعها خلف بن هذال وحجاب بن نحيت وبشير حمد شنان
وعيسى الاحسائي >>> ياروحي يالفن
الناعمه : لما تتفرج ع التلفزيون تجلس على الكنب وتحط رجل على رجل وتبتسم لأن الأبتسامه
تضفي بشاشه على الوجه
العربجيه : لاجات تناظر التلفزيون تشوف غصب واحد وغصب أثنين .. وتجلس ع الأرض
وتحط المركا وراها والكراعين على التلفزيون وأن زهقت من القناة الأولى دقت التلفزيون
باصبع رجلها وحطت القناه الثانيه
الناعمه : أذا تبي تحلم أحلام اليقظه طلعت برى في الحديقه حقت بيتهم
وجلست على الكرسي هزاز وقام الكرسي يروح ويعود >>> مندمجه
العربجيه : أذا تحلم أحلام اليقظه طلعت برى في حوشهم
وفرشت البساط <<< أبو خمس طعش "اللي مخطط بأحمر وأزرق" / عرفتوه
وتحط المركا ودلة القهوه وشاهي وصحن مضير

آآآآآآآآآآآآآآآآآآآآآه يا بطني
هذا الموضوع جاني رساله على الايميل عجبني
قلت ابي اضحكم ...^^
ابي تعليقاتكم لا تنسوون
الى فهم الكلام يقووول...^^

-:مواضيع أخرى تفيدك:-

~ تعبت من الذنوب! .. ايدك يلا نتوب ~
إنسان لاتتمنى رؤية دموعه
بنت ناعمة ---- وبنت دفشة
لم يمنعه إصراره على المعصية من الجهاد
إنسان لاتتمنى رؤية دموعه